Swacha Bantwal Abhiyan

17/06/2016

ಬಂಟ್ವಾಳ ಪುರಸಭಾ ವ್ಯಾಪ್ತಿಯಲ್ಲಿ ಸ್ವಚ್ಛ ಭಾರತ್ ಮಿಷನ್ ಅಭಿಯಾನದಡಿ 29ನೇ ವಾರದ ಸ್ವಚ್ಛತಾ ಕಾರ್ಯಕ್ರಮವು ದಿನಾಂಕ : 16/06/2016 ಗುರುವಾರದಂದು ಬಿ.ಮೂಡಾ ಗ್ರಾಮದ ಪಲ್ಲಮಜಲು ವಠಾರದಲ್ಲಿ ಪುರಸಭಾ ಅಧ್ಯಕ್ಷರಾದ ಪಿ.ರಾಮಕೃಷ್ಣ ಆಳ್ವರವರ ನೇತೃತ್ವದಲ್ಲಿ ಜರಗಿತು. 17 ಮತ್ತು 19ನೇ ವಾರ್ಡ್ ನ 297 ಮನೆಗಳಿಗೆ ತ್ಯಾಜ್ಯ ಸಂಗ್ರಹಣಾ ಬಕೆಟ್ ಗಳನ್ನು ವಿತರಿಸಲಾಯಿತು. ಮುಖ್ಯಾಧಿಕಾರಿ ಎಂ. ಎಚ್. ಸುಧಾಕರ್, ಪುರಸಭಾ ಸದಸ್ಯೆ ಮಮ್ತಾಜ್, ಮತ್ತು ಸಿಬ್ಬಂದಿಯವರು, ಸ್ಥಳೀಯರಾದ ರಫೀಕ್ ಮತ್ತಿತರರು ಉಪಸ್ಥಿತರಿದ್ದರು.

14/06/2016

ನಿಷೇಧಿತ ಪ್ಲಾಸ್ಟಿಕ್ ಕೈ ಚೀಲ, ಕಂಟೈನರ್ ಗಳನ್ನು, ಥರ್ಮಾಕೂಲ್ ಸಾಮಾಗ್ರಿಗಳನ್ನು ಒಳಗೊಂಡಂತೆ ಬಳಸಬಾರದೆಂದು ಹೋಟೆಲ್ ಗಳಗೆ ತಿಳುವಳಿಕೆ ಪತ್ರ ನೀಡಲಾಗಿರುತ್ತದೆ. ಹೋಟೆಲ್ ಗಳಲ್ಲಿ ಸದರಿ ಸೂಚನೆಗಳನ್ನು ಪಾಲಿಸಲು ಕ್ರಮ ಕೈಗೊಳ್ಳಗಾಗುತ್ತಿದ್ದು, ಕೆಲವು ಹೋಟೆಲ್ ಗಳಲ್ಲಿ ಗ್ರಾಹಕರಿಗೆ ಸೂಚನೆಗಾಗಿ ಫಲಕಗಳನ್ನು ಅಳವಡಿಸಲಾಗಿರುತ್ತದೆ.

01/06/2016

ದಿನಾಂಕ 02/06/2016ರಂದು ಗುರುವಾರ ಪೂರ್ವಾಹ್ನ 7.30 ಘಂಟೆಗೆ ಸ್ವಚ್ಛ ಭಾರತ್ ಮಿಶನ್ ಅಭಿಯಾನದಡಿ 27ನೇ ವಾಋದ ಸ್ವಚ್ಛತಾ ಕಾರ್ಯಕ್ರಮ ಮತ್ತು 83 ಮನೆಗಳಿಗೆ ಹಸಿಕಸ ಮತ್ತು ಒಣ ಕಸ ಸಂಗ್ರಹ ಬಕೆಟ್ ಗಳನ್ನು ವಿತರಿಸುವ ಕಾರ್ಯಕ್ರಮವು ಬಿ. ಮೂಡಾ ಗ್ರಾಮದ ಸಂಚಯಗಿರಿ ಪರಿಸರದಲ್ಲಿ ಜರಗಲಿದೆ.

