Dr B R Ambedkar Konaseema District Police

20/08/2026

19/08/2026

తేది: 19.08.2026
జిల్లా పోలీస్ కార్యాలయం,
డా. బి. ఆర్. అంబేద్కర్ కోనసీమ జిల్లా,
అమలాపురం.
ఓడలరేవు.... మత్స్యకారులు గల్లంతయిన విషయమై తీర ప్రాంతంలో సహాయక చర్యలు పర్యవేక్షిస్తున్న జిల్లా కలెక్టర్ జిల్లా ఎస్పీ మరియు జాయింట్ కలెక్టర్ గార్లు. సహాయ చర్యల్లో భాగంగా హెలికాఫ్టర్ తో గాలింపు చర్యలు చేయడం జరుగుతుంది.

19/08/2026

18/08/2026

జిల్లా పోలీస్ కార్యాలయం,
డా. బి. ఆర్. అంబేద్కర్ కోనసీమ జిల్లా,
అమలాపురం.

తేది: 18.08.2026

డా. బి. ఆర్. అంబేద్కర్ కోనసీమ జిల్లా హోంగార్డ్ యూనిట్స్ ను వార్షిక తనిఖీ చేసిన శ్రీ A.జోషి, కమాండెంట్ హోంగార్డ్స్ వైజాగ్ రీజియన్ విశాఖపట్నం

ది.వి 18. 8. 2026 తేదీ హోంగార్డ్ యూనిట్స్ ను వార్షిక తనిఖీలో భాగంగా శ్రీ A.జోషి, కమాండెంట్ హోంగార్డ్స్ వైజాగ్ రీజియన్ విశాఖపట్నం వారు డాక్టర్ బి.ఆర్ అంబేద్కర్ కోనసీమ జిల్లా విచ్చేసిన సందర్భంగా జిల్లాలో హోంగార్డ్స్ పరేడ్ నిర్వహించగా వారి వద్ద నుండి గౌరవ వందనం స్వీకరించినారు.

17/08/2026

జిల్లా పోలీస్ కార్యాలయం,
డా. బి. ఆర్. అంబేద్కర్ కోనసీమ జిల్లా,
అమలాపురం.

తేది: 17.08.2026

బాధితుల సమస్యలకు సత్వర న్యాయమే మా ప్రాధాన్యత: జిల్లా ఎస్.పి. శ్రీ రాహుల్ మీనా, ఐ.పి.ఎస్ గారు .

డాక్టర్ బి.ఆర్. అంబేద్కర్ కోనసీమ జిల్లా ప్రజల ఫిర్యాదులను స్వీకరించి, వాటికి సత్వర పరిష్కారం చూపే లక్ష్యంతో ఈరోజు (సోమవారం) జిల్లా పోలీస్ కార్యాలయం (DPO) నందు "ప్రజా సమస్యల పరిష్కార వేదిక" (PGRS) కార్యక్రమం నిర్వహించబడింది. జిల్లా ఎస్.పి. శ్రీ రాహుల్ మీనా, ఐ.పి.ఎస్. గారు, జిల్లా అడిషనల్ ఎస్పీ (అడ్మిన్) శ్రీ మహేంద్ర మత్తే గారితో కలిసి స్వయంగా బాధితుల నుండి అర్జీలను స్వీకరించారు.

ప్రకటనలోని ముఖ్యాంశాలు:

👉ముఖాముఖి విచారణ:
జిల్లాలోని వివిధ ప్రాంతాల నుండి వచ్చిన బాధితులతో ఎస్.పి. గారు ముఖాముఖిగా మాట్లాడారు. వారి సమస్యలను ఓపికగా విని, ప్రతి అర్జీని క్షుణ్ణంగా పరిశీలించారు.

