https://www.facebook.com/105031122343745/

Manalisha Konch, Bongaigaon (2026)

21/09/2026

অসমীয়া জাতিৰ প্ৰাণ প্ৰতিষ্ঠাতা, জগতগুৰু, মহাপুৰুষ শ্ৰীমন্ত শংকৰদেৱ গুৰুজনাৰ পবিত্ৰ আৱিৰ্ভাৱ তিথিত তেৰাৰ শ্ৰীচৰণত শতকোটি প্ৰণিপাত জনাইছোঁ। 🙏🌸

যি গৰাকী মহান মনীষীৰ অপৰিসীম অৱদানেৰে অসমীয়া ভাষা, সাহিত্য, সংস্কৃতি আৰু সমাজ-জীৱন সমৃদ্ধ হৈ পৰিল, সেই জগতগুৰুৰ বৈষ্ণৱাদৰ্শ, একশৰণ নামধৰ্ম আৰু সাম্যভাৱৰ যুগজয়ী বাণী সমগ্ৰ মানৱ সমাজৰ বাবে চিৰকাল দিশদৰ্শক হৈ ৰ'ব।

বৰগীত, অংকীয়া নাট, ভাওনা, সত্ৰ সংস্কৃতি আৰু নামঘৰৰ মাহাত্ম্যেৰে সমগ্ৰ অসমীয়া জাতিক ঐক্যৰ দোলেৰে বান্ধি ৰখা মহাপুৰুষজনাৰ শ্ৰীচৰণত মোৰ কোটি কোটি সেৱা। গুৰুজনাৰ কৃপাত সকলোৰে জীৱনলৈ শান্তি, সংহতি, ভক্তি আৰু কল্যাণ নামি আহক।

জয় গুৰু শংকৰ

19/09/2026

আজি ১৯ ছেপ্টেম্বৰ... ঠিক এটা বছৰ পাৰ হৈ গ’ল তুমি আমাক এৰি ধূলিৰ ধৰালৈ আঁতৰি যোৱা। কিন্তু আজিও বিশ্বাসেই নহয়, তুমি সঁচাকৈয়ে আমাৰ মাজত নাই

তোমাৰ গানেৰে শৈশৱৰ পৰা যৌৱনলৈকে জীৱনটোক ভাল পাবলৈ শিকিছিলো। সুখতেই হওক বা দুখতেই, তোমাৰ কণ্ঠই সদায় আমাৰ সত্তাক এক বিশেষ অনুভূতিৰে উপচাই তুলিছিল। আজি তুমি শাৰীৰিকভাৱে আমাৰ মাজত নাই যদিও তোমাৰ সুৰ, সৃষ্টি আৰু নিঃস্বার্থ ভালপোৱা প্ৰতিগৰাকী অসমীয়াৰ হৃদয়ত তোমাক চিৰদিনলৈ অমৰ কৰি ৰাখিব।

তুমি কেৱল এজন শিল্পী নাছিলা, তুমি আছিলা আমাৰ আবেগ, আমাৰ উন্মাদনা আৰু আমাৰ পৰিচয়।

তোমাৰ প্ৰথমটো স্মৰণ দিৱসত তোমাক অশেষ মৰম আৰু গভীৰ শ্ৰদ্ধাৰে সোঁৱৰণ কৰিছোঁ, জুবিন দা।

য’তেই আছা, শান্তিত থাকা। তোমাৰ সুৰবোৰ আমাৰ প্ৰতিটো উশাহত সদায় জীয়াই থাকিব। 💔🕊️

জয় জুবিন দা

17/09/2026

আমাৰ প্ৰিয় প্ৰধানমন্ত্ৰী শ্ৰী নৰেন্দ্ৰ মোদী ডাঙৰীয়াৰ পৱিত্ৰ জন্মদিনত আন্তৰিক শ্ৰদ্ধা আৰু ওলগ🕯️🙏

