ASGDA All Sikkim Government Drivers Associations

21/05/2026

प्रेस विज्ञप्ति
अखिल सिक्किम सरकारी वाहन चालक संगठन
मुख्यालय : ताशी लिङ सेक्रेटेरियट, गान्तोक
मिति : २१/०५/२०२६
हालै सामाजिक सञ्जालमार्फत मिस्टर जोजो नामक व्यक्तिद्वारा सरकारी वाहनको दुरुपयोग तथा सरकारी चालकहरूलाई घरेलु कार्यमा लगाइने विषयलाई लिएर “सरकारले केही गरेको छैन” भन्दै झट्टै नयाँ नोटिफिकेशन निकाल्नुपर्ने भनी सार्वजनिक रूपमा दिएको अभिव्यक्तिप्रति अखिल सिक्किम सरकारी वाहन चालक संगठनको गम्भीर ध्यानाकर्षण भएको छ।
यस सम्बन्धमा सम्पूर्ण तथ्य र वास्तविकता स्पष्ट पार्न चाहन्छौं कि अखिल सिक्किम सरकारी वाहन चालक संगठनले सरकारी साधनको दुरुपयोग, अनधिकृत व्यक्तिद्वारा सरकारी गाडी चलाउने कार्य तथा चालकहरूको मर्यादा र सुरक्षासँग जोडिएका विषयलाई लिएर मिति २३/०९/२०२४ मा तत्कालीन मुख्य सचिव, सिक्किम सरकार समक्ष आधिकारिक रूपमा लिखित पत्राचार गरेको थियो।
सोही पत्रमा उठाइएका विषय र संगठनको मागलाई गम्भीरतापूर्वक ग्रहण गर्दै सिक्किम सरकार, गृह विभागले मिति ३०/०९/२०२४ मा आधिकारिक सर्कुलर जारी गरी सरकारी वाहनको प्रयोग सम्बन्धमा कडा निर्देशन तथा स्पष्ट आदेश जारी गरिसकेको कुरा सम्पूर्णमा जानकारी गराउन चाहन्छौं। उक्त सर्कुलरमा सरकारी वाहनको दुरुपयोग रोक्न, अनधिकृत व्यक्तिद्वारा वाहन सञ्चालनमा प्रतिबन्ध लगाउन, चालकबाहेक अन्य व्यक्तिद्वारा सरकारी वाहन प्रयोग भए कारबाही गरिने लगायतका महत्वपूर्ण प्रावधानहरू स्पष्ट रूपमा उल्लेख गरिएको छ।
यसर्थ, कुनै पनि विषयमा अध्ययन, अनुसन्धान तथा आधिकारिक तथ्य नबुझी सामाजिक सञ्जालमार्फत गैरजिम्मेवार ढंगले बयान दिँदै वर्षौँदेखि अधिकारी वर्ग र सरकारी वाहन चालक वर्गबीच कायम रहेको नङ र मासुको सम्बन्धलाई बिथोल्ने प्रयास गर्नु अत्यन्त दुर्भाग्यपूर्ण र गैरजिम्मेवार कार्य भएको संगठन ठहर गर्दछ।
यदि कसैसँग सरकारी वाहनको दुरुपयोग, चालकमाथि अन्याय वा घरेलु कार्यमा बाध्य पारिएको सम्बन्धी कुनै ठोस प्रमाण, तथ्य वा आधिकारिक विवरण छ भने त्यसलाई सार्वजनिक गर्न वा सम्बन्धित निकाय तथा संगठनमा पेश गर्न सकिन्छ। तर कसैले फोन गरेर सुनाएको भरमा, कुनै अनुसन्धान नगरी, वास्तविकता नबुझी सामाजिक सञ्जालमा सार्वजनिक रूपमा आरोप लगाइनु उचित होइन।
हामी स्पष्ट रूपमा भन्न चाहन्छौं कि सरकारी वाहन चालकहरूको धेरैजसो समस्या र गुनासाहरू हाम्रा आदरणीय तथा वरिष्ठ अधिकारी वर्गबाटै समाधान हुँदै आएका छन्। गम्भीर विषयहरूमा सरकार स्वयंले आवश्यक कदम चाल्दै आएको छ। त्यसैले संवेदनशील विषयहरूमा सम्पूर्ण अध्ययन गरेर मात्र सार्वजनिक अभिव्यक्ति दिन सम्पूर्ण सरकारी वाहन चालक संगठनको तर्फबाट सम्बन्धित व्यक्ति लाई आग्रह गर्दछौं।
साथै, कुनै चालक वर्गलाई वास्तवमै अन्याय, अत्याचार वा कार्यस्थलमा अपमानजनक व्यवहार भइरहेको छ भने सम्बन्धित चालकहरूले आफ्नो गुनासो सामाजिक सञ्जालमा प्रचार गर्नुको सट्टा संगठनमा लिखित रूपमा बुझाउन सक्नुहुनेछ। संगठन सदैव चालकहरूको हक, अधिकार, सम्मान र सुरक्षाको पक्षमा दृढतापूर्वक उभिएको छ र आगामी दिनहरूमा पनि रहनेछ।
जथाभावी सामाजिक सञ्जालमा बोल्ने व्यक्तिहरूलाई कुनै अध्ययन वा तथ्यगत पुष्टि नगरी भ्रामक विषयवस्तु उपलब्ध गराउने कार्य पनि गैरजिम्मेवारपूर्ण भएको संगठन ठहर गर्दछ। यस प्रकारका गतिविधिहरूले भविष्यमा सरकारी चालकहरूको कार्यसम्पादन, संगठनात्मक समन्वय तथा अधिकारी–चालक सम्बन्धमा नकारात्मक असर पार्न सक्ने भएकाले सम्पूर्ण चालक वर्गलाई सचेत तथा खबरदारी गराइन्छ।
यसैले, यदि कुनै समस्या, अन्याय वा गुनासो छ भने सिधै संगठनलाई सम्पर्क गर्न सम्पूर्ण सरकारी वाहन चालक दाजुभाइ तथा दिदीबहिनीहरूलाई अनुरोध गर्दछौं। अनावश्यक सामाजिक सञ्जाल प्रचार, अपुष्ट आरोप तथा गैरजिम्मेवार अभिव्यक्तिले समाधानभन्दा बढी विभाजन सिर्जना गर्ने भएकाले यस्ता गतिविधिबाट टाढा रहन सबैमा अनुरोध गरिन्छ।
अन्त्यमा, अखिल सिक्किम सरकारी वाहन चालक संगठन सदैव सरकारी वाहन चालकहरूको सम्मान, अधिकार, सुरक्षा तथा मर्यादाको पक्षमा एकजुट भएर उभिने प्रतिबद्धता व्यक्त गर्दछ।
छोपेल दोर्जी भोटिया
( अध्यक्ष)
अखिल सिक्किम सरकारी वाहन चालक
संघ गान्तोक, सिक्किम।