10/05/2016

ಬಂಟ್ವಾಳ ಪುರಸಭೆ ವ್ಯಾಪ್ತಿಯಲ್ಲಿ ಪ್ಲಾಸ್ಟಿಕ್ ವಸ್ತು ಮಾರಾಟ, ಬಳಕೆ ನಿಷೇಧ ಪ್ರಕಟಣೆ.

05/05/2016

25ನೇ ವಾರದ ಸ್ವಚ್ಛತಾ ಅಭಿಯಾನದಡಿ ದಿನಾಂಕ 05.05.2016ರಂದು ಗುರುವಾರ ಬೆಳಗ್ಗೆ 7.30ರಿಂದ 8.30ರವರೆಗೆ ಬಂಟ್ವಾಳ ಪುರಸಭಾ ವ್ಯಾಪ್ತಿಯ ಬಿ.ಮೂಡ ಗ್ರಾಮದ ಅಜ್ಜಿಬೆಟ್ಟು ಮೈದಾನದ ಆಸುಪಾಸಿನ ಮನೆಗಳಲ್ಲಿ ಹಸಿಕಸವನ್ನು ಗೊಬ್ಬರವಾಗಿ ಪರಿವರ್ತಿಸುವ ಪೈಪ್ ಕಂಪೋಸ್ಟಿಂಗ್ ಮತ್ತು ಪಾಟ್ ಕಂಪೋಸ್ಟಿಂಗ್ ಕುರಿತು ಮಾಹಿತಿ ಮತ್ತು ಪ್ರಾತ್ಯಕ್ಷಿಕೆ ಕಾರ್ಯಕ್ರಮವು ಹಾಗೂ ಬಕೆಟ್ ವಿತರಣಾ ಕಾರ್ಯಕ್ರಮವು ಪುರಸಭಾ ಮುಖ್ಯಾಧಿಕಾರಿಯಾದ ಎಂ. ಹೆಚ್. ಸುಧಾಕರರವರ ನೆತೃತ್ವದಲ್ಲಿ ನಡೆಯಿತು. ಪುರಸಭಾ ಅಧ್ತಕ್ಷರಾದ ಪಿ.ರಾಮಕೃಷ್ಣ ಆಳ್ವರವರು , ಪುರಸಭಾ ಸಿಬ್ಬಂದಿ ಹಾಗೂ ಸ್ಥಳಿಯರು ಸೇರಿದಂತೆ 34 ಮಂದಿ ಭಾಗವಹಿಸಿದ್ದರು.

28/04/2016

28/04/2016

24ನೇ ವಾರದ ಸ್ವಚ್ಛತಾ ಅಭಿಯಾನದಡಿ ದಿನಾಂಕ 28.04.2016ರಂದು ಗುರುವಾರ ಬೆಳಗ್ಗೆ 7.30ರಿಂದ 8.30ರವರೆಗೆ ಬಂಟ್ವಾಳ ಪುರಸಭಾ ವ್ಯಾಪ್ತಿಯ ಬಿ.ಮೂಡ ಗ್ರಾಮದ ಅಜ್ಜಿಬೆಟ್ಟು ಮೈದಾನ ಪರಿಸರವನ್ನು ಸ್ವಚ್ಛಗೊಳಿಸಲಾಯಿತು. ಹಾಗೂ ಹಸಿಕಸವನ್ನು ಗೊಬ್ಬರವಾಗಿ ಪರಿವರ್ತಿಸುವ ಪೈಪ್ ಕಂಪೋಸ್ಟಿಂಗ್ ಮತ್ತು ಪಾಟ್ ಕಂಪೋಸ್ಟಿಂಗ್ ಕುರಿತು ಮಾಹಿತಿ ಮತ್ತು ಪ್ರಾತ್ಯಕ್ಷಿಕೆ ಕಾರ್ಯಕ್ರಮವು ಪುರಸಭಾ ಮುಖ್ಯಾಧಿಕಾರಿಯಾದ ಎಂ. ಹೆಚ್. ಸುಧಾಕರರವರ ನೆತೃತ್ವದಲ್ಲಿ ನಡೆಯಿತು. ಪುರಸಬಾ ಸಿಬ್ಬಂದಿ ಹಾಗೂ ಸ್ಥಳಿಯರು ಸೇರಿದಂತೆ 26 ಮಂದಿ ಭಾಗವಹಿಸಿದ್ದರು.

