https://www.facebook.com/106691082007000/

Bapatla Police, Superintendent Of Police Office, Bapatla (2026)

01/06/2026

🚨 NO HELMET - NO FUEL ⛽🪖

ప్రాణం మించేది లేదు... హెల్మెట్ ధరించండి, సురక్షితంగా ఉండండి.

రోడ్డు భద్రత ప్రతి ఒక్కరి బాధ్యత. ద్విచక్ర వాహనం నడిపే ప్రతి వ్యక్తి తప్పనిసరిగా హెల్మెట్ ధరించాలి. హెల్మెట్ లేకుండా ప్రయాణించడం మీ ప్రాణానికే ప్రమాదం.

⚠️ హెల్మెట్ లేకుండా ఇంధనం లేదు 💰 జరిమానా: ₹1000/-

నిబంధనలు పాటిద్దాం... ప్రమాదాలను నివారిద్దాం... సురక్షిత సమాజ నిర్మాణంలో భాగస్వాములమవుదాం.

👮‍♂️ జిల్లా ఎస్పీ శ్రీ బి. ఉమామహేశ్వర్, IPS గారి ఆదేశాల మేరకు బాపట్ల జిల్లా పోలీస్ మీ భద్రత - మా బాధ్యత

Andhra Pradesh Police

01/06/2026

"నో హెల్మెట్ నో ఫుయల్" కార్యక్రమానికి శ్రీకారం చుట్టిన జిల్లా ఎస్పీ శ్రీ బి.ఉమామహేశ్వర్ ఐపీఎస్ గారు.

ప్రయోగాత్మకంగా బాపట్ల టౌన్, రూరల్, వెదుళ్ళపల్లి, కర్లపాలెం పోలీస్ స్టేషన్ ల పరిధిలలో అమలు

హెల్మెట్ భారం కాదు బాధ్యత, ద్విచక్ర వాహనాలపై ప్రయాణించే ప్రతి ఒక్కరు తప్పనిసరిగా హెల్మెట్ ధరించాలి

జిల్లా ఎస్పీ శ్రీ బి.ఉమామహేశ్వర్ ఐపీఎస్ గారు

ద్విచక్ర వాహనాలపై ప్రయాణించే ప్రతి ఒక్కరు తప్పనిసరిగా హెల్మెట్ ధరించాలని, హెల్మెట్ ధరించడాన్ని భారంగా కాకుండా బాధ్యతగా భావించాలని జిల్లా ఎస్పీ శ్రీ బి.ఉమామహేశ్వర్ ఐపీఎస్ గారు తెలిపారు. "నో హెల్మెట్ నో ఫుయల్" అను కార్యక్రమానికి జిల్లా ఎస్పీ గారు జూన్ 1 సోమవారం నుండి శ్రీకారం చుట్టారు. ఈ కార్యక్రమాన్ని ప్రయోగాత్మకంగా బాపట్ల పట్టణ, రూరల్, వెదుళ్ళపల్లి, కర్లపాలెం పోలీస్ స్టేషన్ ల పరిధిలో అమలు చేస్తున్నారు.

జిల్లా ఎస్పీ గారి ఆదేశాలతో సంబంధిత పోలీస్ స్టేషన్ ఎస్.హెచ్.ఓ లు, సిబ్బంది పెట్రోల్ బంకుల వద్ద విధులు నిర్వహిస్తూ హెల్మెట్ యొక్క ప్రాముఖ్యత, దానిని ధరించడం వలన కలిగే ఉపయోగాల గురించి ద్విచక్ర వాహనదారులకు అవగాహన కల్పిస్తున్నారు.

ఈ సందర్భంగా జిల్లా ఎస్పీ గారు మాట్లాడుతూ నేటి నుండి "నో హెల్మెట్ నో ఫుయల్" కార్యక్రమానికి శ్రీకారం చుట్టామన్నారు. జిల్లా కేంద్రంతో పాటు బాపట్ల రూరల్, వెదుళ్ళపల్లి, కర్లపాలెం పోలీస్ స్టేషన్ ల పరిధిలో ఈ కార్యక్రమాన్ని ప్రయోగాత్మకంగా అమలు చేస్తున్నామన్నారు. రోడ్డు ప్రమాదాలను పరిశీలిస్తే… హెల్మెట్ ధరించకుండా ద్విచక్ర వాహనాలపై ప్రయాణించిన వారే ఎక్కువగా ప్రాణాలు కోల్పోయిన ఘటనలు నమోదయ్యాయన్నారు. ఒక చిన్న నిర్లక్ష్యం… ఒక కుటుంబానికి తీరని విషాదాన్ని మిగులుతుందన్నారు.

