03/06/2026
भारतीय गोर्खा प्रजातान्त्रिक मोर्चा, गोरुबथान, ४३ न.समष्टि, जोन-१ को सांगठनिक सभा:
हाम्रो मुद्धा "कर्म नै हाम्रो सिद्धान्त",
हाम्रो प्राथमिकता "जनता र क्षेत्र कल्याण"
हाम्रो प्रतिबद्धता "गोर्खे लक्ष्यको मार्ग निर्माण"
"शान्ती, विकाश, पिढिको सक्षमता र गोर्खे लक्ष्यको मार्ग निर्माण"
"सदैव जनताको साथमा थियौं, छौं र रहनेछौ"
#गोरुबथान (१/०६/२०२६) - गत दिनांक १/६/२०२६ सोमबारको दिन भारतीय गोर्खा प्रजातान्त्रिक मोर्चा, ४३ न.समष्टि, जोन-१का प्रतिनिधि लिएर एक अति महत्वपूर्ण सांगठनिक सभा सम्पन्न भयो।
विशेषरुपमा क्षेत्रीय सभासद आदरणिय रतन थापाज्युको उपस्थीतीमा सम्पन्न उक्त सभामा भारतीय गोर्खा प्रजातान्त्रिक मोर्चा समर्थक निर्वाचित पंचायत समिति कर्माध्यक्ष, प्रधान, उपप्रधान र सदस्यगणको उपस्थिती थियो। त्यसरी नै नारी शक्ति, युवा शक्तिका पदाधिकार अनि जोन-१ को विभिन्न शाखाबाट कार्यकर्ता लगायत पार्टीका सिनियर कार्यकर्ताहरुको विशेष उपस्थिती थियो।
सभामा चर्चाको विषयवस्तुहरू मध्ये ४३ न.समष्टि, जोन-१ समष्टि समितिलाई नविकरण गरेर नव समिति गठन गरीने निश्चय गरियो किनकि गत बर्षसम्म पार्टीको पदभारमा बसेका कतिपय पदाधिकारीहरुले सांगठनिक गतिविधि ठप्प पारेर पार्टिलाई विध्वंस पार्ने षड्यन्त्र गरेको भनक लागे पछि पार्टीको समष्टि स्तरीय समितिलाई भंग गरि कोडिनेशन समिति गठन गरेका थिए।
सभाको अर्को विषय भारतीय गोर्खा प्रजातान्त्रिक मोर्चा पहाडको एउटा सिंगो क्षेत्रीय सक्षम पार्टी भनेर यसपालीको विधानसभा चुनावले प्रमाणित गरेको र सिंगो पार्टीले क्षेत्रीयता कायम रहनुपर्छ भन्ने महान सोच भएका सभ्य अनि सचेत नागरिकले ४०% मत खसालेर एकताको उदाहरण प्रस्तुत गरेको सभासद महोदयले उपस्थित सबैलाई जानकारी गराए साथै भारतीय गोर्खा प्रजातान्त्रिक मोर्चाको कार्यप्रणालीले क्षेत्रीय साधारण जनताको हृदयमा विश्वास र भरोसा कायम राख्न सक्षम बनेको बताए। भारतीय गोर्खा प्रजातान्त्रिक मोर्चाले शान्ती र गणतन्त्र स्थापना गरेर पहाडको जनतालाई गोर्खे सक्षमताको उदाहरण पेश गरेको बताए।
राजीनमा दिएको विषयहरुलाई लिएर चर्चा गर्दा "ब्यक्ति विशेषको आ-आफ्नो सोच हुन्छ, गणतन्त्रको देशमा स्वतन्त्र भएर चल्नु सबैले पाउँछ। तर जतिले पनि राजीनमा दिए या त अन्य दलमा समर्थन गरे, वहाँहरुको केहि नौलो आपेक्षा हुनुपर्छ, या त वहाँहरुले भागोप्रमोबाट आशा हराएको हुनसक्छ, या त ब्यक्तिगत पद र वर्चस्व कायम राखेको हुनसक्छ, या त जता मुल्को उतै डल्कुको परिवेशबाट आएको हुनुसक्छ। तर भारतीय गोर्खा प्रजातान्त्रिक मोर्चाले जनता र क्षेत्र कल्याणको स्वार्थलाई प्राथमिकता दिएर संगठन गरिरहेको छ र नै निज स्वार्थ र ब्यक्तिगत लाभमा होमिने सजक व्यक्तित्वको धनीहरु अलिक छिटै अत्तालिएर राजीनामा दिए र कतिले दल परिवर्तन गरे भनेर उपस्थित सबैलाई बताए।
सभाको अन्तमा उपस्थित सबैलाई सम्बोधन गर्दै भने कि भारतीय गोर्खा प्रजातान्त्रिक मोर्चा "थिचोमिचो, दिशाहिन मार्ग, अराजकता, अशान्ती, झुट र ढाटको कुहिरोलाई पन्साउदै गोर्खे मानसम्मान, जन कल्याण, श्रेत्र विकाश, शान्तिमय पहाड र सबैको सहयोगले हाम्रो पहाड राम्रो पहाडको उदेश्यले जन्मेको हो।
त्यसर्थ, सरकारसित मिलेर जनकल्याणको कार्यलाई निरन्तर राख्ने, सदैव जनता र क्षेत्रको हक अधिकारलाई प्राथमिक्ता दिने, स्वास्थ्य, शिक्षा, रोजगार र क्षेत्रीयवादको पहललाई अघि बढाउँदै जनसेवालाई निरंतर दिने उपस्थित सबै समर्थकलाई आवहन गरे।
#प्रचारक - भारतीय गोर्खा प्रजातान्त्रिक मोर्चा, ४३ न.समष्टि, गोरुबथान।
