01/07/2026
শ্ৰদ্ধাৰ বিহালী সমষ্টিৰ অন্তৰ্গত সকলো কৃষক বন্ধুসকল, ক্ষুদ্ৰ চাহ খেতিয়ক সকল আৰু কৃষি ক্ষেত্ৰৰ সৈতে জড়িত ৰাইজ। অহা ইং ৩ জুলাই তাৰিখে অসমৰ মাননীয় কৃষি মন্ত্ৰী শ্ৰী যুত পীয়ুষ হাজৰিকা মহোদয়ে বিহালী সমষ্টিলৈ উপস্থিত হৈ কৃষকসকলৰ সৈতে এক গুৰুত্বপূৰ্ণ মত-বিনিময় সভাত মিলিত হ'ব।
উক্ত সভাত কৃষকসকলৰ বিভিন্ন সমস্যা, প্ৰয়োজন আৰু পৰামৰ্শৰ বিষয়ে মন্ত্ৰী মহোদয়ে প্ৰতক্ষভাৱে শুনিব আৰু চৰকাৰৰ ফালৰ পৰা গ্ৰহণ কৰা বিভিন্ন পদক্ষেপৰ বিষয়ে অৱগত কৰিব।
সভাত বিশেষভাৱে কৃষক পঞ্জীয়নৰ প্ৰয়োজনীয়তা আৰু ইয়াৰ জৰিয়তে কৃষকে লাভ কৰিব পৰা চৰকাৰী সুবিধাসমূহ, কৃষক কল্যাণমূলক আঁচনি আৰু কৃষকসকলৰ বাবে উপলব্ধ বিভিন্ন সহায়-সহযোগিতা, বৰ্তমান চৰকাৰে ক্ষুদ্ৰ চাহ খেতিয়কসকলৰ বাবে বিবেচনা কৰি থকা বিভিন্ন চৰকাৰী সুবিধা, সহায় আৰু কল্যাণমূলক ব্যৱস্থাসমূহ, কৃষি খণ্ডৰ উন্নয়ন, উৎপাদন বৃদ্ধি আৰু কৃষকৰ আয় বৃদ্ধিৰ বাবে চৰকাৰৰ ভৱিষ্যৎ পৰিকল্পনা আদি বিভিন্ন বিষয়ৰ ওপৰত আলোচনা হব। সেয়ে বিহালী সমষ্টিৰ সকলো কৃষক বন্ধুসকল, বিশেষকৈ ক্ষুদ্ৰ চাহ খেতিয়কসকলক উক্ত সভাত সময়মতে উপস্থিত থাকি এই মূল্যৱান সুযোগ গ্ৰহণ কৰিবৰ বাবে আন্তৰিকভাৱে আহ্বান জনোৱা হ'ল।
সময় : দিনৰ ১১ বজা।
স্থান : শঙ্কৰদেৱ প্ৰেক্ষাগৃহ, বৰগাং।
ইতি,
শ্ৰদ্ধাৰে
সুমন শৰ্মা
সভাপতি,
বিজেপি, কিষান মৰ্চা, বিশ্বনাথ জিলা।
