12/02/2025
* #இளம்_ஆலிம்களுக்கு " #கற்கும்_போதே_களப்பணி", " " - " #பயில்_நிலை_பயிற்சி" #அடிப்படையில்சமூக_சேவை_தளத்தில்_ஓர்_களப்பணி_பயிற்சி...*
*"Experience while Learning" - INTERNSHIP program for young Moulavies on Practical Field work Training in Social services*
கருணையாளன்
அல்லாஹ்வின் பெருங்கிருபையால்,
மர்க்கஜ் அல்-இஸ்லாஹில் இவ்வாண்டு பயிற்சி பெறும் ஆலிம்கள்,
சமூகத்திற்கு தங்களால் ஆன சேவைகளை முழு வேகத்தோடு, சிறப்பாகவும் ஆக்கப்பூர்வமான முறையிலும் செய்திட எண்ணி, தங்கள் குடும் கஷ்டங்களுக்கு மத்தியிலும், ஓதி முடித்த பிறகு, தங்கள் திறமைகளை மேலும் மேம்படுத்திடும் ஆர்வத்துடன்,
தங்களின் பொன்னான ஒரு வருட காலத்தை தியாகம் செய்து, அதற்காக
கடும் பயிற்சியையும் மர்க்கஜ் அல் இஸ்லாஹில் இவ்விளம் ஆலிம்கள் மேற்கொண்டார்கள்.
அல்ஹம்துலில்லாஹ்...
அதன் பயனாக, சமூக சேவையாற்றி,
خير الناس أنفعهم للناس
மக்களில் சிறந்தவர், மக்களுக்கு அதிகம் பயனளிக்கக்கூடியவரே...(ஸஹீஹ் இப்னு ஹிப்பான்-எண்:354) என்ற நாயகம் ﷺ அவர்களின் கூற்றுக்கு ஏற்ப,
*மக்களின் கஷ்டங்களை நேரடியாக பார்த்து உணர்ந்திட,*
*அத்தோடு நின்று விடாமல், அதை நீக்க தீர்வுகளை கண்டறிந்திட,*
*அந்த தீர்வுகளை உடனடியாக செயல்படுத்தி,*
*ஏழைகளின் வாழ்க்கையில் மறுமலர்ச்சியையும், முகத்தில் சிரிப்பை கொண்டு வர,*
*அதை கண்டு ஆனந்தம் அடைந்து,*
*அந்த ஆனந்த-அனுபவத்தைக் கொண்டு களச்சேவையில் இன்னும் அதிக ஆர்வத்தையும் அனுபவத்தையும் பெற்று,*
*இந்த ஒரு வருட பயிற்சி பெற்று தயாராகி வெளி வந்த பின், துடிப்போடு, எந்தவித தயக்கமும் இல்லாமல் களத்தில் இறங்கி சேவைகள் பல செய்திட....*
ஒவ்வொரு மஹல்லாவிலும், "பள்ளிவாசலை" - "உதவி மையமாக" ஏற்படுத்தி - தகவல்களை சேகரித்து-அதை ஆய்வு செய்து, அந்த மஹல்லாவிலேயே தன்னார்வள குழுவை உருவாக்கி, அந்த மஹல்லாவிலேயே உள்ள வசதியானவர்களை சந்தித்து மக்களின் சிறமங்களை புரியவைத்து அவர்களின் மூலம் உதவி குழுவை உருவாக்கி - கல்வி, மருத்துவம், உணவு, தொழில் பயிற்சி, வேலைவாய்ப்பு, சிறுதொழில் துவங்க உதவி, திருமண உதவி, முதியோர் உதிவி போன்ற 40 வகையான சேவைகளை, "மஸ்ஜித் சேவை குழுவுடன்" இணைந்து, தமிழகம் முழுக்க களப்பணி ஆற்றி,
*அந்த சேவைகள் அதே முறையில் தொய்வில்லாமல் அந்தந்த பள்ளிவாசல்களிலேயே தொடர்ந்து மாதாமாதம் நடைபெறுமாறு வழிகாட்டி, ஏற்பாடு செய்து விடுவது.*