ఈ నేపథ్యంలోనే ప్రతి ద్విచక్ర వాహనదారుడు తప్పనిసరిగా హెల్మెట్ ధరించి సురక్షితంగా ప్రయాణించాలనే ఉద్దేశంతో బాపట్ల జిల్లా పోలీస్ శాఖ ఆధ్వర్యంలో అత్యంత ప్రతిష్టాత్మకంగా ‘శిరోరక్ష – ప్రాణ రక్ష’ కార్యక్రమాన్ని ఏప్రిల్ 1వ తేదీ నుండి చేపట్టడం జరిగిందన్నారు. ఈ కార్యక్రమంలో భాగంగా బాపట్ల, చీరాల, రేపల్లె సబ్ డివిజన్ లలో అన్ని పోలీస్ స్టేషన్ పరిధిలలో హెల్మెట్ అవగాహన ర్యాలీలు, కార్యక్రమాలు నిర్వహించడం జరిగిందన్నారు. దీని వలన చాలా మంది వాహనదారులు హెల్మెట్ ధారణను అలవాటు చేసుకున్నారన్నారు.

ఇటీవల చోటు చేసుకున్న కొన్ని రోడ్డు ప్రమాదాలలో ద్విచక్ర వాహనాలను నడిపే వారు ఇంకా అక్కడక్కడా హెల్మెట్ ధరించక ప్రమాదాల బారిన పడిన ఘటనలు ఉన్నాయన్నారు. "శిరోరక్ష - ప్రాణ రక్ష" కార్యక్రమం ద్వారా విస్తృతంగా అవగాహన కల్పించినప్పటికీ కొంతమందిలో ఇంకా మార్పు రావాల్సిన అవసరం ఉందన్నారు.

ద్విచక్ర వాహనదారులు ప్రతి ఒక్కరూ తప్పనిసరిగా హెల్మెట్ ధరించాలనే సదుద్దేశంతో "నో హెల్మెట్ - నో ఫ్యూయల్" అనే కార్యక్రమాన్ని జూన్ 1 నుండి బాపట్ల టౌన్, రూరల్, వెదుళ్ళపల్లి, కర్లపాలెం పోలీస్ స్టేషన్ల పరిధిలో ప్రయోగాత్మకంగా ప్రారంభించామన్నారు.

ద్విచక్ర వాహనంపై ఎక్కడికైనా వెళ్లాలంటే ముందుగా అందులో పెట్రోల్ నింపుకోవడం తప్పనిసరి కాబట్టి, పెట్రోల్ బంకుల వద్ద హెల్మెట్ లేనిదే పెట్రోల్ నింపకపోతే వాహనదారులు తప్పనిసరిగా హెల్మెట్ ధరించడం అలవర్చుకుంటారనే ఉద్దేశంతో ఈ కార్యక్రమాన్ని ప్రారంభించడం జరిగిందన్నారు.

జిల్లా కేంద్రంలో ఈ స్పెషల్ డ్రైవ్ కొనసాగుతోందని, జరిమానాలకు భయపడి కాదు… మీ కుటుంబం కోసం, మీ ప్రాణం కోసం హెల్మెట్ ధరించాలని ప్రజలకు తెలిపారు.
Andhra Pradesh Police

01/06/2026

మహిళల భద్రతే లక్ష్యం – శక్తి బృందాల అవగాహన కార్యక్రమాలు 🚔
బాపట్ల జిల్లా ఎస్పీ శ్రీ బి.ఉమామహేశ్వర్ ఐపీఎస్ గారి పర్యవేక్షణ లో
జిల్లా వ్యాప్తంగా శక్తి బృందాలు బస్టాండ్లు, రైల్వే స్టేషన్లు, రద్దీ ప్రాంతాల్లో
మహిళలకు మరియు యువతకు అవగాహన కల్పించారు.
➡️ శక్తి యాప్ వినియోగం
➡️ సైబర్ మోసాలపై జాగ్రత్తలు
➡️ మాదకద్రవ్యాల దుష్పరిణామాలు
➡️ మహిళల హక్కులు & చట్టాలపై అవగాహన
ప్రజల భద్రతే మా లక్ష్యం.
Bapatla Police 🚨

