KCBC Madya Virudha Samidhi ,Varapuzha Archdiocese ,Chathiyath

22/07/2026

കെ.സി.ബി.സി. മദ്യ-ലഹരി വിരുദ്ധ സമിതി, വരാപ്പുഴ അതിരൂപത സംഘടിപ്പിക്കുന്ന
"ഓപ്പറേഷൻ തൂഫാന് ഐക്യദാർഢ്യവും ക്വിറ്റ് ലിക്കർ ഡേ ആചരണവും"

📅 2026 ഓഗസ്റ്റ് 7 | വെള്ളിയാഴ്ച | ഉച്ചയ്ക്ക് 2:00 മണിക്ക്

📍 സെന്റ് മേരീസ് ഹയർ സെക്കൻഡറി സ്കൂൾ, വല്ലാർപാടം – റാൻസം ഹാളിൽ വച്ച് നടത്തപ്പെടുന്നു.
✨ പ്രമുഖ വ്യക്തികൾ ചടങ്ങിൽ പങ്കെടുക്കുന്നു.

ഈ മഹത്തായ ലഹരി വിരുദ്ധ ജനകീയ മുന്നേറ്റത്തിൽ എല്ലാവരും കുടുംബസമേതം പങ്കുചേർന്ന് പരിപാടിയുടെ വിജയത്തിനായി സഹകരിക്കണമെന്ന് സ്നേഹപൂർവ്വം അഭ്യർത്ഥിക്കുന്നു.

13/07/2026

ആദരാഞ്ജലികൾ 🌹

കെ.സി.ബി.സി. വരാപ്പുഴ അതിരൂപത മദ്യ-ലഹരി വിരുദ്ധ സമിതി ഡയറക്ടർ റവ.ഫാ. ജോസഫ് ഷെറിനച്ചന്റെ വത്സല മാതാവ് ശ്രീമതി ലിസ്സി പീറ്റർ (82) കർത്താവിൽ നിദ്രപ്രാപിച്ചു.

സംസ്കാര ശുശ്രൂഷയിൽ പങ്കെടുത്ത് കുടുംബാംഗങ്ങളെ നേരിൽ കണ്ട് അനുശോചനം അറിയിക്കുവാനും പ്രാർത്ഥനയിൽ പങ്കുചേരുകയും ചെയ്തു.

പരേതയുടെ ആത്മാവിന് നിത്യശാന്തി ലഭിക്കുവാനും ദുഃഖത്തിലായിരിക്കുന്ന ഫാ. ജോസഫ് ഷെറിനച്ചനെയും കുടുംബാംഗങ്ങളെയും സർവശക്തനായ ദൈവം സമാധാനത്താലും പ്രത്യാശയാലും ആശ്വസിപ്പിക്കട്ടെയെന്നും പ്രാർത്ഥിക്കുന്നു.🙏

ആദരാഞ്ജലികളോടെ,
കെ.സി.ബി.സി. വരാപ്പുഴ അതിരൂപത
മദ്യ-ലഹരി വിരുദ്ധ സമിതി

13/07/2026

ലഹരിക്കെതിരെ ബോധവത്കരണ ക്ലാസും പഠനോപകരണ വിതരണവും സംഘടിപ്പിച്ചു

കെ.സി.ബി.സി. വരാപ്പുഴ അതിരൂപത മദ്യ-ലഹരി വിരുദ്ധ സമിതി ചാത്യാത്ത് യൂണിറ്റിന്റെ ആഭിമുഖ്യത്തിൽ "ലഹരിക്കെതിരെ ബോധവത്കരണ ക്ലാസും പഠനോപകരണ വിതരണവും" സംഘടിപ്പിച്ചു.

ചാത്യാത്ത് മദ്യ-ലഹരി വിരുദ്ധ സമിതി പ്രസിഡന്റ് ശ്രീ. വി. ജി. സെബാസ്റ്റിൻ വലിയപറമ്പിൽ അധ്യക്ഷത വഹിച്ച ചടങ്ങ് എറണാകുളം എം.എൽ.എ. ശ്രീ. ടി. ജെ. വിനോദ് വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്ത് ഉദ്ഘാടനം ചെയ്തു.

