28/08/2026
: Congress vice president Pu C Ngunlianchunga, MLA chuan Chief Minister Pu Lalduhoma chu ram tana Pa nih tling loah puhin, rorellai ZPM party chu ‘kan ti lo ang’ an tihte ti leh si an nih thu a sawi.
Pu Ngunlianchunga chuan vawiin khan an party chhung inkhawmah thu sawiin, Assembly Session neih zawh takah Mizoram State human Right Commission leh ILP chungchangah Chief Minister Pu Lalduhoma chuan hlauh a ngah lutuk niin a sawi a; Pa berin fate hnenah hlauh tur insawi thaih reng hi a tha lo a, chumi avang chuan at huai tur erawh a ni lo. Pa chuan mipui zinga sawi tur thliar hran athiam tur a ni a, hriat zawng zawng sawi chhuah hi a tha lo, a ti.
ZPM sawrkar chu inthlan dawna an insawi loh anga awm, ‘kan ti lo ang’ an tihte ti lehsiah puhin Pu Ngunlianchunga chuan, electric bill tih san loh an tiam pawh an intiam loh danin an awm tih a sawi a; ‘Kan ti lo ang’ an tih pawh ‘kan ti ang’ tiin an inlet ta, a ti a, sorkar chuan mipui a bum nasa tih a sawi.