Andhra Pradesh Police

01/06/2026

జిల్లా పోలీస్ ప్రధాన కార్యాలయంలో ప్రజా సమస్యల పరిష్కార వేదిక కార్యక్రమాన్ని నిర్వహించిన జిల్లా ఎస్పీ శ్రీ బి.ఉమామహేశ్వర్ ఐపీఎస్ గారు

తమ సమస్యలను విన్నవించుకున్న 44 మంది అర్జీదారులు

అర్జీల పరిష్కారానికి చర్యలు వేగవంతం చేయాలి

జిల్లా ఎస్పీ శ్రీ బి.ఉమామహేశ్వర్ ఐపీఎస్ గారు

ప్రజా సమస్యల పరిష్కార వేదికకు వచ్చే అర్జీలను పరిష్కరించేందుకు ఆయా పోలీస్ స్టేషన్ అధికారులు సత్వరం చర్యలు తీసుకోవాలని జిల్లా ఎస్పీ శ్రీ బి.ఉమామహేశ్వర్ ఐపీఎస్ గారు తెలిపారు. సోమవారం జిల్లా పోలీస్ ప్రధాన కార్యాలయంలో నిర్వహించిన ప్రజా సమస్యల పరిష్కార వేదిక కార్యక్రమంలో ఎస్పీ గారు స్వయంగా పాల్గొని బాధితుల నుంచి అర్జీలను స్వీకరించారు.

జిల్లాలోని వివిధ ప్రాంతాల నుంచి వచ్చిన మొత్తం 44 మంది అర్జీదారులు తమ సమస్యలను ఎస్పీ గారికి విన్నవించుకున్నారు. బాధితుల అర్జీలలో ప్రధానంగా కుటుంబ సమస్యలు, భూ తగాదాలు, భార్యాభర్తల వివాదాలు, ఆర్థిక లావాదేవీలకు సంబంధించిన మోసాలు తదితర సమస్యలు ఉన్నాయి.

ఫిర్యాదిదారుల సమస్యలను కూలంకషంగా విన్న ఎస్పీ గారు, వారి అర్జీలను క్షుణ్ణంగా పరిశీలించి, సత్వరమే స్పందించి వేగవంతంగా పరిష్కరించాలని సంబంధిత పోలీస్ అధికారులను ఆదేశించారు. అలాగే పలువురు వృద్ధులు పీజీఆర్ఎస్ కు రాగా వారి సమస్యలను కూడా ఎస్పీ గారు అడిగి తెలుసుకున్నారు. ఫిర్యాదిదారుల అర్జీలను చట్ట పరిధిలో విచారించి నిర్దిష్ట గడువులోగా పరిష్కరించాలని పోలీస్ అధికారులను ఆదేశించారు. ప్రజా సమస్యల పరిష్కార వేదిక కార్యక్రమంలో వచ్చే అర్జీలు మళ్లీ మళ్లీ పునరావృతం కాకుండా క్షేత్రస్థాయిలో సంతృప్తికరమైన శాశ్వత పరిష్కారం చూపాలని అధికారులకు స్పష్టం చేశారు.

ఈ కార్యక్రమంలో సీసీఎస్ డీఎస్పీ పి.జగదీష్ నాయక్, పీజీఆర్ఎస్ సెల్ ఇన్‌స్పెక్టర్ కె.శ్రీనివాసరావు తదితర పోలీస్ అధికారులు, సిబ్బంది పాల్గొన్నారు.
Andhra Pradesh Police

01/06/2026

బాపట్ల జిల్లా పోలీస్
🛡️ “శిరోరక్ష - ప్రాణరక్ష” 🛡️
జిల్లా ఎస్పీ శ్రీ బి.ఉమామహేశ్వర్ ఐపీఎస్ గారి ఆదేశాలతో
“శిరోరక్ష - ప్రాణరక్ష” కార్యక్రమం విజయవంతంగా కొనసాగుతోంది 🚔
ద్విచక్ర వాహనదారుల భద్రత కోసం జిల్లా పోలీస్ అధికారులు
వాహన తనిఖీలు నిర్వహిస్తూ హెల్మెట్ ప్రాముఖ్యతపై అవగాహన కల్పిస్తున్నారు.
✔️ హెల్మెట్ ధరించని వారికి అవగాహన
✔️ హెల్మెట్ ధరించిన వారికి అభినందనలు 👏
✔️ ప్రతి ఒక్కరు సురక్షిత ప్రయాణం చేయాలని ప్రోత్సాహం
ఒక్క రోడ్డు ప్రమాదం…
మీ కుటుంబ సంతోషాన్ని దూరం చేసే ప్రమాదం ఉంది ⚠️
👉 చలానాల భయం కాదు…
👉 మీ ప్రాణం కోసం, మీ కుటుంబం కోసం
హెల్మెట్ తప్పనిసరి!

