Jamsheed Purambali

16/03/2026

അറിയിപ്പ് 📢

​2026-ലെ കേരള നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട് മാതൃകാ പെരുമാറ്റച്ചട്ടം (Model Code of Conduct) നിലവിൽ വന്നിരിക്കുന്ന സാഹചര്യത്തിൽ സോഷ്യൽ മീഡിയ ഉപയോഗിക്കുമ്പോൾ ജാഗ്രത പുലർത്തണം.

സോഷ്യൽ മീഡിയ ഗ്രൂപ്പുകളിൽ വരുന്ന മെസ്സേജുകൾ, ചിത്രങ്ങൾ, വീഡിയോകൾ, ഓഡിയോ ക്ലിപ്പുകൾ എന്നിവ അഡ്മിൻമാർ കൃത്യമായി നിരീക്ഷിക്കേണ്ടതാണ്.

​AI & ഡീപ് ഫേക്കുകൾ (Deepfakes): ആർട്ടിഫിഷ്യൽ ഇന്റലിജൻസ് (AI) ഉപയോഗിച്ച് നിർമ്മിച്ച വ്യാജ വീഡിയോകൾ, ഓഡിയോകൾ എന്നിവ പ്രചരിപ്പിക്കരുത്. തെരഞ്ഞെടുപ്പ് കമ്മീഷന്റെ നിർദ്ദേശപ്രകാരമുള്ള 'AI-Generated' എന്ന ലേബൽ ഇല്ലാത്ത സംശയാസ്പദമായ രാഷ്ട്രീയ പ്രചാരണങ്ങൾക്ക് നിയമനടപടികൾ നേരിടേണ്ടതായി വരും.

ജാതി, മതം, വർഗ്ഗം, കമ്മ്യൂണിറ്റി എന്നിവയുടെ പേരിൽ വിഭാഗീയതയോ ശത്രുതയോ ഉണ്ടാക്കുന്ന തരത്തിലുള്ള സന്ദേശങ്ങൾ നിർമ്മിക്കുകയോ പ്രചരിപ്പിക്കുകയോ ചെയ്യരുത്. (ഭാരതീയ ന്യായ സംഹിത - BNS 196 പ്രകാരം ഇത് കുറ്റകരമാണ്).

വോട്ടെടുപ്പ് തീയതി, സ്ഥാനാർത്ഥികൾ, വർഗീയ സംഭവങ്ങൾ എന്നിവയെക്കുറിച്ചുള്ള സ്ഥിരീകരിക്കാത്ത 'വ്യാജ വാർത്തകൾ' പ്രചരിപ്പിക്കരുത്.

വോട്ടെടുപ്പ് അവസാനിക്കുന്നതിന് 48 മണിക്കൂർ മുമ്പ് തുടങ്ങുന്ന 'സൈലൻസ് പീരിയഡിൽ' യാതൊരുവിധത്തിലുള്ള തെരഞ്ഞെടുപ്പ് പ്രചാരണങ്ങളും സോഷ്യൽ മീഡിയ വഴി നടത്തരുത്.

​സോഷ്യൽ മീഡിയഗ്രൂപ്പുകളിലെ ഓരോ അംഗത്തിന്റെയും പോസ്റ്റുകൾക്ക് അഡ്മിൻമാർ നേരിട്ട് ഉത്തരവാദികൾ ആയിരിക്കില്ലെന്നു ബഹു. ഹൈക്കോടതി നിരീക്ഷിച്ചിട്ടുണ്ടെങ്കിലും താഴെ പറയുന്ന സാഹചര്യങ്ങളിൽ ക്രിമിനൽ നടപടികൾ നേരിടേണ്ടതായി വരും.
​നിയമവിരുദ്ധമായ സന്ദേശങ്ങൾ ശ്രദ്ധയിൽപ്പെട്ടിട്ടും അവ നീക്കം ചെയ്യാതെ കുറ്റകൃത്യത്തിന് പ്രേരണ (Abetment) നൽകുക.
​വ്യാജ വാർത്തകൾ പ്രചരിപ്പിക്കാൻ അഡ്മിൻ കൂട്ടുനിൽക്കുകയോ ഒരേ ലക്ഷ്യത്തോടെ പ്രവർത്തിക്കുകയോ ചെയ്യുക.
​ഐടി ആക്ട് (IT Act) അല്ലെങ്കിൽ ബിഎൻഎസ് (BNS) പ്രകാരം പോലീസ് നൽകുന്ന നോട്ടീസുകളോട് സഹകരിക്കാതിരിക്കുക.

