ZP Raigad, Alibag

20/05/2026

📍जिल्हा परिषद रायगड | अलिबाग
महाराष्ट्राचं नवं आरोग्यगीत… ‘कसं काय?’

https://youtu.be/mdKGNchk0aY

लोकसहभाग, जनजागृती आणि निरोगी जीवनशैलीचा संदेश देणारं
‘माझं गाव, आरोग्यसंपन्न गाव’ अभियानाचं अधिकृत गाणं आता महाराष्ट्रभर घुमत आहे.

गावागावांना जोडणारा एकच सूर — 'कसं काय?'

महाराष्ट्राचं नवं आरोग्यगीत… ‘कसं काय?’लोकसहभाग, जनजागृती आणि निरोगी जीवनशैलीचा संदेश देणारं‘माझं गाव, आरोग्यस...

19/05/2026

📍जिल्हा परिषद रायगड | अलिबाग

15व्या वित्त आयोगांतर्गत राजिपच्या अंतिम आराखड्यास मंजुरी

अलिबाग : रायगड जिल्हा परिषदेची विशेष सभा सोमवारी (ता.18) जिल्हाधिकारी कार्यालयातील नियोजन भवन येथे रायगड जिल्हा परिषदेचे अध्यक्ष मंगेश वाकडीकर यांच्या अध्यक्षतेखाली पार पडली. या सभेत 15व्या वित्त आयोगांतर्गत 2025-26 या वर्षाकरीता स्थानिक स्वाराज्य संस्थांना वाटप करण्यासाठी तयार करण्यात आलेल्या अंतिम आराखड्यास उपस्थित सर्व जिल्हा परिषद सदस्य व पंचायत समितीच्या सभापतींच्या अनुमोदनानंतर मंजुरी देण्यात आली.
ग्रामविकास विभागाकडून 2022-23, 2023-24, 2024-25 व 2025-26 या वर्षातील 15व्या वित्त आयोगाचा एकूण 52 कोटी 72 लाख 80 हजार 990 रुपये निधी रायगड जिल्हा परिषदेकडे वर्ग करण्यात आला आहे.

18/05/2026

https://x.com/rgsamaharashtra/status/2056254412855930894... राष्ट्रीय पंचायत पुरस्कार 2025
केंद्र सरकारच्या पंचायत राज मंत्रालयातर्फे राष्ट्रीय पंचायत पुरस्कार 2025 जाहीर झाले असून देशभरातील 17 राज्ये आणि केंद्रशासित प्रदेशांतील 42 पंचायतींचा गौरव करण्यात येणार आहे.
या पुरस्कारांमध्ये रायगड जिल्ह्यातील खारीवली ग्रामपंचायत – जलसमृद्ध पंचायत गटात देशात प्रथम क्रमांक, चांभारी ग्रामपंचायत – सामाजिक न्याय व सामाजिक सुरक्षा विषयात द्वितीय क्रमांक मिळवले आहे. या पुरस्कारांचे वितरण 3 जून रोजी नवी दिल्ली येथे होणार आहे.


