വീട്ടിക്കിഴി ഗോപാലകൃഷ്ണൻ സ്മാരക ട്രസ്റ്റ്

28/06/2026

വീട്ടിക്കിഴി ഗോപാലകൃഷ്ണൻ അനുസ്മരണം 2026

28/06/2026

ഗുരുവായൂർ നഗരസഭയുടെ പ്രഥമ വൈസ് ചെയർമാനും, രാഷ്ട്രീയ സാംസ്ക്കാരിക മാധ്യമ രംഗത്തെ നിറ സാന്നിദ്ധ്യവുമായിരുന്ന വീട്ടിക്കിഴി ഗോപാലകൃഷ്ണൻ്റെ ഇരുപത്തിരണ്ടാം ചരമ വാർഷികം വീട്ടിക്കിഴി ഗോപാലകൃഷ്ണൻ സ്മാരക ട്രസ്റ്റിൻ്റെ ആഭിമുഖ്യത്തിൽ ആചരിച്ചു.

ഇതോടനുബന്ധിച്ച് നടന്ന അനുസ്മരണ സമ്മേളനം അഡ്വ വി ടി ബൽറാം എം.എൽ.എ ഉദ്ഘാടനം ചെയ്തു. വീട്ടിക്കിഴി ഗോപാലകൃഷ്ണൻ സ്മാരക മാധ്യമ പുരസ്‌ക്കാരം ദീപിക-രാഷ്ട്ര ദീപിക ചാവക്കാട് ലേഖകൻ കെ.ടി വിൻസെൻ്റിന് സമ്മാനിച്ചു. പാലിയത്ത് ചിന്നപ്പൻ സ്മാരക പൊതു പ്രവർത്തക പുരസ്ക്കാരം പി.ഐ സൈമൺ മാസ്റ്റർക്കും, എ.പി മുഹമ്മദുണ്ണി സ്മാരക സഹകാരി പുരസ്ക്കാരം എറിയാട് സർവ്വീസ് സഹകരണ ബാങ്ക് പ്രസിഡണ്ട് പി.എസ് മുജീബ് റഹ്‌മാനും സമ്മാനിച്ചു.

മുൻ ഗുരുവായൂർ ദേവസ്വം ചെയർമാൻ ടി വി ചന്ദ്രമോഹൻ ഗുരുവായൂർ നഗരമേഖലയിൽ SSLC പ്ലസ് ടു പരീക്ഷകളിൽ മുഴുവൻ വിഷയങ്ങളിലും A+ നേടിയ വിദ്യാർത്ഥികളെയും എം.ജി യൂണിവേഴ്‌സിറ്റി B com ലോജിസ്റ്റിക്സ് പരീക്ഷയിൽ അഞ്ചാം റാങ്ക് കരസ്ഥമാക്കിയ എം ശ്രേയക്കും, സി.എ പരീക്ഷയിൽ ഉന്നത വിജയം നേടിയ കെ.എസ് അരുണിനേയും പുരസ്ക്കാരം നൽകി അനുമോദിച്ചു. മുസ്ലിം ലീഗ് സംസ്ഥാന വൈസ് പ്രസിഡണ്ട് സി.എച്ച് റഷീദ് ചികിത്സാ സഹായം വിതരണം ചെയ്തു. ട്രസ്റ്റ് പ്രസിഡൻ്റ് ആർ രവികുമാർ അദ്ധ്യക്ഷത വഹിച്ചു. കേരള നിയമസഭയിലേക്ക് വീണ്ടും തെരഞ്ഞെടുക്കപ്പെട്ട അഡ്വ വി.ടി ബൽറാമിന് ട്രസ്റ്റിന് വേണ്ടി വീട്ടിക്കിഴി ഗോപാലകൃഷ്ണൻ്റെ പേരകുട്ടി ഗൗതം എൻ കൃഷ്ണ ഉപഹാരം സമർപ്പിച്ചു.

ചാവക്കാട് ഫർക്ക സഹകരണ റൂറൽ ബാങ്ക് പ്രസിഡണ്ട് സി.എ ഗോപപ്രതാപൻ, അർബൻ ബാങ്ക് ചെയർമാൻ എ.ടി സ്റ്റീഫൻ, ഗുരുവായൂർ നഗരസഭ പ്രതിപക്ഷ നേതാവ് ബഷീർ പൂക്കോട്, വടക്കേക്കാട് പഞ്ചായത്ത് വൈസ് പ്രസിഡണ്ട് എൻ.എം.കെ നബീൽ, ബ്ലോക്ക് കോൺഗ്രസ് പ്രസിഡണ്ട് അരവിന്ദൻ പല്ലത്ത്, മണ്ഡലം കോൺഗ്രസ് പ്രസിഡണ്ട് സി.എസ് സൂരജ്, ആക്ട്സ് ഗുരുവായൂർ പ്രസിഡണ്ട് കെ.പി.എ റഷീദ്, പ്രസ്സ് ക്ലബ്ബ് പ്രസിഡണ്ട് ആർ.ജയകുമാർ, പ്രസ്സ് ഫോറം പ്രസിഡണ്ട് ലിജിത്ത് തരകൻ, ശശി വാറനാട്, നിഖിൽ ജി കൃഷ്ണൻ, പി.വി ഗോപാലകൃഷ്ണൻ,എൻ ഇസ്മായിൽ, ബാലൻ വാറനാട്ട്, ശിവൻ പാലിയത്ത് എന്നിവർ പ്രസംഗിച്ചു.

