Goalpara District Administration, Assam

05/08/2026

📌লোকপ্ৰিয় গোপীনাথ বৰদলৈদেৱৰ পুণ্য তিথি উপলক্ষে - লোক কল্যাণ দিৱস আয়োজন

🔼 জিলা প্ৰশাসনৰ নাজিৰ শ্ৰী ভুৱন প্ৰসাদ ৰাভাক অসম চৰকাৰৰ লোক সেৱা বঁ‌টা প্ৰদান


লোকপ্ৰিয় গোপীনাথ বৰদলৈদেৱৰ পুণ্য তিথি উপলক্ষে আজি গোৱালপাৰা জিলা প্ৰশাসনে জিলা আয়ুক্তৰ কাৰ্যালয়ৰ সভাগৃহত লোক কল্যাণ দিৱস উদযাপন কৰে। অনুষ্ঠানৰ আৰম্ভণিতে
গোৱালপাৰাৰ জিলা আয়ুক্ত শ্ৰী প্ৰদীপ টিমুং মহোদয়ে বন্তি প্ৰজ্বলন কৰি লোকপ্ৰিয় গোপীনাথ বৰদলৈদেৱৰ প্ৰতি শ্ৰদ্ধাঞ্জলি জ্ঞাপন কৰে।
লোকসেৱা, সততা, নিষ্ঠা আৰু কৰ্মদক্ষতাৰ স্বীকৃতি হিচাপে পালন কৰা লোক কল্যাণ দিৱসৰ এই অনুষ্ঠানতে অসম চৰকাৰে লোক সেৱা বঁ‌টা আগবঢ়োৱা জিলা আয়ুক্ত কাৰ্যালয়ৰ নাজিৰ শ্ৰী ভুবন ৰাভাক সম্বৰ্ধনা জনোৱা হয়। শ্ৰী ভুৱন ৰাভাক তেওঁৰ নিষ্ঠাবান সেৱা, কৰ্মদক্ষতা আৰু জনসাধাৰণৰ কল্যাণৰ বাবে আগবঢ়োৱা উল্লেখযোগ্য অৱদানৰ স্বীকৃতি স্বৰূপে "লোক কল্যাণ বঁটা" প্ৰদান কৰা হয়।

আজিৰ অনুষ্ঠানটোত জিলা আয়ুক্ত মহোদয়ৰ লগতে জিলা উন্নয়ন আয়ুক্ত শ্ৰী প্ৰনৱ কুমাৰ বৰা আৰু অতিৰিক্ত জিলা আয়ুক্ত শ্ৰী দৰ্শনা চেতিয়াই লোকপ্ৰিয় গোপীনাথ বৰদলৈদেৱৰ কৰ্মজীৱন তথা ৰাজনৈতিক দক্ষতাৰ বিষয়ে বক্তৃতা প্ৰদান কৰে। অতিৰিক্ত জিলা আয়ুক্ত শ্ৰী নিৰ্মালি বৰুৱা, শ্ৰীজগদীশ ব্ৰহ্ম আৰু শ্ৰীদীপমালা গোৱালা, নিৰ্বাচনী বিষয়া শ্ৰী পল্লৱী বৰা, সহকাৰী আয়ুক্ত শ্ৰী নিশামণি কলিতা, শ্ৰী অনুপম দাস, শ্ৰী জিন্তু বৰা আদিৰ লগতে কেবাটাও বিভাগৰ জিলা মুৰব্বী বিষয়া আৰু জিলা প্ৰশাসনৰ কৰ্মচাৰীসকল উপস্থিত থাকে।

অনুষ্ঠানত জিলা আয়ুক্ত শ্ৰী প্ৰদীপ টিমুং মহোদয়ে উল্লেখ কৰে যে- অসম চৰকাৰে আমাৰ কাৰ্যালয়ৰ এগৰাকী কৰ্মচাৰীক প্ৰদান কৰা এই বঁ‌টাই কেৱল কৰ্মচাৰীগৰাকীৰ ব্যক্তিগত সাফল্যকেই স্বীকৃতি নিদিয়ে, বৰঞ্চ চৰকাৰী সেৱাত সততা, দায়বদ্ধতা আৰু জনমুখী কৰ্মসংস্কৃতিকো উৎসাহিত কৰে।

অনুষ্ঠানত উপস্থিত অন্যান্যসকলেও বঁ‌টাপ্ৰাপক গৰাকীক অভিনন্দন জ্ঞাপন কৰে ।

CMO Assam
Himanta Biswa Sarma
Jayanta Mallabaruah
Directorate of Information and Public Relations, Assam

03/08/2026

01/08/2026

⭕গোৱালপাৰাত ছাত্ৰী জিৰণি কোঠা নিৰ্মাণৰ বাবে NTEC আৰু গোৱালপাৰা জিলা প্ৰশাসনৰ মাজত চুক্তি সম্পন্ন

