K.C. Venugopal

Call Directions Website Contact the organization

K.C. Venugopal MP Lok Sabha | Gen Sec Congress in-charge of Organisation | Chairperson, PAC | Former MoS for Civil Aviation & Power-GoI

Held a review meeting of the Vote Bachao, Desh Bachao campaign with all AICC General Secretaries/In-Charges, PCC Preside...
13/11/2026

Held a review meeting of the Vote Bachao, Desh Bachao campaign with all AICC General Secretaries/In-Charges, PCC Presidents, AICC Secretaries and Observers, through video conferencing this evening.

As part of this campaign against Vote Chori, INC workers will work as "Vote Rakshaks" to visit every booth and verify SIR deletions. As part of the Vote Rakshak campaign, village chaupals will be held across India by 15 December, where deleted names will be read out.

In each state, PCCs will hold massive Samvidhan Raksha March on 26 November - Constitution Day.

We are also launching a website where citizens can check if their names are deleted, and to register a formal protest and apply for restoration - www.Iamvoterakshak.in.

Our mission to stop vote chori continues in every single corner of India, and we will keep going until the integrity of our electoral system is restored and our country is saved from the Vote Chors.

आज शाम वीडियो कॉन्फ्रेंसिंग के ज़रिए 'वोट बचाओ, देश बचाओ' अभियान की समीक्षा बैठक की गई। इसमें AICC के सभी महासचिव/प्रभारी, प्रदेश अध्यक्ष, AICC सचिव और पर्यवेक्षक शामिल हुए।

वोट चोरी के खिलाफ इस अभियान के तहत, कांग्रेस कार्यकर्ता 'वोट रक्षक' के रूप में काम करेंगे। वे हर बूथ पर जाकर यह जांच करेंगे कि SIR के माध्यम से किन लोगों के नाम मतदाता सूची से हटाए गए हैं। 'वोट रक्षक' अभियान के अंतर्गत, 15 दिसंबर तक पूरे भारत में गांव-गांव में चौपालें लगाई जाएंगी, जहां हटाए गए नामों को पढ़कर सुनाया जाएगा।

हर राज्य में, 26 नवंबर यानी 'संविधान दिवस' के मौके पर प्रदेश कांग्रेस समितियों की ओर से बड़े पैमाने पर 'संविधान रक्षा मार्च' निकाले जाएंगे।

हम एक वेबसाइट भी लॉन्च कर रहे हैं - www.Iamvoterakshak.in। इस पर नागरिक यह जांच सकते हैं कि कहीं उनका नाम मतदाता सूची से हटा तो नहीं दिया गया है। साथ ही, वे इसके खिलाफ औपचारिक विरोध दर्ज करा सकते हैं और अपना नाम वापस जुड़वाने के लिए आवेदन कर सकते हैं।

वोट चोरी को रोकने का हमारा अभियान भारत के हर कोने में जारी है। हम तब तक नहीं रुकेंगे, जब तक कि हमारी चुनावी व्यवस्था की शुचिता बहाल नहीं हो जाती और हमारे देश को 'वोट चोरों' से बचा नहीं लिया जाता।

11/11/2026

ഓർമ്മകൾക്ക് എത്രകാലം പിന്നോട്ടുപോകാൻ കഴിയുമോ, അത്രയും പോയിട്ടുണ്ടിന്ന്. ഒരു പ്രായം കഴിഞ്ഞാൽ എല്ലാ അമ്മമാർക്കും ഒരേ മുഖമാണെന്ന് പറയാറുണ്ട്. സ്നേഹത്തിന്റെയും കാരുണ്യത്തിന്റെയുമൊക്കെ ആ മുഖം തന്നെയാണ് ഇന്ന് ഓരോരുത്തരും പറഞ്ഞ അവരുടെ അനുഭവങ്ങളിൽ തെളിഞ്ഞുനിന്നത്. എനിക്കെല്ലാക്കാലവും, തിരികെനൽകാൻ കഴിയാത്ത വിധം കരുത്തും കരുതലും നൽകിയാണ് അമ്മ യാത്ര പറഞ്ഞത്. ആ ദേഹം വിടപറഞ്ഞ ശേഷമുള്ള ഓരോ നിമിഷവും എനിക്കൊപ്പമുള്ളതും ഉപാധികളില്ലാതെ അമ്മ നൽകിയ ആ ധൈര്യവും ഊർജവും വാത്സല്യവുമാണ്.

അമ്മയുടെ ഓർമദിവസമായ ഇന്ന് കണ്ടോന്താർ ഇടമന യു.പി. സ്കൂളിൽ വെച്ച് വിദ്യാർഥികൾക്കുള്ള സ്കോളർഷിപ്പ് വിതരണവും നിർധനരായ രോഗികൾക്കുള്ള ധനസഹായ വിതരണവും നടന്ന വേദി ഒരിക്കലും മറക്കാൻ കഴിയാത്തതാണ്. അനിൽകുമാറും പ്രേംകുമാറും സുധാ മേനോനുമൊക്കെ പങ്കുവെച്ച ഓർമകളും അമ്മയെന്ന ഭാവത്തെക്കുറിച്ചുള്ള സ്നേഹം നിറഞ്ഞ വാക്കുകളും എന്റെ അമ്മയുടേത് കൂടിയായിരുന്നു. അമ്മ ആഗ്രഹിച്ചിരുന്നതാണോ എന്നറിയില്ല. അപ്പോഴും എല്ലാക്കൊല്ലവും കണ്ടോന്താറിൽ ചേരുന്ന ഈ കൂട്ടായ്മകൾ വിജയിപ്പിക്കുന്നത് ഇങ്ങനെയുള്ള കുറെയധികം മനുഷ്യരാണ്. അവരോടൊക്കെയും നന്ദി പറയുന്നത് ഔപചാരികത മാത്രമാകും. നിറഞ്ഞ സ്നേഹമുണ്ട്, എല്ലാവരോടും.