https://x.com/mopr_goi/status/2055289795463798934?s=20

18/05/2026

📍जिल्हा परिषद रायगड | अलिबाग

रायगड जिल्हा परिषदेचे कृषी, पशुसंवर्धन व दुग्धविकास समिती सभापती वैकुंठ पाटील यांच्या पुढाकारातून प्रत्येक तालुक्यात कृषी मेळावे आयोजित करण्याचा निर्णय घेण्यात आला असून, त्यानुसार रोहा, सुधागड-पाली व कर्जत तालुक्यात पंचायत समितीच्या सहकार्यातून कृषी मेळावा पार पडला. रोहा येथील मेळाव्याचे उद्घाटन महिला व बालविकास मंत्री आदिती तटकरे यांच्या हस्ते झाले. यावेळी रायगड जिल्हा परिषद उपाध्यक्ष मधुकर पाटील, कृषी व पशुसंवर्धन सभापती वैकुंठ पाटील, जिल्हा परिषद सदस्य उर्वशी वाडकर, निधी जाधव, सुमीत काते, पंचायत समिती सभापती विजया पाशिलकर, उपसभापती संजय मांडलुस्कर, पंचायत समिती सदस्य किसनराव मोरे, जगन्नाथ धनावडे, वर्षा देशमुख, समृध्दी कोळी, करुणा हंबीर, गटविकास अधिकारी महादेव शिंदे, माजी सभापती सदानंद गायकर, बाबुराव बामणे, कृषी अधिकारी महादेव करे, पंचायत समिती कृषी अधिकारी रणजीत लवाटे, आदी उपस्थित होते.
त्याचप्रमाणे सुधागड-पाली येथील मेळाव्याचे उद्घाटन आमदार रविंद्र पाटील यांच्या हस्ते झाले. याप्रसंगी माजी सभापती गीता पालरेच्या, सभापती जागृती मानकर, उपसभापती संदेश शेवाळे, जिल्हा परिषद सदस्य शर्मिला बोडके, चंद्रकांत वारगुडा, पंचायत समिती सदस्या प्रणिता परदेशी, सुनीता लेंडी, पाली नगरपंचायत नगराध्यक्ष पराग मेहता, माजी सरपंच रोहन दगडे, कृषी विकास अधिकारी महेश नारायणकर, गट विकास अधिकारी लता मोहिते, प्र. तालुका कृषी अधिकारी शिंदे, सहा. गट विकास अधिकारी अशोक महामुनी, तसेच विविध संस्थांचे प्रतिनिधी आणि तालुक्यातील सर्व सरपंच, महिला बचत गटांचे सदस्य व शेतकरी मोठ्या संख्येने उपस्थित होते.

15/05/2026

📍जिल्हा परिषद रायगड | अलिबाग
पोलादपुर पंचायत समिती अंतर्गत वाकण ग्रा.पं.ला सर्वोत्कृष्ट बहुमजली इमारत पुरस्कार प्रदान !
जिल्ह्यातील पोलादपूर तालुक्यातील वाकण ग्रामपंचायत हद्दीत महाआवास अभियान सन 2023-24 अंतर्गत बांधण्यात आलेल्या बहुमजली इमारतीला ‘सर्वोत्कृष्ट बहुमजली इमारत’ या विभागातील द्वितीय क्रमांकाचा पुरस्कार शुक्रवारी (ता.15) सातारा येथे झालेल्या पुरस्कार वितरण सोहळ्यात प्रदान करण्यात आला.

15/05/2026

खालापूर तालुक्यातील वासांबे ग्रामपंचायतीला आत्मनिर्भर पंचायत विशेष पुरस्कार जाहीर..!

भारत सरकारच्या पंचायतराज मंत्रालयामार्फत 2024-25 या वर्षीचा आत्मनिर्भर पंचायत विशेष पुरस्कार हा रायगड जिल्ह्यातील खालापूर तालुक्यातील वासांबे ग्रामपंचायतीला जाहीर झाला आहे. यामुळे रायगड जिल्ह्याचा डंका राष्ट्रीय स्तरावरही कायम असल्याचे सिद्ध झाले आहे.
पंचायतराज मंत्रालयामार्फत स्वतःचे महसुलाचे स्त्रोत वाढवून त्यातून गावाचा शाश्वत विकास साधाणा-या ग्रामपंचायतींना हा विशेष श्रेणीतील ‘आत्मनिर्भर पंचायत’ पुरस्कार दिला जातो.
खालापूर तालुक्यातील वासांबे ग्रामपंचायतीने आपले उत्पन्न वाढविण्यासाठी मनोरंजन कर, व्यवसाय कर, आठवडा बाजार कर अशाप्रकारचे कर त्याचप्रमाणे करेत्तर स्त्रोतांच्या माध्यमातून आपला महसूल वाढविला. या महसुलाचा विनियोग गावातील विविध विकासकामांसाठी करण्यात आला. यासाठी सरपंच उमा मुंढे यांच्या मार्गदर्शनाखाली उपसरपंच, ग्रामविकास अधिकारी, ग्रामस्थ यांनी कसोशीने प्रयत्न केले.
यामुळेच रायगड जिल्हा परिषद व महाराष्ट्र शासनाच्या वतीने वासांबे ग्रामपंचायतीचे नामनिर्देशन ‘आत्मनिर्भर पंचायत’ या पुरस्कारासाठी केंद्रीय पंचायतराज विभागाकडे पाठविण्यात आले. त्यानंतर पुरस्कार निवडीसाठी केंद्रीय सरकारच्या समितीने वासांबे ग्रामपंचायतीला भेट देउन पाहणी केली व समाधान व्यक्त केले.
विविध मूल्यांकनाच्या आधारे 2024-25 या वर्षीचा आत्मनिर्भर पंचायत विशेष पुरस्कार जाहीर करण्यात आला आहे.
या पुरस्काराबद्दल रायगड जिल्हा परिषदेचे अध्यक्ष मंगेश वाकडीकर, उपाध्यक्ष मधुकर पाटील, मुख्य कार्यकारी अधिकारी नेहा भोसले व उपमुख्य कार्यक्रारी अधिकारी ग्रामपंचायत विशाल तनपुरे यांनी वासांबे ग्रामपंचायत प्रशासन तसेच खालापूरचे गटविकास अधिकारी संदीप कराड यांचे अभिनंदन केले आहे.

