28/07/2026
উজনি অসমৰ ভয়াবহ বান পৰিস্থিতিক লৈ অসম বিধানসভাত এ আই ইউ ডি এফৰ বিধায়ক মজিবুৰ ৰহমানে আগবঢ়োৱা এক গুৰুত্বপূৰ্ণ বক্তব্যৰ কিয়দংশ।
নিজৰ বক্তব্যত বিধায়ক মজিবুৰ ৰহমানে উজনি অসমৰ বানাক্ৰান্ত জনতাৰ দুৰ্দশা, ক্ষতি আৰু দৈনন্দিন জীৱনত সৃষ্টি হোৱা চূড়ান্ত সংকটৰ বিষয়সমূহ সদনত সবিস্তাৰে উত্থাপন কৰে। লগতে বান পৰিস্থিতি মোকাবিলাত চৰকাৰৰ ব্যৰ্থতাৰ কথাও স্পষ্টভাৱে উল্লেখ কৰি প্ৰয়োজনীয় আৰু ফলপ্ৰসূ ব্যৱস্থা গ্ৰহণৰ দাবী জনায়।
এই দুৰ্যোগৰ সময়ত বানাক্ৰান্ত লোকসকলৰ সহায়ৰ বাবে আগবাঢ়ি অহা সকলো ব্যক্তি, স্বেচ্ছাসেৱী সংগঠন আৰু সামাজিক প্ৰতিষ্ঠানক আন্তৰিক ধন্যবাদ জ্ঞাপন কৰে বিধায়কগৰাকীয়ে।
উল্লেখযোগ্য যে, এ আই ইউ ডি এফৰ সন্মানীয় সভাপতি তথা বিন্নাকান্দি সমষ্টিৰ মাননীয় বিধায়ক মৌলানা বদৰুদ্দিন আজমলে আৰম্ভণিৰ পৰাই স্বয়ং উজনি অসমত উপস্থিত থাকি বানপীড়িত ৰাইজৰ মাজত খাদ্য, অত্যাৱশ্যকীয় সামগ্ৰী আৰু আৰ্থিক সাহায্য বিতৰণ কৰি আহিছে। নিজৰ বক্তব্যত বিধায়ক মজিবুৰ ৰহমানে এই মানৱীয় পদক্ষেপৰ বাবে মৌলানা বদৰুদ্দিন আজমলক বিশেষভাৱে ধন্যবাদ জ্ঞাপন কৰে।