ভাৰতৰ যশস্বী প্ৰধানমন্ত্ৰী শ্ৰী নৰেন্দ্ৰ মোদী ডাঙৰীয়াৰ পৱিত্ৰ জন্মদিন উপলক্ষে আজি ঘৰে ঘৰে বন্তি প্ৰজ্বলন কৰি তেখেতৰ সুস্বাস্থ্য আৰু দীৰ্ঘায়ু কামনা কৰা হয়।
ইয়াৰ সমান্তৰালকৈ, বীৰঝৰা মণ্ডলৰ উদ্যোগত বঙাইগাঁও চিকিৎসা মহাবিদ্যালয় প্ৰাংগণত এক বিশেষ বন্তি প্ৰজ্বলন কাৰ্যসূচী সুকলমে ৰূপায়ণ কৰা হয়।
এই গাম্ভীৰ্যপূৰ্ণ অনুষ্ঠানত সন্মানীয় বিধায়ক শ্ৰী ভূপেন ৰায় ডাঙৰীয়াৰ লগতে দলৰ নিষ্ঠাবান কাৰ্যকৰ্তা আৰু স্থানীয় ৰাইজৰ উপস্থিতিত বন্তি জ্বলাই আমাৰ প্ৰিয় প্ৰধানমন্ত্ৰীগৰাকীক জন্ম দিনৰ ওলগ আৰু শুভকামনা জনোৱা হয়।
দেশৰ অবিৰত বিকাশ, সমৃদ্ধি আৰু উত্তৰণৰ বাবে অহোপুৰুষাৰ্থ কৰা আমাৰ জনপ্ৰিয় নেতাগৰাকী সদায় সুস্থ আৰু দীৰ্ঘায়ু হৈ থাকক, প্ৰভুৰ চৰণত তাৰেই একান্ত প্ৰাৰ্থনা জনালোঁ।
BJP Assam Pradesh
Narendra Modi

17/09/2026

আই পি এছ বিষয়া সংযুক্তা পৰাশৰে চি আৰ পি এফৰ কোব্ৰা (CoBRA) বেটেলিয়নৰ নেতৃত্ব দিয়া প্ৰথমগৰাকী মহিলা বিষয়া হিচাপে এক অনন্য ইতিহাস ৰচনা কৰিছে।

অসমত উগ্ৰপন্থী বিৰোধী জটিল অভিযানসমূহ সফলভাৱে চম্ভালাৰ পৰা আৰম্ভ কৰি ৰাষ্ট্ৰীয় তদন্তকাৰী সংস্থাৰ (NIA) হৈ গুৰুত্বপূৰ্ণ গোচৰৰ তদন্ত চলোৱালৈকে, তেওঁৰ সুদীৰ্ঘ অভিজ্ঞতাই অপূৰ্ব সাহসিকতা, কৰ্তব্যনিষ্ঠা আৰু ব্যতিক্ৰমী নেতৃত্বৰ পৰিচয় দাঙি ধৰে।

ভাৰতৰ নিৰাপত্তা বাহিনীৰ বাবে এইয়া এক গৌৰৱোজ্জ্বল মাইলৰ খুঁটি। তেওঁৰ এই অভূতপূৰ্ব সাফল্য সমগ্ৰ দেশবাসীৰ বাবে অত্যন্ত গৌৰৱৰ বিষয় আৰু দেশসেৱাৰ সপোন দেখা প্ৰতিগৰাকী নাৰীৰ বাবে ই এক অসীম প্ৰেৰণাৰ উৎস।
BJP Assam Pradesh

17/09/2026

আজি বঙাইগাঁও জিলা পাব্লিক লাইব্ৰেৰীত 'মুখ্যমন্ত্ৰীৰ আত্মনিৰ্ভৰ অসম অভিযান' (CMAAA)-ৰ অধীনত আয়োজিত এক বিশেষ কাৰ্যসূচীত অংশগ্ৰহণ কৰোঁ।

অনুষ্ঠানত মাননীয় সাংসদ শ্ৰী ফনীভূষণ চৌধুৰীদেৱ, মাননীয়া বিধায়িকা শ্ৰীমতী দীপ্তিময়ী চৌধুৰীদেৱী আৰু বঙাইগাঁও জিলা আয়ুক্ত শ্ৰী লক্ষীনন্দন চহৰীয়া ডাঙৰীয়াৰ উপস্থিতিত উপস্থিতিত যুৱ-হিতাধিকাৰীসকলৰ মাজত বিত্তীয় সাহায্যৰ চেক আনুষ্ঠানিকভাৱে বিতৰণ কৰা হয়।

