27/02/2026
#ସନ୍ଥ_ଶ୍ରୀକ୍ଷେତ୍ରରେ_ଭକ୍ତିର_ମହାଜୁଆର #ମାତୃଳ_ସ୍ନେହର_ସଅଁଳା_ଭାରରେ_ଜନ୍ମଉତ୍ସବ
ଧର୍ମୀୟ ଓ ଆଧ୍ୟାତ୍ମିକ ପରିବେଶ ମଧ୍ୟରେ ସନ୍ଥପୁର ଗ୍ରାମସ୍ଥ ସନ୍ଥ ଶ୍ରୀକ୍ଷେତ୍ରଠାରେ ମହାପ୍ରଭୁ ଶ୍ରୀଜଗନ୍ନାଥଙ୍କ ଚତୁର୍ଦ୍ଧା ବିଗ୍ରହଙ୍କ ତୃତୀୟ ସାମ୍ବତ୍ସରିକ ଜନ୍ମଉତ୍ସବ ମହା ସମାରୋହରେ ଅନୁଷ୍ଠିତ ହେଉଅଛି। ଗତ ଫେବୃଆରୀ ୨୩ ରିଖ (ଫାଲଗୁନ ଶୁକ୍ଳ ସପ୍ତମୀ) ଠାରୁ ଆରମ୍ଭ ହୋଇଥିବା ଏହି ପାଞ୍ଚ ଦିନିଆ ମହୋତ୍ସବ ୨୭ ତାରିଖ ପର୍ଯ୍ୟନ୍ତ
ଉତ୍ସବର ଅନ୍ୟତମ ମୁଖ୍ୟ ଆକର୍ଷଣ ସାଜିଛି ଇଲେଇଜଙ୍ଗରୁ ଆସିଥିବା ମାତୃଳ ନିମନ୍ତ୍ରିତ ଭାର। ମହାପ୍ରଭୁଙ୍କ ଜନ୍ମଉତ୍ସବ ଅବସରରେ ଭଣଜା ପାଇଁ ମାତୃଳ ପକ୍ଷରୁ ବୈଦିକ ରିତିନୀତି ଅନୁଯାୟୀ ଭାର ସାମଗ୍ରୀ ସହ ଅନ୍ୟାନ୍ୟ ଆନୁଷଙ୍ଗିକ ଦ୍ରବ୍ୟ ଧରି ଏକ ବିଶାଳ ଶୋଭାଯାତ୍ରା ସନ୍ଥ ଶ୍ରୀକ୍ଷେତ୍ର ଅଭିମୁଖେ ବାହାରିଥିଲା। ପାରମ୍ପରିକ ଲଉଡ଼ି ଖେଳ, ସିଂଘ ବାଜା, ରଣପା ନୃତ୍ୟ, ସଂକୀର୍ତ୍ତନ ମଣ୍ଡଳୀ ଏବଂ ସୁସଜ୍ଜିତ ଆଲୋକମାଳା ମଧ୍ୟରେ ଏହି ଯାତ୍ରା ଗ୍ରାମ ପରିକ୍ରମା କରିବା ସହ ଏକ ଆଧ୍ୟାତ୍ମିକ ଶିହରଣ ସୃଷ୍ଟି କରିଥିଲା। ଆବାଳବୃଦ୍ଧବନିତା ଏହି କାର୍ଯ୍ୟକ୍ରମରେ ସାମିଲ ହୋଇ ପ୍ରସାଦ ସେବନ କରିବା ସହ ମହାପ୍ରଭୁଙ୍କ ଆଶୀର୍ବାଦ ଭିକ୍ଷା କରିଥିଲେ। ।
