21/07/2020
#അമ്പലക്കണ്ടി_വെണ്ണക്കോട് വാർഡ്
കണ്ടൈന്മെന്റ് സോണിലെ നിബന്ധനകൾ
21 July 2020 ചൊവ്വ
പ്രസ്തുത വാര്ഡുകളിലെ പൊതുപ്രവേശന റോഡുകളിലൂടെയുള്ള വാഹനഗതാഗതം നിരോധിച്ചിട്ടുണ്ട്
മെയിൻ റോഡ് വഴി യാത്രചെയ്യുന്നവര് കണ്ടെയിന്മെന്റ് സോണില് ഒരിടത്തും നിര്ത്താന് പാടുള്ളതല്ല
കണ്ടൈന്മെന്റ് സോണില് പോലീസും ആരോഗ്യ വിഭാഗവും നിരീക്ഷണം ശക്തിപ്പെടുത്തും
അവശ്യവസ്തുക്കളുടെ വിതരണത്തിന് വരുന്ന വാഹനങ്ങള്ക്കും ആരോഗ്യവകുപ്പിന്റെ നിരീക്ഷണത്തിനായുള്ള വാഹനങ്ങള്ക്കും , നീരീക്ഷണത്തിനും പരിശോധനക്കുമായി വരുന്ന ആരോഗ്യവകുപ്പ് ജീവനക്കാരുടെ വാഹനങ്ങള്ക്കും നിരോധനം ബാധകമല്ല.
കണ്ടെയിന്മെന്റ് സോണില് ഉള്പ്പെട്ടവര് അടിയന്തിര വൈദ്യസഹായത്തിനും അവശ്യവസ്തുക്കള് വാങ്ങാനുമല്ലാതെ വീടിന് പുറത്തേക്ക് സഞ്ചരിക്കുന്നതും മറ്റുള്ളവര് ഈ വാര്ഡിലേക്ക് പ്രവേശിക്കുന്നതും നിരോധിച്ചിട്ടുണ്ട്.
ഭക്ഷ്യ /അവശ്യ വസ്തുക്കള് കച്ചവടം ചെയ്യുന്ന സ്ഥാപനങ്ങള്,മെഡിക്കല് ഷോപ്പുകള്, മറ്റ് അവശ്യസര്വ്വീസുകള് എന്നിവ രാവിലെ 10.00 മണിമുതല് വൈകുന്നരം 6.00 മണിവരെയും, മില്ക്ക് ബൂത്തുകള് രാവിലെ 5.00 മണിമുതല് 10.00 മണിവരെയും വൈകുന്നേരം 4.00 മണിമുതല് 6.00 മണിവരെയും മാത്രമേ തുറന്ന് പ്രവര്ത്തിക്കാന് പാടുള്ളു. മറ്റ് സ്ഥാപനങ്ങള് ഇനിയൊരറിയിപ്പുണ്ടാവുന്നത് വരെ പ്രവര്ത്തിക്കുന്നത് നിരോധിച്ചിട്ടുണ്ട്. ഈ വാര്ഡുകളില് ഉള്പ്പെടുന്ന മത്സ്യ-മാംസ മാര്ക്കറ്റുകള്ക്കും നിരോധനം ബാധകമാണ്.
കണ്ടൈന്മെന്റ് സോണില് താമസിക്കുന്നവര്ക്ക് വാര്ഡിന് പുറത്ത് നിന്ന് അവശ്യവസ്തുക്കള് ആവശ്യമായിവരുന്ന പക്ഷം വാര്ഡ് RRT കളുടെ സഹായം തേടാവുന്നതാണ്.
കണ്ടൈന്മെന്റ് സോണില് രാത്രി 7.00 മണി മുതല് രാവിലെ 5.00 മണിവരെയുള്ള യാത്രകള് പൂര്ണമായി നിരോധിച്ചിട്ടുണ്ട്. അടിയന്തിര വൈദ്യസഹായത്തിനുള്ള യാത്രകള്ക്ക് മാത്രമേ ഇളവുണ്ടായിരിക്കുകയുള്ളു. മേല് ഉത്തരവ് ലംഘിക്കുന്നവര്ക്കെതിരെ 2005ലെ ദുരന്തനിവാരണനിയമം സെക്ഷന് 51 മുതല് 60 വരെയുള്ള വകുപ്പുകള് അനുസരിച്ചും ഇന്ഡ്യന് പീനല് കോഡ്-188,269 വകുപ്പുകള് പ്രകാരവും കര്ശന നടപടികള് സ്വീകരിക്കുന്നതാണെന്നും കളക്ടര് അറിയിച്ചു⚠️