22/06/2026

വീട്ടിക്കിഴി ഗോപാലകൃഷ്ണൻ സ്മാരക മാധ്യമ പുരസ്‌ക്കാര ജേതാവ്: ശ്രീ. കെ.ടി വിൻസെന്റ്

പാലിയത്ത് ചിന്നപ്പൻ സ്മാരക പൊതുപ്രവർത്തക പുരസ്‌ക്കാര ജേതാവ്: ശ്രീ. പി.ഐ സൈമൺ മാസ്റ്റർ

എ.പി മുഹമ്മദുണ്ണി സ്മാരക സഹകാരി പുരസ്‌ക്കാര ജേതാവ്: ശ്രീ. പി.എസ് മുജീബ് റഹ്മാൻ

2026 ജൂൺ 27ന് ഗുരുവായൂർ അർബൻ ബാങ്ക് ഹാളിൽ വെച്ച്‌ നടക്കുന്ന വീട്ടിക്കിഴി ഗോപാലകൃഷ്ണൻ അനുസ്മരണ സമ്മേളനത്തിൽ വെച്ച് അഡ്വ. വി.ടി ബൽറാം MLA ജേതാക്കൾക്ക് പുരസ്‌ക്കാരങ്ങൾ സമ്മാനിക്കും.

19/06/2026

വീട്ടിക്കിഴി ഗോപാലകൃഷ്ണൻ 22-ാം ചരമ വാർഷിക സമ്മേളനം

അനുസ്മരണ സമ്മേളനം
പത്രപ്രവർത്തക പുരസ്‌ക്കാര വിതരണം
പൊതുപ്രവർത്തക-സഹകാരി പുരസ്‌ക്കാര വിതരണം
വിദ്യാഭ്യാസ അവാർഡ് ദാനം
ചികിത്സാ സഹായ വിതരണം

27/06/2026
ശനി
വൈകീട്ട് 4:30ന്
ഗുരുവായൂർ അർബൻ ബാങ്ക് ഹാളിൽ
അഡ്വ.വി.ടി ബൽറാം MLA ഉദ്ഘാടനം ചെയ്യുന്നു.

ഏവരെയും സാദരം സ്വാഗതം ചെയ്യുന്നു.

28/06/2025

വീട്ടിക്കിഴി ഗോപാലകൃഷ്ണൻ അനുസ്മരണം 2025

28/06/2025

ഗുരുവായൂരിൻ്റെ പ്രഥമ വൈസ് ചെയർമാനും സാമൂഹ്യ രംഗത്തും സാംസ്ക്കാരിക രംഗത്തും പത്രപ്രവർത്തന രംഗത്തും തൻ്റേതായ വ്യക്തിമുദ്ര പതിപ്പിച്ച വീട്ടിക്കിഴി ഗോപാലകൃഷ്ണൻ്റെ ഇരുപത്തിഒന്നാം ചരമ വാർഷികം വീട്ടിക്കിഴി ഗോപാലകൃഷ്ണൻ സ്മാരക ട്രസ്റ്റിൻ്റെ ആഭിമുഖ്യത്തിൽ വിവിധ പരിപാടികളോടെ ഗുരുവായൂർ അർബൻ ബാങ്ക് ഹാളിൽ വച്ച് ആചരിച്ചു.