13/05/2026

📍जिल्हा परिषद रायगड | अलिबाग

बांद्रा-कुर्ला कॉम्प्लेक्स संकुलातील एमएमआरडीए मैदानावर 2 ते 14 मे दरम्यान महालक्ष्मी सरस प्रदर्शनाचे आयोजन करण्यात आले आहे. या प्रदर्शनात रायगड जिल्ह्यातील एकूण 28 महिला बचतगटांनी सहभाग घेतला आहे. या महिला बचतगटांना प्रोत्साहन देण्यासाठी रायगड जिल्हा परिषदेच्या मुख्य कार्यकारी अधिकारी नेहा भोसले मॅडम व जिल्हा ग्रामीण विकास यंत्रणेच्या प्रकल्प संचालक प्रियदर्शनी मोरे मॅडम यांनी मंगळवारी (ता.12) प्रदर्शनाला भेट दिली.

13/05/2026

📍वासांबे ग्रामपंचायत | खालापूर| जिल्हा परिषद रायगड

वासांबे ग्रामपंचायतीला आत्मनिर्भर पंचायत विशेष पुरस्कार जाहीर..!

भारत सरकारच्या पंचायतराज मंत्रालयामार्फत 2024-25 या वर्षीचा ‘आत्मनिर्भर पंचायत विशेष पुरस्कार’ रायगड जिल्ह्यातील खालापूर तालुक्यातील वासांबे ग्रामपंचायतीला जाहीर झाला आहे. यामुळे रायगड जिल्ह्याचा डंका राष्ट्रीय स्तरावरही कायम असल्याचे सिद्ध झाले आहे. खालापूर तालुक्यातील वासांबे ग्रामपंचायतीने आपले उत्पन्न वाढविण्यासाठी मनोरंजन कर, व्यवसाय कर, आठवडा बाजार कर अशाप्रकारचे कर त्याचप्रमाणे करेत्तर स्त्रोतांच्या माध्यमातून आपला महसूल वाढविला. या महसुलाचा विनियोग गावातील विविध विकासकामांसाठी करण्यात आला. यासाठी सरपंच उमा मुंढे यांच्या मार्गदर्शनाखाली उपसरपंच, ग्रामविकास अधिकारी, ग्रामस्थ यांनी कसोशीने प्रयत्न केले. या पुरस्काराबद्दल रायगड जिल्हा परिषदेचे अध्यक्ष मंगेश वाकडीकर, उपाध्यक्ष मधुकर पाटील, मुख्य कार्यकारी अधिकारी नेहा भोसले व उपमुख्य कार्यक्रारी अधिकारी ग्रामपंचायत विशाल तनपुरे यांनी वासांबे ग्रामपंचायत प्रशासन तसेच खालापूरचे गटविकास अधिकारी संदीप कराड यांचे अभिनंदन केले.

12/05/2026

📍जिल्हा परिषद रायगड | अलिबाग

नव्या शैक्षणिक वर्षातील पहिला दिवस विद्यार्थ्यांसाठी संस्मरणीय ठरावा, यासाठी रायगड जिल्ह्यातील विद्यार्थ्यांना नव्याकोऱ्या पाठ्यपुस्तकांचा संच पहिल्याच दिवशी उपलब्ध करून देण्याचे नियोजन करण्यात आले आहे. समग्र शिक्षा अभियानांतर्गत पहिली ते आठवीपर्यंतच्या दोन लाख २५६ विद्यार्थ्यांना मोफत पाठ्यपुस्तकांचे वाटप करण्यात येणार आहे.

11/05/2026

📍जिल्हा परिषद रायगड | अलिबाग

अंगणवाडीसेविकांचे दहावीचे स्वप्न साकार!

