04/06/2026
आज दिनांक २ जुन २०२६ रोजी सावखेड तेजन, ता. चिखली येथे एकात्मिक आरोग्यवर्धिनी समिती स्थापन करण्याबाबत उपकेंद्राच्या कार्यक्षेत्रातील सर्व ग्रामपंचायतींच्या सरपंचांना मा. मंत्री महोदय श्री. प्रकाशजी आबिटकर साहेब यांचे मार्गदर्शक पत्र वितरित करण्यात आले.
यावेळी ग्रामस्तरावर आरोग्यविषयक उपक्रमांची प्रभावी अंमलबजावणी, लोकसहभाग वाढविणे तसेच गावांच्या सर्वांगीण आरोग्य विकासासाठी एकात्मिक आरोग्यवर्धिनी समितीची स्थापना व कार्यपद्धती याबाबत माहिती देण्यात आली. संबंधित सरपंचांनी समिती स्थापनेसाठी आवश्यक सहकार्य करण्याचे आश्वासन दिले.
"माझे गाव – आरोग्यसंपन्न गाव" या संकल्पनेला बळकटी देण्यासाठी हा उपक्रम महत्त्वपूर्ण ठरणार आहे.
