बिजनी दख'रा एबसु:: Bijni Anchalik ABSU

02/09/2026

2 सेप्टेम्बर, 2026
: बड'सा हाउस, बिजनी, चिरां, बिटिआर:

: बिजनी दख'रा एबसुनि सिङाव बिजनी सोलोंसालिमायाव बिजनी सोलोंसालिमा बर' थुनलाइयारी आफादनि बान्जायनायाव सानजारां लक्षेस्वर ब्रह्मनि 43थि थैनाय सान आरो 35थि थैनाय गोसोखां सानखौ सान्नैनि हाबाफारि लानानै खुंफुंनाय जायो।
बे हाबाफारिनिनो दिनै गेवलां मेलआव थांखि जानाय बुंथिगिरि महरै बाहागो लायो दुलाराय बर' फरायसा आफादनि लोगो आफादगिरि उमेस दैमारिया। बे मेलावनो गाहाइ आलासि महरै बाहागो लायो अदालगुइ सोलोंसालिमानि लोगो बिबुंगिरि ड. नरेसर नार्जारि बिथांआ।
लोगोसे बाहागो लाफायो बिजनी दख'रा एबसुनि आफादगिरि सुबिलाल दैमारि, बुंथिगिरि खाम्पा ब्रह्म, लोगो सोलोंथाइ नेहाथारि लमबिर बसुमतारी, खोला बिजिनि दख'रा एबसुनि गाहाय नेहाथारि अनसुमै बसुमथारि, हावलि दख'रा एबसुनि आफादगिरि गनेस बर', हसतिनापुर बिजिनि मौजा दख'रा एबसुनि गाहाय नेहाथारि कब्लेसर बसुमथारि बिथांमोनहा।

02/09/2026

2 सेप्तेम्बर, 2026
: बड'सा हाउस, बिजनी, चिरां, बिटिआर :

: दुलाराय बर' फरायसा आफादनि "बड'फा गोजोरथियारी सोलायनाय मावथांखि" नि हाबाफारि बादियै थुरिबारि दालाइ एबसुनि बान्जायनायाव देनायपारा जोंमा गुदि फरायसालियाव "फरायसालि फोसाबनाय हाबाफारि" हाबाफारि लानाय जायो।
बे हाबाफारिआव बाहागो लायो -थुरिबारि दालाइ एबसुनि बिबानगिरि बिथांमोनहा।

02/09/2026

02 सेप्तेम्बर, 2026
: बड'सा हाउस, बिजनी, चिरां, बिटिआर :

: बिजनी जिल्ला बर' थुनलाइ आफादनि बान्जायनायाव बल्लामगुरि गुदि बर' थुनलाइ आफादनि सिङाव थानाय बल्लामगुरि गोजौ फरायसालिआव रुंसारि सानजारां लक्षेस्वर ब्रह्मनि 43थि थैनाय सान आरो 16थि थैनाय गोसोखां सान फालिनायखौ 02 सेप्तेम्बर, 2026 खालारखालि सानसेनि मेहेरगोनां हाबाफारिजों खुंफुंनाय जायो।
बिजनी जिल्ला बर' थुनलाइ आफादनि आफादगिरि नागेश्वर गयारी बिथांनि मेल सामलायनाय गेवलां मेलाव हांख्राइनाय बादि बाहागो लायो -बिजनी दख'रा एबसुनि आफादगिरि सुबिलाल दैमारीजों लोगोसे रांगिरि गोगोम बसुमतारी, नेहाथारि हादोरसा बसुमतारी, लोगो सोलोंथाइ नेहाथारि लमबिर बसुमतारी बिथांमोनहा।

02/09/2026

02 सेप्तेम्बर, 2026
: बड'सा हाउस, बिजनी, चिरां, बिटिआर :

: बिजनी दख'रा एबसुनि सिङाव थानाय बिजनी सोलोंसालिमायाव बिजनी सोलोंसालिमा बर' थुनलाइयारी आफादनि बान्जायनायाव रुंसारि सानजारां लक्षेस्वर ब्रह्मनि 43थि थैनाय सान आरो 35थि थैनाय गोसोखां सान फालिनायखौ 01 आरो 02 सेप्तेम्बर, 2026 खालारखालि साननैनि मेहेरगोनां हाबाफारिजों इन्टार कलेज गुबुन गुबुन आयदानि बादायलायनाय हाबाफारि खुंफुंनाय जायो।
बे हाबाफारिनिनो दिनै 02 सेप्तेम्बर, 2026 खालि फुंबिलि समनि हाबाफारि थुनलाइयारी आफादनि फिरफिला बिरहोनाय, सानजारां लक्षेस्वर ब्रह्मनि सावगारिआव बिबार बाउनाय, सानजारां इन्जुर लाइसि बेखेवनाय लानाय जायो।
बे हाबाफारियाव हांख्राइनाय बादि बाहागो लायो -बिजनी दख'रा एबसुनि आफादगिरि सुबिलाल दैमारी, रांगिरि गोगोम बसुमतारी, नेहाथारि हादोरसा बसुमतारी, लोगो सोलोंथाइ नेहाथारि लमबिर बसुमतारी बिथांमोनहा।