ഇന്നും എന്നെ ഞാനായി നിർത്തുന്നത് അമ്മയും അച്ഛനും കാണിച്ചുതന്ന നേർവഴികൾ തന്നെയാണ്. ആ അച്ഛന്റെയും അമ്മയുടെയും മകനായി എന്നും ആ വഴികളിൽക്കൂടിത്തന്നെയാണ് ഇക്കാലമത്രയും നടന്നതും. ഈ യാത്രയിൽ എനിക്കും താങ്ങും തണലും കരുത്തുമായി അവരുണ്ട്. യാത്ര പറയാത്ത ആ ഓർമകൾ ഹൃദയത്തിൽ ശേഷിക്കും, അവസാനം വരെയും. അമ്മയുടെ ഓർമദിനം സമ്പന്നമാക്കിയ പ്രിയപ്പെട്ടവർക്ക്, ഒരിക്കൽക്കൂടി സ്നേഹം.

അമ്മയെക്കുറിച്ചാലോചിക്കുമ്പോഴൊക്കെയും ഞാൻ കൊച്ചുകുട്ടിയാണ്. അമ്മയെക്കുറിച്ചുള്ളത് ഓർമകളല്ല. എന്റെയൊപ്പം സഞ്ചരിക്കുന്ന എന...
11/11/2026

അമ്മയെക്കുറിച്ചാലോചിക്കുമ്പോഴൊക്കെയും ഞാൻ കൊച്ചുകുട്ടിയാണ്. അമ്മയെക്കുറിച്ചുള്ളത് ഓർമകളല്ല. എന്റെയൊപ്പം സഞ്ചരിക്കുന്ന എന്റെ ജീവിതം തന്നെയാണ്. അമ്മയില്ലായ്മയുടെ ആറുകൊല്ലം തികയുമ്പോൾ പറയാനുണ്ട് ഒരുപാട്, എഴുതിപ്പൂർത്തിയാക്കാൻ കഴിയാത്ത ഒരുപാട് നിമിഷങ്ങൾ.

എവിടെപ്പോയാലും അന്ന് രാത്രി വീട്ടിലേക്ക് തിരിച്ചെത്താൻ കൊതിക്കുന്ന ഒരു കാലമുണ്ടായിരുന്നു എനിക്ക്. ആറുകൊല്ലം മുൻപുവരെയും ആ കൊതി അങ്ങനെതന്നെ ബാക്കിയുണ്ടായിരുന്നു, അതിനോട് നീതി പുലർത്താൻ കഴിഞ്ഞില്ലെങ്കിൽപ്പോലും. പക്ഷേ, എനിക്ക് വേണ്ടി എത്രയോ കാലം അമ്മ കാത്തിരുന്നിട്ടുണ്ട്. ഒരുപക്ഷേ, വരുമെന്ന പ്രതീക്ഷയുള്ള കാലമത്രയും. ഇന്നാ അനാഥത്വം മനസ്സിനെ ആഴത്തിൽ ബാധിക്കുന്നുണ്ട്. എന്നെ വിട്ടുപോയെന്ന് വിശ്വസിക്കാനാവാത്ത അമ്മയെന്ന അനുഭവം നിറഞ്ഞുനിൽക്കുന്നുണ്ട് ഹൃദയത്തിൽ.

ഭേദങ്ങളില്ലാതെ മനുഷ്യരെ സ്നേഹിക്കാനും ചേർത്തുപിടിക്കാനും എന്നെ പഠിപ്പിച്ചത് അമ്മയാണ്. അമ്മയോളം വലിയ പാഠപുസ്തകം ഇന്നോളം ഞാൻ തുറന്നുവെച്ചിട്ടുമില്ല. അനുസരണയോടെ അമ്മയെ അനുഗമിക്കുകയാണ് ഞാൻ, ആ അഭാവത്തിലും, ഇക്കാലമത്രയും, ഇനിയുള്ള കാലമത്രയും. അതാണെന്റെ കരുത്തും.

എന്നും എത്ര പ്രയാസമുള്ള യാത്രയിലും അമ്മയുടെ മുഖം തരുന്ന ഊർജം അതിജീവനത്തിന്റെ വഴികളാണ് പ്രകാശത്തോടെ എന്റെ മുന്നിൽ തുറന്നിടുക. പൂർവാധികം ശക്തിയോടെ അമ്മ എന്നെ കൈപിടിച്ച് നടത്തുകയാണ് ഇന്നും. അഛനുമമ്മയും വിട്ടുപോയെങ്കിലും ജീവിതയാത്രയിലുടനീളം അവർ എനിക്ക് വഴികാട്ടുകയാണ്, അതേ സ്നേഹത്തോടെ, വാത്സല്യത്തോടെ.

