TABLEEG KI BARKHAT

28/10/2015

Nabi Sallallahu Alaihi Wasallam ki Ummat ke liye shafa'at

Hazrat Abu Hurairah radhi ALLAH anhu ne bayan kiya ke Rasul ALLAH Sallallahu Alaihi Wasallam ne farmaya, "har nabi ki ek dua qubool hoti hai, to main chahta hun ke agar ALLAH ne chaha to apni dua qayamat ke din apni ummat ki shafa'at ke liye mahfooz rakhun."

Ise Bukhari aur Muslim ne riwayt kiya hai
Al Lulu walmarjan h (1/121)

Hazrat Anas radhi ALLAH anhu ne bayan kiya ke Nabi Kareem Sallallahu Alaihi Wasallam ne farmaya, "har nabi ne kuchh chize maangi ya har nabi ko ek dua di gayi. Jis chiz ki usne dua maangi aur phir use qubool kiya gaya. Lekin maine apni dua qayamat ke din apni ummat ke liye mahfooz rakhi huyi hai."

Ise Bukhari aur Muslim ne riwayt kiya hai
Al Lulu walmarjan h (1/122)

NOTE

In hadiso se malum hua ke Rasul ALLAH Sallallahu Alaihi Wasallam apni ummat se kis qadr muhabbat karte the ke unhone apni shafa'at ki dua ko apni ummat ke liye us din ke liye mahfooz rakha hua hai jab kisi ka wasta, kisi ki shafa'at nahi chalegi yaani qayamat ke din ke liye. Aur hum aise musalman hain ke apne Nabi se muhabbat ka dawa to karte hain lekin chand hi log aisi hain jo Nabi Sallallahu Alaihi Wasallam se sachchi muhabbat rakhte hain. Sirf zabaan se kahne se muhabbat ka izhaar nahi hota balke jo log sachche dil se apne Nabi se muhabbat rakhte hai wo Rasul ALLAH Sallallahu Alaihu Wasallam ki sunnato par baghair kisi shak wa shubah ke amal karte hain, unke qaul yaani sahih ahaadis ke saamne aur kisi imaam ya ulema ke qaul ko tarjeeh nahi dete, Nabi ke tareeqe ke alawa kisi aur ke tareeqe par chal kar namaze ada nahi karte, apne Nabi ke sath jhooti man gadhant baato ko mansoob nahi karte aur baghair kisi suboot aur daleel ke ahaadis ko pesh nahi karte. Ab hum khud hi samajh le ke hum kaise musalman hai. Rasul ALLAH Sallallahu Alaihi Wasallam ne apni shafa'at bhi aise hi ummatiyo ke liye makhsoos ki hai jo sirf ALLAH ki kitaab aur Aap Sallallahu Alaihi Wasallam ki sunnat par amal karne wale ho na ke kisi aur shakhsiyat ki pairwi karne wale. ALLAH hum sab ko ek sachcha musalman banaye aur Nabi Sallallahu Alaihi Wasallam ki shafa'at ka haqdar banaye. AMEEN

17/10/2015

Behtareen kalimaat

Hazrat Abu Hurairah radhi ALLAH anhu kahte hai ke Rasul ALLAH Sallallahu Alaihi Wasallam ne farmaya, "do kalime hai jo RAHMAAN ko bade pyare hai. Zabaan par halke hain aur taraazoo me bhari hain ----

SUBHAN ALLAHI WABI HAMDIHI SUBHAN ALLAHIL AZEEM

(ALLAH paak hai, saath apni taarif ke. ALLAH paak hai, azmat wala)

Ise Bukhari aur Muslim ne riwayt kiya hai
Bulugh Almaram h (2/1358)

NOTE

Is hadis me in kalimo ka halka hona ye ma'ane rakhta hai ke inko zabaan se ada karna aasan hai, inko aasani se yaad rakha ja sakta hai aur kisi bhi waqt aasani ke sath ada kiya ja sakta hai. Aur inke bhari hone ka ye ma'ane hai ke jis tarah neki aur mushkil aamaal wazan me bhari honge usi tarah ye aasani se padhe Jane wale Kalimaat bhi meezaan e aamaal me bhari honge. Is hadis se saabit hota hai ke qayamat ke roz aamaal ko tola aur wazan kiya jayega aur ye bhi malum hota hai ke ALLAH TA'ALA ki rahmat kitni wasi' hai ke WOH apne nek wa mukhlis bando ke thode aamaal ke badle me ajr wa sawaab zyada ata farmayega. Hum sabko kasrat ke sath in kalimaat ke zariye ALLAH ka zikr karna chahiye. ALLAH hum sabko apne nek bando me se banaye. AMEEN