ৰাজ্য চৰকাৰৰ এনে যুগান্তকাৰী পদক্ষেপে আমাৰ যুৱপ্ৰজন্মক স্বাৱলম্বিতাৰ পথত আগুৱাই নিয়াৰ লগতে অৰ্থনৈতিকভাৱে সশক্ত কৰাত বিশেষ ভূমিকা পালন কৰিব। আত্মনিৰ্ভৰশীল অসম গঢ়াৰ দিশত এই পদক্ষেপ সঁচাকৈয়ে প্ৰশংসনীয় আৰু প্ৰেৰণাদায়ী।

স্বাৱলম্বী যুৱপ্ৰজন্ম, সমৃদ্ধিশালী অসম
BJP Assam Pradesh
Dilip Saikia
Himanta Biswa Sarma

17/09/2026

ভাৰতবৰ্ষৰ যশস্বী তথা জনপ্ৰিয় প্ৰধানমন্ত্ৰী শ্ৰী নৰেন্দ্ৰ মোদী ডাঙৰীয়াক পৱিত্ৰ জন্মদিনৰ আন্তৰিক শ্ৰদ্ধা আৰু উলহ-মালহেৰে ভৰা শুভেচ্ছা জ্ঞাপন কৰিলোঁ।

আপোনাৰ বলিষ্ঠ, দূৰদৰ্শী নেতৃত্ব আৰু অনন্য কৰ্মস্পৃহাই আজি সমগ্ৰ বিশ্বতে ভাৰতৰ মৰ্যাদা এক নতুন উচ্চতালৈ তুলি ধৰিছে। দেশৰ প্ৰতিটো প্ৰান্তৰ সাধাৰণ জনতাৰ জীৱনমান উন্নত কৰাৰ সংকল্প, ডিজিটেল বিপ্লৱ, শক্তিশালী আন্তঃগাঁথনি নিৰ্মাণ আৰু "আত্মনিৰ্ভৰ ভাৰত" গঢ়াৰ যাত্ৰাই প্ৰতিজন ভাৰতীয়ক নতুন আশা আৰু আত্মবিশ্বাস যোগাইছে।
বিশেষকৈ উত্তৰ-পূৰ্বাঞ্চল তথা অসমৰ সৰ্বাংগীণ বিকাশ আৰু সম্ভাৱনাক বিশ্বমঞ্চত প্ৰতিষ্ঠা কৰাৰ বাবে আপুনি গ্ৰহণ কৰা আন্তৰিক পদক্ষেপে আমাক সদায় অনুপ্ৰাণিত কৰে।

জাতিৰ সেৱাত উৎসৰ্গিত আপোনাৰ নিৰলস শ্ৰম আৰু অনুপম দেশপ্ৰেম দেশৰ ভৱিষ্যৎ প্ৰজন্মৰ বাবে সদায় এক আদৰ্শ হৈ ৰ'ব। ভগৱানৰ ওচৰত সঁচা অন্তৰেৰে প্ৰাৰ্থনা জনাইছোঁ—ঈশ্বৰে আপোনাক সুস্বাস্থ্য, দীৰ্ঘায়ু আৰু দেশক "বিকশিত ভাৰত"ৰ দিশত আগুৱাই লৈ যাবলৈ অপৰিসীম মানসিক আৰু শাৰীৰিক শক্তি প্ৰদান কৰক।

