06/08/2026
#दिमाकुसि: दिमाकुसि दख'रा सिंनि आंगोनिबो आंगो बर' रायजो राजामोनखौ दिमाकुसि दख'रा एबसुआ गोर्बो इसिंनिफ्राय साबायखर जासि हरो। बे खैफोदनि समाव दख'रा एबसुआ खावलायनाय बायदि दुखु सैनांनाय नखरफोरनो मदद हरनो थाखाय जोंनि आंगो बर' नख'रफोरा जेरैबायदि आवगायबाय बेयो थारैनो बाख्नायथाव। गाव गोसो बायदियै जेरैबायदि अनसुंथायखौ हरदों बेयो थारैनो बर'फोराजे बिखा गुवार अनख' गोसोनि बेनो रोखा फोरमान। नोंथांमोननि गासैबो अनसुंथाया बे हरखाब दै बाना जानायजों दुखु सैनांनाय नख'रफोरनिसिम सहैगोन।
दै बानाया थांनाय 19 जुलाईनिफ्राय जागायनानै दिनैसिम 19 सान जाफैबाय आरो बे 19 सानाव गोबां सुबुंफोरा गावबा-गाव आरो गोबां सन्था आफादफोरा अनसुंथाय खांनायनि गेजेरजों रायजो राजाफोरनिफ्राय मदद लानानै गोबांथार सहाय हैनायनि गेजेरजों दै बानाजों लोमसाव जानाय गोबां सुबुंफोरखौ रैखा खालामबाय, थानाय जानाय गाननाय जोमनायनिफ्राय लानानै नांगौ जानाय मुवा बेसादफोरखौ हानाय बायदियै बेबस्था खालामबाय-जगायबाय बेयो अरायबो बाख्नायथाव आरो साबायखर होथाव। बेखिनि गाव बेबस्थाया जायामोनब्ला आरोबाव खैफोदनि हारा बुंस'हायै बांगौमोन। बेखिनि दुखुनि समखौ बयबो खोनादों नुदों आरो बुजिदों। साबायखर🙏