11/11/2026

ശ്രീമതി സോണിയാ ഗാന്ധി സ്വന്തം ജീവിതാനുഭവങ്ങൾ തുറന്നെഴുതിയ പുസ്തകം ഓരോ വരിയിലും സത്യസന്ധതയും നാടിനോടുള്ള അചഞ്ചലമായ സ്നേഹവും പ്രതിഫലിപ്പിക്കുന്ന ഒന്നാണ്. കേംബ്രിഡ്ജിലെ വിദ്യാഭ്യാസകാലവും, പ്രണയവും, ഇന്ത്യക്കാരിയായി മാറിയ ജീവിതവഴികളും, ഇന്ദിരാജിയുടെയും രാജീവ്ജിയുടെയും വേർപാടുകൾ സൃഷ്ടിച്ച തീരാനഷ്ടങ്ങളും നേരിട്ട ആ ജീവിതം അത്രമേൽ ത്യാഗപൂർണ്ണമാണ്. ഭൂരിപക്ഷം എം.പിമാരുടെയും ജനങ്ങളുടെയും ശക്തമായ പിന്തുണയുണ്ടായിട്ടും പ്രധാനമന്ത്രി പദം പോലെയുള്ള പരമോന്നത അധികാരം വേണ്ടെന്നുവെക്കാൻ കാണിച്ച ആ വലിയ മനസ്സ്, രാജ്യത്തെ വർഗീയ ശക്തികൾക്ക് വിട്ടുകൊടുക്കില്ലെന്ന നിശ്ചയദാർഢ്യത്തിന്റെ സാക്ഷ്യപത്രമാണ്. ഇന്നുവരെ ഇറ്റലിക്കാരിയെന്ന പേരിൽ വർഗീയവിഷം ചാലിച്ച് വേട്ടയാടാൻ ശ്രമിച്ചവർക്ക്, ഒരു യഥാർത്ഥ ഇന്ത്യക്കാരിയുടെ ദേശസ്നേഹവും ആത്മാർത്ഥതയും എന്താണെന്ന് മനസ്സിലാക്കിത്തരുന്നതാണ് ഈ പുസ്തകം. വിമർശകർ എത്ര കുരച്ചുചാടിയാലും ജനഹൃദയങ്ങളിലെ അവരുടെ സ്ഥാനം മായ്ച്ചുകളയാൻ ആർക്കുമാകില്ല.

ഇന്ന് രാജ്യത്തിന്റെ ജനാധിപത്യം കടുത്തൊരു ജീവന്മരണ പോരാട്ടത്തിന്റെ തീച്ചൂളയിലാണ്. ഗ്യാനേഷ് കുമാർ എന്ന ചീഫ് ഇലക്ഷൻ കമ്മീഷണറെ കൂട്ടുപിടിച്ച് ജനങ്ങളുടെ വോട്ടവകാശം കവർന്നെടുക്കാനും തിരഞ്ഞെടുപ്പ് പ്രക്രിയയെ അട്ടിമറിക്കാനുമുള്ള ബി.ജെ.പിയുടെ നീക്കങ്ങൾക്കെതിരെ രാജ്യമൊട്ടാകെ വൻ ജനരോഷമാണ് അലയടിക്കുന്നത്. രണ്ട് ഇലക്ഷൻ കമ്മീഷണർമാർ തന്നെ ഇതിനെതിരെ വെളിപ്പെടുത്തലുകൾ നടത്തിയിട്ടും മുഖംതിരിക്കുന്ന ഭരണകൂടത്തെ ജനങ്ങൾ ഉത്തരം മുട്ടിക്കുക തന്നെ ചെയ്യും. വിന്റർ സെഷൻ ആരംഭിക്കാറായിട്ടും കഴിഞ്ഞ സമ്മേളനം അവസാനിപ്പിച്ച് 95 ദിവസമായിട്ടും പാർലമെന്റ് പ്രൊറോഗ് ചെയ്യാതെ, ഡീലിമിറ്റേഷൻ ബില്ലടക്കം പാസാക്കാൻ കുതിരക്കച്ചവടത്തിന് ചാക്കുമായി നടക്കുന്ന ഭരണാധികാരികളുടെ ജനാധിപത്യവിരുദ്ധതയ്ക്ക് മുന്നിൽ കോൺഗ്രസ് ഒരടി പോലും പിന്നോട്ടില്ല. കള്ളവോട്ടുകളിലൂടെയും കൃത്രിമങ്ങളിലൂടെയും ജനവിധി അട്ടിമറിച്ച് അധികാരം കവരുന്ന രീതിക്ക് അറുതിവരുത്തി, ഈ ചീഫ് ഇലക്ഷൻ കമ്മീഷണറെ പുറത്താക്കി രാജ്യത്ത് നീതിപൂർവ്വമായ തിരഞ്ഞെടുപ്പ് സംവിധാനം പുനഃസ്ഥാപിക്കും വരെ ഞങ്ങളുടെ പോരാട്ടം തുടരും.

ദേശീയതലത്തിൽ ഭരണഘടനയും ജനാധിപത്യവും സംരക്ഷിക്കാനുള്ള ഈ അതിശക്തമായ പോരാട്ടത്തിലാണ് നമ്മുടെ പൂർണ്ണ ശ്രദ്ധയും പ്രഥമ പരിഗണനയും. കോൺഗ്രസ് പ്രസ്ഥാനത്തിന്റെ ആഭ്യന്തര കാര്യങ്ങളെക്കുറിച്ചും സംഘടനാപരമായ ചർച്ചകളെക്കുറിച്ചും പലരും വാർത്തകളും ചായക്കോപ്പയിലെ കൊടുങ്കാറ്റുകളും സൃഷ്ടിക്കാൻ ശ്രമിക്കുന്നുണ്ടാകാം. എന്നാൽ, തികഞ്ഞ അച്ചടക്കമുള്ള കോൺഗ്രസ് പ്രവർത്തകർ എന്ന നിലയിൽ ഏത് സമയത്ത് എന്തൊക്കെ തീരുമാനിക്കണമെന്നും, പാർട്ടിയെയും മുന്നണിയെയും എങ്ങനെ ഒറ്റക്കെട്ടായി മുന്നോട്ടു കൊണ്ടുപോകണമെന്നും കോൺഗ്രസ് അധ്യക്ഷൻ മല്ലികാർജുന ഖാർഗെജിക്കും രാഹുൽ ഗാന്ധിക്കും വ്യക്തമായ ധാരണയുണ്ട്. അത്തരം വിഷയങ്ങൾ പാർട്ടി യഥാസമയം കൃത്യമായി പരിഹരിക്കും. മാധ്യമങ്ങളുടെ ഊഹാപോഹങ്ങൾക്ക് പിന്നാലെ പോകാതെ, രാജ്യത്തെ ജനാധിപത്യവും ഭരണഘടനയും കാത്തുസൂക്ഷിക്കാനുള്ള ഈ വലിയ ജനകീയ മുന്നേറ്റത്തിൽ അണിനിരക്കാൻ നാടിനെ സ്നേഹിക്കുന്ന മുഴുവൻ ജനങ്ങളോടും ആഹ്വാനം ചെയ്യുന്നു.