17/10/2015

Share karo sab...
MOHARRAM SHAREEF MEIN HONE WALE GALAT RASMO RIWAZ
[Maslah]
TAAZIYA Mamnua hai sharah mein
Iski kuch Asl Nahi aur jo Bid'at
Unke saath ki jati hai sakht
HARAAM hai...
[Fatawa-RAZVIYAV-24 p:490
[ZARURI-Maslah]
"TAZIYA Banana, DEKHNA
Jaiz NAHI aur Iski tazeem aur Is'se AQEEDAT rakhna saqt HARAAM hai"
[Fatawa-RAZVIYA
Vol-24 p:489
TAAZIYE mein kisi Qism ki Imdaad JAIZ NAHI-
[Al-QURAN]- "Gunaah aur Ziyadati ke Muamulat mein ek- Doosry ki MADAD na karo"
(surah:Maeedah a.2)
DHOL-taashe Bajana, Gali-Gali
GHOOMNA, Uchalte koodtey
Maatam karna!!! Ye sab jaahiliYat
aur RAAFZIYO (ShiYon) ki rasmein
hain- Inse Bachein
TAAZIYA kya hai-
"Shiyon
ke Juloos mein MAQBARA Ya
Qabar Banate aur saath hi
Dhol-taashe Bajate hain
Iseko TAAZIYA kaha jata
hai
(Sakht-HARAAM)
[Maslah]-
Musalmano ko ChahiYe ki
Ashrah'E MOHARRAM mein 3 Rangon ko pahanne'se Bache! Siyaah, sabz aur surkh -[Fatawa-E-RAZAVIYA; V-24 p:496]
"AYYAM-E-MOHARRAM" Yani 1'se 12 MOHARRAM tak kaala rang NA pahna jaye!
Ye RAFZIYO (Shiyon) ka TAREEQA hai -[SUNNI'Bahishti-ZEWAR; V-5 p:578]
MOHARRAM mein NIKAH karna kaisa?
"Maah'E Moharram mein NIKAH karna
Jaaiz hai, NIKAH kisi MAHINE mein Mana NAHI" -[Fatawa-E-RAZAWIYYA; V-11 p:265]
imam Hussain Ki Yaad Shariat Ke Dayre Me Manayen.
Unki Azeem Qurabni Ko Khel Kood Ka Zarya Na Banayen.
Balki Esale Sawab Ka Ehtemam Karein
Taziya Banana Usy Tazim Se
Uthana Gali
Kuchon Me Ghumana Ussy
Minnate Mangna Aur Us Par Chadhawe Chadhana Najaiz-O-Haram Hai.
Issey Bachiye
AALAHAZRAT Ka Risala Taziyadri Padhiye. Jisme Aap Ne Moharram Ki Bid'aton Ka Radd Kiya Hai.
Taziya Daari Ki Shariat Me Koi Asal Nahi
[Maslah]-
TAAZIYE, gasht, charavah, dHol-taashe, MARSIYE
wagairah Ye sab sakht "HARAAM" hai
[Fatawa-RAZVIYAV-24 p:498]
ALLAH HUMEN
IN TAMAAM GALAT KAAMO
SE
MAHFOOZ FARMAYE
Aameeen...!!!
●●═●DONT FORGET TO SHARE●═●

14/10/2015

Deen aur Duniya ki durustagi ke liye dua

Hazrat Abu Hurairah radhi ALLAH anhu se riwayt hai ke Rasul ALLAH Sallallahu Alaihi Wasallam farmaya karte the ------

ALLAHUMMA ASLIH LI DEENI ALLAZI HUWA I'SMATU AMRI WA ASLIH LI DUNYAYA ALLATI FEEHA MA A'ASHI WA ASLIH LI AAKHIRATI ALLATI ILAIHA MA A'ADI WAJ'ALIL HAYATA ZIYADATAN LI FI KULLA KHAIRIN WAJ'ALIL MAUTA RAAHATAN LI MIN KULLA SHARRA