14/04/2026

नयाँ वर्ष २०८३ को हार्दिक मंगलमय शुभकामना
नयाँ वर्षले तपाईंको जीवनमा नयाँ खुशी, नयाँ आशा र अनगिन्ती सफलताका किरणहरू ल्याओस्। बितेका सबै दुःख–कष्टहरू टाढा हुँदै जाऊन् र हरेक दिन मुस्कानले भरियोस्।
तपाईं र तपाईंको परिवारमा सधैं स्वास्थ्य, शान्ति, समृद्धि र खुशीको बास रहोस्। नयाँ वर्षले तपाईंका सबै सपना पूरा गर्ने शक्ति र हौसला प्रदान गरोस्।
शुभकामना सहित
अखिल सिक्किम सरकारी वहनचालक संघ।
गान्तोक।

19/03/2026

18/03/2026

अखिल सिक्किम सरकारी कर्मचारी संगठन (समूह सि तथा डि) को निर्वाचनमा मलाई विश्वास गरी अध्यक्ष पदमा निर्वाचित गरिदिनुहुने सम्पूर्ण कर्मचारी सदस्यहरूप्रति म हार्दिक आभार व्यक्त गर्दछु। साथै संगठनका विभिन्न पदमा निर्वाचित सम्पूर्ण प्रतिनिधि साथीहरूलाई हार्दिक बधाई ज्ञापन गर्दछु।

हामी सबैको साझा प्रयास, सहकार्य र जिम्मेवारीका कारण झण्डै 20 वर्षपछि अखिल सिक्किम सरकारी कर्मचारी संगठनको निर्वाचन सम्भव हुन सकेको छ। प्रजातान्त्रिक ढंगबाट निर्वाचन सम्पन्न हुनु नै समूह सि र डि अन्तर्गत पर्ने सम्पूर्ण कर्मचारीहरूको सामूहिक जीत हो।

