03/08/2026
PRESS RELEASE
ZPM General Headquarters, Mizoram Aizawl
Media & Publicity Department
PR No. ZPM -09/0A/2026/43
Dated Aizawl, the 3rd August, 2026
Deusawhna leh fakna avang te hian tha thlah thei kan ni lo, he ram tan hian hmabak kan la ngah
– Pu B. Lalchhanzova
Vawiin chawhma khan ZPM General Headquarters chuan chhung inkhawm party office-ah kan hmang a, Pu B. Lalchhanzova Minister leh ZPM Adviser ni bawk chuan thu sawiin sorkar hmalakna hrang hrangte a sawi a, ‘Ni 969 sorkar-na fawng kan chelh chhungin tihdik loh palh te kan nei ngei ang, kan hnathawh danah fakna pawh kan dawng nasa hle, miin min deu avang te, min fak avang te hian tha thlah thei kan ni lova, he ram tan hian hmabak kan la ngah lutuk. ZPM hi mi thenkhat ten an party chhung an buai an ti ṭhin, ZPM hi buai tak chunga din a ni a, mahse a buai lo zawng hlirin kan la kal thung. Ram veitu ten Pathian hnenah nasa taka ṭawngṭaia kan dil chhuah a ni a, he party hi Pathianin mal a sawm zel theih nan party member zawng zawngte Pathian rawn tam turin ka ngen duh che u a ni,” a ti.
Pu Chhanzova chuan, “Sorkar-na kan chelh tirh khan ka department chan tur hriattirna ka dawng a, hna kan han thawk ṭan a, Godown tam tak ruak aṭangin bul kan ṭan a ni. Retailer tena thla tina buhfai an sem bang, thla leh atana sem tura dah ṭhat kan tih ‘Carry Over’ hi April 2024 atangin mumal deuh kan kalpui ṭan a. April 2024 atanga March 2026 (21 months) chhung hian Buhfai 105,973.19 quintals humhim tawh a ni a, hei hi open market procurement rate Rs. 3,590 per quintal anga chhut chuan Rs. 38 crore man lai a ni. Carry Over hman hma k*m 2023 kha chuan k*m khatah buhfai ven him zat hi 4104.67 quintals chauh a ni. Tunah hian retailer 1266 kan nei mek a, ZPM a sawrkar tak avanga retailer ṭanglai te sawrkar inthlak avanga ban an awm ka hre lova, dan ang takin an term an hmang zo zel a ni. Ration card var hmang mi 3,20,523 awm mekin ration card sen hmang hi mi 1,21,693 an awm a, ration card var leh sen hmang hi belhkhawmin mi 4,42,216 niin ration card 37.7 % an hauh a ni, hei hian Mizoram state-a chhung tin te khawsak phung din hmun hlimthla a tifiah viau awm e. Ration card Eng leh Pawl hmanga buhfai dawng hi mi 7,08,191 kan awm mek a, kan state quota hi 1895 in kan khum mek a, ration card nei zawng zawng atanga chhutin NFSA hmang te hi 62.3 % kan awm mek bawk a ni,” a ti.
Minister chuan Land Revenue & Settlement Department hmalakna thenkhat te sawiin, “Apartment ownership chungchangah ‘The Mizoram Land Revenue Act, 2013’ Section108 to 114 ah hian In - a floor/a chhawnga lei theih dan a awm a, a bikin bank lama loan lakna atana hman dawnin harsatna a awm ṭhin a, July ni 9, 2026 khan Notification tichhuakin hei hian harsatna tam tak a sukiang tawh dawn a ni. Miin a ram land lease mi dang hnena a hman chhhawn tir theih nan 21st November, 2025 khan notification tichhuakin Deputy Commissioner te thuneihna pek an ni a, miin a ram chu petrol pump leh sumdawnna dang atan te sub-lease a mamawh chuan dan hnuaiah heng hi DC-ah a dil thei tawh a ni. E-Ram leh survey firm te hman an nih hnuah hna kalphung a danglam chho a, online-a file a chet tawh avangin hotu lam leh a mipui lam pawn file awmna chin kan hre thei zel tawh a ni. E-Ram a an luhna an phone number dah ah an file chet apiangin SMS leh Whatsapp hmangin update ṭhin an ni a, ni 15 danah general update thawn ṭhin an ni bawk.
“E-Ram kan hman mekah hian heng service te hi pek an ni:
a) E-Ram support hi Whatsapp Bot kaltlangin 24x7 in a biak theih,
b) Revenue Department kalphung te a zawh theih,
c) E-Ram chungchang bikah application kan thehluh dinhmun a tlangpui - a thlen chin te, document request a awm em tih te, kan land record neih tawh te leh thil dang hriat duh kan neih chuan Whatsapp Bot kaltlang hian a zawh theih,
d) Hemi no: 84158 06438 ah hian 24x7 in harsatna te thlen theih a ni,
e) Whatsapp Bot hmanga kan harsatna sutkian a nih loh pawhin Whatsapp Bot hian office hun chhungin mihring lo dawngsawngtu hnenah a re-direct thei tho bawk. Mipuite tana malsawmna nih hi Revenue department ten kan tum ber a ni a, inpawh tlang takin ram tana hnathawh zel hi kan tum a ni,” a ti.
Minister chuan, “Ka hriat ve phak chinah chuan ZPM kan sawrkar hnu hian hna lak dan hi a rintlak chho hle a, advertisement chhuah lova hna lak hi kan haw em em vek a, chutiang ang sawi tur a awm ta meuh lo. Hei hian ṭhang thar hna zawng mek te a ti lawm chho mek a, chhawm nun chhhoh zel hi kan bat a ni,” a ti a. “India rama Jail te enkawlna danpui ‘Prisons Act, 1894’ hi a hlui tawh hle a, sorkar laipui hian dan thar siam ni se a duh avangin Model Bill – ‘Prisons and Correctional Services Act’ chu k*m 2023-ah siamin State Sorkar te chu lo zir chiang a, a remchan anga Act thar siam turin thurawn a pe hlawm a. Mizoram Sorkar pawhin he Model Bill hi uluk taka zirin dan thar hi siam ni se tiin ruahmanna a siam a. Chumi ang chuan k*m 2024 Monsoon Session ah ‘The Mizoram Prisons and Correctional Services Act, 2024’ chu Mizoram Legislative Assembly-ah passed a ni ta a ni. He Dan thar hian Jail chu misual khung khawmna hmun ni mai tawh lovin, mihring insiam thatna hmun ‘Correctional Home’ anga kalpui turin ruahmanna a siam a. GAD remtihna lak fel hnuah Home Department chuan heng hming thlakna te hi a chhuah (notify) ta a ni,” a ti a.
“Sawhthing chungchanga ZPM sorkar hmalakna leh khaw thenkhatin an khaw din tirh ata sum an lak luh hnem ber k*m thawm hriat te hi a nuam tak zet a, MIFCO in an bungraw hluihlawn tawh, thirchhe daha an lo dah tawh tuai hnum thar leha kuthnathawktute thar chhuah hralh suma an chan tir mek te hi a ZPM tak zetin ka hria a ni,” a ti bawk.
Vawiin chhung inkhawm hi Pu R. Lalthanzama, General Secretary chuan a kaihruai a, Pu Kawlhnuna (IFS Rtd.), ZPM Adviser chuan hunserh hmangin ZPM hruaitute leh Minister, MLA leh Corporator thahnem tak chhung inkhawmah hian an tel a ni.
Sd/-
(H ROCHUNGNUNGA)
Secretary
Media & Publicity Department
ZPM General Headquarters
