मंग'लियान दालाइ एबसु :: Mongolian Unit ABSU

01/09/2026

01/09/2026

#महिनि बसुमतारी गोसोखां न'ब्लां, मंग'लियान बाजार, चिरां।
अक्ट' : 31 आगष्ट', 2026

चिरां जिल्ला एबसुआ थांखि लानाय बायदियै बिजनी दख'रा एबसुनि सिङाव थानाय मंग'लियान दालाइ एबसु सिंनि सासेल' फोरोंगिरि थानाय चौधुरिपारा मावरिया गुदि फरायसालि आरो 261 नं सिलबारि मनाख'सा गुदि फरायसालिसिम खौरां लाहैनायजों लोगोसे सामलाय आफाद आरो दिथागिरिफोरजों सावरायनाय हाबाफारि लायो ।

बे हाबाफारियावनो सिरां जिल्ला एबसुनि आफादगिरि मुस्रि दिलिप कु बसुमतारी, नेहाथारि मुस्रि सुरज नार्जारी, लोगो सोलोंथाइ नेहाथारि मुस्रि खामेस्वर बसुमतारी आरो लोगो गेलेमु नेहाथारि मुस्रि अमित कुमार ब्रह्म, बिजनी जिल्ला बर' थुनलाइ आफादनि आफादगिरि मुस्रि नागेस्वर गयारि बिथांमोनहा बाहागो लाहैयो।

हाबाफारियावनो बिजनी दख'रा एबसुनि आफादगिरि सुबिलाल दैमारी आरो बिथांनि हानजा, मंग'लियान दालाइ एबसुनि आफादगिरि किंस्तन बसुमतारी आरो बिथांनि हानजा, जिल्लानि सिङाव थानाय गुबुन गुबुन माहारि आफादफोरनि दैदेनगिरि बिथांमोनहाबो बाहागो लायो ।

31/07/2026

#महिनि बसुमतारी गोसोखां न'ब्लां, मंग'लियान बाजार, चिरां।
अक्ट': 31 जुलाइ, 2026 इं

बिजनी दख'रा एबसुनि बारग' बिबानगिरि, बिजनी जिल्ला गेलेमु गौथुमनि नेहाथारि, बिजनी जिल्ला इउपिपिएलनि लोगो आफादगिरि राजु बसुमतारी बिथांखौ 29 जुलाइ, 2026 खालि हरनि 12.00 रिंगासोआव लामायाव जमनानै बुथारो। बिथांनि रुंसारि जानायाव मंग'लियान दालाइ एबसुआ गोथौ दुखु मोननाय फोरमायो लोगोसे बिथांनि रुंसारि जिउमाया सोरगोआव आलो गोजोन थानो जायगा मोनो, बेनि थाखाय इसोरनि खाथियाव आर'ज गाबहरनानै दालाइ एबसुनि मावख'आव मम बाथि फोजोंनाय हाबाफारि लानाय जायो।

मम बाथि फोजोंनाय हाबाफारिखौ मावफुं जेनो बिजनी दख'रा एबसुनि गाहाय नेहाथारि मिजिंक दैमारी बिथाङा।

28/07/2026

#महिनि बसुमतारी गोसोखां न'ब्लां, मंग'लियान बाजार, चिरां।
अक्ट': 26 जुलाइ 2026 इं

बिजनी दख'रा एबसुनि बानजायनायाव अक्सिगुरि दालाइ एबसुनि सिङाव थानाय 4 नं (A) मैनागुरि जोंलारि क्लाबनि गेलेग्रा फोथाराव खुंनाय 13 बोसोर बैसो सिंनि हौवासाफोरनि जोलुर बादायलायनाय 23थि बड'लेण्ड मुंख्लं ट्रपि -2026 (दालाइ एबसुफोरनि गेजेराव) 20 जुलाइ, 2026 इं निफ्राय जागायनानै 26 जुलाइ, 2026 इं खालि जोबनानै थाङो।

जोबथा गेलेनाय बादायलायनायाव मंग'लियान दालाइ एबसुआ नैथि देरहासार बान्थाखौ मोन्नो हायो।

25/07/2026

गाबोननि जानो गोनां 23थि बड'लेण्ड मुंख्लं ट्रपि -2026, 13 बोसोर बैसो सिंनि हौवासाफोरनि जोलुर बादायलायनायनि जोबथा गेलेनाय (Final Match)आव मंग'लियान दालाइ एबसु आरो बर'लाउगाव दालाइ एबसुनि गेजेराव बादायलायनाय जागोन।

बेनिखायनो मंग'लियान दालाइ एबसुनि सिङाव थानाय साफ्रोमबो राइजो-राजा, सानसुमै नोंथांमोनखौ बयखौबो गेलेगिरि फंबायमोनखौ हेफाजाब आरो थुलुंगा हैनो थाखाय मंग'लियान दालाइ दुलाराय बर' फरायसा आफादनिफ्राय गुरैयै खावलायहरबाय 🙏

25/07/2026

#महिनि बसुमतारी गोसोखां न'ब्लां, मंग'लियान बाजार, चिरां।
अक्ट' : 25 जुलाइ, 2026 इं

बिजनी दख'रा एबसुनि बानजायनायाव अक्सिगुरि दालाइ एबसुनि सिङाव थानाय 4 नं (A) मैनागुरि जोंलारि क्लाबनि गेलेग्रा फोथाराव खुंनाय 13 बोसोर बैसो सिंनि हौवासाफोरनि जोलुर बादायलायनाय 23थि बड'लेण्ड मुंख्लं ट्रपि -2026 (दालाइ एबसुफोरनि गेजेराव)खौ थांनाय 20 जुलाइ, 2026 इं निफ्राय जागायनानै खुंफुंगासिनो दं।