संगठनद्वारा आयोजना गरिएको निर्वाचन प्रक्रियामा सहभागी भई प्रतिस्पर्धा गर्नुहुने सम्पूर्ण कर्मचारी सदस्यहरूप्रति म हार्दिक धन्यवाद व्यक्त गर्दछु।
निर्वाचनमा सहभागिता पछि कसैको जीत र कसैको हार स्वाभाविक हुन्छ। तर निर्वाचनलाई केवल जीत-हारको सीमामा मात्र सीमित नराखी अब संगठन अन्तर्गत पर्ने सम्पूर्ण कर्मचारीको हित, हक र अधिकारका लागि एकजुट भई काम गर्नु हाम्रो साझा दायित्व हो। हिजोसम्म निर्वाचनका क्रममा हामी एक–अर्काका प्रतिस्पर्धी थियौं भने आज निर्वाचन सम्पन्न भइसकेपछि अब हामी सबै कर्मचारीको साझा हितका लागि एक भएर अघि बढ्नु आवश्यक छ। आउनुहोस्, अब संगठनको मजबुती र कर्मचारीको हितका लागि मिलेर काम गरौं।

लामो समयपछि सम्पन्न भएको यस ऐतिहासिक निर्वाचनलाई सफलतापूर्वक सम्पन्न गराउन प्रत्यक्ष तथा अप्रत्यक्ष रूपमा सहयोग पुर्‍याउनुहुने सम्पूर्णप्रति म निर्वाचित अध्यक्षको हैसियतले हार्दिक आभार व्यक्त गर्दछु। निर्वाचनलाई व्यवस्थित, मर्यादित तथा सरकारी कर्मचारीको अनुशासनको दायराभित्र रही सफल बनाइदिनुहुने निर्वाचन समितिका सम्पूर्ण सदस्यहरू धन्यवादका पात्र हुनुहुन्छ। साथै निर्वाचन सम्पन्न गराउन गठित तदर्थ समितिले निर्वाह गर्नुभएको जिम्मेवारीप्रति पनि म आभारी छु।

संगठनको निर्वाचन आवश्यक छ भन्ने बोधका साथ सदस्यता नवीकरण तथा नयाँ सदस्यता ग्रहण गर्नुहुने कर्मचारी मित्रहरू, मतदानमा सहभागी सदस्यहरू तथा निर्वाचन प्रतिस्पर्धामा उत्रिनुहुने सबैप्रति म हार्दिक धन्यवाद व्यक्त गर्दछु। अध्यक्ष पदमा उम्मेदवारी दिने निर्णयदेखि लिएर शुरुदेखि अन्त्यसम्म टिमका रूपमा साथ दिई खटिनुहुने निर्वाचित साथीहरूलाई बधाई ज्ञापन गर्दछु। साथै निर्वाचनमा जीत हासिल गर्न नसक्नु भएका साथीहरूलाई आगामी दिनका लागि हार्दिक शुभकामना व्यक्त गर्दछु। हामी सबै जित्ने र पराजित हुने एकै संगठनका सदस्य हौं र संगठनको सर्वोच्च हितमा एकसाथ खटिनेछौं भन्नेमा म पूर्ण विश्वस्त छु।

निर्वाचन प्रचारका क्रममा विभिन्न स्थानमा कार्यक्रम आयोजना गर्न सहयोग गर्नुहुने कर्मचारी साथीहरू, विभिन्न संघ-संस्थाका प्रतिनिधिहरू, अखिल सिक्किम सरकारी वाहन चालक संघका अध्यक्ष तथा कार्यकारिणी समितिका सम्पूर्ण सदस्यहरू, चालक कल्याण बोर्डका अध्यक्ष तथा अन्य सहयोगी साथीहरू, चालक मोर्चीका अध्यक्ष , संयोजक तथा सम्पूर्ण सदस्य , सबै सिक्किमभरिका सारथी संगठनहरूका अध्यक्ष उपाध्यक्ष महासचिव लगायत सम्पूर्ण साराथी साथी दाजुभाईहरु, संगठन अन्तर्गतका विभिन्न विभाग तथा क्याडर आधारित संघ-संगठनका अध्यक्ष एवं सम्पूर्ण कर्मचारी मित्रहरू, साथै निर्वाचन प्रक्रियामा सहभागी हुन सहज वातावरण प्रदान गर्नुहुने विभाग प्रमुख तथा उच्चस्तरीय अधिकारीहरूलाई म आन्तरिक हृदयबाट धन्यवाद व्यक्त गर्दछु।