ചാത്യാത്ത് ഇടവക വികാരി റവ. ഫാ. പോൾസൺ കോറ്റിയത്ത് അനുഗ്രഹ പ്രഭാഷണം നടത്തി. കെ.സി.ബി.സി. മദ്യ-ലഹരി വിരുദ്ധ സമിതി വരാപ്പുഴ അതിരൂപത പ്രസിഡന്റ് ശ്രീ. ഡിക്സൻ റോഡ്രിഗ്സ്, അതിരൂപത ജോയിന്റ് സെക്രട്ടറി ശ്രീ. ജോൺ ബോസ്കോ, രണ്ടാം ഫെറോന അനിമേറ്റർ റവ. സിസ്റ്റർ ഒസ്ബർഗ സി.ടി.സി. എന്നിവർ ആശംസകൾ നേർന്നു.

വിദ്യാർത്ഥികളിലും മാതാപിതാക്കളിലും ലഹരിയുടെ ദൂഷ്യഫലങ്ങളെക്കുറിച്ച് അവബോധം വളർത്തുന്നതിനും ലഹരിമുക്ത ജീവിതത്തിന്റെ പ്രാധാന്യം ബോധ്യപ്പെടുത്തുന്നതിനുമായി ശ്രീമതി ഷർളി റോബൈറോ( HSST,St.Antony's,Kacheripdy )ബോധവത്കരണ ക്ലാസ് നയിച്ചു. പരിപാടിയുടെ ഭാഗമായി 100-ലധികം വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു.

ചാത്യാത്ത് യൂണിറ്റ് ജോയിന്റ് സെക്രട്ടറി ശ്രീമതി ലാലി പാട്രിക്ക് സ്വാഗതവും യൂണിറ്റ് സെക്രട്ടറി ശ്രീ. ജൂലിയൻ ലോപ്പാസ് നന്ദിയും രേഖപ്പെടുത്തി. എല്ലാ സമിതി പ്രവർത്തകരും പരിപടിയിൽ സംബന്ധിച്ചു.

06/07/2026

06/07/2026

കെ.സി.ബി.സി വരാപ്പുഴ അതിരൂപത മദ്യ-ലഹരി വിരുദ്ധ സമിതിക്ക് പുതിയ ഭാരവാഹികൾ

വരാപ്പുഴ: കെ.സി.ബി.സി വരാപ്പുഴ അതിരൂപത മദ്യ-ലഹരി വിരുദ്ധ സമിതിയുടെ 2026-2028 വർഷത്തേക്കുള്ള പുതിയ ഭാരവാഹികളെ തെരഞ്ഞെടുത്തു. 2026 ജൂലൈ 5, ഞായറാഴ്ച വൈകുന്നേരം 5:30ന് ESSS ഹാളിൽ ഫെറോനാ, യൂണിറ്റ് ഭാരവാഹികളുടെ ജനറൽ ബോഡി മീറ്റിംഗിൽ വച്ച് അതിരൂപത സമിതി ഡയറക്ടർ ഫാ. ജോസഫ് ഷെറിൻ ചെമ്മയത്തിന്റെ നേതൃത്വത്തിലാണ് തെരഞ്ഞെടുപ്പ് നടന്നത്.

പ്രസിഡന്റായി ശ്രീ. ഡിക്സൻ റോഡ്രിഗ്‌സ് (മൗണ്ട് കാർമ്മൽ ദേവാലയം, ചാത്യാത്ത്) തെരഞ്ഞെടുക്കപ്പെട്ടു. ജനറൽ സെക്രട്ടറിയായി ശ്രീ. ജസ്റ്റിൻ മാളിയേക്കൽ (കുരിശിങ്കൽ ദേവാലയം, ഓച്ചന്തുരുത്ത്) തെരഞ്ഞെടുക്കപ്പെട്ടു. കൂടാതെ മറ്റ് എക്സിക്യൂട്ടീവ് ഭാരവാഹികളെയും യോഗം തെരഞ്ഞെടുത്തു.

26/06/2026

മയക്കുമരുന്ന് വിപത്തിനെതിരെ ശക്തമായ പോരാട്ടത്തിന് തുടക്കമിട്ട് 'ഓപ്പറേഷൻ തൂഫാൻ'

ഓപ്പറേഷന്‍ തൂഫാന്‍ ദി നാര്‍ക്കോ ഹണ്ട്

26/06/2026

അന്താരാഷ്ട്ര ലഹരിവിരുദ്ധ ദിനം (World Drug Day)