11/03/2026

കുറ്റാന്വേഷണ മികവിന് സംസ്ഥാന പോലീസ് മേധാവിയുടെ “ബാഡ്ജ് ഓഫ് ഓണർ” അംഗീകാരം.

മികച്ച കുറ്റാന്വേഷണ പ്രവർത്തനങ്ങൾ നടത്തിയതിന് സംസ്ഥാന പോലീസ് മേധാവിയുടെ “ബാഡ്ജ് ഓഫ് ഓണർ” പ്രഖ്യാപിച്ചു. വടകര ദൃഷാന വാഹനാപകട കേസിൽ മികച്ച അന്വേഷണം നടത്തിയതിനാണ് അന്നത്തെ കോഴിക്കോട് റൂറൽ ജില്ലാ പോലീസ് മേധാവിയായിരുന്ന ശ്രീ. നിധിൻ രാജ് പി. ഐപിഎസ്, ഡി.സി.ബി ഡിവൈ.എസ്.പി ശ്രീ. ബെന്നി വി.വി, എ.എസ്.ഐ ശ്രീ. സുരേഷ്ബാബു, എസ്.സി.പി.ഒമാരായ ശ്രീ. ബിജേഷ് കെ.ബി, ശ്രീ. ബിനീഷ് ടി.കെ, ശ്രീ. ഷിനിൽ കെ എന്നിവർക്ക് അംഗീകാരം ലഭിച്ചത്.
കൂടാതെ പേരാമ്പ്ര അനു കൊലപാതക കേസ് വിജയകരമായി അന്വേഷിച്ച അന്നത്തെ പേരാമ്പ്ര പോലീസ് ഇൻസ്പെക്ടർ ശ്രീ. സന്തോഷ് എം.എ, എസ്.ഐ ശ്രീ. പ്രദീപൻ പി, എസ്.സി.പി.ഒമാരായ ശ്രീ. ടി.കെ റിയാസ്, ശ്രീ. അരുൺ ഘോഷ് എ.എം, ശ്രീ. ശ്രീജിത്ത് വി.സി എന്നിവർക്കും “ബാഡ്ജ് ഓഫ് ഓണർ” ലഭിച്ചു.
കേസുകളുടെ കാര്യക്ഷമമായ അന്വേഷണത്തിനും പ്രതികളെ നിയമത്തിനു മുമ്പിൽ കൊണ്ടുവരുന്നതിനുമുള്ള മികച്ച പ്രവർത്തനങ്ങളെ മാനിച്ചാണ് ഈ അംഗീകാരം പ്രഖ്യാപിച്ചത്.