👉ఫిర్యాదుల వివరాలు:
ఈరోజు కార్యక్రమంలో మొత్తం 25 ఫిర్యాదులు నమోదయ్యాయి. వీటిలో ప్రధానంగా భూ వివాదాలు, కుటుంబ కలహాలు, ఆస్తి తగాదాలు మరియు సివిల్ సంబంధిత సమస్యలు ఉన్నాయి.

👉క్షేత్రస్థాయి అధికారులకు ఆదేశాలు:
అందిన ఫిర్యాదులను తక్షణమే సంబంధిత పోలీస్ స్టేషన్లకు పంపిస్తూ, క్షేత్రస్థాయిలో నిష్పక్షపాతంగా విచారణ జరపాలని ఎస్.పి. గారు అధికారులను ఆదేశించారు. చట్టపరిధిలో బాధితులకు త్వరితగతిన న్యాయం జరిగేలా చూడాలని, పెండింగ్‌లో ఉన్న అర్జీలను నిర్ణీత గడువులోగా పరిష్కరించాలని స్పష్టమైన ఆదేశాలు జారీ చేశారు.

👉ప్రజలకు భరోసా:
పోలీసు వ్యవస్థపై ప్రజలకు పూర్తి నమ్మకం ఉండాలని, ప్రతి ఫిర్యాదును అత్యంత పారదర్శకంగా, జాప్యం లేకుండా పరిష్కరిస్తామని ఈ సందర్భంగా ఎస్.పి. గారు బాధితులకు భరోసా ఇచ్చారు.

ఈ కార్యక్రమంలో జిల్లా ఎస్.పి. గారితో పాటు, అడిషనల్ ఎస్పీ (అడ్మిన్) శ్రీ మహేంద్ర మత్తే గారు, డి.పి.ఓ. సిబ్బంది మరియు ఇతర పోలీస్ అధికారులు పాల్గొన్నారు.

17/08/2026

జిల్లా పోలీస్ కార్యాలయం, డాక్టర్ బి.ఆర్. అంబేద్కర్ కోనసీమ జిల్లా,
అమలాపురం.

తేదీ: 17.08.2026

ఉత్తమ ప్రతిభ కనబరిచిన విద్యార్థులకు స్కాలర్‌షిప్‌లు అందజేసిన జిల్లా ఎస్పీ రాహుల్ మీనా, ఐపీఎస్

విద్యార్థులు ఉన్నత లక్ష్యాలను నిర్దేశించుకుని, కష్టపడి చదివి జీవితంలో ఉన్నత స్థాయికి ఎదగాలని డాక్టర్ బి.ఆర్. అంబేద్కర్ కోనసీమ జిల్లా ఎస్పీ రాహుల్ మీనా, ఐపీఎస్ సూచించారు. ఆర్థిక ఇబ్బందులు విద్యార్థుల చదువుకు అడ్డంకిగా మారకుండా వారికి అండగా నిలుస్తూ విద్యాభ్యాసానికి సహకారం అందిస్తున్న క్రెడిట్ యాక్సెస్ గ్రామీణ్ లిమిటెడ్, క్రెడిట్ యాక్సెస్ ఇండియా ఫౌండేషన్ సంస్థల సేవలను ఆయన అభినందించారు.

జిల్లా పోలీస్ కార్యాలయంలో క్రెడిట్ యాక్సెస్ గ్రామీణ్ లిమిటెడ్, క్రెడిట్ యాక్సెస్ ఇండియా ఫౌండేషన్ సంస్థల సహకారంతో డాక్టర్ బి.ఆర్. అంబేద్కర్ కోనసీమ జిల్లాలోని వివిధ ప్రభుత్వ పాఠశాలలకు చెందిన ఆరుగురు ప్రతిభావంతులైన విద్యార్థులు డి. శ్వేత, డి . రేవతి, ఎన్.యశ్వంత్, పి .కీర్తి, కె .అమిత , ఏ.విజయదుర్గా స్కాలర్‌షిప్‌లకు ఎంపిక చేశారు. జిల్లా ఎస్పీ రాహుల్ మీనా చేతుల మీదుగా ఒక్కొక్క విద్యార్థికి రూ.10,000 చొప్పున స్కాలర్‌షిప్‌లను అందజేశారు.