🔼North East Transmission Company Ltd ( NETC) -য়ে গোৱালপাৰা গাৰ্লছ ছিনিঅৰ চেকেণ্ডাৰী স্কুলত এটি ছাত্ৰী জিৰণি কোঠা ( Girls' Common Room) নিৰ্মাণ কৰি দিয়াৰ বাবে আগবাঢ়ি আহিছে। আজি ইয়াৰ বাবে গোৱালপাৰাৰ জিলা আয়ুক্ত শ্ৰী প্ৰদীপ টিমুং আৰু কোম্পানীটোৰ গুৱাহাটীৰ উপ প্ৰবন্ধক শ্ৰী জ্যোতিৰ্ময় বৰ্মনৰ মাজত এখন চুক্তি সম্পাদন হয়। নৰ্থ ইষ্ট ট্ৰেন্সমিছন কোম্পানী লিমিটেডৰ ২০২৬-২৭ বিত্তীয় বৰ্ষৰ সামাজিক দায়বদ্ধ পুঁ‌জিৰ ( CSR Fund) ধনেৰে গোৱালপাৰা গাৰ্লছ ছিনিঅৰ চেকেণ্ডাৰী স্কুলত এটি টয়লেট সুবিধাৰ সৈতে ছাত্ৰী জিৰণি কোঠা নিৰ্মাণ কৰি দিয়াৰ বাবে আজি চুক্তিত স্বাক্ষৰ কৰে। উক্ত কামটোৰ বাবে কোম্পানীটোৱে ৩০ লাখ ২৫ হাজাৰ টকা মঞ্জুৰ কৰিছে। চুক্তিখন সম্পাদন কৰাৰ সময়ত শিক্ষানুষ্ঠানটোৰ দুগৰাকী প্ৰতিনিধি উপস্থিত থাকে।

CMO Assam
Office of Himanta Biswa Sarma
Jayanta Mallabaruah
Directorate of Information and Public Relations, Assam

01/08/2026

🔼কাইলৈ ২ আগষ্টৰ পৰা গোৱালপাৰা জিলাতো আৰম্ভ হ'ব জনগণনা ২০২৭ৰ স্ব-গণনা (Self-Enumeration)

🔼 আজিৰ পৰা জনগণনাকাৰীৰ প্ৰশিক্ষণ আৰম্ভ

ভাৰতৰ জনগণনা-২০২৭ৰ বাবে গৃহ তালিকাকৰণ আৰু জনগণনা সুচাৰুৰূপে সম্পন্ন কৰাৰ উদ্দেশ্যে গোৱালপাৰা জিলাত নিযুক্ত কৰা জনগণনাকাৰীসকলক ( Enumerator) আজিৰ পৰা প্ৰশিক্ষণ প্ৰদান কৰি থকা হৈছে। গোৱালপাৰা জিলাৰ বালিজানা, মাটিয়া, দুধনৈ, ৰংজুলি আৰু লক্ষীপুৰ ৰাজহ চক্ৰত আজিৰে পৰা তিনিদিনীয়া জনগণনা প্ৰশিক্ষণ প্ৰদান আৰম্ভ কৰা হৈছে।

গোৱালপাৰা জিলাত জনগণনা পৰ্বটো নিৰ্ভুল, সহজ আৰু ক্ষীপ্ৰতাৰে সম্পন্ন কৰাৰ বাবে জনগণনাত নিযুক্ত হোৱা বিষয়া-কৰ্মচাৰী - শিক্ষক আটাইকে জনগণনাৰ প্ৰশিক্ষণ গাফিলতি নকৰাকৈ গ্ৰহণ কৰাৰ বাবে জিলা আয়ুক্ত শ্ৰী প্ৰদীপ টিমুং মহোদয়ে নিৰ্দেশ দিছে।
লগতে আগন্তুক জনগণনা কাৰ্য আমাৰ জিলাখনত সুচাৰুৰূপে সম্পন্ন কৰাৰ ক্ষেত্ৰত সকলো চৰকাৰী বিষয়া- কৰ্মচাৰী- শিক্ষকৰ লগতে গোৱালপাৰা জিলাবাসীৰ সহায় সহযোগিতা কামনা কৰিছে।

🇮🇳জনগণনা ২০২৭ৰ প্ৰথম পৰ্যায়ৰ অন্তৰ্গত স্ব-গণনা (Self-Enumeration) কাৰ্যসূচী কাইলৈ ২ আগষ্টৰ পৰা আৰম্ভ হব আৰু এয়া ১৬ আগষ্ট ২০২৬লৈ চলিব। এই সময়ছোৱাত প্ৰতিটো পৰিয়ালে se.census.gov.in প'ৰ্টেলৰ জৰিয়তে অনলাইনযোগে নিজৰ পৰিয়ালৰ জনগণনাৰ তথ্য নিজেই দাখিল কৰিব পাৰিব।