കണ്ണൂരിൽ മാധ്യമങ്ങളെ കാണുന്നു..

"Belonging: A Journey of Love"അനിതരസാധാരണമായ ഒരു ജീവിതമാണ് ഇവിടെ പുസ്തകമായിരിക്കുന്നത്. അതിൽ പ്രണയമുണ്ട്, ജീവിതമുണ്ട്, ദ...
10/11/2026

"Belonging: A Journey of Love"

അനിതരസാധാരണമായ ഒരു ജീവിതമാണ് ഇവിടെ പുസ്തകമായിരിക്കുന്നത്. അതിൽ പ്രണയമുണ്ട്, ജീവിതമുണ്ട്, ദുരന്തമുണ്ട്, ത്യാഗമുണ്ട്, അതിജീവനവുമുണ്ട്. തികച്ചും സ്വകാര്യമായൊരു പ്രണയബന്ധം ആധുനിക ഇന്ത്യയുടെ ചരിത്രത്തിലെ നിർണായക അധ്യായങ്ങളിലൊന്നായി മാറിയത് അത്ര എളുപ്പമായിരുന്നില്ല.

38 ൽ നിൽക്കെ ആദ്യ മുറിവായി ഭർത്താവിന്റെ അമ്മയുടെ കൊലപാതകം അധികമൊന്നും അകലെയല്ലാതെ അറിയേണ്ടിവന്ന വേദനയും അതിൽനിന്നൊരതിജീവനം സാധ്യമാകും മുൻപേ ഭർത്താവിന്റെ തന്നെ ആക്‌സ്മിക മരണവും തെല്ലൊന്നുമാവില്ല ആ സ്ത്രീയെ തളർത്തിയിട്ടുണ്ടാവുക. രാജീവ് ജിയുടെ ചിതറിത്തെറിച്ച ശരീരഭാഗങ്ങൾ അടക്കം ചെയ്ത ഒരു പെട്ടി മാത്രമാണ് അവർക്ക് ശേഷിപ്പായി മുന്നിലുണ്ടായിരുന്നത്. അന്ത്യചുംബനം നൽകാൻ മുഖം പോലും ബാക്കിയാക്കാതെ ക്രൂരമായി ഭർത്താവിനെ കൊന്നുകളഞ്ഞ പ്രതികളോട് പിൽക്കാലത്ത് ക്ഷമിക്കാൻ അവർക്ക് മാത്രമേ കഴിയുമായിരുന്നുള്ളൂ, ഒരേയൊരു സോണിയാജിക്ക്. ഒരു നൂറ്റാണ്ടിന്റെ പാരമ്പര്യം പേറുന്ന പ്രസ്ഥാനം ബാക്കിയാക്കി ഇരുവരും കടന്നുപോയപ്പോൾ, രാഷ്ട്രീയത്തിൽ നിന്ന് അകലം പാലിച്ച സോണിയാജി, അച്ഛനില്ലാത്ത തന്റെ മക്കളെ വളർത്തിയെടുക്കുന്നതിലേക്ക് മാത്രം മാറിനിൽക്കാനാണ് ആദ്യം തീരുമാനിച്ചത്. പക്ഷേ, വിധി മറ്റൊന്നായിരുന്നു. പ്രസ്ഥാനവും ഈ രാജ്യത്തെ ജനാധിപത്യ, മതേതര വിശ്വാസികളും തന്നിലർപ്പിച്ച വിശ്വാസം കാത്തുസൂക്ഷിക്കാനായി ഒടുവിൽ അവർത്തന്നെ മാറ്റിനിർത്തിയ രാഷ്ട്രീയത്തെ പുണരാൻ തീരുമാനിക്കുകയായിരുന്നു, 1998 ൽ. പിന്നീട്ടിങ്ങോട്ട് കണ്ടതൊക്കെയും ഞങ്ങളുടെ പ്രിയ നേതാവ് നടത്തിയ അതിജീവനത്തിന്റെ സമാനതകളില്ലാത്ത കാഴ്ചകളും അവർക്ക് മാത്രം വഴങ്ങുന്ന നിശ്ചയദാർഢ്യവുമാണ്.

