15/03/2026
തൃക്കുന്നപ്പുഴയിൽ കടൽക്ഷോഭത്തിന് ശാശ്വത പരിഹാരവുമായി സംസ്ഥാന സർക്കാർ..
ഏഷ്യൻ ഡെവലപ്മെന്റ് ബാങ്കിന്റെ സഹായത്തോടെ തൃക്കുന്നപ്പുഴയുടെ തീരദേശത്ത് കടൽക്ഷോഭത്തിന് ശാശ്വതമായ പരിഹാരം ഉണ്ടാക്കുന്നതിനു വേണ്ടിയാണ് സംസ്ഥാന സർക്കാരിന്റെ നേതൃത്വത്തിൽ പദ്ധതി ആവിഷ്കരിച്ച് നടപ്പിലാക്കുന്നത്. മുഖ്യമന്ത്രി ശ്രീ പിണറായി വിജയന്റെ പ്രത്യേക താൽപര്യപ്രകാരമാണ് ഈ പദ്ധതി ആവിഷ്കരിച്ചിട്ടുള്ളത്.
വർഷം മുഴുവൻ കടലു കയറുകയും കടൽക്ഷോഭം കൊണ്ട് ജനജീവിതം ദുസഹമായ ചെല്ലാനത്ത് സംസ്ഥാന സർക്കാർ നടപ്പിലാക്കിയ പദ്ധതി ഇന്ന് ലോകമാധ്യമങ്ങളുടെ പോലും പ്രശംസ പിടിച്ചു പറ്റി . ആ മാതൃകയിൽ ജനജീവിതം സുരക്ഷിതമാക്കാൻ ആണ് സംസ്ഥാന സർക്കാർ ശ്രമിക്കുന്നത്. അതിന്റെ ഭാഗമായാണ് 500 കോടി രൂപയുടെ വലിയ പദ്ധതി തീരദേശത്തോടുള്ള പ്രതിബദ്ധതയുടെ ഭാഗമായി സംസ്ഥാന സർക്കാർ ആവിഷ്കരിച്ച് നടപ്പിലാക്കുന്നത്.
