CPIM Aluva Area Committee.

02/08/2026

02/08/2026

പ്രൊ. എം കെ സാനുമാസ്റ്റർ അനുസ്മരണവും "സാനു സമ്മാനം 2026 " സമർപ്പണവും
സ . പിണറായി വിജയൻ നിർവ്വഹിക്കുന്നു.

02/08/2026

കേരളീയ സാംസ്ക‌ാരിക ജീവിതത്തിൽ മഹാ സാന്നിദ്ധ്യമായി നിറഞ്ഞു നിന്ന പ്രൊഫസർ എം.കെ.സാനുമാസ്റ്ററുടെ സ്‌മരണ എക്കാലവും നിലനിർത്തുന്ന പ്രവർത്തനങ്ങൾക്ക് നേതൃത്വം നല്‌കുവാൻ എറണാകുളം കേന്ദ്രമാക്കി പ്രൊഫ.എം.കെ.സാനു സാംസ്‌കാരിക കേന്ദ്രത്തിന് രൂപം കൊടുത്തു. സാനു സമ്മാനം എന്ന പേരിൽ സമഗ്ര സംഭാവന പുരസ്‌കാരവും, യുവപ്രതിഭ പുരസ്കാ രവും നല്കുന്നു.

സാംസ്കാരിക കേന്ദ്രത്തിൻ്റെ പ്രഥമ സാനു സമ്മാനം പ്രഖ്യാപിക്കുന്നു. (സമഗ്ര സംഭാവന പുരസ്‌കാരവും, യുവ പ്രതിഭ പുരസ്കാരവും)

സാമൂഹിക-സാംസ്‌കാരിക-സാഹിത്യ രംഗത്തെ സമഗ്രസംഭാവനകൾ പരിഗണിച്ച് നൽകുന്ന സാനു സമ്മാനം -2026 പുരസ്‌കാരം ഡോക്‌ടർ എം. ലീലാ വതി ടീച്ചർക്കാണ് നല്‌കുന്നത്. ഏഴു പതിറ്റാണ്ടു നീണ്ട എഴുത്തു ജീവിതം മല യാളിക്ക് ഈടുറ്റ ഒട്ടേറെ കൃതികൾ സമ്മാനിച്ചു. മലയാളികളുടെ സാമൂഹിക ജീവിതത്തിൽ എഴുത്തുകാരി, പ്രഭാഷക, അദ്ധ്യാപിക എന്നീ നിലകളിലെല്ലാം നിറ സാന്നിദ്ധ്യമായ ഡോ.എം.ലീലാവതി ടീച്ചർക്ക് ഒരുലക്ഷം രൂപ സമ്മാന തുകയും, ശില്പി ഉണ്ണി കാനായി രൂപകല്‌പന ചെയ്ത‌ ശില്‌പവും പ്രശംസ പത്രവുമാണ് നൽകുന്നത്.

സാനു സമ്മാനം 2026 യുവപ്രതിഭ പുരസ്‌കാരം ഡോ:വിനിൽ പോളിനാണ് നല്കുന്നത്. ചരിത്രത്തിൽ ഡോക്‌ടറേറ്റ് നേടിയ ഡോ:വിനിൽ പോൾ നിരവധി അംഗീകാരങ്ങൾ നേടിയ യുവ പ്രതിഭയാണ്. അടിമ കേരളത്തിൻ്റെ അദ്യശ്യ ചരിത്രം, ദളിത് ചരിത്ര ദംശനം, മഞ്ചാടിക്കരി, മൃഗയ: കേരളത്തിൻ്റെ നായാട്ടു ചരിത്രം, തർക്കിത ഭൂതകാലം തുടങ്ങിയ കൃതികളുടെ രചയിതാവായ ഡോ വിനിൽ പോൾ കൊല്ലം ഫാത്തിമാ മാതാ നാഷണൽ കോളേജിൽ ചരിത്രവിഭാഗം അസി സ്റ്റന്റ് പ്രൊഫസറാണ്. ഇരുപത്തി അയ്യായിരം രൂപയും, ഉണ്ണി കാനായി രൂപകല്പന ചെയ്ത‌ ശില്‌പവും, പ്രശസ്‌തി പത്രവുമാണ് സാനു സമ്മാനം 2026 യുവ പ്രതിഭാ പുരസ്‌കാര ജേതാവിന് നല്കുന്നത്.

എല്ലാവർഷവും, ഈവിധം അവാർഡുകൾ നല്‌കുക, സാഹിത്യോത്സവങ്ങൾ സംഘടിപ്പിക്കുക, അനുസ്‌മരണ പ്രഭാഷണങ്ങൾ നടത്തുക തുടങ്ങിയ വിവിധങ്ങളായ പരിപാടികളാണ് എം.കെ.സാനു സാംസ്‌കാരിക കേന്ദ്രം ലക്ഷ്യമിട്ടിട്ടുള്ളത്.

പ്രഥമ സാനു സമ്മാന വിതരണവും അനുസ്‌മരണ ചടങ്ങും ഇന്ന് 2026 ആഗസ്റ്റ് 2 ന് മുൻ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.