01/09/2026

01 सेप्तेम्बर, 2026
: बड'सा हाउस, बिजनी, चिरां, बिटिआर :

: बिजनी दख'रा एबसुनि सिङाव थानाय बिजनी सोलोंसालिमायाव बिजनी सोलोंसालिमा बर' थुनलाइयारी आफादनि बान्जायनायाव रुंसारि सानजारां लक्षेस्वर ब्रह्मनि 43थि थैनाय सान आरो 35थि थैनाय गोसोखां सान फालिनायखौ 01 आरो 02 सेप्तेम्बर, 2026 खालारखालि साननैनि मेहेरगोनां हाबाफारिजों इन्टार कलेज गुबुन गुबुन आयदानि बादायलायनाय हाबाफारि खुंफुंनाय जायो।
बिजनी सोलोंसालिमा बर' थुनलाइयारी आफादनि आफादगिरि बिनिका गयारीनि मेल सामलायनाय बे हाबाफारिनिनो दिनै 01 सेप्तेम्बर, 2026 खालि बराय फोरबो लानाय जायो। बराय बिबुंथि लाखियो बिजनी सोलोंसालिमानि राजखान्थि बिफाननि बिबुंगिरि ड. बाबु चन्द्र बसुमतारी बिथाङा।
बे हाबाफारियाव हांख्राइनाय बादि बाहागो लायो -बिजनी दख'रा एबसुनि आफादगिरि सुबिलाल दैमारी, लोगो गाहाइ नेहाथारि सोरांसार दैमारी, लोगो सोलोंथाइ नेहाथारि मिजिंक बसुमतारी, लमबिर बसुमतार बिथांमोनहा।

31/08/2026

31/08/2026

31 आगस्ट', 2026
: बड'सा हाउस, बिजनी, चिरां, बिटिआर :

: बिजनी दख'रा एबसुनि सिङाव थानाय बिजनी सोलोंसालिमायाव बिजनी सोलोंसालिमा बर' थुनलाइयारी आफादनि बान्जायनायाव रुंसारि सानजारां लक्षेस्वर ब्रह्मनि 43थि थैनाय सान आरो 35थि थैनाय गोसोखां सान फालिनायखौ 01 आरो 02 सेप्तेम्बर, 2026 खालारखालि साननैनि मेहेरगोनां हाबाफारिजों इन्टार कलेज गुबुन गुबुन आयदानि बादायलायनाय हाबाफारिजों खुंफुंथि थाक थियारि जाबाय।
बे हाबाफारिखौ जाफुंसार होनो थाखाय बिजनी सोलोंसालिमानि फरायसाफोरा मावसोम हानजा महरै मदद होनो दिनैनिफ्राय साखा फारा जाबाय। साननैनि बे हाबाफारिखौ खसेथियै आरो आब्रुथि गोनाङै जाफुंसार होनो थाखाय दिनै मोनाबिलि समाव सावरायनाय हाबाफारि लानाय जायो।
बे हाबाफारियाव हांख्राइनाय बादि बाहागो लानानै बेसेन गोसा बिबुंथि लाखियो -बिजनी दख'रा एबसुनि आफादगिरि सुबिलाल दैमारी बिथाङा। लोगोसे बाहागो लायो दख'रानि रांगिरि गोगोम बसुमतारी, लोगो सोलोंथाइ नेहाथारि मिजिंक बसुमतारी, बिजनी सोलोंसालिमा दालाइ एबसुनि आफादगिरि सानसुमा बसुमतारी बिथांमोनहा।

31/08/2026

31 आगस्ट', 2026
: बड'सा हाउस, बिजनी, चिरां, बिटिआर :

: दुलाराय बर' फरायसा आफादनि "गुन गोनां सोलोंथाइनि जांख्रिखांनाय" मावथांखि बादियै चिरां जिल्ला एबसुनि थांखि लानाय बादियै चिरां आरो बिजनी ओनसोलनि माहारि आफादफोरजों जथायै सासेल' फोरोंगिरि थानाय फरायसालिफोराव खौरां लानाय बादि दिनै बिजनी दख'रा एबसुनि सिङाव थानाय मंगलियान दालाइ एबसु सिंनि चौधुरीपारा मावरिया गुदि फरायसालिआव थांनानै खौरांलाय आरो फरायसालि सामलाय आफाद आरो राइजोफोरजों सावरायनाय हाबाफारि लानाय जायो।
बिजनी दख'रा एबसुनि आफादगिरि सुबिलाल दैमारी बिथांनि मेल सामलायनाय बे हाबाफारिआव बाहागो लानानै बिबुंथि लाखियो चिरां जिल्ला एबसुनि आफादगिरि दिलिप कुमार बसुमतारी, बिजनी जिल्ला बर' थुनलाइ आफादनि आफादगिरि नागेस्वर गयारी बिथांमोनहा।
हाबाफारिआवनो बाहागो लायो- चिरां जिल्ला बर' थुनलाइ आफादनि बोसोशगिरि नगेन नार्जारी, बिजनी जिल्ला बर' थुनलाइ आफादनि लोगो नेहाथारि इन्द्र महन बसुमतारी, बागदुवार थान्दै मोखां लाइसिनि गाहाइ सुजुगिरि ललित बसुमतारी, चिरां जिल्ला एबसुनि नेहाथारि सुरज नार्जारी, लोगो गेलेमु नेहाथारि अमित कुमार बसुमतारी, लोगो सोलोंथाइ नेहाथारि कामेस्वर बसुमतारी, बिजनी दख'रा एबसुनि रांगिरि गोगोम बसुमतारी, गेलेमु नेहाथारि सुलेन बर', सोद्रोमा दिबु बसुमतारी, बिरकां बसुमतारी बिथांमोनहा।