27/04/2016

24ನೇ ವಾರದ ಸ್ವಚ್ಛತಾ ಅಭಿಯಾನದಡಿ ದಿನಾಂಕ 28.04.2016ರಂದು ಗುರುವಾರ ಬೆಳಗ್ಗೆ 7.30ರಿಂದ 8.30ರವರೆಗೆ ಬಂಟ್ವಾಳ ಪುರಸಭಾ ವ್ಯಾಪ್ತಿಯ ಬಿ.ಮೂಡ ಗ್ರಾಮದ ಅಜ್ಜಿಬೆಟ್ಟು ಮೈದಾನ ಪರಿಸರದಲ್ಲಿ ಹಸಿಕಸವನ್ನು ಗೊಬ್ಬರವಾಗಿ ಪರಿವರ್ತಿಸುವ ಪೈಪ್ ಕಂಪೋಸ್ಟಿಂಗ್ ಮತ್ತು ಪಾಟ್ ಕಂಪೋಸ್ಟಿಂಗ್ ಕುರಿತು ಮಾಹಿತಿ ಮತ್ತು ಪ್ರಾತ್ಯಕ್ಷಿಕೆ ಕಾರ್ಯಕ್ರಮವು ಜರಗಲಿದೆ. ಈ ಕಾರ್ಯದಲ್ಲಿ ತಾವು ಸ್ವಯಂಪ್ರೇರಿತರಾಗಿ ನಮ್ಮೊಂದಿಗೆ ಕೈಜೋಡಿಸಿ ಸ್ವಚ್ಛತಾ ಅಭಿಯಾನವನ್ನು ಯಶಸ್ವಿಗೊಳಿಸಬೇಕಾಗಿ ಕೋರಲಾಗಿದೆ.

22/04/2016

ಬಂಟ್ವಾಳ ಪುರಸಭಾ ವ್ಯಾಪ್ತಿಯ ಪಾಣೆಮಂಗಳೂರು ಗ್ರಾಮದ ಗೂಡಿನ ಬಳಿಯ ನದಿ ತೀರದಲ್ಲಿ ಬಯಲು ಶೌಚ ನಿವಾರಣೆ ಕುರಿತು ಮಾಹಿತಿ ನೀಡುವ ಕಾರ್ಯಕ್ರಮವನ್ನು ದಿನಾಂಕ : 19.04.2016ರಂದು ನಡೆಸಲಾಯಿತು. ನದಿ ತೀರದಲ್ಲಿ ವಾಸವಾಗಿರುವ ಮನೆಗಳಿಗೆ ಭೇಟಿ ನೀಡಿ, ಶೌಚಾಲಯಗಳ ಲಭ್ಯತೆ ಬಗ್ಗೆ ಪರಿಶೀಲಿಸಿ, ಬಯಲು ಶೌಚದಿಂದ ಉಂಟಾಗುವ ಆರೋಗ್ಯ ಸಂಬಂಧಿ ಸಮಸ್ಯೆಗಳ ಬಗ್ಗೆ ಮತ್ತು ಕಡ್ಡಾಯವಾಗಿ ಶೌಚಾಲಯ ಬಳಕೆ ಕುರಿತು ವಿವರಿಸಲಾಯಿತು. ಮುಖ್ಯಾಧಿಕಾರಿ ಎಂ. ಹೆಚ್. ಸುಧಾಕರ್, ಪುರಸಭಾ ಸದಸ್ಯೆ ಚಂಚಲಾಕ್ಷಿ, ಸಮುದಾಯ ವ್ಯವಹಾರಗಳ ಅಧಿಕಾರಿ ಮತ್ತಡಿ, ಕಂದಾಯ ಅಧಿಕಾರಿ ಚೆನ್ನಪ್ಪ ಗೌಡ, ಹಿರಿಯ ಆರೋಗ್ಯ ನಿರೀಕ್ಷಕ ರತ್ನಪ್ರಸಾದ್ ಪಿ., ಸಮುದಾಯ ಅಭಿವೃದ್ಧಿ ಸಂಘದ ಅಧ್ಯಕ್ಷೆ ಜಯಲಕ್ಷ್ಮಿ, ಕಂದಾಉ ನಿರೀಕ್ಷಕ ಪುರುಷೋತ್ತಮ, ಸಮುದಾಯ ಸಂಘಟಕಿ ಉಮಾವತಿ, ಪೌರಕಾರ್ಮಿಕ ರಾಮಕೃಷ್ಣ ಮತ್ತು ಸ್ಥಳೀಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