ఈ సందర్భంగా జిల్లా ఎస్పీ గారు మాట్లాడుతూ ...

👉విద్యార్థి దశ జీవితంలో అత్యంత కీలకమైన దశ అని పేర్కొన్నారు. ఈ దశలో విద్యతో పాటు క్రమశిక్షణ, సమయపాలన, పట్టుదల, సానుకూల ఆలోచనా విధానాన్ని అలవర్చుకోవాలని సూచించారు.

👉తల్లిదండ్రులు, ఉపాధ్యాయులు తమపై ఉంచిన నమ్మకాన్ని నిలబెట్టుకుంటూ విద్యలో రాణించాలని అన్నారు.

👉ప్రస్తుత పోటీ ప్రపంచంలో మంచి విద్యతో పాటు నైపుణ్యాలను పెంపొందించుకోవడం ప్రతి విద్యార్థికి ఎంతో అవసరమని ఎస్పీ పేర్కొన్నారు.

👉ఆర్థిక పరిస్థితులు చదువుకు అడ్డంకిగా మారకుండా ప్రతిభావంతులైన విద్యార్థులను ప్రోత్సహించేందుకు సంస్థలు ముందుకు రావడం అభినందనీయమన్నారు. అందుతున్న ఆర్థిక సహాయాన్ని సద్వినియోగం చేసుకుని విద్యార్థులు తమ భవిష్యత్తుకు బలమైన పునాది వేసుకోవాలని సూచించారు.

👉తమకు లభించిన అవకాశాలను సద్వినియోగం చేసుకుని ఉన్నత విద్యను అభ్యసించి, మంచి ఉద్యోగాలు సాధించడంతో పాటు సమాజానికి ఉపయోగపడే బాధ్యతాయుతమైన పౌరులుగా ఎదగాలని విద్యార్థులకు ఎస్పీ ఆకాంక్షించారు.

ఈ కార్యక్రమంలో క్రెడిట్ యాక్సెస్ గ్రామీణ్ విశాఖపట్నం రీజినల్ మేనేజర్ బి. వెంకట రమణ, ఏరియా మేనేజర్ షేక్ జమీర్ బాష, మేనేజర్ లు ఎం.చిన్న, వై. పోలినాయుడు, టి.లోవరాజు తదితరులు పాల్గొన్నారు. ఈ సందర్భంగా సంస్థ ప్రతినిధులు మాట్లాడుతూ విద్యార్థుల విద్యాభ్యాసానికి తమవంతు సహకారం అందించేందుకు సంస్థ ఎల్లప్పుడూ ముందుంటుందని తెలిపారు.

17/08/2026

జిల్లా పోలీస్ కార్యాలయం,
డా. బి.ఆర్. అంబేద్కర్ కోనసీమ జిల్లా,
అమలాపురం.
తేదీ: 17-08-2026.