2026 ആഗസ്റ്റ് 2ന് വൈകീട്ട് 4 ന് ബോട്ടുജെട്ടിയിലുള്ള ടി.കെ. രാമകൃഷ്ണൻ സാംസ്കാരിക കേന്ദ്രത്തിൽ വെച്ചാണ് അനുസ്‌മരണ ചടങ്ങ്. പ്രസ്തുത ചടങ്ങിൽ പ്രമുഖ പത്രപ്രവർത്തകൻ ആർ. രാജഗോപാലും ഡോ.സുനിൽ പി ഇളയിടവുമായുള്ള സംവാദ സദസ്സ് ഉണ്ടാകും.

പ്രൊഫ.എം.കെ. സാനു സാംസ്കാരിക കേന്ദ്രം പ്രസിഡൻ്റ് എൻ.എസ്. മാധവൻ അദ്ധ്യക്ഷത വഹിക്കുന്ന അനുസ്‌മരണ ചടങ്ങിൽ പ്രമുഖ വ്യക്തിത്വങ്ങൾ പങ്കെടുക്കും.

എൻ.എസ്.മാധവൻ, ഡോ.കെ.ജി.പൗലോസ്, ഡോ. സുനിൽ പി ഇളയിടം, തനുജ ഭട്ടതിരി എന്നിവരടങ്ങുന്ന ജഡ്‌ജിംഗ് കമ്മിറ്റിയാണ് അവാർഡ് ജേതാക്കളെ തെരഞ്ഞെടുത്തത്.

02/08/2026

മഴക്കെടുതി രൂക്ഷമാവുകയാണ്. ജനങ്ങളുടെ ജീവൻ്റെ കാര്യമാണ്. ചെറിയ വീഴ്ചകൾക്ക് പോലും വലിയ വില കൊടുക്കേണ്ടിവരുന്ന നിർണായകമായ സന്ദർഭത്തിൽ സർക്കാരിൻ്റെ ഭാഗത്തു നിന്നുണ്ടാകുന്ന കുറ്റകരമായ അനാസ്ഥയും ഏകോപനമില്ലായ്മയും ഒരുതരത്തിലും അംഗീകരിക്കാനാവില്ല. മുഖ്യമന്ത്രി പൊന്നാനിയിൽ വിരുന്നിൽ പങ്കെടുക്കുമ്പോൾ തൊട്ടപ്പുറം ജനങ്ങൾ പ്രാണഭയത്തിലായിരുന്നു.
മഴ മുന്നറിയിപ്പ് നൽകുന്നതിലും ദുരന്തനിവാരണ
മുന്നൊരുക്കങ്ങളിലും ഗുരുതരമായ പാളിച്ച പറ്റിയെന്ന വിവരങ്ങളാണ് പുറത്തുവരുന്നത്. ഏറ്റവും കൂടുതൽ മഴപെയ്ത പത്തനംതിട്ട, ഇടുക്കി ജില്ലകളിൽ ഇന്നലെ രാവിലെ
വരെ ഓറഞ്ച് അലർട്ട് മാത്രമാണുണ്ടായിരുന്നത്. റെഡ് അലർട്ട് പ്രഖ്യാപിക്കുമ്പോഴേക്കും പല പ്രദേശങ്ങളും വെള്ളത്തിലായിരുന്നുവെന്നത് കെടുകാര്യസ്ഥതയുടെ തെളിവാണ്. ദുരന്തനിവാരണ അതോറിറ്റിയുടെ മാർഗ്ഗനിർദ്ദേശപ്രകാരം ഓറഞ്ച് അലർട്ട് പ്രഖ്യാപിച്ചാൽ തന്നെ അടിയന്തര നടപടി സ്വീകരിക്കേണ്ടതാണ്. എന്നാൽ, ജനങ്ങളെ സുരക്ഷിതമായ സ്ഥലത്ത് മാറ്റിപ്പാർപ്പിക്കുന്നതിനും അപകട സാധ്യതാ മേഖലയിൽ നിന്നും ഒഴിപ്പിക്കുന്നതിനും ഒരു നടപടിയും സ്വീകരിച്ചില്ല. സംസ്ഥാന ദുരന്തനിവാരണ അതോറിറ്റിക്കും കാലാവസ്ഥാ വകുപ്പിനും ഗുരുതരമായ വീഴ്ചയാണ് സംഭവിച്ചിട്ടുള്ളത്. ജനങ്ങളുടെ സുരക്ഷ ഉറപ്പുവരുത്തുന്നതിനുള്ള അടിയന്തരമായ നടപടികൾ സ്വീകരിക്കണം. അപകട സാധ്യതയുള്ള പ്രദേശങ്ങളിലുള്ള ജനങ്ങളെ ഉടൻ തന്നെ ദുരിതാശ്വാസ ക്യാമ്പുകളിലേക്ക് മാറ്റുകയും ഭക്ഷണവും മറ്റ് അടിസ്ഥാന സൗകര്യവും ഉറപ്പുവരുത്തുന്നതിനും സർക്കാർ അടിയന്തര നടപടിസ്വീകരിക്കണം.