🚦
Andhra Pradesh Police

01/06/2026

ప్రయాణికుల భద్రతే మా లక్ష్యం 🚔
బాపట్ల జిల్లా ఎస్పీ శ్రీ బి. ఉమామహేశ్వర్ ఐపీఎస్ గారి పర్యవేక్షణ లో జిల్లా పోలీస్ అధికారులు ప్రైవేట్ వాహనాలు, ట్రావెల్స్ బస్సులపై ప్రత్యేక తనిఖీలు నిర్వహించారు.
డ్రైవర్లకు ఆల్కహాల్ పరీక్షలు, వాహన పత్రాల పరిశీలనతో పాటు భద్రతా సూచనలు అందిస్తున్నారు తెలిపారు. ప్రమాదాల నివారణపై డ్రైవర్లుకు, సిబ్బందికి, ప్రయాణికులకు అవగాహన కల్పించారు. ప్రమాదాలు జరగడానికి అవకాశం ఉన్న వస్తువులు లేకుండా తనిఖీ చేశారు.
అనుమానాస్పద పరిస్థితులు గమనిస్తే వెంటనే 112 కు సమాచారం అందించాలని పోలీస్ అధికారులు తెలిపారు..

Andhra Pradesh Police

01/06/2026

🚨 గంజాయి రహిత బాపట్ల జిల్లానే లక్ష్యం! 🚨

జిల్లా ఎస్పీ శ్రీ బి. ఉమామహేశ్వర్, ఐపీఎస్ గారి పర్యవేక్షణలో బాపట్ల జిల్లా పోలీసులు గంజాయి నిర్మూలనకు కట్టుదిట్టమైన చర్యలు చేపడుతున్నారు.

🔍 అనుమానాస్పద ప్రాంతాల్లో కార్డాన్ అండ్ సెర్చ్ ఆపరేషన్లు నిర్వహిస్తూ, మాదకద్రవ్యాల అక్రమ రవాణా మరియు వినియోగంపై ప్రత్యేక నిఘా కొనసాగిస్తున్నారు.

🤝 యువత భవిష్యత్తును కాపాడేందుకు, సమాజాన్ని మాదకద్రవ్యాల బారిన పడకుండా రక్షించేందుకు పోలీసుల నిరంతర కృషి.

మీ భద్రత – మా బాధ్యత

Andhra Pradesh Police

01/06/2026

🚁 నేర నియంత్రణే లక్ష్యం 🚓
➡️జిల్లా ఎస్పీ శ్రీ బి. ఉమామహేశ్వర్ ఐపీఎస్ గారి పర్యవేక్షణ లో జిల్లా పోలీస్ అధికారులు జిల్లా వ్యాప్తంగా క్రైమ్ ప్రోన్ ఏరియాలపై డ్రోన్ కెమెరాలతో నిరంతర నిఘా ఏర్పాటు చేయడం జరిగింది.
➡️బహిరంగంగా మద్యం సేవించడం, గంజాయి, పేకాట, ఈవ్ టీజింగ్, చైన్ స్నాచింగ్, దొంగతనాలు వంటి అసాంఘిక కార్యకలాపాలపై కఠిన చర్యలు తప్పవు.
➡️నూతన సాంకేతికతతో శాంతి భద్రతల పరిరక్షణకు జిల్లా పోలీసులు కట్టుదిట్టంగా వ్యవహరిస్తున్నారు.

Andhra Pradesh Police

01/06/2026

Bapatla Police Press Coverage: Monday, 01 June 2026

31/05/2026

ఆపరేషన్ దండాయన పోస్టర్ ఆవిష్కరించిన..

గౌరవ బాపట్ల జిల్లా ఎస్పీ శ్రీ బి.ఉమామహేశ్వర్ ఐపీఎస్ గారు

Andhra Pradesh Police

Bapatla Police

01/06/2026

01/06/2026

01/06/2026

01/06/2026

01/06/2026

01/06/2026

01/06/2026

01/06/2026

01/06/2026

31/05/2026

Address

Website

Alerts

Contact The Organization

Shortcuts

Share

Category