പിന്നീട്, പ്രതിസന്ധികളിൽ തളരാതെ കോൺഗ്രസ് പ്രസ്ഥാനത്തെ ജനാധിപത്യ, മതേതര മൂല്യങ്ങൾ നഷ്ടപ്പെടാതെ അധികാര രാഷ്ട്രീയത്തിലേക്ക് സോണിയാജി നയിച്ചു. 2004 ൽ നിരന്തര സമ്മർദങ്ങൾ പ്രസ്ഥാനത്തിൽ നിന്നും അഭ്യുദയകാംകക്ഷികളിൽ നിന്നുമുണ്ടായിട്ടും പ്രധാനമന്ത്രി പദം വേണ്ടെന്ന് ഉറച്ച നിലപാടോടെ പ്രഖ്യാപിക്കാൻ അവർക്ക് കഴിഞ്ഞത്, ഇന്ത്യയുടെ അധികാര രാഷ്ട്രീയത്തിലെ നിഷേധിക്കാൻ കഴിയാത്ത ഏടായി എന്നും ഇവിടെ നിലനിൽക്കും.

മാഡം എന്നും അങ്ങനെ തന്നെയായിരുന്നു. ഉപമിക്കാൻ കഴിയാത്ത വിധമുള്ള സഹാനുഭൂതിയും, വിമർശനങ്ങൾക്ക് നേരെയുള്ള പക്വമായ സമീപനവും അധികാര രാഷ്ട്രീയം ഭ്രമിപ്പിക്കാത്ത മനസ്സും അവരെ എന്നും വേറിട്ട്‌ നിർത്തി. ഇന്ത്യയിൽ ഇത്രകാലം ജീവിച്ചിട്ടും, സ്വന്തം ഭർത്താവും അദ്ദേഹത്തിന്റെ അമ്മയും രാജ്യത്തിന്‌ വേണ്ടി ജീവന്‍ നല്‍കിയിട്ടും, ഏറ്റവും അരക്ഷിതമായ സ്വകാര്യജീവിതം നയിക്കേണ്ടി വന്നിട്ടും, തരം കിട്ടുമ്പോഴൊക്കെ രാഷ്ട്രീയ എതിരാളികളും മാധ്യമങ്ങളും ആക്രമിച്ചിട്ടും വേട്ടയാടിയിട്ടും നിർമമമായി അതിനെയൊക്കെ അവഗണിക്കുകയായിരുന്നു, അവർ.

അധികാരത്തിലേക്കുള്ള കേവലയാത്രയായിരുന്നില്ല ആ ജീവിതം. വിദേശജന്മം രാഷ്ട്രീയായുധാമാക്കപ്പെട്ട ഒരു ജനാധിപത്യത്തിൽ അംഗീകാരത്തിനും വിശ്വാസത്തിനും വേണ്ടി നടത്തിയ പോരാട്ടം കൂടിയായിരുന്നു അത്. ഇറ്റലിയിലെ ബാല്യകാലത്തിന്റെ ലാളിത്യത്തിൽ നിന്ന് ഇന്ത്യയിലെ രാഷ്ട്രീയ ജീവിതത്തിന്റെ സങ്കീർണതകളിലേക്കുള്ള യാത്രയിൽ താൻ കടന്നുപോയ സ്നേഹത്തിന്റെയും വിശ്വാസത്തിന്റെയും ഉറപ്പുള്ള പാലങ്ങളാണ് തിരിഞ്ഞുനോക്കുമ്പോൾ ആ ജീവിതത്തിലുടനീളം തെളിമയോടെ കാണാൻ കഴിയുക. ദുരന്തവും നഷ്ടവും തുടരെത്തുടരെ വന്നിട്ടും സ്വയം പുനർനിർമ്മിക്കാനും ഇന്ത്യയെന്ന സ്വതന്ത്ര പരമാധികാര റിപ്പബ്ലിക്കിന്റെ ഭരണഘടനാ മൂല്യങ്ങളെ സംരക്ഷിച്ചുനിർത്താനും സോണിയാജി നടത്തിയ ശ്രമങ്ങൾ ഈ രാജ്യത്തിന് മറക്കാവുന്നതല്ല. അതുകൊണ്ടുതന്നെയാണ്, അനന്യമായ ആ ജീവിതം ഈ മഹാരാജ്യത്തിന്റെ അനുപമമായ ചരിത്രത്തിൽ സ്വന്തം ഇടം കണ്ടെത്തിയത്. ആർക്കും നിഷേധിക്കാനും താമസ്കരിക്കാനും കഴിയാത്ത ഇടം.

കുറേക്കാലം ഒന്നിച്ച് പ്രവർത്തിക്കേണ്ടി വന്നതിന്റെ ഓർമകളും അഭിമാനവുമുണ്ട് ഉള്ളിൽ. 2017 ൽ കോൺഗ്രസ്‌ പ്രസ്ഥാനത്തിന്റെ അധ്യക്ഷ പദവിയൊഴിഞ്ഞ ശേഷം 2019 ൽ മാഡം പദവിയിൽ തിരികെയെത്തിയപ്പോഴാണ് ഏറെ അടുത്തുനിന്ന് ഒന്നിച്ചുപ്രവർത്തിക്കാനുള്ള അവസരം ലഭിച്ചത്. 2022 വരെയുള്ള കാലം ഇന്ത്യയുടെ ആത്മാവറിഞ്ഞ രാഷ്ട്രീയ നേതൃത്വത്തെ, ഇന്ത്യ കണ്ട ഏറ്റവും കരുത്തുറ്റ ജനാധിപത്യവാദിയെ അറിയാൻ കൂടിയുള്ള അവസരമായിരുന്നു. തീരുമാനങ്ങളെടുക്കുമ്പോൾ പാലിക്കുന്ന നിതാന്ത ജാഗ്രതയും വാക്കുകളിൽ സൂക്ഷിക്കുന്ന കാർക്കശ്യവും നേരിൽക്കണ്ട നാളുകൾ. അപ്പോഴും സ്നേഹം നൽകേണ്ടപ്പോൾ അത് ആവോളം നൽകാനും ഒരമ്മയുടെയും സഹോദരിയുടെയുമൊക്കെ വാത്സല്യം നിറഞ്ഞ പെരുമാറ്റം അനുഭവവേദ്യമാക്കാനും മടിയില്ലാത്ത പ്രിയ നേതാവിനെ ഞാനറിഞ്ഞത് അക്കാലത്താണ്. ഇന്നും അത് നിർലോഭമായി തുടരുന്നുമുണ്ട്.