এই ব্যৱস্থাই জনগণনাক অধিক সহজ, দ্ৰুত, স্বচ্ছ আৰু ডিজিটেলভাৱে সম্পন্ন কৰাত সহায় কৰিব।

গোৱালপাৰা জিলা প্ৰশাসনৰ প্ৰধান লোকপিয়ল বিষয়া ( Principal Census Officer ) তথা জিলা আয়ুক্ত শ্ৰী প্ৰদীপ টিমুং মহোদয়ে জিলাবাসীক এই স্ব-গণনা কাৰ্যসূচীত সক্ৰিয়ভাৱে অংশগ্ৰহণ কৰি সময়মতে নিজৰ তথ্য অনলাইনযোগে দাখিল কৰিবলৈ আন্তৰিকতাৰে আহ্বান জনাইছে।

CMO Assam
Jayanta Mallabaruah
Himanta Biswa Sarma
Directorate of Information and Public Relations, Assam

01/08/2026

01/08/2026

📌 CENSUS_GOALPARA

⭕Self-Enumeration for Census 2027 to Begin Tomorrow, 2 August

🇮🇳 The Self-Enumeration process under the first phase of Census 2027 will commence tomorrow, 2 August, and will continue until 16 August 2026.

🇮🇳 During this period, every household can submit its census details online through the se.census.gov.in portal.

🇮🇳 This initiative will make the census process simpler, faster, more transparent, and digitally enabled.

🙏🏽 Shri Pradeep Timung, Principal Census Officer, Goalpara, and District Commissioner, has appealed to all residents of the district to actively participate in the Self-Enumeration process and submit their household information online within the stipulated time.

🇮🇳 For the convenience of citizens, the Self-Enumeration User Guide and Flow Chart have been attached. These documents provide step-by-step guidance to help users complete the entire process with ease.

🇮🇳 The active participation and cooperation of every citizen will play a vital role in ensuring the successful implementation of Census 2027 in Goalpara district.

CMO Assam
Himanta Biswa Sarma
Jayanta Mallabaruah
Directorate of Information and Public Relations, Assam

01/08/2026

📌 কাইলৈ ২ আগষ্টৰ পৰা আৰম্ভ হ'ব জনগণনা ২০২৭ৰ স্ব-গণনা (Self-Enumeration)

🇮🇳জনগণনা ২০২৭ৰ প্ৰথম পৰ্যায়ৰ অন্তৰ্গত স্ব-গণনা (Self-Enumeration) কাৰ্যসূচী কাইলৈ ২ আগষ্টৰ পৰা আৰম্ভ হব আৰু এয়া ১৬ আগষ্ট ২০২৬লৈ চলিব।

🇮🇳এই সময়ছোৱাত প্ৰতিটো পৰিয়ালে se.census.gov.in প'ৰ্টেলৰ জৰিয়তে অনলাইনযোগে নিজৰ পৰিয়ালৰ জনগণনাৰ তথ্য নিজেই দাখিল কৰিব পাৰিব।

🇮🇳এই ব্যৱস্থাই জনগণনাক অধিক সহজ, দ্ৰুত, স্বচ্ছ আৰু ডিজিটেলভাৱে সম্পন্ন কৰাত সহায় কৰিব।

🙏🏽🙏🏽গোৱালপাৰা জিলা প্ৰশাসনৰ প্ৰধান লোকপিয়ল বিষয়া ( Principal Census Officer ) তথা জিলা আয়ুক্ত শ্ৰী প্ৰদীপ টিমুং মহোদয়ে জিলাবাসীক এই স্ব-গণনা কাৰ্যসূচীত সক্ৰিয়ভাৱে অংশগ্ৰহণ কৰি সময়মতে নিজৰ তথ্য অনলাইনযোগে দাখিল কৰিবলৈ আন্তৰিকতাৰে আহ্বান জনাইছে।

🇮🇳নাগৰিকসকলৰ সুবিধাৰ্থে "স্ব-গণনাৰ ব্যৱহাৰকাৰী নিৰ্দেশিকা" (User Guide) আৰু কাৰ্যপ্ৰবাহ (Flow Chart) ইয়াত সংলগ্ন কৰা হৈছে, যাৰ সহায়ত ধাপে ধাপে সমগ্ৰ প্ৰক্ৰিয়াটো সহজে সম্পন্ন কৰিব পাৰিব।

🇮🇳সকলো নাগৰিকৰ সক্ৰিয় সহযোগিতাই আমাৰ গোৱালপাৰা জিলাত জনগণনা ২০২৭ সফল কৰি তোলাত বিশেষ ভূমিকা পালন কৰিব।

CMO Assam
Himanta Biswa Sarma
Jayanta Mallabaruah
Directorate of Information and Public Relations, Assam
Goalpara Police

31/07/2026

📢 PUBLIC ANNOUNCEMENT: CENSUS 2027: SELF-ENUMERATION 📢

The Self-Enumeration process for the upcoming Census 2027 is set to commence from 2nd August.