BJP Assam Pradesh
Narendra Modi
Dilip Saikia
Himanta Biswa Sarma

16/09/2026

অসমবাসীৰ প্ৰাণৰ স্পন্দন, চিৰনমস্য শিল্পী জুবিন গাৰ্গৰ পৱিত্ৰ স্মৃতি চিৰযুগমীয়া কৰি ৰখাৰ মানসেৰে ভাৰতীয় জনতা পাৰ্টি, অসম প্ৰদেশৰ উদ্যোগত অহা ১৯ ছেপ্টেম্বৰত এক বৃহৎ ৰক্তদান শিবিৰৰ আয়োজন কৰা হৈছে।
জুবিনদা কেৱল এজন শিল্পীয়েই নাছিল, তেওঁ আছিল মানৱতাৰ জীৱন্ত প্ৰতীক। সমাজৰ দুখীয়া, আৰ্তজনৰ দুখ-বেদনাৰ সময়ত তেওঁ সদায় কাষত থিয় দিছিল। তেওঁৰ সেৱাৰ আদৰ্শক সঁচা অৰ্থত শ্ৰদ্ধা জনোৱাৰ লক্ষ্যৰেই আমি এই মানৱহিতৈষী পদক্ষেপ হাতত লৈছোঁ।
ৰক্তদান হৈছে মহৎ দান, কাৰণ আপোনাৰ এফোঁটা তেজে হয়তো আন এজন মুমূৰ্ষু মানুহক নতুন জীৱন দিব পাৰে। মই ভাৰতীয় জনতা পাৰ্টি, অসম প্ৰদেশৰ ৰাজ্যিক সম্পাদক হিচাপে ৰাজ্যখনৰ দল-মত নিৰ্বিশেষে প্ৰতিগৰাকী সচেতন নাগৰিক, উদ্যমী যুৱ প্ৰজন্ম তথা জুবিনদাৰ অগণন গুণমুগ্ধক অহা ১৯ ছেপ্টেম্বৰৰ এই ৰক্তদান শিবিৰলৈ স্বতঃস্ফূৰ্তভাৱে ওলাই আহিবলৈ বিনম্ৰ আহ্বান জনাইছোঁ।
আহক, আমি সকলোৱে ঐক্যবদ্ধ হৈ ৰক্তদান কৰি এগৰাকী লোকৰ জীৱন বচাওঁ আৰু মানৱ সেৱাৰ জৰিয়তে আমাৰ প্ৰাণৰ জুবিনদাৰ প্ৰতি সঁচা শ্ৰদ্ধাঞ্জলি অৰ্পণ কৰোঁ।

BJP Assam Pradesh
Dilip Saikia
Himanta Biswa Sarma

14/09/2026

পবিত্ৰ গণেশ চতুৰ্থীৰ আন্তৰিক ওলগ আৰু শুভেচ্ছা🌸

বিঘ্নহৰ্তা সিদ্ধিদাতাৰ আশীৰ্বাদত আপোনাৰ জীৱনৰ সকলো বাধা-বিঘিনি আঁতৰি যাওক। অপাৰ সুখ, শান্তি আৰু সমৃদ্ধিৰে উদ্ভাসিত হৈ উঠক প্ৰতিটো নতুন আৰম্ভণি।

গণপতি বাপ্পা মোৰিয়া, মংগল মূৰ্তি মোৰিয়া🙏
BJP Assam Pradesh

13/09/2026

আজি ৪ নং দোলাইগাঁও জিলা পৰিষদ সমষ্টিত উন্নয়নৰ যাত্ৰা অধিক আগুৱাই লৈ যোৱাৰ দিশত দুটাকৈ গুৰুত্বপূৰ্ণ প্ৰকল্পৰ শুভ আধাৰশিলা স্থাপন কৰা হয়।

প্ৰথমতেই, বিদ্যাপুৰ উন্নয়ন খণ্ডৰ অন্তৰ্গত চাপ্ৰাকাটা গাঁও পঞ্চায়তৰ ৭ নং ৱাৰ্ডস্থিত চিটকাগাঁও ভগবতী নামঘৰৰ চৌহদৰ পকী বেৰ নিৰ্মাণ কাৰ্যসূচীৰ শুভ আধাৰশিলা স্থাপন কৰোঁ। ১৫ বিত্তীয় আয়োগৰ ২০২৫-২৬ বৰ্ষৰ অনাবন্ধিত পুঁজিৰ পৰা অনুমোদিত টকাৰে এই নিৰ্মাণ কাৰ্য সম্পূৰ্ণ কৰা হ’ব। চাপ্ৰাকাটা গাঁও পঞ্চায়তৰ সন্মানীয় সভানেত্ৰী শ্ৰীমতী চামাৰিয়া চাংমা, নিৰ্মাণ সমিতিৰ কৰ্মকৰ্তাসকল আৰু স্থানীয় ৰাইজৰ উপস্থিতিত এই শুভ কাৰ্য সম্পন্ন হয়।

একেদৰে, দোলাইগাঁও উজানপাৰাতো ১৫ নং বিত্তীয় আয়োগৰ পুঁজিৰে মানৱ দাসৰ ঘৰৰ পৰা ধীৰেন ৰায়ৰ ঘৰলৈ নিৰ্মাণ হ’বলগীয়া নতুন চি চি ব্ল'ক ৰাস্তাটিৰ আধাৰশিলা স্থাপন কৰোঁ, যিয়ে অঞ্চলটোৰ যাতায়াত ব্যৱস্থা অধিক সুচল কৰি তুলিব। এই শুভ মুহূৰ্তত দোলাইগাঁও গাঁও পঞ্চায়তৰ সভাপতি শ্ৰী বিদ্যুৎ শৰ্মা দেৱৰ লগতে স্থানীয় ৰাইজ উপস্থিত থাকি অনুষ্ঠানটি সাফল্যমণ্ডিত কৰি তোলে।