ഇന്ന് രാവിലെയാണ് രവി ഡി.സി വിളിക്കുന്നത്. മാഡത്തിന്റെ പുസ്തകം കൊടുത്തയക്കുന്നുവെന്ന് പറയാനായിരുന്നു ആ ഫോൺ കോൾ. ആ നിമിഷം മുതൽ അതിനുവേണ്ടിയുള്ള കാത്തിരിപ്പിലായിരുന്നു. പലപ്പോഴും മാഡവും രാഹുൽജിയും പുസ്തകത്തേക്കുറിച്ച് പറഞ്ഞിട്ടുള്ള കാര്യങ്ങളും ഈ കാത്തിരിപ്പിന് ആക്കം കൂട്ടുന്നുണ്ടായിരുന്നു. അമ്മയുടെ ആറാം ചരമാവാർഷികവുമായി ബന്ധപ്പെട്ട് നാളെ നടക്കുന്ന ചടങ്ങിൽ പങ്കെടുക്കാൻ കണ്ടോന്താറിലേക്കുള്ള യാത്രയിലാണിപ്പോൾ. യാത്രയിൽ പരമാവധി വായിക്കാൻ കഴിയുമെന്ന പ്രതീക്ഷയിലാണ്.

അതെന്തുതന്നെയായാലും ഈ രാഷ്ട്രത്തിന്റെ ചരിത്രത്തെ വരച്ചിടുന്നൊരു ജീവിതം, എല്ലാ മതേതര, ജനാധിപത്യ വിശ്വാസികളും വായിക്കണം. ഇന്ത്യയെ ഇഷ്ടപ്പെടുന്ന ഓരോ മനുഷ്യനും വായിച്ചിരിക്കേണ്ട പുസ്തകമാണിത്. വർത്തമാനകാല ഇന്ത്യ കണ്ട ഏറ്റവും ധീരയായ സ്ത്രീയുടെ ജീവിതം. ഇനിയും ചരിത്രത്തിലേക്ക് വഴി തുറക്കുന്ന ഒട്ടനവധി രചനകൾ ഉണ്ടാവട്ടെ. ഹൃദയത്തോട് ചേർത്തുനിർത്തുകയാണ്, "Belonging: A Journey of Love".

08/11/2026

നരേന്ദ്ര മോദിയുടെയും അമിത് ഷായുടെയും നേതൃത്വത്തിലുള്ള ജനാധിപത്യവിരുദ്ധ നീക്കങ്ങൾക്കെതിരെ കോൺഗ്രസ് ആരംഭിച്ച ജനകീയ പോരാട്ടം രാജ്യവ്യാപകമായി ആളിപ്പടരുകയാണ്. നവംബർ ഒന്നിന് നടന്ന പ്രതിഷേധങ്ങൾ ഇന്ത്യ ഇതുവരെ കണ്ടിട്ടില്ലാത്ത വിധം ചരിത്രപരമായ ജനമുന്നേറ്റത്തിനാണ് സാക്ഷ്യം വഹിച്ചത്. ഇന്നലെ കോഴിക്കോട് നടന്ന റാലിയിൽ മാത്രം ഇരുപത്തയ്യായിരത്തോളം ആളുകളാണ് അണിനിരന്നത്. തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ തലപ്പത്തുനിന്ന് മാറ്റി, ഇന്ത്യയിലെ തിരഞ്ഞെടുപ്പ് പ്രക്രിയ കുറ്റമറ്റതും നിഷ്പക്ഷവുമാക്കി മാറ്റുന്നതുവരെ ഈ പോരാട്ടത്തിൽ നിന്ന് ഒരടി പോലും പിന്നോട്ടില്ല. ആര് വിരട്ടിയാലും ഭയപ്പെടുത്തിയാലും ഞങ്ങളുടെ ഈ സമരവീര്യത്തെ തല്ലിക്കെടുത്താമെന്ന് ഭരണകൂടം വ്യാമോഹിക്കേണ്ടതില്ല.

ഇത് കേവലം വോട്ടവകാശത്തിന് വേണ്ടിയുള്ള പോരാട്ടം മാത്രമല്ല, മറിച്ച് രാജ്യത്തെ പാവപ്പെട്ടവരുടെയും യുവാക്കളുടെയും നിലനിൽപ്പിനായുള്ള ജീവന്മരണ പോരാട്ടമാണ്. ആധാർ കാർഡിന് പകരം ജനങ്ങൾക്ക് ലഭിക്കുന്ന ആനുകൂല്യങ്ങളെല്ലാം വോട്ടർ ഐഡിയുമായി ബന്ധിപ്പിക്കാനുള്ള നീക്കങ്ങളാണ് ഇപ്പോൾ നടക്കുന്നത്. വോട്ടർ പട്ടികയിൽ നിന്ന് പേര് വെട്ടിമാറ്റപ്പെടുന്നതോടെ സാധാരണക്കാർക്ക് ലഭിക്കേണ്ട അവകാശങ്ങളും ആനുകൂല്യങ്ങളും കൂടിയാണ് ഇല്ലാതാകുന്നത്. ഈ ജനാധിപത്യ ധ്വംസനത്തിനെതിരെ രാജ്യത്തെ ഓരോ ബൂത്തിലും പഞ്ചായത്ത് തലം വരെ 'വോട്ട് ബച്ചാവോ ദേശ് ബച്ചാവോ' ക്യാമ്പയിൻ കൂടുതൽ ശക്തമായി വ്യാപിപ്പിക്കുകയാണ്. വോട്ടർ പട്ടിക പരിശോധിച്ച്, അന്യായമായി ഒഴിവാക്കപ്പെട്ട ഓരോ മനുഷ്യന്റെയും വോട്ട് തിരികെ ചേർക്കുന്നതിനായി 'വോട്ട് രക്ഷകർ' അടുത്ത ഒന്നര മാസക്കാലം ഗ്രാമഗ്രാമാന്തരങ്ങളിൽ കർമ്മനിരതരായി ജനങ്ങൾക്കിടയിലുണ്ടാകും.

