02/08/2026
"गाहाइ मावख" बड'सा नोगोर
अदालगुरि, बड'लेण्ड
अक्ट'- इं. 02 आगष्ट',2026
2थि "बड'लेण्ड मुंख्लं ट्रफि"
"बान्जाय आफाद दानाय"
बरसला दखरा एबसुनि मानगोनां आफादगारि मुस्रि अजित दैमारि बिथांनि आफाद दैदेन्नायाव बरसला दखरा एबसु आरो बरसला आन्स'लिक स्प'र्टस एससियेसनजों जथायै खुंजानाय "बड'लेण्ड मुंख्लं ट्रफि" जुलुर गेलेनाय बादायनायखौ खुंफुंनो थाबाय दखरा एबसुनि गाहाइ मावख'आव साधारन आफाद लानायनि गेजेरजों दिनै बान्जाय आफाद दानाय जायो।
बे हाबाफारियावनो बाहागो लायो गुदि बर' थुनलाइ आफादनि जिउ सोद्रोमा मानगोनां मुस्रि करुणा कान्त बसुमतारि बिथां, बरसला गुदि बर' थुनलाइ आफादनि आफादगिरि मानगोनां मुस्रि गसाई स्वर्गियारी बिथां, बरसला दखरा एबसुनि बोसोनगिरि मानगोनां मुस्रि उपेन बर' बिथां, सोनाब बरसला बर' गेजेर फरायसालिनि गाहाइ फोरोंगिरि मानगोनां मुस्रि गपाल हाज'वारि बिथां, बासानि नेहाथारि मानगोनां मुस्रि प्रनेन बसुमतारि बिथां, अदालगुरि जिल्ला बाथौ लाइमोन आफादनि लोगो आफादगिरि मानगोनां मुस्रि तेपेन बसुमतारि बिथां, बरसला गुदि बर' थुनलाइ आफादनि लोगो आफादगिरि मानगोनां मुस्रि भाग्य' बसुमतारि बिथां, बरसला गुदि बर' थुनलाइ आफादनि बारग' आफादगिरि मानगोनां मुस्रि बालिराम बर' बिथां, बरसला दखरा एबसुनि बारग' बोसोनगिरि मानगोनां मुस्रि बिष्णुकबि बसुमतारि बिथां, बरसला दखरा हारिमु आफादनि नेहाथारि मानगोनां मुस्रि परबित स्वर्गियारी बिथां आरो बरसला एबसुनि बेन्दोंआव थानाय गामि जौगा आफादनि आफादगिरि, नेहाथारि बिथांमोनाबो बाहागो लायो।
दखरा एबसुनि गाहाइ नेहाथारि मानगोनां मुस्रि गोहोम बर' बिथांजों लोगोसेनो, बुंथिगिरि मानगोनां मुस्रि मिन्टु बर' आरो नेहाथारि मानगोनां मुस्रि अरुन बसुमतारि बिथांमोनाबो बाहागो लायो।
