06/03/2025
മാറ്റത്തിനായി ‘ഗോൾ ഫോർ ഈക്വാലിറ്റി’
വെള്ളിമാട്കുന്ന്: അന്താരാഷ്ട്ര വനിതാദിനത്തോട് അനുബന്ധിച്ച് ജെൻഡർ പാർക്കും യുഎൻ വുമണും സംയുക്തമായി മാർച്ച് 6 വ്യാഴാഴ്ച കോഴിക്കോട്, ജെൻഡർ പാർക്കിൽ വെച്ച് ‘ഗോൾ ഫോർ ഈക്വാലിറ്റി’ സെവൻസ് ഫുട്ബോൾ ടൂർണമെൻ്റ് സംഘടിപ്പിച്ചു. വിവിധ ടീമുകളുടെ പ്രദർശന, സൗഹൃദ മത്സരങ്ങൾ അരങ്ങേറിയ ടൂർണമെന്റിൽ സ്ത്രീകളെയും പുരുഷന്മാരെയും ഉൾക്കൊള്ളിച്ചുകൊണ്ടുള്ള മിക്സ്ഡ് ടീമുകളുടെ കോംപറ്റേറ്റീവ് മത്സരത്തിൽ വുമൺ ഫുട്ബോൾ ക്ലബ് കാലിക്കറ്റ് ടീമും ഫ്രണ്ട്ലി മത്സരത്തിൽ അഡ്മിനിസ്ട്രേഷൻ ടീമും വിജയികളായി.
ജില്ലാ കലക്ടർ, സ്നേഹിൽ കുമാർ സിങ് ഐഎഎസ് ഉദ്ഘാടനം ചെയ്ത ഫുട്ബോൾ ടൂർണമെന്റ് ലോകകപ്പ് കളിച്ച ആദ്യ മലയാളി ഫുട്ബോൾ താരം സരസമ്മ ലളിത കിക്കോഫ് ചെയ്തു. വനിത ശിശു വികസന വകുപ്പ്, ജെൻഡർ പാർക്ക് ഡയറക്ടർ ഹരിത വി കുമാർ ഐഎഎസ് സ്വാഗതം പറഞ്ഞ ചടങ്ങിൽ വാർഡ് കൗൺസിലർ ഫെനിഷ കെ സന്തോഷ്, ഡെപ്യൂട്ടി കലക്ടർ അനിത കുമാരി ഇ, റിട്ട. സബ് ഇൻസ്പെക്ടറായ എൻ എ വിനയ എന്നിവർ ആശംസ അറിയിച്ചു. യു എൻ വിമൺ, കേരള സ്റ്റേറ്റ് കോർഡിനേറ്റർ യു എൻ വിമൺ, കേരള സ്റ്റേറ്റ് കോർഡിനേറ്റർ ചടങ്ങിന് നന്ദി പറഞ്ഞു.
ജില്ലാ സ്പോട്സ് കൗൺസിൽ പ്രസിഡന്റ് ഒ രാജഗോപാൽ ഫ്രണ്ട്ലി മാച്ച് വിന്നേഴ്സിനും മുൻ ഫിഫ റെഫറി ബെന്റ്ല ഡി'കോത്ത് കോംപറ്റേറ്റീവ് മാച്ച് വിന്നേഴ്സിനും ട്രോഫി കൈമാറി.
