18/02/2023
*ಜಕ್ಕೂರು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿ ನಿಯಮಿತ (ರಿ) ಸಂಸ್ಥೆವತಿಯಿಂದ ನಾಡಿನ ಸಮಸ್ತ ಮಹಾಜನತೆಗೆ ಮಹಾಶಿವರಾತ್ರಿ ಹಬ್ಬದ ಹಾರ್ದಿಕ ಶುಭಾಶಯಗಳು. ನಾಡಿನ ಸಂಕಷ್ಟಗಳೆಲ್ಲವನ್ನು ಪರಿಹರಿಸಿ ಆ ಮಹಾ ಮಹೀಶ್ವರ ಸಕಲ ಜೀವರಾಶಿಗಳಿಗೂ ಒಳಿತನ್ನು ಮಾಡಲೆಂದು ವಿಶೇಷವಾಗಿ ಪ್ರಾರ್ಥಿಸುತ್ತೇನೆ.*
*ಈ ಶುಭ ಸಂದರ್ಭದಲ್ಲಿ ತಮ್ಮೆಲ್ಲರಲ್ಲಿ ಹಂಚಿಕೊಳ್ಳುವುದೇನೆಂದರೆ, ನಮ್ಮ ಜಕ್ಕೂರು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿ ನಿಯಮಿತ (ರಿ) ಸಂಸ್ಥೆಯು ಪ್ರಾರಂಭಗೊಂಡು 4 ವರ್ಷದಲ್ಲಿ ರೂ.5 ಕೋಟಿಗೂ ಹೆಚ್ಚು ವ್ಯವಹಾರವನ್ನು ಯಶಸ್ವಿಯಾಗಿ ನಡೆಸಿಕೊಂಡು ಬಂದಿದ್ದೇವೆ.*
*ಈ ಹಿಂದೆ 4ನೇ ವಾರ್ಷಿಕ ಮಹಾಸಭೆಯ ಸರ್ವ ಸದಸ್ಯರ ಸಮಕ್ಷದಲ್ಲಿ ಸೊಸೈಟಿಯ ಲಾಭದಲ್ಲಿ ರೂ.1,24,000/-ಗಳ ಡಿವಿಡೆಂಟ್ ಅನ್ನು ಷೇರುದಾರರಿಗೆ ವಿತರಣೆ ಮಾಡಿದ್ದೇವೆ.*
*ಈಗ ನಮ್ಮ ಸೊಸೈಟಿಯಲ್ಲಿ ಒಟ್ಟು 1,800 ಜನ ಷೇರುದಾರರು ಸದಸ್ಯತ್ವ ಪಡೆದಿದ್ದಾರೆ ಇದರಲ್ಲಿ ಈಗಾಗಲೆ ನಮ್ಮ ಸೊಸೈಟಿಯಿಂದ ಶೇಕಡ 25% ಷೇರುದಾರರಿಗೆ ಶ್ರೀ ಶಕ್ತಿ ಗುಂಪು ಸಾಲ, ವೈಯಕ್ತಿಕ ಜಾಮೀನು ಸಾಲ, ಸ್ವಯಂ ಉದ್ಯೋಗಗಳಿಗೆ ಉದ್ಯೋಗಗಳ ನೇರ ಸಾಲ, ಶಿಕ್ಷಣಕ್ಕೆ ಸಾಲ, ಸಣ್ಣಪುಟ್ಟ ವ್ಯಾಪಾರಕ್ಕೆ ಹೀಗೆ ಹಲವಾರು ಸಾಲ ಸೌಲಭ್ಯಗಳನ್ನು ನಿರಂತರವಾಗಿ ವಿತರಣೆ ಮಾಡಿಕೊಂಡು ಬರುತ್ತಿದ್ದೇವೆ.*
*ಇಲ್ಲಿವರೆಗೆ ಸಾಲ ಪಡೆದವರಲ್ಲಿ ಶೇಕಡ.80% ರಷ್ಟು ಜನರು ನಿರ್ಗತಿಕರಿಗೆ, ದಿನ ಕೂಲಿ ಕೆಲಸಗಾರರಿಗೆ, ಮನೆ ಕೆಲಸ ಗಾರರಿಗೆ, ಮಗ್ಗ ಕೆಲಸ ಗಾರರಿಗೆ, ಬೀದಿ ಬದಿ ವ್ಯಾಪಾರಿಗಳಿಗೆ, ಹಾಲು ಮಾರಾಟ ಮಾಡುವರಿಗೆ, ತರಕಾರಿ ಹಂಗಡಿ ನಡೆಸುವವರಿಗೆ, ಬೀದಿಯಲ್ಲಿ ಬಟ್ಟೆ ವ್ಯಾಪಾರ ಮಾಡುತ್ತಿರುವರಿಗೆ, ಮನೆಯಲ್ಲಿ ಟೈಲರಿಂಗ್ ಕೆಲಸ ನಡೆಸುವವರಿಗೆ, ಇಸ್ತ್ರಿ ಬಟ್ಟೆ ಅಂಗಡಿ ಮಾಡಿಕೊಂಡು ಜೀವನ ಸಾಗಿಸುತ್ತಿರುವ ಸದಸ್ಯರುಗಳಿಗೆ ಇವರನ್ನು ಸಮಾಜದಲ್ಲಿ ಆರ್ಥಿಕವಾಗಿ ಸದೃಢಗೊಳಿಸುವ ಮುಖ್ಯ ಉದ್ದೇಶದಿಂದ ಮತ್ತು ಅವರ ಮಕ್ಕಳಿಗೆ ವಿದ್ಯಾಭ್ಯಾಸಕ್ಕೆ ಹಣದ ಕೊರತೆಯನ್ನು ನೀಗಿಸಲು ಸಾಲವನ್ನು ವಿತರಿಸಿದ್ದೇವೆ.*
*ಇನ್ನು ಉಳಿದ ಶೇಕಡ.20% ರಷ್ಟು ಜನರಿಗೆ ವೇತನ ಆಧರಿತ ಮತ್ತು ಗೌರ್ನಮೆಂಟ್ ಬಾಂಡ್ ಗಳ ಆಧಾರದ ಮೇಲೆ ಸಾಲ ಸೌಲಭ್ಯಗಳನ್ನು ವಿತರಣೆ ಮಾಡಿದ್ದೇವೆ.*
*ಸಾಲ ಪಡೆದ ಸಾಲಗಾರರು ಪ್ರಾಮಾಣಿಕವಾಗಿ ತಮ್ಮ ಸಾಲದ ಅವಧಿಗೆ ಸರಿಯಾಗಿ EMI ಅನ್ನು ಮರುಪಾವತಿ ಮಾಡಿಕೊಂಡು ಬಂದಿರುತ್ತಾರೆ. ಶೇಕಡ.95% ರಷ್ಟು ಸಾಲ ಮರುಪಾವತಿ ಆಗಿರುತ್ತದೆ. ಇದಕ್ಕೆ ಎಲ್ಲಾ ಸಾಲಗಾರರಿಗೆ ಹೃದಯಪೂರ್ವಕ ಧನ್ಯವಾದಗಳು ತಿಳಿಯಪಡಿಸುತ್ತೇನೆ.*
*ಹಾಗೂ ಸರ್ಕಾರದಿಂದ ನಮ್ಮ ಸೊಸೈಟಿಯ ಷೇರುದಾರರಿಗೆ ಒದಗಿಸಬೇಕಾದ ಯೋಜನೆಯನ್ನು ಸಹ ನೀಡುತ್ತಿದ್ದೇವೆ ಹೀಗೆ ನಮ್ಮಲ್ಲಿ ಷೇರುದಾರರಿಗೆ ಯಶಸ್ವಿನಿ ಅರೋಗ್ಯ ಯೋಜನೆಯನ್ನು ಮಾಡಿಸುತ್ತಿದ್ದೇವೆ.*
*ಈ ರೀತಿಯಲ್ಲಿ ಯಶಸ್ವಿಯಾಗಿ ನಡೆಸಿಕೊಂಡು ಹೋಗುವುದಕ್ಕೆ, ಆಡಳಿತ ಮಂಡಳಿಯು ಮತ್ತು ಎಲ್ಲಾ ಷೇರುದಾರರುಗಳು ಸಹಕಾರವನ್ನು ನೀಡುತ್ತಾ ಬಂದಿರುತ್ತೀರ ಇದಕ್ಕೆ ನಾನು ಆಭಾರಿಯಾಗಿರುತ್ತೇನೆ.*
*ಇದೇ ರೀತಿಯಲ್ಲಿ ಮುಂದಿನ ದಿನದಲ್ಲಿ ನಿಮ್ಮೆಲ್ಲರ ಸಲಹೆ ಸಹಕಾರ ನೀಡುತ್ತೀರಿ ಎಂದು ಆಶಿಸುತ್ತೇನೆ. ಮತ್ತೊಮ್ಮೆ ತಮ್ಮೆಲ್ಲರಿಗೂ ಮಹಾಶಿವರಾತ್ರಿ ಹಬ್ಬದ ಶುಭಾಶಯಗಳು.*
*ಧನ್ಯವಾದಗಳು*
*ಇಂತಿ*
*ರವಿಕುಮಾರ್*
*ಸಂಸ್ಥಾಪಕ ಅಧ್ಯಕ್ಷರು ಜಕ್ಕೂರು ಜಕ್ಕೂರು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿ ನಿಯಮಿತ (ರಿ)*
*ಮಾಜಿ ಅಧ್ಯಕ್ಷರು ಬೆಂಗಳೂರು ನಗರ ಜಿಲ್ಲಾ ಪಂಚಾಯತ್*