Participate actively and make your count effortless by completing your details online through official digital portals.

🌐 Official Self-Enumeration Portal:

👉 https://se.census.gov.in/

📺 Instructional Video Playlist on YouTube can be found below:

https://www.youtube.com/playlist?list=PLX3J_t553_VPrLP4z0Uk57c_Skujmx1O4

CMO Assam
Himanta Biswa Sarma
Jayanta Mallabaruah
Directorate of Information and Public Relations, Assam
Goalpara Police

31/07/2026

📌গ্ৰন্থ উন্মোচনী সভা
"বিয়াল্লিছৰ ছহিদ নিধানুৰাম ৰাজবংশী"

⭕আজি গোৱালপাৰা জিলা আয়ুক্ত কাৰ্যালয়ৰ সভাকক্ষত "বিয়াল্লিছৰ ছহিদ নিধানুৰাম ৰাজবংশী" শীৰ্ষক গ্ৰন্থৰ উন্মোচনী সভা অনুষ্ঠিত হয়।

⭕গোৱালপাৰা জিলাৰ জিলা আয়ুক্ত শ্ৰীযুত প্ৰদীপ টিমুং মহোদয়ে বন্তি প্ৰজ্বলনেৰে অনুষ্ঠানৰ শুভাৰম্ভ কৰে।

⭕অনুষ্ঠানৰ আৰম্ভণিতে গ্ৰন্থখনৰ বিষয়বস্তু আৰু ১৯৪২ চনৰ ভাৰত ত্যাগ আন্দোলনত বিয়াল্লিছৰ ছহিদ নিধানুৰাম ৰাজবংশীৰ অৱদানৰ ওপৰত আলোকপাত কৰা হয়। ইয়াৰ পিছতে গ্ৰন্থখনৰ লিখক ড° নজৰুল ইছলামে গ্ৰন্থখন প্ৰস্তুত কৰাৰ পটভূমি, উদ্দেশ্য আৰু ঐতিহাসিক তাৎপৰ্য সম্পৰ্কে বক্তব্য আগবঢ়ায়।

⭕সভাত ভাষণ প্ৰদান কৰি জিলা আয়ুক্ত শ্ৰীযুত প্ৰদীপ টিমুং মহোদয়ে কয় যে, স্বাধীনতা সংগ্ৰামৰ বীৰ শ্বহীদসকলৰ ত্যাগ আৰু আদৰ্শ নতুন প্ৰজন্মৰ মাজত প্ৰচাৰ কৰাৰ ক্ষেত্ৰত এনে গ্ৰন্থ অতি মূল্যৱান সম্পদ। তেওঁ ইতিহাস সংৰক্ষণ আৰু স্থানীয় বীৰসকলৰ অৱদান লিপিবদ্ধ কৰাৰ বাবে গ্ৰন্থখনৰ লিখক আৰু সুৰভী সাহিত্য গোষ্ঠীক অভিনন্দন জ্ঞাপন কৰে।

⭕জিলা আয়ুক্ত শ্ৰীযুত প্ৰদীপ টিমুং মহোদয়ে আনুষ্ঠানিকভাৱে "বিয়াল্লিছৰ ছহিদ নিধানুৰাম ৰাজবংশী" গ্ৰন্থখন উন্মোচন কৰে।

⭕অনুষ্ঠানত সহকাৰী আয়ুক্ত আৰু ভাৰপ্ৰাপ্ত তথ্য আৰু জনসংযোগ বিষয়া শ্ৰী নিশা মনি কলিতা, সুৰভী সাহিত্য গোষ্ঠীৰ সদস্যবৃন্দ, সাহিত্যপ্ৰেমী, সংবাদ মাধ্যমৰ প্ৰতিনিধিসকলৰ লগতে বহু গণ্যমান্য ব্যক্তি উপস্থিত থাকে।

🔺উপস্থিত সকলোৱে গ্ৰন্থখনৰ প্ৰকাশে নিধানুৰাম ৰাজবংশীৰ ত্যাগ আৰু দেশপ্ৰেমৰ ইতিহাস অধিক বিস্তাৰভাৱে সমাজৰ আগত তুলি ধৰিব বুলি আশা ব্যক্ত কৰে।