26/01/2023
*മൂന്നയിനി അക്ഷയ കേന്ദ്രത്തിന് ISO സർട്ടിഫിക്കേഷൻ അംഗീകാരം*
പുന്നയൂർ : ഇ-ഗവേണൻസ് രംഗത്ത് 20 വർഷമായി മികച്ച പ്രവർത്തനം നടത്തുന്ന മൂന്നയിനി അക്ഷയ കേന്ദ്രത്തിന് അന്താരാഷ്ട്ര നിലവാര സമിതിയുടെ അംഗീകാരം ലഭിച്ചു. പുന്നയൂർ പഞ്ചായത്ത് പ്രസിഡണ്ട് ടി.വി. സുരേന്ദ്രനിൽ നിന്നും അക്ഷയ കേന്ദ്രം സംരംഭകൻ എ.ടി. ഷംസുദ്ധീൻ സർട്ടിഫിക്കേഷൻ സ്വീകരിച്ചു. വാതിൽപടി സേവനം ആരംഭിക്കുന്നതിന് മുൻപ് അക്ഷയ സേവനങ്ങളെക്കുറിച്ചും, ഗവർൺമെന്റ് ആനുകൂല്യങ്ങളും ജനങ്ങളിലേക്ക് എത്തിക്കാൻ സഹായിച്ച പുന്നയൂർ പഞ്ചായത്തിലെ മികച്ച ജനസേവകരായ എം.പി. ഇക്ബാൽ മാസ്റ്റർ, മേജർ അബ്ദുറഹിമാൻ പൂക്കാട്ട്, നിസാർ പുന്നയൂർ, കൃഷണൻ അവിയൂർ, മുൻ മെമ്പർ ആയിരുന്ന സുധീർ സി.എം, സനോജ് പഞ്ചവടി, എടക്കഴിയൂർ അക്ഷയ സംരംഭകൻ ഷബീർ എന്നിവരെ വേദിയിൽ ആദരിച്ചു. ഏറ്റവും കൂടുതൽ വർഷം മൂന്നയിനി അക്ഷയ കേന്ദ്രത്തിൽ സേവനമനുഷ്ഠിച്ച അക്ഷയ ഓപ്പറേറ്റർ സുജിതയേയും ആദരിച്ചു. സി.എസ്. സി ജില്ലാ പ്രൊജെക്ട് മാനേജർ ബ്രിട്ടോ ജയിംസ്, അക്ഷയ ബ്ലോക്ക് കോർഡിനേറ്റർ ധന്യ, എം.പി ഇക്ബാൽ മാസ്റ്റർ, എന്നിവർ സംസാരിച്ചു. കഴിഞ്ഞ 20 വർഷങ്ങളിലായി മൂന്നയിനി അക്ഷയ കേന്ദ്രത്തിന് ഒരു കോടിയിൽൽപരം സേവനങ്ങൾ നൽകാനും 12800 സംതൃപ്തരായ ഉപഭോക്താക്കളെ സൃഷ്ടിക്കാനും, മൂന്നയിനി അക്ഷയ കേന്ദ്രത്തിന് സാധിച്ചതായും അക്ഷയ സംരംഭകൻ എ.ടി. ഷംസുദ്ധീൻ അറിയിച്ചു.