31/03/2016

ಸ್ವಚ್ಛ ಭಾರತ್ ಮಿಷನ್ ಅಭಿಯಾನದ 22ನೇ ವಾರದ ಕಾರ್ಯಕ್ರಮದಡಿ ದಿನಾಂಕ : 31.03.2016 ಗುರುವಾರದಂದು, ಬಂಟ್ವಾಳ ಪುರಸಭಾ ವ್ಯಾಪ್ತಿಯ ಬಿ.ಮೂಡ ಗ್ರಾಮದ ಪರ್ಲಿಯಾ ನರ್ಸಿಂಗ್ ಹೋಂ ಎದುರಿನ ರಸ್ತೆಯನ್ನು ಸ್ವಚ್ಛಗೊಳಿಸಲಾಯಿತು. ಪುರಸಭಾ ಮುಖ್ಯಾಧಿಕಾರಿ ಎಂ.ಎಚ್. ಸುಧಾಕರ್ ರವರ ನೇತೃತ್ವದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪುರಸಭಾ ಸಿಬ್ಬಂದಿಗಳು ಹಾಗೂ ಸ್ಥಳೀಯರು ಸೇರಿದಂತೆ, 17 ಮಂದಿ ಭಾಗವಹಿಸಿದ್ದರು.

24/03/2016

ನಿರ್ಮಲ ಬಂಟ್ವಾಳ ಹಾಗೂ ಸ್ವಚ್ಛ ಭಾರತ್ ಮಿಷನ್ ಅಭಿಯಾನದಡಿ ದಿನಾಂಕ : 24/03/16 ಗುರುವಾರದಂದು 21ನೇ ವಾರದ ಕಾರ್ಯಕ್ರಮದಡಿ ಬಂಟ್ವಾಳ ಪುರಸಭಾ ವ್ಯಾಪ್ತಿಯ ಬಿ. ಮೂಡ ಗ್ರಾಮದ ಸಂಚಯಗಿರಿಯಲ್ಲಿರುವ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರ ರಸ್ತೆಯನ್ನು ಪುರಸಭಾ ಸದಸ್ಯರಾದ ಸದಾಶಿವ ಬಂಗೇರಾರವರ ನೇತೃತ್ವದಲ್ಲಿ ಸ್ವಚ್ಛಗೊಳಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಪುರಸಭಾ ಮುಖ್ಯಾಧಿಕಾರಿ ಎಂ. ಹೆಚ್. ಸುಧಾಕರ್, ಸ್ವಚ್ಛತಾ ರಾಯಭಾರಿಯಾದ ಪ್ರೋಫೆಸರ್ ತುಕರಾಮ್ ಶೆಟ್ಟಿ, ಪುರಸಭಾ ಸದಸ್ಯರಾದ ಜಗದೇಶ್ ಕುಂದರ್, ಪುರಸಭಾ ಸಿಬ್ಬಂದಿಗಳು ಸೇರಿದಂತೆ 24 ಮಂದಿ ಭಾಗವಹಿಸಿದ್ದರು.

11/03/2016

ಬಂಟ್ವಾಳ ಪುರಸಭೆಯ ತ್ಯಾಜ್ಯ ಸಂಗ್ರಹಣ ವಾಹನಗಳಲ್ಲಿ ಸ್ವಚ್ಚ ಭಾರತ್ ಮಿಷನ್ ನ "ಲೋಗೋ" ವನ್ನು ಅಳವಡಿಸಲಾಗಿದೆ.