(Ae ALLAH! Mere liye deen durust rakhna jisme mere kaam ka bachao hai. Mere liye meri Duniya ko durust farma jisme meri zindagi hai aur mere liye meri aakhirat durust farma jiski taraf mujhe laut kar Jana nai. Meri zindagi ko har amal khair ki zyaadati ka sabab bana aur maut ko mere liye har buraai se raahat bana dena)

Ise Muslim ne riwayt kiya hai
Bulugh Almaram h (2/1355)

NOTE

Is dua me deen wa Duniya aur aakhirat ki bhalaai ki darkhwaast hai jo ek banda apne RAB se karta hai. Is Duniya ki bhalaai bhi khaaliq kaainaat ke ikhtiyar me hai aur aakhirat ki bhalaai ka bhi WO hi tanha maalik hai. Is liye Us RAB se deen aur Duniya ke durust rakhne ke liye dua karte rahna chahiye. Aur aakhirat me bhi bhalaai ka sawal karna chahiye. ALLAH hum sab ke deen ko durust rakhe taake hamari Duniya aur aakhirat dono durust ho sake. AMEEN

13/10/2015

🌿Qarz aur Dushman ke ghulbeh se panaah maangne ki dua🌿

🌿Hazrat Abdullah bin Amroo radhi ALLAH anhuma se marwi hai ke Rasul ALLAH Sallallahu Alaihi Wasallam farmaya karte the ---

ALLAHUMMA INNI A'OOZU BIKA MIN GHALABATID DAINI WA GHALABATIL A'DUWWA WA SHAMAATATIL A'ADAAI'

(ILAAHI main tujh se qarz ke ghulbeh, Dushman ke ghaalib aane aur dushman ke khush hone se teri panaah maangta hu)

Ise Nasaai ne riwayt kiya hai aur Haakim ne sahih kaha hai
Bulugh Almaram h (2/1350)

🌿 NOTE 🌿

Is hadis se malum hua ke Rasul ALLAH Sallallahu Alaihi Wasallam qarz, musibat aur dushmano ke ghaalib aajane se ALLAH ki panaah in kalimaat ke sath talab kiya karte the. Hum sab ko bhi Rasul ALLAH Sallallahu Alaihi Wasallam ki pairwi karte huye in kalimaat ke sath ALLAH ki panaah talab karna chahiye. ALLAH hum sab ko har musibat se mahfooz rakhe. AMEEN
🌿🌿🌿🌿🌿🌿🌿🌿🌿🌿🌿

12/10/2015

Duniya aur aakhirat ki bhalaai ki dua

Hazrat Anas radhi ALLAH anhu se riwayt hai ke rasul ALLAH Sallallahu Alaihi Wasallam bakasrat ye dua maanga karte the --

RABBANA AATINA FIDDUNIYA HASANATAN WAFIL AAKHIRATI HASANATAN WAQINA AZAAB ANNAAR

(Ae hamare Aaqa wa Maula! Hume duniya me bhi bhalaai ata farma aur aakhirat me bhi bhalaai se surkhru farma aur hume aag ke azaab se bacha)

Ise Bukhari aur Muslim ne riwayt kiya hai
Bulugh almaram h (2/1353)

NOTE

Is hadis me jis dua ka zikr hai use nabi Sallallahu Alaihi Wasallam kasrat se padha karte the. Ye dua sabki jaame' hai. Duniya me bhalaai ke etbaar se nek amal, nek aulaad, rizq me kushaadgi, nafa' bakhsh ilm, sehat wa aafiyat waghairah sab kuchh shaamil hai. Aakhirat ki bhalaai me waha ki ghabraahat se aman wa salaamti, hisaab wa kitaab me aasani aur dukhool e jannat shaamil hai. Is mukhtasir magar jaame' dua me banda duniya wa aakhirat ki saari ne'mate aur jahannam ke azaab se panaah wa nijaat talab kar leta hai. ALLAH hum sab ko dozakh ke azaab se bacha kar jannatul firdaus me maqaam ata farmaye. AMEEN

10/10/2015

ALLAH ke ehkaam ki nigehbaani karna

Hazrat Ibn Abbas radhi ALLAH anhuma se riwayt hai ke ek din main nabi Sallallahu Alaihi Wasallam ke pichhe (khada) tha. Aap Sallallahu Alaihi Wasallam ne farmaya, "Ae ladke! Tu ALLAH (ke ahkaam) ki hifazat kar, ALLAH TA'ALA teri nigehbaani karega. Tu ALLAH ki taraf dhyaan rakh, to Usko apne saamne payega aur jab tu kuchh maange to (sirf) ALLAH TA'ALA se maang aur jab tu madad talab kare to (bas) ALLAH se madad maang.