खुला, निष्पक्ष र सौहार्दपूर्ण वातावरणमा संगठनको निर्वाचन आयोजना हुनसक्ने माहोल सिर्जना गरिदिनु भएकोमा म सिक्किम सरकारप्रति हार्दिक आभार व्यक्त गर्दछु। यसैगरी सधैं कर्मचारीमैत्री भावना राख्नुहुने सम्माननीय मुख्यमन्त्री श्रीमान प्रेम सिंह तामाङप्रति पनि हामी निर्वाचित प्रतिनिधि तथा संगठनको तर्फबाट सर्वोच्च सम्मानसहित धन्यवाद ज्ञापन गर्दछौं।

हाम्रो निर्वाचनलाई विशेष चासोका साथ निरन्तर मिडिया कभरेज प्रदान गर्नुहुने सम्पूर्ण पत्रकार मित्रहरू तथा मिडिया हाउसप्रति पनि हार्दिक धन्यवाद व्यक्त गर्दछु। तपाईंहरू सबैको सहयोग, सद्भाव र समर्थनकै कारण म अखिल सिक्किम सरकारी कर्मचारी संगठनको अध्यक्ष पदमा निर्वाचित हुन सफल भएको हुँ। त्यसैले यो जीत सम्पूर्ण सहयोगी, समर्थक तथा कर्मचारी साथीहरूप्रति समर्पित गर्दछु।

आगामी दिनमा पनि निर्वाचित प्रतिनिधिहरूको कार्यालयलाई सबै कर्मचारीको हितमा प्रभावकारी रूपमा सञ्चालन गर्न तपाईंहरूको निरन्तर सहयोग, सुझाव र मार्गदर्शन प्राप्त हुने विश्वासका साथ सबैप्रति कोटि-कोटि नमन।

सोमनाथ अधिकारी
अध्यक्ष , अखिल सिक्किम सरकारी कर्मचारी संगठन (समूह सि अनि डि)

16/03/2026

VICTORY

16/03/2026

TODAY IS THE DAY. Vote For Som Nath Adhikari & Team. Support Leadership, Support Unity!

In today’s All Sikkim Government Employees Association (C & D) Election 2026, extend your valuable support to Som Nath Adhikari for the post of Chairman, along with his dedicated and dynamic team.

With a vision of unity, transparency, and stronger representation for all C & D employees, the team is committed to working for the welfare, dignity, and rights of government employees across Sikkim.

Our Team:
• Suraj Kumar Limboo – Vice Chairman
• Abhishek Kharel – General Secretary
• Bhim S***a – Treasurer
• Gautam Tamang – Publicity Secretary
• Arun Kumar Gajmer – Joint General Secretary
• Manita Gurung – Assistant Treasurer
• Kabita Pradhan – Coordination Secretary
• Tenzing Tashi Bhutia – Office Secretary

“Coming together is a beginning, staying together is progress, and working together is success.”

Vote for Som Nath Adhikari & Team
For a stronger, united and progressive employees’ association.

Your vote, your voice, your future.

15/03/2026

🗳️ Vote for Shri Som Nath Adhikari & Team.
Shri Som Nath Adhikari sharing his and his team’s vision and commitments for stronger representation and employee welfare in the meeting at Gangtok ahead of the All Sikkim Government Employees Association (C & D) Election 2026, where Shri Som Nath Adhikari & Team met with fellow government employees and shared their vision and commitments for stronger representation and employee welfare.

🗓️ Election Date: 16 March 2026

Let us move forward together.

🗳️ Vote for Shri Som Nath Adhikari & Team

15/03/2026

Vote for Som Nath Adhikari & Team

15/03/2026

A glimpse from the final meeting at Gangtok ahead of the All Sikkim Government Employees Association (C & D) Election 2026, where Shri Som Nath Adhikari & Team met with fellow government employees and shared their vision and commitments for stronger representation and employee welfare.

🗓️ Election Date: 16 March 2026

Let us move forward together.

🗳️ Vote for Shri Som Nath Adhikari & Team