27/03/2024
कसैलाई मैले राजनीति सिकाउनु छैन।तरपनि किन र कसलाई भोट दिने भन्ने कुरामा विचार राख्नु पर्दा चै, हामीले आफन्तको वा आफ्नो दलको भन्दा हाम्रो जातिको हित र जातिको सुरक्षाकोलागि सोच्नुपर्छ ।
सर्वप्रथम, देशको संविधाभित्र रहेर हाम्रो भाषा, धर्म, संस्कृति र क्षेत्रको सुरक्षा नै हाम्रो अस्तित्व हो । जसले यी कुराहरू बुझेर राजनीति गर्छ उ नै हाम्रो भोटको दावेदार हुन्छ । चाहे गोर्खाल्याण्डको लक्ष्य विषय नै होस् त्यो लक्ष्य पनि यही बाटो हिडेर नै प्राप्त गर्न सकिन्छ।
आजसम्म केही भएको छैन ।यसबारे बीजेपीले निर्णय गर्न समय लिंईरहेको छ । हुनसक्छ बंगालको केही षडयन्त्र बीजेपीले बुझेको होला। तरपनि बाटो केन्द्र सरकार नै हो, यही बीजेपी नै हो ।यसमा हामीले अझ गम्भीर भएर, अझ सशक्त रूपमा संसदमा कुरा गरिरहनु जरूरी हुन्छ न कि थाकेर या रिसाएर बाटो मोड्यौं भने हाम्रो दुर्घटना हुनसक्छ।
बंगाल सरकार वा ममताले हामीलाई राजनीतिक, शैक्षिक, भाषिक र आर्थिक रूपमा नै शथिल बनाएर थिचेर राख्न चाहेको कुरा स्पष्ट छ। हामीबीच विभाजन गरेर भएपनि हाम्रो शक्ति घटाउन चाहान्छ ता कि हामी छुट्टै राज्यको कुरागर्न हिम्मत पनि नगरोस, भन्ने उसको उदेश्य प्रष्ट छ ।
यी सबैको बीच हामी सतर्क रही आफ्नो लक्ष्यमा अडिक रहनुपर्छ । अनि हाम्रो लक्ष्यका कुराहरू केन्द्र सरकारमा उठाउन सक्ने योग्य ब्यक्ति राजु बिष्ट नै हो ।
एन बी गिरी!
