10/04/2026
കുടുംബശ്രീ ആലപ്പുഴ ജില്ലാ മിഷന്റെ നേതൃത്വത്തിൽ ജില്ലാതല വിഷു വിപണന മേള ഏപ്രിൽ 10 മുതൽ 14 വരെ ചുനക്കര ഗ്രാമപഞ്ചായത്ത് ഗ്രൗണ്ടിൽ വെച്ച് സംഘടിപ്പിക്കുന്നു.
ജില്ലാ മിഷൻ കോഡിനേറ്റർ രഞ്ജിത്ത് എസ് ജില്ലാതല്ലാ മേളയുടെ ഉദ്ഘാടനം നിർവഹിച്ചു. ചുനക്കര പഞ്ചായത്ത് സെക്രട്ടറി ജയൻ റ്റി അധ്യക്ഷത വഹിച്ചു. കുടുംബശ്രീ ചുനക്കര സി ഡി എസ് ചെയർപേഴ്സൺ ഗീത സ്വാഗതം ആശംസിച്ചു. വിപണനമേളയിലെ ഉൽപ്പന്നങ്ങളുടെ ആദ്യ വിൽപ്പന ജില്ലാ മിഷൻ കോർഡിനേറ്റർ പഞ്ചായത്ത് സെക്രട്ടറിക്ക് നൽകികൊണ്ട് നിർവഹിച്ചു . ചുനക്കര പഞ്ചായത്ത് അസിസ്റ്റൻഡ് സെക്രട്ടറി വിജയേഷ് പി പിള്ള, ജില്ലാ പ്രോഗ്രാം മാനേജർ അമൽരാജ്, ചെയർപേഴ്സൺമാരായ സുഷാ വിനോദ്,സുജാത, ഷാനി എസ് കെ, ഗീതാ കുമാരി തുടങ്ങിയവർ ആശംസകള് അറിയിച്ചു. ജില്ലാ പ്രോഗ്രാം മാനേജർ സാഹിൽ ഫെയ്സി റാവുത്തർ കൃതജ്ഞത രേഖപ്പെടുത്തി.
വിപണന മേളയിൽ കുടുംബശ്രീ സംരംഭയൂണിറ്റുകൾ ഉത്പാദിപ്പിക്കുന്ന വിവിധ ഉൽപ്പന്നങ്ങളും ജെ എൽ ജി യൂണിറ്റുകൾ ഉത്പാദിപ്പിക്കുന്ന പച്ചക്കറികളും, ജൈവിക പ്ലാന്റ് നഴ്സറിയുടെ പച്ചക്കറി തൈകളും ലഭ്യമാണ്. ജില്ലയിലെ എല്ലാ പഞ്ചായത്തുകളിലും മുനിസിപ്പാലിറ്റികളിലും വിഷുവിപണന മേള നടക്കും. കുടുംബശ്രീയുടെ മൂല്യവർധിത ഉൽപ്പന്നങ്ങളും, പച്ചക്കറികളും വിപണമേളയിൽ ലഭ്യമാണ്.
