29/05/2022
✍সদৌ বৰপেটা জিলা ছাত্ৰ সন্থা , বজালী মহকুমা ছাত্ৰ সন্থাৰ লগতে পাঠশালা আঞ্চলিক ছাত্ৰ সন্থা আৰু বজালী বাসী ৰাইজৰ উদ্যোগত অনুষ্ঠিত হোৱা সদৌ অসম ছাত্ৰ সন্থাৰ ভাতৃ সংগঠন অসম উন্নতি সভা আৰু অসম সেনাৰ আজি বজালী জিলা উন্নতি সভা আৰু বজালী জিলা অসম সেনাৰ অধিবেশন সফল ৰূপত অনুষ্ঠিত হৈ যায় । উক্ত অধিৱেশনত বজালী জিলা উন্নতি সভাৰ বীৰেন কলিতা সভাপতি আৰু চাণক্য দাসক সম্পাদক হিচাপে লৈ এখন পূৰ্ণাংগ কাৰ্যনিৰ্বাহক সমিতি গঠন কৰা হয় লগতে অসমৰ সেনাৰ আহ্বায়ক সমিতি গঠন কৰা হয় ।
আজিৰ এই অধিবেশনত সদৌ বৰপেটা জিলা ছাত্ৰ সন্থাৰ প্ৰাক্তন সাধাৰণ সম্পাদক লগতে সদৌ অসম ছাত্ৰ সন্থাৰ কাৰ্যালয় সম্পাদকৰ দায়িত্ব গ্ৰহন কৰি সদৌ অসম ছাত্ৰ সন্থাক সবল নেতৃত্ব প্ৰদান কৰা সমুদ্ৰ পাটগিৰি ডাঙৰীয়াক আৰু বজালী মহকুমা ছাত্ৰ সন্থা আৰু পাঠশালা আঞ্চলিক ছাত্ৰ সন্থাক একালত সবল নেতৃত্ব প্ৰদান কৰা অৰূপ জ্যোতি দাসক অসম উন্নতি সভাৰ কেন্দ্ৰীয় কাৰ্যনিৰ্বাহক হিচাপে নিৰ্বাচিত কৰা হয় ।
