Ente Kavithakal - Neelambari

17/01/2025

ഒരുപാട് നാളത്തെ ഇടവേളക്ക് ശേഷം☺️☺️☺️

01/11/2024

എന്റെ വയനാട്
,,,,,,,,,,,,,,,,,,,,,,,,,,,,,,,,,,,,,,,,,

ഒഴുകിപ്പരൊന്നൊരാ
നീരിലന്നാദിനം
കണ്ണുനീരുപ്പു കലർന്നിരുന്നു,

ചിതറിത്തെറിച്ചൊരാ
സ്വപ്നത്തിൻ മലനിര
ഒരുപാട് ജീവൻ കവർന്നിരുന്നു,

കേറിക്കിടന്നൊരു കൂരയുമിന്നില്ല
ഉറ്റബന്ധുക്കളും കൂടെയില്ലാ,

ഇടനെഞ്ചിൽ നോവായി
ഉമ്മതൻ കൈവിട്ട്
ദൂരേക്ക് പോയൊരാ കുഞ്ഞുമോനും,

അങ്ങകലെ ചാലിയാർ കരകവിഞ്ഞൊഴുകുന്നു
നാടിന്റെ സ്പന്ദനം
നിലച്ചിടുന്നു,

കരയാതെ മാനസം കല്ലാക്കി മാറ്റിയവർ ഓരോ ജീവനേ തേടുമ്പോഴും,

നാളെ വരാമെന്ന പ്രതീക്ഷയിൽ പോയവർ കാണാമറയത്തുറങ്ങുണ്ട്,

മിഴിനീരുണങ്ങാതെ ഇന്നും ഞാനോർക്കുമ്പോൾ കൂട്ടിനൊരുപിടി
ചിത്രങ്ങളും,

ആ മലനാട്ടിലെ പലവീട്ടുകാരെല്ലാം ഒന്നിച്ചാ മണ്ണിലുറങ്ങുന്നുണ്ട്.

നീലാംബരി
( സൗമ്യ ജോമോൻ )

02/11/2022

മൂവന്തി നേരമെൻ മനതാരിലെത്തുന്നു...
കൽവിളക്കെരിയുന്ന ചുറ്റമ്പലം..
മിഴിക്കോണിലൊരു ദീപം
ഒളിപ്പിച്ചു ഞാനെൻ്റെ കണ്ണനെ തേടിയലഞ്ഞിരുന്നു..
കണ്ണൻ്റെ രാധയായ് മറേണ്ടെനിക്ക്..
കളിക്കൂട്ടുകാരിയായ് നിനച്ചാൽ മതി.,

നീലാംബരി..

26/07/2020

മഴനൂലിനാൽ കോർത്തൊരെൻ
ഓർമ്മതൻ ഊഞ്ഞാലിൽ...
ചാഞ്ചാടി ഞാനൊന്നുറങ്ങിപ്പോയി....
മിഴിയോരമെത്തിയ
കിനാവുകളിന്നെന്റെ...
കവിളിണ തഴുകിക്കടന്നുപോയി...
ആരോ... മധുരമായ് പാടുന്ന പാട്ടിന്റെ..
പല്ലവി കാതോരം കേട്ട പോലെ...
അനുരാഗഗാനമെൻ ഹൃദയത്തെ..
ചുംബിച്ച്... അലകളായ് ...
ഒഴുകിക്കടന്നു പോയി...
തണുവിനാൽ തരളിതമായൊരെൻ...
മനസിലേയ്ക്കൊരുവരി കവിതതൻ
തീപ്പൊരിയുതിർന്നു വീണു...
ആളിപ്പടർന്നൊരു ചിന്തതന്നൊടുവിലീ...
നഷ്ട സ്വപ്നത്തിന്റെ തേങ്ങലെന്നുള്ളിൽ...
നിന്നെപ്പോഴോ.... യാത്ര പറഞ്ഞിരുന്നു...

നീലാംബരി

03/02/2017

മഞ്ഞിൻ പുതപ്പണിയും നീലനിലാവിൻ.....
മന്ദഹാസത്താൽ നിറഞ്ഞ രാവിൽ.....
നിന്റെ പ്രണയത്തിൻ ഓർമ്മകൾ....
നെഞ്ചിലേറ്റി തഴുകിത്തലോടുന്നു....
കുഞ്ഞു തെന്നൽ....

നീലാംബരി

30/06/2016

.. മനസ്സറിയാതെ...നടന്നകന്നു പോയ വഴിയിലൂടെ. ... എന്നോർമകൾ. .. സഞ്ചരിക്കുമ്പോൾ.... എന്റെ സ്വപനങ്ങൾക്ക്.... സുഗന്ധമേകിയ.... ഇലഞ്ഞിപ്പൂവിനെ.... മറക്കുന്നതെങ്ങനെ..... Neelambari......

05/10/2015