ചടങ്ങിൽ വീട്ടിക്കിഴി ഗോപാലകൃഷ്ണൻ്റെ നാമധേയത്തിൽ വർഷം തോറും നൽകുന്ന പ്രാദേശിക ലേഖകനുള്ള മാധ്യമ പുരസ്ക്കാരവും പ്രശസ്തി പത്രവും, പൊന്നാടയും ചന്ദ്രിക ചാവക്കാട് ലേഖകൻ റാഫി വലിയ കത്തിനും പൊതു പ്രവർത്തകനുള്ള പാലിയത്ത് ചിന്നപ്പൻ സ്മാരക പുരസ്കാരവും പ്രശസ്തി പത്രവും പൊന്നാടയും നായർ സമാജം ജനറൽ സെക്രട്ടറി വി അച്ചുത കുറുപ്പിനും, മികച്ച സഹകാരിക്കുള്ള എ.പി മുഹമ്മദുണ്ണി സ്മാരക പുരസ്ക്കാരവും പ്രശസ്തി പത്രവും പൊന്നാടയും മറ്റം സർവ്വീസ് സഹകരണ ബാങ്ക് ഡയറക്ടർ എം. കെ അപ്പുവിനും സമ്മാനിച്ചു.
ചടങ്ങിൽ വച്ച് വീട്ടിക്കിഴി ഗോപാലകൃഷ്ണൻ്റെ സ്മരണാർത്ഥം ഗുരുവായൂർ നഗര മേഖലയിൽ 2025 വർഷത്തിൽ SSLC, പ്ലസ് ടു പരീക്ഷകളിൽ മുഴുവൻ വിഷയങ്ങളിലും A+ നേടിയ വിദ്യാർത്ഥികൾക്ക് പുരസ്ക്കാരങ്ങൾ നൽകി ആദരിച്ചു.

മുൻ ഗുരുവായൂർ ദേവസ്വം ചെയർമാൻ ശ്രീ ടി വി ചന്ദ്രമോഹൻ Ex MLA അനുസ്മരണ ചടങ്ങ് ഉദ്ഘാടനം ചെയ്യുകയും പുരസ്ക്കാരങ്ങൾ വിതരണം നടത്തുകയും ചെയ്തു. ട്രസ്റ്റ് പ്രസിഡണ്ട് ആർ രവികുമാർ അദ്ധ്യക്ഷത വഹിച്ചു. നഗരസഭ പ്രതിപക്ഷ നേതാവ് കെ. പി ഉദയൻ ചികിൽസാ സഹായം വിതരണം ചെയ്തു.
ചാവക്കാട് ഫർക്ക സഹകരണ റൂറൽ ബാങ്ക് പ്രസിഡണ്ട് സി എ ഗോപ പ്രതാപൻ, ഗുരുവായൂർ അർബൻ ബാങ്ക് ചെയർമാൻ എ.ടി സ്റ്റീഫൻ, പുന്നയൂർക്കുളം സർവ്വീസ് സഹകരണ ബാങ്ക് പ്രസിഡണ്ട് പി ഗോപാലൻ,ബ്ലോക്ക് കോൺഗ്രസ്സ് പ്രസിഡണ്ട് അരവിന്ദൻ പല്ലത്ത്,മണ്ഡലം കോൺഗ്രസ്സ് പ്രസിഡണ്ട് ഓ.കെ ആർ മണികണ്ഠൻ,
നഗരസഭ കൗൺസിലർ കെ. പി എ റഷീദ്, ആർ ജെ. ഡി ജില്ലാ സെക്രട്ടറി പി ഐ സൈമൺ,പ്രസ്സ് ക്ലബ് പ്രസിഡണ്ട് ആർ ജയകുമാർ, പ്രസ്സ് ഫോറം പ്രസിഡണ്ട് ലിജിത്ത് തരകൻ , ട്രസ്റ്റ് ഭാരവാഹികളായ ശശി വാറനാട്, പി വി ഗോപാലകൃഷ്ണൻ, ശിവൻ പാലിയത്ത്, നന്ദകുമാർ വീട്ടിക്കിഴി, നിഖിൽ ജി കൃഷ്ണൻ എന്നിവർ പ്രസംഗിച്ചു.

25/06/2025

വീട്ടിക്കിഴി ഗോപാലകൃഷ്ണൻ സ്മാരക മാധ്യമ പുരസ്‌ക്കാര ജേതാവ്: ശ്രീ. റാഫി വലിയകത്ത്

പാലിയത്ത് ചിന്നപ്പൻ സ്മാരക പൊതുപ്രവർത്തക പുരസ്‌ക്കാര ജേതാവ്: ശ്രീ. വി അച്യുതകുറുപ്പ്

എ.പി മുഹമ്മദുണ്ണി സ്മാരക സഹകാരി പുരസ്‌ക്കാര ജേതാവ്: ശ്രീ. എം.കെ അപ്പു

2025 ജൂൺ 27ന് ഗുരുവായൂർ അർബൻ ബാങ്ക് ഹാളിൽ വെച്ച്‌ നടക്കുന്ന വീട്ടിക്കിഴി ഗോപാലകൃഷ്ണൻ അനുസ്മരണ സമ്മേളനത്തിൽ വെച്ച് മുൻ നിയമസഭാ സ്പീക്കർ ശ്രീ തേറമ്പിൽ രാമകൃഷ്ണൻ ജേതാക്കൾക്ക് പുരസ്‌ക്കാരങ്ങൾ സമ്മാനിക്കും.