31/08/2026

31 आगस्ट', 2026
: बड'सा हाउस, बिजनी, चिरां, बिटिआर :

: दुलाराय बर' फरायसा आफादनि "गुन गोनां सोलोंथाइनि जांख्रिखांनाय" मावथांखि बादियै चिरां जिल्ला एबसुनि थांखि लानाय बादियै चिरां आरो बिजनी ओनसोलनि माहारि आफादफोरजों जथायै सासेल' फोरोंगिरि थानाय फरायसालिफोराव खौरां लानाय बादि दिनै बिजनी दख'रा एबसुनि सिङाव थानाय मंगलियान दालाइ एबसु सिंनि 261नं सिलबारि मनाख'सा गुदि फरायसालिआव थांनानै खौरांलाय आरो फरायसालि सामलाय आफाद आरो राइजोफोरजों सावरायनाय हाबाफारि लानाय जायो।
बिजनी दख'रा एबसुनि आफादगिरि सुबिलाल दैमारी बिथांनि मेल सामलायनाय बे हाबाफारिआव बाहागो लानानै बिबुंथि लाखियो चिरां जिल्ला एबसुनि आफादगिरि दिलिप कुमार बसुमतारी, बिजनी जिल्ला बर' थुनलाइ आफादनि आफादगिरि नागेस्वर गयारी बिथांमोनहा।
हाबाफारिआवनो बाहागो लायो- चिरां जिल्ला बर' थुनलाइ आफादनि बोसोशगिरि नगेन नार्जारी, बिजनी जिल्ला बर' थुनलाइ आफादनि लोगो नेहाथारि इन्द्र महन बसुमतारी, बागदुवार थान्दै मोखां लाइसिनि गाहाइ सुजुगिरि ललित बसुमतारी, चिरां जिल्ला एबसुनि नेहाथारि सुरज नार्जारी, लोगो गेलेमु नेहाथारि अमित कुमार बसुमतारी, लोगो सोलोंथाइ नेहाथारि कामेस्वर बसुमतारी, बिजनी दख'रा एबसुनि रांगिरि गोगोम बसुमतारी, गेलेमु नेहाथारि सुलेन बर', सोद्रोमा दिबु बसुमतारी, बिरकां बसुमतारी बिथांमोनहा।

30/08/2026

30 आगस्ट', 2026
: बड'सा हाउस, बिजनी, चिरां, बिटिआर :

: बिजनी दख'रा एबसुनि सिङाव थानाय थुरिबारि दालाइ एबसु सिंनि दावराइबारि गामिनि ACS अफिसार नरेन चन्द्र बसुमतारीनि अनसुंथायजों दावराइबारि निजोरा आफादनि बान्जायनायाव 23 आगस्ट', 2026 अक्ट'निफ्राय 30 आगस्ट', 2026 सिम "2थि रुंसारि धनेस्वर बसुमतारी गोसोखां ट्रफि" इन्टार क्लाब जोलुर गेलेनाय बादायलायनाय हाबाफारि लानाय जायो।
बे हाबाफारिनिनो जोबथा गेलेनाय बादायलायनाय (Final) आव आलासि महरै बाहागो लानानै बिबुंथि लाखियो रुंसारि धनेस्वर बसुमतारीनि आंगोनि फिसाज्ला मुस्रि नरेन चन्द्र बसुमतारी बिथाङा।
बे हाबाफारियावनो आलासि महरै बाहागो लायो- कक्राझार मुलुक सोलोंसालिनि एस'सियेट प्रपेसार ड. बेरलाव के. कार्जि, आसाम फुटबल एस'सियेसननि सोद्रोमा सन्तराम बसुमतारी, बिजनी जिल्ला गेलेमु गौथुमनि आफादगिरि उमेश ब्रह्म, बिजनी दख'रा एबसुनि आफादगिरि सुबिलाल दैमारी, गेलेमु नेहाथारि सुलेन बर', लोगो सोलोंथाइ नेहाथारि लमबिर बसुमतारी, लोगो हारिमु नेहाथारि दुर्गा मुसाहारी, थुरिबारि ओनसोलनि आफादफोरनि बिबानगिरि आरो सानसुमै बिथांमोनहा।
बे जोबथा गेलेनाय बादायलायनायाव भाट'फारा सोरां क्लाबा खैरुगुरि आलारि क्लाबखौ 3-0 गलाव फेजेन्नानै देरहासार जानो हायो।