27/05/2026
शिवसेना खासदार डॉ. श्रीकांत एकनाथ शिंदे साहेब यांना पुन्हा ‘संसद रत्न पुरस्कार २०२६’ जाहीर!
संसदेतील प्रभावी कामगिरी, जनहिताचे प्रश्न आणि अभ्यासपूर्ण मांडणीची राष्ट्रीय स्तरावर दखल घेण्यात आली आहे. देशातील उत्कृष्ट कामगिरी करणाऱ्या खासदारांना दिला जाणारा हा प्रतिष्ठेचा सन्मान डॉ. श्रीकांत शिंदे साहेब यांना दुसऱ्यांदा प्राप्त होत आहे. २०२४ नंतर पुन्हा एकदा त्यांच्या संसदीय कार्याची नोंद राष्ट्रीय पातळीवर झाली, ही महाराष्ट्रासाठी अभिमानाची बाब आहे.
संसदेत नागरिकांच्या प्रश्नांना सातत्याने वाचा फोडणे, देशहिताच्या विषयांवर ठाम व अभ्यासपूर्ण भूमिका मांडणे, तसेच विकास, आरोग्य, पायाभूत सुविधा, युवक, रोजगार आणि शहरी प्रश्न प्रभावीपणे उपस्थित करणे, या त्यांच्या कार्याची विशेष दखल घेण्यात आली आहे. गेल्या एका वर्षात त्यांनी सामाजिक, शैक्षणिक, तांत्रिक, कायदेशीर आणि जनकल्याणाशी संबंधित ६ महत्त्वपूर्ण खासगी विधेयके मांडली.
खासदार डॉ. श्रीकांत शिंदे यांनी महाराष्ट्र आणि विशेषतः कल्याण लोकसभा मतदारसंघाशी संबंधित रेल्वे, वाहतूक, आरोग्य सुविधा, शहरी विकास, रोजगार निर्मिती, पर्यावरण आणि सर्वसामान्य नागरिकांच्या दैनंदिन प्रश्नांवर संसदेत सातत्याने आवाज उठवला आहे.
ऑपरेशन सिंदूरनंतर पंतप्रधान नरेंद्र मोदी यांच्या मार्गदर्शनाखाली भारताची दहशतवादाविरोधातील ठाम भूमिका जगासमोर मांडण्यासाठी पाठवण्यात आलेल्या सर्वपक्षीय शिष्टमंडळांपैकी एका महत्त्वाच्या शिष्टमंडळाचे नेतृत्वही डॉ. श्रीकांत शिंदे साहेब यांनी केले. UAE, लायबेरिया, सिएरा लिओन आणि डेमोक्रेटिक रिपब्लिक ऑफ काँगो या देशांमध्ये भारताची ‘झिरो टॉलरन्स टू टेररिझम’ भूमिका त्यांनी प्रभावीपणे मांडली.
अशा या बहुआयामी, अभ्यासू आणि लोकाभिमुख नेतृत्वाचा आम्हाला सार्थ अभिमान आहे.
हार्दिक हार्दिक अभिनंदन साहेब!
#डॉश्रीकांतशिंदे #संसदरत्न #हार्दिकअभिनंदन #शिवसेना #जनसेवा #लोकसेवा #नेतृत्व
