08/01/2024
കുറ്റ്യാടി ഗ്രാമപഞ്ചായത്ത് ഏഴാം വാർഡിലെ കൊല്ലോറ്റ പാലത്തോട് ചേർന്ന കുളിക്കടവിൽ രാത്രിയുടെ മറവിൽ ടാങ്കറിൽ എത്തിച്ച
കക്കൂസ് മാലിന്യം ഒഴുക്കിയ സംഭവം കുറ്റക്കാർക്കെതിരെ ശക്തമായ നടപടി സ്വീകരിക്കണമെന്ന് ഡിവൈഎഫ്ഐ കുറ്റ്യാടി മേഖല കമ്മിറ്റി പ്രസ്താവനയിൽ അറിയിച്ചു,
കോൺഗ്രസ് നേതാവും കുറ്റ്യാടി ഗ്രാമപഞ്ചായത്ത് ആറാം വാർഡ് മെമ്പറുമായ വ്യക്തിയുടെ ഉടമസ്ഥതയിലുള്ള അന്യസംസ്ഥാന തൊഴിലാളികൾ താമസിക്കുന്ന കെട്ടിടത്തിൽ നിന്നാണ് ഇക്കഴിഞ്ഞ ദിവസം കക്കൂസ് മാലിന്യം ടാങ്കറിൽ ആക്കി കുറ്റ്യാടി ഗ്രാമപഞ്ചായത്തിലെ ഏഴാം വാർഡ് കോൺഗ്രസ് മെമ്പറുടെ ഒത്തശ്ശയോടെ ശുദ്ധജലാശയത്തിൽ ഒഴുക്കിവിട്ടത്, നേരത്തെ അഞ്ചാം വാർഡ് മെമ്പറും കോൺഗ്രസ് നേതാവും കുറ്റ്യാടിയിലെ പ്രമുഖ ഹോട്ടൽ ഉടമയുമായ വ്യക്തിയുടെ സ്ഥാപനത്തിൽ നിന്നും മലിനജലം ഡ്രൈനേജിലേക്ക് ഒഴുക്കി വിട്ടതുമായി ബന്ധപ്പെട്ട പരാതിയും നിലനിൽക്കുന്നുണ്ട്,
കുറ്റ്യാടി ഗ്രാമപഞ്ചായത്ത് ഭരണസമിതിയുടെ മാലിന്യമുക്ത പഞ്ചായത്ത് എന്ന ലക്ഷ്യത്തിന് തുരങ്കം വെക്കുന്ന നിലപാടാണ് നിലവിൽ യുഡിഎഫ് അംഗങ്ങളിൽ നിന്ന് ഉണ്ടാവുന്നത് ഇതിനെതിരെ ശക്തമായ നിയമനടപടികൾക്കും ഒപ്പം പ്രക്ഷോഭ സമരങ്ങൾക്കും നേതൃത്വം നൽകുമെന്ന് ഡിവൈഎഫ്ഐ അറിയിച്ചു,
കുറ്റ്യാടി മേഖല സെക്രട്ടറി നിവിൻ പി എൻ, പ്രസിഡന്റ് ഷിയാദ് ഊരത്ത്, കെ പി വിജേഷ്, സനൽ കുമാർ, അജേഷ്, അന്ന രമേഷ് തുടങ്ങിയവർ പങ്കെടുത്തു