24/06/2025

വീട്ടിക്കിഴി ഗോപാലകൃഷ്ണന്‍ മാധ്യമ പുരസ്‌കാരം റാഫി വലിയകത്തിന്
-------
ഗുരുവായൂരിന്റെ പ്രഥമ വൈസ് ചെയര്‍മാനും സാമൂഹ്യ രംഗത്തും സാംസ്‌ക്കാരിക രംഗത്തും മാധ്യമ രംഗത്തും തന്റേതായ വ്യക്തിമുദ്ര പതിപ്പിച്ച വീട്ടിക്കിഴി ഗോപാലകൃഷ്ണന്റെ ഇരുപത്തിഒന്നാം ചരമ വാര്‍ഷികം വിവിധ പരിപാടികളോടെ ജൂണ്‍ 27 വൈകീട്ട് 4.30 ന് ഗുരുവായൂര്‍ അര്‍ബന്‍ ബാങ്ക് ഹാളില്‍ ആചരിക്കും. വീട്ടിക്കിഴി ഗോപാലകൃഷ്ണന്റെ നാമധേയത്തില്‍ വര്‍ഷം തോറും നല്‍കുന്ന മാധ്യമ പുരസ്‌ക്കാരം ചന്ദ്രിക ചാവക്കാട് ലേഖകന്‍ റാഫി വലിയകത്തിന് നല്‍കും. പൊതു പ്രവര്‍ത്തകന്നുള്ള പാലിയത്ത് ചിന്നപ്പന്‍ സ്മാരക പുരസ്‌കാരം നായര്‍ സമാജം ജനറല്‍ സെക്രട്ടറി വി അച്ചുത കുറുപ്പ് നല്‍കും. സഹകാരിക്കുള്ള എ.പി മുഹമ്മദുണ്ണി സ്മാരക പുരസ്‌ക്കാരത്തിന് മറ്റം സര്‍വ്വീസ് സഹകരണ ബാങ്ക് ഡയറക്ടറായ എം.കെ അപ്പുവാണ് അര്‍ഹനായിരിക്കുന്നത്. ഗുരുവായൂര്‍ നഗര മേഖലയില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ മുഴുവന്‍ വിഷയങ്ങളിലും എ പ്ലസ് നേടിയ വിദ്യാര്‍ത്ഥികളം ചടങ്ങില്‍ അനുമോദിക്കും. മുന്‍ നിയമസഭാ സ്പീക്കര്‍ അഡ്വ തേറമ്പില്‍ രാമകൃഷ്ണന്‍ അനുസ്മരണ സമ്മേളനം ഉദ്ഘാടനം ചെയ്യും. മുന്‍ എം.എല്‍.എ ടി വി ചന്ദ്രമോഹന്‍ മുഖ്യഅനുസ്മരണ പ്രഭാഷണം നടത്തും. നഗരസഭ ചെയര്‍മാന്‍ എം കൃഷ്ണദാസ് വിദ്യാഭ്യാസ അവാര്‍ഡുകള്‍ വിതരണം ചെയ്യും. മുസ്ലിം ലീഗ് സംസ്ഥാന വൈസ് പ്രസിഡന്റ് സി എച്ച് റഷീദ് ചികില്‍സാ സഹായം വിതരണം ചെയ്യും. നഗരസഭ പ്രതിപക്ഷ നേതാവ് കെ. പി ഉദയന്‍, ചാവക്കാട് ഫര്‍ക്ക സഹകരണ റൂറല്‍ ബാങ്ക് പ്രസിഡണ്ട് സി എ ഗോപപ്രതാപന്‍, മണ്ഡലം കോണ്‍ഗ്രസ്സ് പ്രസിഡണ്ട് ഒ.കെ.ആര്‍ മണികണ്ഠന്‍, പ്രസ്സ് ക്ലബ് പ്രസിഡണ്ട് ആര്‍ ജയകുമാര്‍, പ്രസ്സ് ഫോറം പ്രസിഡണ്ട് ലിജിത്ത് തരകന്‍ എന്നിവര്‍ അനുസ്മരണ പ്രസംഗങ്ങള്‍ നടത്തും.

28/06/2024

28/06/2024

ഗുരുവായൂർ നഗരസഭ പ്രഥമ വൈസ് ചെയർമാൻ വീട്ടിക്കിഴി ഗോപാലകൃഷ്ണൻ അനുസ്മരണ സമ്മേളനം മുൻ നിയമസഭ സ്പീക്കർ വി.എം സുധീരൻ ഉദ്ഘാടനം
ചെയ്തു.