വരാനിരിക്കുന്ന പാർലമെന്റ് സമ്മേളനത്തിലും ശക്തമായ പോർമുഖം തുറന്നുതന്നെ ഈ ജനവിരുദ്ധ നീക്കങ്ങളെ ഞങ്ങൾ തുറന്നുകാട്ടും. കഴിഞ്ഞ പാർലമെന്റ് സമ്മേളനത്തിൽ അമിത് ഷായ്ക്ക് സഭയിലേക്ക് കയറാൻ പോലും കഴിയാതെ ഒളിച്ചോടേണ്ടി വന്നത് രാജ്യം കണ്ടതാണ്. ഈ സമ്മേളനത്തിലും ജനങ്ങളുടെ ചോദ്യങ്ങൾക്ക് ഭരണകൂടത്തെക്കൊണ്ട് നേരിട്ട് മറുപടി പറയിപ്പിക്കുക തന്നെ ചെയ്യും. രാജ്യത്തിന്റെ ജനാധിപത്യവും സാധാരണക്കാരന്റെ മൗലികാവകാശങ്ങളും സംരക്ഷിക്കാനുള്ള ഈ മഹാപോരാട്ടത്തിൽ കക്ഷിരാഷ്ട്രീയ ഭേദമന്യേ രാജ്യത്തെ മുഴുവൻ ജനങ്ങളും ഞങ്ങളോടൊപ്പം അണിനിരക്കണമെന്ന് അഭ്യർത്ഥിക്കുന്നു.

ആലപ്പുഴയിൽ മാധ്യമങ്ങളെ കാണുന്നു...

Best wishes to everyone on the auspicious occasion of Deepavali!May the light of the diyas and the vibrant festive colou...
08/11/2026

Best wishes to everyone on the auspicious occasion of Deepavali!

May the light of the diyas and the vibrant festive colours drive away the negativity and darkness for you and your families!

Happy Diwali! 🪔✨

07/11/2026

കോഴിക്കോട് ഡിസിസി സംഘടിപ്പിച്ച 'ദേശ് ബച്ചാവോ' മഹാറാലി ഉദ്ഘാടനം ചെയ്തപ്പോൾ ചരിത്രമുറങ്ങുന്ന കോഴിക്കോട് കടപ്പുറത്ത് അലയടിച്ചത് രാജ്യത്തിന്റെ ജനാധിപത്യം വീണ്ടെടുക്കാനുള്ള ജനകീയ പോരാട്ടത്തിന്റെ വീര്യമായിരുന്നു. കോരിച്ചൊരിയുന്ന പെരുമഴയെപ്പോലും വകവെക്കാതെ ഒഴുകിയെത്തിയ പതിനായിരക്കണക്കിന് ജനങ്ങൾ മോദി ഭരണകൂടത്തിന്റെ വോട്ട് കൊള്ളയ്ക്കും ഏകാധിപത്യ നയങ്ങൾക്കുമെതിരെയുള്ള ശക്തമായ താക്കീതാണ് നൽകിയത്. ഹരിയാനയിലും മഹാരാഷ്ട്രയിലും ഉൾപ്പെടെ കള്ളവോട്ടുകളിലൂടെയും കൃത്രിമങ്ങളിലൂടെയുമാണ് ബിജെപി ജനാധിപത്യത്തെ അട്ടിമറിച്ചതെന്ന് രാഹുൽ ഗാന്ധിയുടെ നേതൃത്വത്തിൽ കോൺഗ്രസ് തെളിവുകൾ സഹിതം പുറത്തുകൊണ്ടുവന്നിട്ടുണ്ട്. പൗരന്റെ പരമാധികാരമായ വോട്ടവകാശം കവർന്നെടുക്കാനും 13 കോടിയിലധികം വോട്ടർമാരെ പട്ടികയിൽ നിന്ന് പുറന്തള്ളാനും കൂട്ടുനിൽക്കുന്ന മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ സ്ഥാനത്തുനിന്ന് പുറത്താക്കും വരെ ഞങ്ങളുടെ ഈ പോരാട്ടം വിശ്രമമില്ലാതെ തുടരുക തന്നെ ചെയ്യും.