വരാപ്പുഴ അതിരൂപത KCBC മദ്യ-ലഹരി വിരുദ്ധ സമിതിയുടെ ആഭിമുഖ്യത്തിൽ അന്താരാഷ്‌ട്ര ലഹരി വിരുദ്ധ ദിനാഘോഷം 25 /6/26 വ്യാഴാഴ്ച രാവിലെ10 മണിക്ക് ഇൻഫന്റ് ജീസസ് UP സ്കൂളിൽ വച്ച് നടത്തപ്പെട്ടു വിദ്യാർത്ഥികളുടെ ഈശ്വര പ്രാർത്ഥനയോടെ ആരംഭിച്ച യോഗം മദ്യ-ലഹരി വിരുദ്ധ സമിതി പ്രസിഡന്റ് ശ്രീ അലക്സ് മുല്ലപ്പറമ്പൻ സ്വാഗതമേകി എല്ലാ വിശിഷ്ട അതിഥികളെയും യോഗത്തിലേക്ക് ക്ഷണിച്ചു ഡയറക്ടർ ഫാ. ജോസഫ് ഷെറിൻ ചെമ്മായത്ത് അധ്യക്ഷ പ്രസംഗത്തിൽ ലഹരിമുക്ത സമൂഹത്തിന്റെ ആവശ്യകതയെ കുറിച്ച് സംസാരിച്ചു. വൈപ്പിൻ നിയോജകമണ്ഡലം MLA ശ്രീ ടോണി ചമ്മണി ഉദ്ഘാടന പ്രസംഗത്തിൽ ഭാവി വാഗ്ദാനങ്ങൾ ആയ കുട്ടികളിൽ ലഹരി വിരുദ്ധ സന്ദേശം പ്രചരിപ്പിക്കുന്നത് വളരെ നന്നായിരിക്കും എന്ന് ഓർമിപ്പിച്ചു ഇൻഫന്റ് ജീസസ് യുപി സ്കൂൾ ഹെഡ്മിസ്ട്രസ് സിസ്റ്റർ നിരഞ്ജന ലഹരി വിരുദ്ധ പ്രതിജ്ഞ ചൊല്ലിക്കൊടുക്കുകയും വിദ്യാർത്ഥികളും മാതാപിതാക്കളും സമൂഹം മുഴുവനും ഏറ്റുചൊല്ലുകയും ചെയ്തു ആരോഗ്യ വിദ്യാഭ്യാസ ക്ഷേമ കാര്യ സ്റ്റാൻഡിങ് കമ്മിറ്റി ചെയർമാനും പതിനൊന്നാം വാർഡ് മെമ്പറുമായ ഷിബു ആശംസകൾ അർപ്പിച്ചു ബ്ലോക്ക് പഞ്ചായത്തംഗം ബിതാ കോളിൻസ് ആറാം വാർഡ് മെമ്പർ സോഫിയ ജോയ്, വി. ജി സെബാസ്റ്റ്യൻ വലിയപറമ്പിൽ, സെക്രട്ടറി ശ്രീ ജൂഡ് തദേവൂസ് എന്നിവർ വേദിയിൽ സന്നിഹിതരായിരുന്നു ഇൻഫന്റ് ജീസസ് കോൺവെന്റ് സ്കൂൾ പിടിഎ പ്രസിഡന്റ് ശ്രീ റിനീഷ് തോമസ് എം ,
PTA പ്രസിഡന്റ് ശ്രീമതി സിന്ധു ലിജു എന്നിവർ വേദിയിൽ സന്നിഹിതരായിരുന്നു വിദ്യാർത്ഥികൾ ലഹരിക്കെതിരെയുള്ള ഫ്ലാഷ് മോബ് അവതരിപ്പിച്ചു ലഹരിവിരുദ്ധ പ്രവർത്തനങ്ങളോട് അനുബന്ധിച്ച് വിദ്യാലയത്തിൽ സംഘടിപ്പിച്ച മത്സരങ്ങളിൽ വിജയിച്ച കുട്ടികൾക്ക് M.L.A സമ്മാനദാനം നൽകി വൈസ് പ്രസിഡന്റ് ശ്രീ ജസ്റ്റിൻ യോഗത്തിൽ സംബന്ധിച്ച ഏവർക്കും കൃതജ്ഞത പ്രകാശിപ്പിച്ചു.

18/02/2026

"വിഭൂതി ബുധൻ"
വരാപ്പുഴ അതിരുപത K.C.B.C മദ്യ ലഹരി വിരുദ്ധ സമിതിയുടെ നേതൃത്വത്തിൽ
പ്രതിഷേധ പ്രാർത്ഥന ധർണ്ണ.
കച്ചേരിപ്പടി ഗാന്ധി സ്‌ക്വയറിൽ