20/08/2026
തിരുവനന്തപുരം : ബിസിനസ്സ് ഇൻസൈറ്റ് മാഗസിൻ സംഘടിപ്പിച്ച നാലാമത് ബിസിനസ്സ് അവാർഡ് കേരളത്തിലുടനീളമുള്ള അൻപതോളം സംരംഭകർക്കു സമ്മാനിച്ചു. MSME രജിസ്റ്റർ ചെയ്തു വിജയകരമായി ബിസിനസ്സ് നടത്തിവരുന്ന സംരംഭകർക്കാണ് അവർഡുകൾ നൽകിയത്. യോഗത്തിന്റെ ഉദ്ഘാടനം ബഹു.ഫിഷറീസ് വകുപ്പ് മന്ത്രി അഡ്വ. അബ്ദുൾ ഗഫൂർ നിർവഹിച്ചു.
ശ്രീ.എ.എ റഹീം എം.പി , ശ്രീ.റഷീരാജ് സിംഗ്, പത്മ ശ്രീ കുര്യൻ ജോൺ മേളാം പറമ്പിൽ , ബിസിനസ്സ് മെന്റർ ശ്രീ.പി.വിജയൻ തുടങ്ങിയവർ സംരംഭകർക്കുള്ള അവാർഡുകൾ വിതരണം ചെയ്യുകയുണ്ടായി.
*ബെസ്റ്റ് ബിസിനസ്സ് കൺസപ്റ്റ്* വിഭാഗത്തിൽ കൊങ്ങോർപ്പിള്ളി സ്വദേശിയായ ജോ ജോഹർ, വടുതല സ്വദേശിയായ ക്രിസ്റ്റി റോഡ്രിഗ്സ് എന്നിവർ നേതൃത്വം നൽകുന്ന *ഹൈഡ്രോ ഫ്ലോ അക്വാടെക്* കരസ്ഥമാക്കി. അക്വാഫാമുകൾക്കായി കസ്റ്റം ചെയ്തെടുത്ത പവർ സെൻസ് മൊബൈൽ അലർട്ട് സിസ്റ്റത്തിനാണ് അവാർഡ് ലഭിച്ചത്.