दिनै जोंनि मंग'लियान दालाइ एबसुआ सेमि फाइनेल गेलेनायाव अक्सिगुरि दालाइ एबसुखौ 1-0 गलजों फेजेन्नानै जोबथा गेलेनायसिम सौहैनो हायो। बे गेलेनायाव साबसिन गेलेगिरि महरै मोन्नो हायो मंग'लियान दालाइ एबसुनि गेलेगिरि मुस्रि करण' बसुमतारीआ।

25/07/2026

#महिनि बसुमतारी गोसोखां न'ब्लां, मंग'लियान बाजार, चिरां।
अक्ट' : 25 जुलाइ, 2026 इं

मंग'लियान दालाइ एबसुनि बानजायनायाव दुलाराय बर' फरायसा आफादनि गुन गोनां सोलोंथाइनि जांख्रिखांनाय मावथांखिजों लोब्बा लाखिनानै 2026 इं मायथाइनि गोलोम बोथोरनि बन्द'आव थांनाय 6 जुलाइनिफ्राय मंग'लियान गोजौ फरायसालिआव थाखो 8, 9 आरो 10 थाखोनि फरायसाफोरनि थाखाय होनाय "बेसेन नाङै फोरोंथाइ बादा"खौ दिनै फोजोबनाय हाबाफारि लानाय जायो।

बे हाबाफारियाव बुंथिगिरि आलासि महरै बाहागो लानानै फरायसाफोरनि गुन गोनां सोलोंथाइनि सायाव गोबां बेसेनगोसा बिबुंथि लाखियो बिजनी दख'रा एबसुनि गाहाय नेहाथारि ड° मिजिंक दैमारी बिथाङा, हाबाफारियावनो बाहागो लायो मंग'लियान हाथाइ आफादनि गाहाय नेहाथारि सुबजित गयारि, बिजनी दख'रा एबसुनि सोलोंथाइ नेहाथारि सिमान बसुमतारी, लोगो सोलोंथाइ नेहाथारि मिजिं बसुमतारी, मावख' नेहाथारि करण कुमार बसुमतारी, सोद्रोमा देबु बसुमतारी, बिरखां बसुमतारी, मंग'लियान दालाइ एबसुनि लोगो आफादगिरि अरुन नार्जारी, गाहाइ नेहाथारि सोमखोर बसुमतारी आरो नेहाथारि बिहुं कुंगुर बसुमतारी बिथांमोना।

22/07/2026

#महिनि बसुमतारी गोसोखां न'ब्लां, मंग'लियान बाजार, चिरां।
अक्ट' : 22 जुलाइ, 2026 इं

बिजनी दख'रा एबसुनि बानजायनायाव अक्सिगुरि दालाइ एबसुनि सिङाव थानाय 4 नं (A) मैनागुरि जोंलारि क्लाबनि गेलेग्रा फोथाराव खुंनाय 13 बोसोर बैसो सिंनि हौवासाफोरनि जोलुर बादायलायनाय 23थि बड'लेण्ड मुंख्लं ट्रपि -2026 (दालाइ एबसुफोरनि गेजेराव)खौ थांनाय 20 जुलाइ, 2026 इं निफ्राय जागायनानै खुंफुंगासिनो दं।

दिनै जोंनि मंग'लियान दालाइ एबसुआ सा बिजनी दालाइ एबसुखौ 2-0 गलजों फेजेन्नानै सेमि फाइनेल गेलेनायसिम सौहैनो हायो। बे गेलेनायाव साबसिन गेलेगिरि महरै मोन्नो हायो मंग'लियान दालाइ एबसुनि गेलेगिरि मुस्रि दिपज्य'ति बसुमतारी आ।

20/07/2026

#महिनि बसुमतारी गोसोखां न'ब्लां, मंग'लियान बाजार, चिरां।
अक्ट': 20 जुलाइ, 2026 इं

बिजनी दख'रा दुलाराय बर' फरायसा आफादनि बानजायनायाव 23थि बड'लेण्ड मुंख्लं ट्रपि - 2026 (13 बोसोर बैसो सिंनि होवासाफोरनि) दालाइ एबसुफोरनि गेजेराव जोलुर बादायलायनायखौ 4 नं A मैनागुरि जोंलारि गेलेग्रा फोथार, अक्सिगुरिआव दिनैनिफ्राय खुंफुंनाय जायो।

बे हाबाफारियावनो बाहागो लायो मंग'लियान दालाइ एबसुनि आफादगिरि किंस्तन बसुमतारी, लोगो आफादगिरि अरुन नार्जारी, गाहाइ नेहाथारि सोमखोर बसुमतारी आरो नेहाथारि बिहुं कुंगुर बसुमतारी बिथांमोना।

19/07/2026

#महिनि बसुमतारी गोसोखां न'ब्लां, मंग'लियान बाजार, चिरां।
अक्ट': 19 जुलाइ, 2026 इं

दिनै मालिपारा गेलेग्रा फोथाराव मंग'लियान दालाइ एबसु आरो मालिपारा दालाइ एबसुनि गेजेराव 13 बोसोर बैसो सिंनि हौवासाफोरनि लोगोआरि जोलुर बादायलायनाय खुंफुंनाय जायो।

मंग'लियान दालाइ एबसुआ मालिपारा दालाइ एबसुखौ 3-1 गलजों फेजेनो। मंग'लियान दालाइ एबसुनि गेलेगिरि मुस्रि दिपज्य'ति गयारीआ गासै मोन 3 गल सोनो हायो।

मंग'लियान दालाइ एबसु :: Mongolian Unit ABSU