Ise Tirmizi ne riwayt kiya hai aur hasan sahih kaha hai
Bulugh almaram h (2/1270)

NOTE

Is hadis me Rasul ALLAH Sallallahu Alaihi Wasallam ne khaalis tauhid ki taalim di hai. ALLAH ki hifazat se muraad Uske banayi huyi haddo ka puri tarah khayal rakhna. ALLAH ke mana kiye huye kaamo se khud bhi bachne ki koshish karna aur dusro ko bhi aise kamo se rokna. Apne ko gunaaho se roke rakhne wale bando ko ALLAH TA'ALA duniya ki mushkilaat se bachayega aur unse bachne ka raasta samjhayega aur jahannam ki aag se mahfooz rakhega. Masnad Ahmad me hai ke Aap Sallallahu Alaihi Wasallam ne farmaya, "sari duniya wale milkar bhi tera kuchh bigaadna chahe, nuqsan pahuchana chahe to kuchh na bigaad sakte hai aur na nuqsan pahucha sakte hai aur na hi tera kuchh bana sakte hai kyuke ye sab milkar sirf utna hi nafa' ya nuqsan pahucha sakte hai jitna ALLAH TA'ALA ne likh diya hai." Isliye hum sab ko ALLAH ke ahkaam ki hifazat karna chahiye aur gunaaho se bachne ki puri koshish karna chahiye. ALLAH hum sab ko duniya aur aakhirat ki sabhi mushkilo se mahfooz rakhe. AMEEN

09/10/2015

Ilm ke liye dua

Hazrat Anas radhi ALLAH anhu se marwi hai ke rasul ALLAH Sallallahu Alaihi Wasallam ye dua farmaya karte the --

ALLAHUMMA ANFA'ANI BIMA A'LLAMTANI WA A'LLAMNI MA YANFAO'NI WARZUQNI I'LMAN YANFAO'NI

(Ae ALLAH! Jo ilm tune mujhe ata farmaya hai use mere liye naafe' bana de aur mujhe aisa ilm ata farma jo mere liye nafa' bakhsh ho aur mujhe nafa' wala ilm de)

Ise Nasaai aur Haakim ne riwayt kiya hai
Bulugh almaram h (2/1356)

NOTE

Is hadis se malum hua ALLAH TA'ALA se aise ilm ki dua karna chahiye jo duniya aur aakhirat dono me munafa bakhsh ho. Naafe' ilm woh ilm hai jisse eimaan me aur amal me izafa ho. Musalmano ko deeni ta'aleem aur dunyawi ta'aleem dono haasil karna chahiye taake duniya aur aakhirat dono jagah kaamyabi haasil kar sake. Lekin deeni ta'aleem haasil karna aur deen ka ilm phailana sabse pahla maqsad hona chahiye. ALLAH hum sab musalmano ko zyada se zyada nafa' dene wala ilm haasil karne ki taufeeq de. AMEEN

08/10/2015

" INSAAN KI TABAHI KI 3⃣ BAATE HAIN....

1⃣ " TAUBA KI UMMEED PAR GUNAH KARNA...

2⃣ " ZINDGAI KI UMMEED PAR TAUBA NA KARNA...

3⃣ " TAUBA KE BAGAIR REHAMAT KI UMMEED RAHKNA..

01/10/2015

Ajka Noujawan Cigrette P*e P*e Ke Itna Thakela Ho Gaya Hai--100 Mtr Bhag Bhi Nai Sakta !
Ab Ye Thakela Ummat Ke Liye Kya Karenga!

Shamid Ali

23/09/2015

Mere Aqa Do Jahaan Salallahu Alaihiw Sallam Par Namaz Mauf Nahi Thi !
To Tu Kaunse Paid Ka Patta Hai??

Shamid ali

11/09/2015