10/03/2026

Perambra ❤️🧡💛💚💙

08/03/2026

വനിതാ ദിനം❤️

08/03/2026

07/03/2026

Taken charge of SHO Muzhakkunnu Police station Kannur Rural on 07/03/2026

09/02/2026

പോലീസിൻ്റെ സമയോചിത ഇടപെടൽ. രക്ഷിക്കുവാൻ സാധിച്ചത് രണ്ടു ജീവനുകൾ.
07/02/2026 ന് വൈകുന്നേരം 4 മണിക്ക് പേരാമ്പ്ര പോലീസ് സ്റ്റേഷനിൽ ഒരു കോൾ വന്നു. സൂപ്പിക്കട സ്വദേശിനിയായ ഒരു മാതാവ് തൻ്റെ മകളുമായി കൊയിലാണ്ടി റെയിൽവേ സ്റ്റേഷൻ പരിസരത്ത് ആത്മഹത്യ ചെയ്യാൻ ശ്രമിക്കുന്നതായി. ഒട്ടും സമയം പാഴാക്കാതെ പേരാമ്പ്ര പോലീസ് സ്റ്റേഷനിലെ ഫോൺ അറ്റൻ്റ് ചെയ്ത സി.പി.ഒ സുഭാഷും , സി.പി.ഒ സുനിലും കൊയിലാണ്ടി സ്റ്റേഷനിലെ എസ്. സി.പി.ഒ പ്രവീണിനെ വിവരം അറിയിക്കുകയും ചെയ്തു. തുടർന്ന് പ്രവീണും ജീഷ്മ SI യും കൊയിലാണ്ടി റെയിൽവേ സ്റ്റേഷനിലും പരിസരങ്ങളിലും പരിശോധന നടത്തിയതിൽ റെയിൽവേ പാളത്തിൽ അമ്മയെയും മകളെയും ഇരിക്കുന്നതായി കാണുകയും അനുനയിപ്പിച്ച് സ്റ്റേഷനിൽ എത്തിക്കുകയും സുരക്ഷിതമായി ബന്ധുക്കളെ ഏൽപ്പിക്കുകയും ചെയ്തു.

19/01/2026

ഉച്ചഭാഷിണി ഉപയോഗിക്കുന്നതിന് അനുമതിക്കുള്ള അപേക്ഷ നൽകാൻ പോലീസ് സ്റ്റേഷനുകളിൽ പോകേണ്ടതില്ല. കേരള പോലീസിന്റെ ഔദ്യോഗിക ആപ്പായ 'പോൽ ആപ്പ് ' വഴിയോ 'തുണ' വെബ്സൈറ്റ് വഴിയോ നിങ്ങൾക്ക് അപേക്ഷ സമർപ്പിക്കാവുന്നതാണ്.
ഇതിനായി ആദ്യം പോൽ ആപ്പ് നിങ്ങളുടെ ഫോണിൽ ഇൻസ്റ്റാൾ ചെയ്തശേഷം അക്കൗണ്ട് ക്രിയേറ്റ് ചെയ്യുക. തുടർന്ന് ആപ്പിലെ Mike Sanction Registration എന്ന ഓപ്ഷൻ ക്ലിക്ക് ചെയ്യുക. ആവശ്യപ്പെടുന്ന വിവരങ്ങൾ പൂരിപ്പിച്ചു നൽകുക. അപേക്ഷകന്റെ വിവരങ്ങൾ, മൈക്ക് ഓപ്പറേറ്ററുടെ ലൈസൻസ്, വാഹനത്തിനാണെങ്കിൽ റൂട്ട്, വാഹനത്തിന്റെ വിവരങ്ങൾ തുടങ്ങിയവ അപ്‌ലോഡ് ചെയ്യുക.. ഓൺലൈൻ ആയി ഫീസ് അടയ്ക്കാവുന്നതാണ്.
തുണ വെബ്സൈറ്റ് വഴി ആണെങ്കിലും മേൽ പറഞ്ഞിരിക്കുന്ന രീതി പൂർത്തിയാക്കേണ്ടതുണ്ട്. ഇക്കാര്യങ്ങൾ പൂർത്തിയാക്കിയാൽ അപേക്ഷ സമർപ്പിക്കാം.
സാധാരണ മൈക്ക് സാങ്ഷൻ അപേക്ഷകൾ അപേക്ഷിച്ച സ്ഥലത്തെ അസി. കമ്മിഷണർ അഥവാ ഡിവൈ.എസ്.പി ഓഫീസുകളിലേക്കും വാഹനത്തിലേക്ക് ഉള്ളതാണെങ്കിൽ ജില്ലാ സ്പെഷ്യൽ ബ്രാഞ്ച് ഓഫീസുകളിലേക്കും കൈമാറ്റം ചെയ്യപ്പെടും. അവിടെ നിന്നുള്ള തുടർ അന്വേഷണങ്ങൾക്ക് ശേഷം അനുമതി ലഭിച്ചാൽ സർട്ടിഫിക്കറ്റ്
ആപ്പ് വഴിയോ വെബ്സൈറ്റ് വഴിയോ ഡൌൺലോഡ് ചെയ്തെടുക്കാവുന്നതാണ്.

20/12/2025

19/12/2025