02/06/2026
অসমৰ অনন্য মুগা বয়ন শিল্পৰ স্বৰ্ণালী ঐতিহ্য এতিয়া বিশ্বমঞ্চত উজ্জ্বলভাৱে জিলিকিব।
আজি উত্তৰ- পূৰ্বাঞ্চল উন্নয়ন মন্ত্ৰালয়ৰ মাননীয় কেন্দ্ৰীয় মন্ত্ৰী শ্ৰীজ্যোতিৰাদিত্য সিন্ধিয়া ডাঙৰীয়া আৰু মাননীয় মুখ্যমন্ত্ৰী ড° Himanta Biswa Sarma ডাঙৰীয়াই আনুষ্ঠানিকভাৱে শুভাৰম্ভ কৰা ‘মিছন চেনেহজৰী’ অসমৰ ঐতিহ্যমণ্ডিত মুগা শিল্পৰ বাবে এক ঐতিহাসিক পদক্ষেপ।
৪০০ কোটি টকাৰ এই মহৎ আঁচনিখনৰ জৰিয়তে ২০২৮ চনৰ ভিতৰত অসমৰ মুগা ৰেচম খণ্ডক পৰম্পৰাগত উৎপাদন ব্যৱস্থাৰ পৰা বিশ্ববজাৰত স্বীকৃতিপ্ৰাপ্ত অভিলাসী ব্ৰেণ্ড হিচাপে প্ৰতিষ্ঠা কৰাৰ লক্ষ্য গ্ৰহণ কৰা হৈছে। এই মিছনে কেৱল মুগা শিল্পক নতুন দিশ দিয়াই নহয়, হাজাৰ হাজাৰ খেতিয়ক, তাঁতশিল্পী আৰু এই শিল্পৰ লগত জড়িত প্ৰতিজন ব্যক্তিৰ বাবে নতুন সম্ভাৱনাৰ দুৱাৰ মুকলি কৰিব।