*இதன் மூலம், ஒவ்வொரு மஹல்லாவிலும் உள்ள "வசதி படைத்தவர்களுக்கும்" = "வறுமையில் வாடும் தேவையுடையோருக்கும்" உள்ள 'இடைவெளியை நீக்கி', அவர்களுக்கிடையில் மதினாவிலே ரஸூல் (ஸல்லல்லாஹு அலைஹி வ ஸல்லம்) ஏற்படுத்திய முறையில் இணைப்பை ஏற்படுத்துவதின் மூலம், மஹல்லாவின் அனைத்து பிரச்சினைகளுக்கும் அங்கேயே நிரந்தர "தீர்வு மையமாக- மஸ்ஜித்" ஆகிவிடும். இன்ஷா அல்லாஹ்...*
இதன் அடிப்படையில்,
மர்க்கஜ் அல் இஸ்லாஹில்,
ஒரு வருட பயிற்சி பெறும் இக்கால கட்டத்திலே, களப்பணி பயிற்சிகள் செய்து, அதில் நடைமுறை அனுபவத்தை(Practical Experience) பெற,
*"INTERNSHIP" - "பயில் நிலை பயிற்சி"* அடிப்படையில், சுய விருப்பத்துடன் சமூக சேவையாற்ற
13 ஆலிம்கள், தமிழகத்திலுள்ள பல ஊர்கள் மற்றும் ஹைதராபாத் பயணித்து, சிறப்பான முறையில் சேவையாற்றினார்கள்.
அல்ஹம்துலில்லாஹ்...
அதனடிப்படையில்- தமிழகத்தில் - வாணியம்பாடி, மதுரை, சிவகங்கை - மாவட்டங்களில் பல ஊர்கள், பெரியகுளம் போன்ற பகுதிகளிலும்,
ஹைதராபாத்திலும் சேவையாற்றி உள்ளனர். மொத்தம் 13 உலமாக்கள் - 15 ஊர்களில், 60 மஹல்லாவில், ஏறத்தாழ 450 குடும்பங்களை சந்தித்து, 71 உணவு வழங்கும் திட்டங்களை ஆரம்பித்து, 109- மாத உணவு உதவி தேவைப்படுவதற்கான விண்ணப்பங்களை சரி பார்த்து, 50 மருத்துவ உதவி தேவைப்படுவோருக்கான ஏற்பாடு செய்து, மொத்தம் 3300 விண்ணப்பங்களை சர்வே செய்து பூர்த்தி செய்தனர். கூடுதலாக இடைபட்ட ஓய்வு நேரங்களில் மஸ்ஜித்களை சுத்தம் செய்வது, ஏழைகளை சந்தித்து அவர்களுக்கு உணவு வாங்கி கொடுத்து, அவர்களின் கஷ்டங்களுக்கு ஆறுதல் சொல்வது போன்ற பல சேவைகளை சுய ஆர்வத்துடன் செய்தனர்.
அல்ஹம்துலில்லாஹ்...
கருணையாளன் அல்லாஹ், சமூகத்திற்கு சிறப்பாகவும் ஆக்கப்பூர்வமாகவும் சேவையாற்ற வேண்டும் என்ற அவர்களின் ஆர்வத்தையும், துடிப்பையும், சேவைகளையும் கபூல் செய்தருள்வானாக...
அவர்களை கொண்டு சமூகத்தில் மறுமலர்ச்சி ஏற்படுத்தி, அவர்களை சிறந்த சமூக சேவைகர்களாக ஆக்கியருள்புரிவானாக...
அனைவரும், அவர்களின் இம்முயற்சி பயனுள்ளதாக அமைய துஆ செய்யவும்...
*மேலதிக தகவல்களுக்கு:-*
_மர்க்கஜ் அல்-இஸ்லாஹ்,_
*இளம் ஆலிம்களுக்கு ஆய்வு மற்றும் பன்முக திறன் மேம்பாட்டுக்கான முதுகலைப் பயிற்சி மையம்,*
Postgraduate Institute for Research & Multi-Skills training for Moulavies.
புதுவை.
*(இளம் ஆலிம்களுக்கு புது வருட பயிற்சி வகுப்பு சேர்க்கை நடைபெற்று கொண்டிருக்கிறது.)*
📲9442207864
www.markezalislah.org
www.markezalislah.blogspot.com
*இளம் ஆலிம்களுக்கு இச்செய்தியை பகிரவும், யாரேனும் பயனடையலாம்....*