സ. എം വി ഗോവിന്ദൻ മാസ്റ്റർ
സിപിഐ എം സംസ്ഥാന സെക്രട്ടറി

02/08/2026

02/08/2026

ഇടതുപക്ഷജനാധിപത്യ മുന്നണി
എടത്തല ഗ്രാമപഞ്ചായത്ത് ഓഫീസ് മാര്‍ച്ച്.

2026 ഓഗസ്റ്റ് 4 ചൊവ്വ രാവിലെ 10ന്
ഉദ്ഘാടനം
സ.ടി വി പ്രദീഷ്
(സിപിഐഎം ആലുവ ഏരിയകമ്മിറ്റി അംഗം)

02/08/2026

കേരളത്തിന്റെ സാമൂഹിക-സാംസ്‌കാരിക മേഖലയിൽ ഉറച്ച ശബ്ദവും സൗമ്യമായ സാന്നിധ്യവുമായിരുന്ന പ്രൊഫ. എം.കെ. സാനു മാഷ് നമ്മെ വിട്ടുപിരിഞ്ഞിട്ട് ഇന്നേക്ക് ഒരു വർഷം തികയുന്നു.

അദ്ധ്യാപകൻ, പ്രഭാഷകൻ, ജനകീയനായ പൊതുപ്രവർത്തകൻ, ഗ്രന്ഥകർത്താവ്, സാഹിത്യ നിരൂപകൻ, നിയമസഭാ സാമാജികൻ എന്നീ നിലകളിൽ സമാനതകളില്ലാത്ത സംഭാവനകൾ നൽകിയ വ്യക്തിത്വമായിരുന്നു അദ്ദേഹം.

കൊല്ലം ശ്രീനാരായണ കോളേജ്, ചിറ്റൂർ, കോഴിക്കോട്, എറണാകുളം ഗവ. കോളേജുകൾ എന്നിവിടങ്ങളിൽ അധ്യാപകനായി വിദ്യാർത്ഥികളുടെ മാർഗദർശിയായി. 1983-ൽ എറണാകുളം മഹാരാജാസ് കോളേജിൽ നിന്നാണ് വിരമിച്ചത്.

വിമർശനം, ആഖ്യാനം, ബാലസാഹിത്യം, ജീവചരിത്രം, നോവൽ തുടങ്ങി വ്യത്യസ്ത മേഖലകളിലായി നിരവധി കൃതികൾ അദ്ദേഹം രചിച്ചു. പുരോഗമന കലാസാഹിത്യ സംഘം പ്രസിഡന്റായും പ്രവർത്തിച്ചു.

സംസ്ഥാന സർക്കാരിന്റെ പരമോന്നത ബഹുമതിയായ കേരള ജ്യോതി പുരസ്‌കാരം ഉൾപ്പെടെ നിരവധി പുരസ്‌കാരങ്ങൾ അദ്ദേഹതത്തിന് തേടിയെത്തി.

1987-ൽ എറണാകുളം മണ്ഡലത്തിൽ നിന്ന് എൽഡിഎഫ് സ്വതന്ത്ര സ്ഥാനാർത്ഥിയായി വിജയിച്ച് മികച്ച നിയമസഭാ സാമാജികനായും പ്രവർത്തിച്ചു.

ശ്രീനാരായണഗുരു പ്രസ്ഥാനങ്ങളിലൂടെയും പുരോഗമന കലാസാഹിത്യ പ്രസ്ഥാനങ്ങളിലൂടെയും പുരോഗമന രാഷ്ട്രീയ പ്രസ്ഥാനങ്ങളിലൂടെയും മുന്നേറിയ നവോത്ഥാന കേരളത്തിന്റെ ശബ്ദമായിരുന്നു സാനുമാഷ്. മതനിരപേക്ഷതയുടെ മൂല്യങ്ങളിൽ ഉറച്ചുനിന്ന അദ്ദേഹം സാഹിത്യത്തിന്റെയും അവതരണ കലകളുടെയും ആസ്വാദകൻ കൂടിയായിരുന്നു.

കേരളത്തിന്റെ പുരോഗമന ചിന്തകനായി സാനുമാഷിന്റെ ഓർമ്മകൾ നമുക്ക് എന്നും വഴികാട്ടിയാകും.

02/08/2026

സ. പി എസ് ബിജുവിന് ആദരാഞ്ജലികൾ.

കളമശ്ശേരി സിപിഐഎം ഈസ്റ്റ് ലോക്കൽ കമ്മിറ്റി അംഗം, കളമശ്ശേരി മുനിസിപ്പൽ കൗൺസിലർ, ഡിവൈഎഫ്ഐയുടെ വില്ലേജ് സെക്രട്ടറി എന്ന നിലയിലും ഷോപ്പ് എംപ്ലോയിസ് യൂണിയൻ നേതാവ് എന്ന നിലയിലും ശ്രദ്ധേയമായ പ്രവർത്തനങ്ങൾ നടത്തിയിരുന്നു.