रायगड जिल्हा परिषदेच्या मुख्य कार्यकारी अधिकारी नेहा भोसले यांच्या संकल्पनेतून महिला व बालकल्याण विभाग, माध्यमिक शिक्षण विभाग व प्रथम एज्युकेशन फाऊंडेशन यांच्या संयुक्त विद्यमाने शैक्षणिक वर्ष 2025-26 मध्ये रायगड जिल्ह्यात “शिक्षणाची पुनःसंधी” (सेकंड चान्स प्रोग्राम) हा उपक्रम राबविण्यात आला. या कार्यक्रमांतर्गत विविध कारणांमुळे शिक्षण अपूर्ण राहिलेल्या महिला व मुलींना पुन्हा शिक्षणाच्या मुख्य प्रवाहात आणून इयत्ता 10 वी पूर्ण करण्याची संधी उपलब्ध करून देण्यात आली. सदर उपक्रमांतर्गत 188 अंगणवाडी सेविकांनी 10 वीची परीक्षा दिली होती व त्यापैकी 181 सेविकांनी परीक्षा उत्तीर्ण केली आहे. तसेच 294 अंगणवाडी मदतनीसांनी परीक्षा दिली व त्यापैकी 276 मदतनीसांनी यशस्वीपणे 10 वी उत्तीर्ण केली आहे. याशिवाय 25 इतर महिलांनीही या उपक्रमाच्या सहाय्याने 10 वीची परीक्षा दिली व त्या उत्तीर्णही झाल्या. या सर्व उत्तीर्ण अंगणवाडी सेविका, अंगणवाडी मदतनीस व इतर महिलांचे रायगड जिल्हा परिषद अध्यक्ष मंगेश वाकडीकर, उपाध्यक्ष मधुकर पाटील, शिक्षण सभापती चंद्रकांत कळंबे, महिला व बालकल्याण सभापती रसिका केणी, कृषि व दुग्धसंवर्धन सभापती वैकुंठ पाटील, जिल्हा परिषद सदस्य, शिक्षणाधिकारी (माध्यमिक) महारुद्र नाळे तसेच प्रथम एज्युकेशन फाऊंडेशनच्या वतीने हार्दिक अभिनंदन करण्यात आले असून त्यांच्या पुढील शैक्षणिक व वैयक्तिक वाटचालीसाठी शुभेच्छा देण्यात आल्या आहेत.

09/05/2026

📍जिल्हा परिषद रायगड | अलिबाग

ग्रामीण विकास व पंचायतराज संसदीय स्थायी समितीच्या सदस्यांची घारापुरीला भेट

अलिबाग: उरण तालुक्यातील घारापुरी बेटावर ग्रामीण विकास व पंचायतराज संसदीय स्थायी समितीच्या सदस्यांनी भेट देऊन लेण्यांची पाहणी केली. खासदार सप्तगिरी शंकर उलाका यांच्या अध्यक्षतेखाली आयोजित अभ्यास दौ-यात समितीचे 13 खासदार सहभागी झाले होते. यामध्ये कविता पाटीदार, देवेंद्रसिंह भोले सिंग, जनार्दन मिश्रा, जुगल किशोर, राज शंकर राजभर, ओमप्रकाश राजे निंबाळकर, नागेंद्र रे, विजयकुमार रे, विजय कुमार दुबे, गीता चंद्रप्रभा, राजार्थी, अतुल सिंह देशराज शेखर, मृत्युंजय सिंग यादव, शुभेस्यु शेखर, रश्मी रॉय आदी खासदारांचा समावेश होता. यावेळी रायगड जिल्हा परिषदेच्या मुख्य कार्यकारी अधिकारी नेहा भोसले व जिल्हा ग्रामीण विकास प्रकल्प अधिकारी प्रियदर्शनी मोरे यादेखील उपस्थित होत्या. दौ-यात समितीने घारापुरी बेटाच्या विकासाबाबत पंचायत समितीचे विस्तार अधिकारी विनोद मिंडे, घारापुरी सरपंच मीना भोईर, उपसरपंच बळीराम ठाकूर, ग्रामविकास अधिकारी पवित्रा कडू यांच्याशी चर्चा करून माहिती घेतली.

#ग्रामीण विकास व पंचायतराज संसदीय स्थायी समिती