Vanlalhmuaka

03/09/2026

BJP MIZORAM ṬHALAI STATE HEADQUARTERS PRESS RELEASE, DATED 1ST SEPTEMBER, 2026.

MIZORAM CM HIAN A THUSAWI TUR HRECHIANG HMASA ṬHIN RAWH SE

Tun hnaia CM interview-naah Mizoram-a sum van chhan ah a mawhphurhna la ngam lova puhmawh tur dang dap a, 'India ram ah GST tlakhniam vang' tia a sawi chu a mak kan tiin zahthlak hle ah kan ngai a, India ram GST hi July thla thleng khan ₹2.11 lakh crore a ni a, net revenue hi k*m hmasa aiin 15.8% in a pung a, thla 14 chhunga growth rate ṭhat ber lai a ni. GDP pawh Q1 FY27-ah 7.8% in a pung nghe nghe bawk a ni. Mizoram Chief Minister hian a thusawi tur hrechiang hmasa ṭhin se, a rin thu chhâk chhuak mai mai tawh lo turin kan ngen a ni.

Tin, Mizoram CM a ni tih inhria se, a thusawi vawi khat pawimawh zia te, Opposition ang mai a ala inngai emaw tih tura a khawsa fo te hi a zahthlak takzet a ni. Chuvangin, Mizoram pa a nih inhria in, pa dinhmun pawimawh zia hria a, thil tak tak ngaihtuah turin BJP Mizoram Ṭhalai Headquarters chuan kan chah a ni.

BJP Mizoram Ṭhalai Headquarters chuan, Mizoram-a Sorkarna chelh mek te'n Sorkar hmasa ten Tax an lak ve ngai loh Mizoram mipui aṭangin chhiah tam tak an lak hnuah an hmanna mumal mipui hriat theih tura puanzar mumal an nei lo leh a bikin Petrol leh Diesel-a Cess an lak pawh Kawng siamna tur anga sawi si a, kan kawngpui siam ṭhat loh tam tak awm leh, District hrang hrang inkalpawhna kawng chhe ta lutuk te hi a mak kan ti hle a, Sorkar hmasa te aia ṭha tura inzuar, Sorkar hmasa te aia chhe zâwk maha Sorkarna an kalpui hian Mipui thinlung an ti na hle a, thil ṭha zawk beisei a, ZPM sorkar nghakhleltute ngei pawh beidawngin an awm leh ta hmuh hian rilru a ti na takzet a ni.

Chuvangin, CM nihna te, Minister nihna te, MLA nihna chanvo te hi Mipuite avanga chang thei kan ni tih inhria a, kan thuneihna te hmang sual lo tur leh Mipui rawngbawl tura thlan tlin kan ni tih kan inhriat a pawimawh hle a, MLA zawng zawngte pawhin Politics bawlhhlawh, ramin a hlawkpui tur ni lo ah inham buai lova, mipui rawngbawlna atana rilru siam thar ṭheuh turin kan chah duh bawk a ni.

Issued By Information & Publicity Secretary, BJP Mizoram Ṭhalai Headquarters: Aizawl, Mizoram.



Bharatiya Janata Party (BJP) BJYM BJYM Mizoram_Official Robinson Hmar Ruatbika Hmar

03/09/2026

03/09/2026

New Delhi-a BJP Ṭhalai All State Office Bearers (OBs) meeting neih meka tel, BJP State Thalai President Robinson Malsawmtluanga Hmar leh Vice President H. Malsawmtluanga te chuan nimin September 1, 2026 (Thawhlehni) khan Union Minister of Youth Affairs & Sports Dr. Mansukh Mandaviya chu a chenna inah an hmu a, Mizo ṭhalaite'n infiamna (sports) lamah tun aia nasa zawka hma an sawn theih nan leh infiamna kawng hrang hranga hmakhua êng tak tak nei ṭhalaite'n hlawhtlinna ṭha zâwk an neih theih nan hmalakpui turin an ngen.



Bharatiya Janata Party (BJP) BJYM BJYM Mizoram_Official Narendra Modi Robinson Hmar

03/09/2026

03/09/2026

"BJP Mizoram State Ṭhalai hruaitute chuan k*m 2036-a India ramin Olympic thlen a tum naah, India ramin Olympic a thlen ngei theih nana hma la tur leh Mizo ṭhalai a tam thei ang berin India ram aiawha Olympic-ah an tel theih nan, Sports Infrastructure ṭha leh changtlung zâwk Mizoram-in a mamawh dan Union Minister Pu Mansukh Mandaviya an thlen"



Bharatiya Janata Party (BJP) Narendra Modi Mansukh Mandaviya Dr. K. Beichhua Robinson Hmar

01/09/2026

Khawvel buaina (Pandemic, Russia-Ukraine indona, US-Iran indona) hrang hrangin a ram changkang zawk te economy nasa takin a tihchhia a. Supply chain, logistics, oil & energy supply leh investment te khawvel hmun hrang hranga a buai mup mup laiin, nimin khan Indian economy chu 7.8% in a ṭhang a ni tih data thar ber aṭangin a hriat theih a ni.

Hei hian India ram hi khawvel buaina inkara economy ṭhang chak ber kan ni tih a nemnghet a, PM Modi economic model pawh ram dangte entawntlak a nih zia a tichiang hle bawk.

Congratulations to Hon'ble PM Narendra Modi and his team on this extraordinary feat. 🇮🇳🪷

01/09/2026

: BJP Mizoram President Dr. K. Beichhua chuan nimin khan Assam Chief Minister Dr Himanta Biswa Sarma hmu in Mizoram leh Assam thawhhona tur hrang hrang an sawi.

Guwahati-a inkawmna ah Assam CM Dr Himanta Biswa Sarma leh Dr K. Beichhua te hian Mizoram leh Assam te chu state ṭhenawm an nihna angin, kawng engkimah thawh dun a pawimawh zia sawiin, Mizoram leh Assam ramri chungchang pawh inbiakna felfai neih a, chinfel a pawimawh zia te an sawi dun a. Hei bakah hian MADC tan Guwahati-a Tribal Hostel sakna tur ram pawh an sawi dun bawk a ni.

Dr. K. Beichhua hi BJP Mizoram General Secretary Pu Delson Notlia in a tawiawm a ni.

01/09/2026

ADC-te'na sum chungchanga harsatna an tawh mêk ah hian a kaikuang chu ZPM Sorkar a ni a, ADC pathumte a hmangaih loh vang leh an thutiama an din loh vang a ni - Pu K Hrahmo, MLA & State Core Group Member



Bharatiya Janata Party (BJP) K Hrahmo