আমাৰ সমষ্টিটোৰ ধৰ্মীয়, সামাজিক আৰু আন্তঃগাঁথনিৰ সৰ্বাংগীণ বিকাশ নিশ্চিত কৰিবলৈ আমি সদায় প্ৰতিশ্ৰুতিবদ্ধ। চৰকাৰে জনসাধাৰণৰ উন্নয়নৰ বাবে আগবঢ়োৱা প্ৰতিটো সুবিধা আৰু পুঁজি সঠিকভাৱে ৰাইজৰ হাতত তুলি দিবলৈ আমি সদা-প্ৰস্তুত। সমষ্টিবাসীৰ উন্নতি আৰু সেৱাৰ এই ধাৰাবাহিক যাত্ৰাত আপোনালোকৰ এই মৰম, সমৰ্থন আৰু আশীৰ্বাদ সদায় অব্যাহত ৰাখিব বুলি আশা কৰিলোঁ। 🙏
BJP Assam Pradesh
Dilip Saikia
Himanta Biswa Sarma

12/09/2026

আজি গুৱাহাটীৰ শ্ৰীমন্ত শংকৰদেৱ কলাক্ষেত্ৰৰ প্ৰেক্ষাগৃহত ভাৰতীয় জনতা পাৰ্টি, অসম প্ৰদেশৰ বৰ্দ্ধিত কাৰ্যনিৰ্বাহক সভাখন সম্পন্ন হয়। ৰাজ্যিক সভাপতি শ্ৰীযুত দিলীপ শইকীয়া ডাঙৰীয়াৰ সভাপতিত্বত আৰু মাননীয় মুখ্যমন্ত্ৰী ড০ হিমন্ত বিশ্ব শৰ্মা ডাঙৰীয়াৰ গৰিমাময় উপস্থিতিত অনুষ্ঠিত এই সভাত দলীয় ভিত্তি আৰু অধিক শক্তিশালী কৰাৰ লগতে বিভিন্ন সাংগঠনিক দিশ সন্দৰ্ভত বিশদভাৱে আলোচনা কৰা হয়।

সভাত প্ৰধানমন্ত্ৰী শ্ৰীযুত নৰেন্দ্ৰ মোদী ডাঙৰীয়াৰ ২৫ বছৰীয়া অবিৰত সেৱা, সমৰ্পণ আৰু সুশাসনৰ গৌৰৱময় যাত্ৰা উপলক্ষে অহা ১৭ ছেপ্টেম্বৰৰ পৰা ১৭ অক্টোবৰলৈ অনুষ্ঠিত হ’বলগীয়া ‘সেৱা সংকল্প অভিযান’ৰ সফল ৰূপায়ণৰ বাবে প্ৰয়োজনীয় প্ৰস্তুতি আৰু কাৰ্যসূচী সন্দৰ্ভতো গুৰুত্বপূৰ্ণ সিদ্ধান্ত গ্ৰহণ কৰা হয়।

এই বৰ্দ্ধিত কাৰ্যনিৰ্বাহক সভাত বিজেপি অসম প্ৰদেশৰ প্ৰভাৰী শ্ৰীযুত হৰিশ দ্বিবেদী, ৰাজ্যিক সাংগঠনিক সাধাৰণ সম্পাদক শ্ৰীযুত ৰবীন্দ্ৰ ৰাজু, অসম চৰকাৰৰ মন্ত্ৰীসকল, সাংসদ আৰু বিধায়কসকলৰ লগতে দলৰ জ্যেষ্ঠ নেতৃবৃন্দ আৰু কাৰ্যকৰ্তাসকল উপস্থিত থাকে।
BJP Assam Pradesh
Dilip Saikia
Himanta Biswa Sarma
Ravindra Raju

Manalisha Konch

21/09/2026

19/09/2026

17/09/2026

17/09/2026

17/09/2026

17/09/2026

16/09/2026

14/09/2026

13/09/2026

12/09/2026

Address

Website

Alerts

Shortcuts

Share

Listing takedown request