പ്രസിഡന്റിനോ പ്രധാനമന്ത്രിക്കോ സുപ്രീം കോടതി ചീഫ് ജസ്റ്റിസിനോ ഇല്ലാത്ത നിയമപരിരക്ഷ നൽകി ഭരണഘടനാ സ്ഥാപനങ്ങളെ സ്വന്തം ഇംഗിതത്തിന് ചട്ടുകമാക്കാമെന്ന മോദിയുടെ വ്യാമോഹം ഇനി നടപ്പില്ല. രാഹുൽ ഗാന്ധിയുമായി പരസ്യ സംവാദത്തിന് വരാൻ ധൈര്യമുണ്ടോ എന്ന വെല്ലുവിളിക്ക് മുന്നിൽ ഒളിച്ചോടുന്ന ഭീരുത്വമാണ് ഇന്ന് നരേന്ദ്ര മോദിക്കുള്ളത്. ഇത് ഏതെങ്കിലും ഒരു പാർട്ടിയുടെ അധികാരത്തിന് വേണ്ടിയുള്ള പോരാട്ടമല്ല, മറിച്ച് രാജ്യത്തിന്റെ ആത്മാവിനെയും ഓരോ പൗരന്റെയും വോട്ടവകാശത്തെയും സംരക്ഷിക്കാനുള്ള ജീവന്മരണ പോരാട്ടമാണ്. കേന്ദ്ര ഭരണകൂടത്തിന് ഉറക്കമില്ലാത്ത രാവുകൾ സമ്മാനിക്കുന്ന ഈ മഹാപ്രക്ഷോഭത്തിന് കരുത്തുപകർന്ന മുഴുവൻ ജനാധിപത്യവിശ്വാസികൾക്കും കോഴിക്കോട് ഡിസിസി നേതൃത്വത്തിനും ഹൃദയം നിറഞ്ഞ അഭിവാദ്യങ്ങൾ!

07/11/2026

കോഴിക്കോട് ഡിസിസിയുടെ ദേശ് ബഛാവോ മഹാറാലി

📍കോഴിക്കോട് ബീച്ച്

07/11/2026

വിദ്യാഭ്യാസത്തിനായി സ്കൂളിലെത്തിയ പഞ്ചമി എന്ന പെൺകുട്ടിയുടെ ഇരിപ്പിടം തല്ലിത്തകർത്ത് തീയിട്ടവർക്കെതിരെ മഹാത്മാ അയ്യങ്കാളി നയിച്ച വിപ്ലവകരമായ മുന്നേറ്റത്തിന്റെ ഓർമ്മപ്പെടുത്തലാണ് 'പഞ്ചമി' എന്ന നാമം. ആ കത്തിച്ചാമ്പലായ ബെഞ്ചിൽ നിന്നും സ്വന്തം ജനതയ്ക്ക് നൈപുണ്യവും ആത്മവിശ്വാസവും പകർന്ന്, ഇന്ന് സ്ത്രീശാക്തീകരണത്തിന്റെ അഭിമാന മാതൃകയായി മാറിയ പഞ്ചമി സ്വയം സഹായ സംഘങ്ങളുടെ പത്താമത് സംസ്ഥാന സമ്മേളനം ഉദ്ഘാടനം ചെയ്യാൻ സാധിച്ചതിൽ അതിയായ സന്തോഷമുണ്ട്. ആരുടെയും ഔദാര്യമല്ല, മറിച്ച് തലമുറകൾ നീണ്ട തീഷ്ണമായ പോരാട്ടങ്ങളുടെയും ത്യാഗങ്ങളുടെയും ഫലമായാണ് പാർശ്വവൽക്കരിക്കപ്പെട്ട സമൂഹം ഡോക്ടർമാരും എഞ്ചിനീയർമാരും ഐ.എ.എസ് ഉദ്യോഗസ്ഥരുമായി ഇന്ന് സമൂഹത്തിന്റെ മുൻനിരയിലേക്ക് വളർന്നുവന്നത്. അതിൽ വിട്ടുവീഴ്ചയില്ലാത്ത നിലപാടുകളുമായി കെ.പി.എം.എസ് അടക്കമുള്ള പ്രസ്ഥാനങ്ങൾ വഹിച്ച പങ്കും നിസ്തുലമാണ്.

നവോത്ഥാന മൂല്യങ്ങളെക്കുറിച്ച് നിരന്തരം സംസാരിക്കുമ്പോഴും ഈ ജനവിഭാഗങ്ങൾക്ക് ഭരണ-സാമൂഹിക തലങ്ങളിൽ അർഹമായ പ്രാതിനിധ്യം ഉറപ്പാക്കുന്നതിൽ നാം ഇനിയും ഏറെ മുന്നോട്ടുപോകാനുണ്ട്. പാർശ്വവൽക്കരിക്കപ്പെട്ട വിദ്യാർത്ഥികൾക്ക് ലഭിക്കേണ്ട പ്രീ-മെട്രിക്, പോസ്റ്റ്-മെട്രിക് സ്കോളർഷിപ്പുകൾ വർഷങ്ങളോളം വൈകിപ്പിക്കുന്ന സാഹചര്യങ്ങൾക്കെതിരെ പബ്ലിക് അക്കൗണ്ട്സ് കമ്മിറ്റി ചെയർമാൻ എന്ന നിലയിൽ കർശനമായ നിലപാടാണ് സ്വീകരിച്ചിട്ടുള്ളത്. സ്ത്രീശാക്തീകരണത്തിലൂടെയും സാമ്പത്തിക സ്വയംപര്യാപ്തതയിലൂടെയും ചരിത്രപരമായ ദൗത്യം നിർവ്വഹിക്കുന്ന പഞ്ചമി സ്വയം സഹായ സംഘങ്ങളുടെ എല്ലാവിധ മുന്നേറ്റങ്ങൾക്കും പ്രവർത്തനങ്ങൾക്കും ഹൃദയം നിറഞ്ഞ ആശംസകൾ നേരുന്നു.

Address

Alappuzha

Telephone

+914772266220

Website

Alerts

Be the first to know and let us send you an email when K.C. Venugopal posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to K.C. Venugopal:

Shortcuts

Share

Nearby government services