16/08/2026

జిల్లా పోలీస్ కార్యాలయం,
డాక్టర్ బి.ఆర్. అంబేద్కర్ కోనసీమ జిల్లా
అమలాపురం
తేదీ: 16 .08.2026
బడుగు బలహీన వర్గాల అభ్యున్నతే లక్ష్యంగా, స్వాతంత్ర్య సమరంలో ధైర్యంగా పోరాడిన ప్రజా నాయకుడు శ్రీ సర్దార్ గౌతు లచ్చన్న గారి జయంతి వేడుకలు నిర్వహణ
డాక్టర్ బి.ఆర్. అంబేద్కర్ కోనసీమ జిల్లా ఎస్పీ శ్రీ రాహుల్ మీనా, ఐపీఎస్ గారి ఆదేశాల మేరకు, ఈరోజు జిల్లా పోలీస్ కార్యాలయంలో జిల్లా అడిషనల్ ఎస్పీ శ్రీ మహేంద్ర మత్తే గారు బడుగు బలహీన వర్గాల అభ్యున్నతే లక్ష్యంగా, స్వాతంత్ర్య సమరంలో ధైర్యంగా పోరాడిన ప్రజా నాయకుడు సర్దార్ గౌతు లచ్చన్న గారి చిత్రపటానికి పూలమాలలు వేసి నివాళులర్పించారు. అనంతరం స్వాతంత్ర్య సమరయోధుడు, ప్రజానాయకుడు, సామాజిక సంస్కర్తగా విశిష్ట సేవలు అందించినా మహనీయులు శ్రీ సర్దార్ గౌతు లచ్చన్న గారి జయంతి వేడుకలను ఘనంగా నిర్వహించారు.
ఈ సందర్భంగా అడిషనల్ ఎస్పీ గారు మాట్లాడుతూ:
సర్దార్ గౌతు లచ్చన్న గారి జీవితం స్వాతంత్ర్య పోరాటం, సామాజిక న్యాయం, రైతు సంక్షేమం, కార్మికుల హక్కులు, బడుగు బలహీన వర్గాల అభ్యున్నతి కోసం సాగిన నిరంతర పోరాటానికి ప్రతీక. అందుకే ఆయనను ఆంధ్రప్రదేశ్‌లోని ప్రముఖ ప్రజానాయకుల్లో ఒకరిగా స్మరించుకుంటారు అని కోనియాడినారు.
పాల్గొన్న అధికారులు:
ఈ కార్యక్రమంలో ఏఆర్ డీఎస్పీ శ్రీ సుబ్బరాజు గారు, ఆర్‌ఐ శ్రీ బ్రహ్మానందం గారు ఆర్ యస్ఐ లు మరియు ఇతర పోలీస్ అధికారులు, సిబ్బంది పాల్గొని సర్దార్ గౌతు లచ్చన్న గారికి నివాళులర్పించారు.

15/08/2026

జిల్లా పోలీస్ కార్యాలయం,
డా. బి. ఆర్. అంబేద్కర్ కోనసీమ జిల్లా,
అమలాపురం.

డా. బి. ఆర్. అంబేద్కర్ కోనసీమ జిల్లా ఎస్పీ గారి క్యాంపు కార్యాలయంలో ఘనంగా 80 వ స్వాతంత్ర్య దినోత్సవ వేడుకలు

జాతీయ పతాకాన్ని ఆవిష్కరణ చేసిన .... డా. బి. ఆర్. అంబేద్కర్ కోనసీమ జిల్లా ఎస్పీ రాహుల్ మీనా, ఐపీఎస్ గారు

డా. బి. ఆర్. అంబేద్కర్ కోనసీమ జిల్లా ఎస్పీ గారి క్యాంపు కార్యాలయంలో జిల్లా ఎస్పీ రాహుల్ మీనా, ఐపీఎస్ గారు జాతీయ పతాక ఆవిష్కరణ చేసి, జెండా వందనం గావించి తదనంతరం పోలీసుల నుంచి గౌరవ వందనం స్వీకరించారు.

పోలీసు సిబ్బందికి స్వాతంత్ర్య దినోత్సవ శుభాకాంక్షలు తెలియజేసి మిఠాయిలు అందజేశారు.

ఈ కార్యక్రమంలో జిల్లా పోలీస్ కార్యాలయం అధికారులు,ఎస్బీ సీఐ శ్రీ పుల్లారావు గారు, డీసీఆర్‌బీ సీఐ శ్రీ రాజేష్ గారు,సోషల్ మీడియా సిఐ శ్రీ తమ్మి నాయుడు గారు, ఆర్‌ఐ శ్రీ బ్రహ్మానందం గారు,ఆర్‌యస్ఐ శ్రీ ఏసు బాబు గారు మరియు పోలీసు సిబ్బంది పాల్గొన్నారు.
DGPANDHRAPRADESH