বৰছলি শাখা ছাত্ৰ সন্থা, হাজো

18/08/2026

অত্যন্ত দুখ আৰু গধুৰ হৃদয়েৰে জনাবলগীয়া হৈছে যে বৃহত্তৰ বৰছলি অঞ্চলৰ সন্মানীয়, সমাজহিতৈষী তথা অভিভাৱকস্বৰূপ অৱসৰপ্ৰাপ্ত খণ্ড উন্নয়ন বিষয়া জয়ান আলী (৭০) ডাঙৰীয়া আৰু আমাৰ মাজত নাই।

বৰছলি বৰছলি অঞ্চলৰ বটবৃক্ষস্বৰূপে জয়ান আলী ডাঙৰীয়াই নিজৰ কৰ্ম, সততা, সৰলতা আৰু মানৱীয় গুণেৰে বৃহত্তৰ বৰছলি অঞ্চলৰ ৰাইজৰ হৃদয়ত এক সুকীয়া স্থান দখল কৰিছিল। তেখেত বহু লোকৰ বাবে এগৰাকী অভিভাৱক, পথপ্ৰদৰ্শক আৰু শুভাকাংক্ষী আছিল।

পৱিত্ৰ উমৰা হজ্জ কৰিবলৈ সৌদি আৰৱৰ মক্কা শ্বৰীফলৈ যোৱাৰ পিছত তেখেতে শাৰীৰিকভাৱে অসুস্থ হৈ পৰে। বিগত প্ৰায় ১৫ দিন ধৰি আই চি ইউত চিকিৎসাধীন হৈ থকাৰ পিছত আজি ভাৰতীয় সময় অনুসৰি দিনৰ ১২:৪০ বজাত তেখেতে শেষ নিশ্বাস ত্যাগ কৰে।তেখেতৰ মৃত্যু বৃহত্তৰ বৰছলি অঞ্চলৰ বাবে এক অপূৰণীয় ক্ষতি।

বৰছলি শাখা ছাত্ৰ সন্থাৰ তৰফৰ পৰা জয়ান আলী ডাঙৰীয়াৰ বিয়োগত গভীৰ শোক প্ৰকাশ কৰাৰ লগতে শোকসন্তপ্ত পৰিয়ালবৰ্গ, আত্মীয়-স্বজন আৰু গুণমুগ্ধসকললৈ আন্তৰিক সমবেদনা জ্ঞাপন কৰিছোঁ লগতে শোকসন্তপ্ত পৰিয়ালবৰ্গক এই অপূৰণীয় ক্ষতি সহ্য কৰাৰ শক্তি আৰু ধৈৰ্য প্ৰদান কৰক।

বৰছলি শাখা ছাত্ৰ সন্থা, হাজো

19/07/2026

সদ্যঘোষিত সৰ্ব ভাৰতীয় নিট ( NEET ) পৰীক্ষাত হাজো- শুৱালকুছি সমষ্টিৰ অন্তৰ্গত বৃহত্তৰ বৰছলি অঞ্চলৰ ১নং ভেলকৰ গাঁওৰ নিৱাসী শিক্ষক জালালুদ্দিন আহমেদৰ জ্যেষ্ঠ পুত্ৰ তাজমিল শ্বাহৰুখ আহমেদে 561 নম্বৰ লাভ কৰি বৃহত্তৰ অঞ্চললৈ গৌৰৱ কঢ়িয়াই আনে।।
আমি বৰছলি শাখা ছাত্ৰ সন্থা, হাজোৰ তৰফৰ পৰা তাজমিল শ্বাহৰুখ আহমেদলৈ আন্তৰিক অভিনন্দন ও শুভেচ্ছা জ্ঞাপন কৰিলোঁ।।

17/07/2026

সদ্যঘোষিত সৰ্ব ভাৰতীয় নিট ( NEET ) পৰীক্ষাত হাজো- শুৱালকুছি সমষ্টিৰ অন্তৰ্গত বৃহত্তৰ বৰছলি অঞ্চলৰ চতলাবড়ী গাওঁৰ Tasaraf Hussain Ahmed (তাছাৰফ হুছেইন আহমেদ) এ 503 নম্বৰ লাভ কৰি বৃহত্তৰ অঞ্চললৈ গৌৰৱ কঢ়িয়াই আনে।।
আমি বৰছলি শাখা ছাত্ৰ সন্থা, হাজোৰ তৰফৰ পৰা তাছাৰফ হুছেইন আহমেদেলৈ আন্তৰিক অভিনন্দন ও শুভেচ্ছা জ্ঞাপন কৰিলোঁ।।

17/07/2026

হাজোৰ বৃহত্তৰ বৰছলি অঞ্চলৰ মহিবৰ ৰহমানৰ সুযোগ্য সন্তান তথা ছিদ্দিক আলী জাতীয় বিদ্যালয় ৰ প্ৰাক্তন ছাত্ৰ ছহিদুল ইছলামে এইবেলি সৰ্ব ভাৰতীয় পৰ্যায়ত অনুষ্ঠিত হোৱা NEET পৰীক্ষাত মুঠ 582 নম্বৰ লাভ কৰি সুখ্যাতিৰে উত্তীৰ্ণ হৈ বৃহত্তৰ বৰছলি অঞ্চললৈ গৌৰৱ কঢ়িয়াই আনে।।
আমি বৰছলি শাখা ছাত্ৰ সন্থা, হাজো ৰ তৰফৰ পৰা ছহিদুল ইছলামক আন্তৰিক অভিনন্দন জ্ঞাপন কৰিলোঁ।আগন্তুক দিনবোৰত এনেকৈয়ে ভাল ফলাফল দেখুৱাই অঞ্চলটোলৈ সুনাম কঢ়িয়াই আনে যেন তাৰে কামনা কৰিলোঁ।।

09/06/2026

আজি হাজো আঞ্চলিক ছাত্ৰ সন্থাই সদৌ কামৰূপ জিলা ছাত্ৰ সন্থাৰ সভাপতি নৱজ্যোতি দাস ডাঙৰীয়াৰ নেতৃত্বত আমিনগাঁও হাজো বৰপেটা ৰাষ্ট্ৰীয় ঘাইপথৰ লগতে হাজো অঞ্চলৰ বিভিন্ন জৰাজীৰ্ণ পথসমূহ অতি শীঘ্ৰেই মেৰামতি কৰাৰ দাবীত এক স্মাৰক পত্ৰ হাজো ৰাজহ চক্ৰৰ চক্ৰ বিষয়া মহোদয় আৰু কামৰূপ জিলাৰ আয়ুক্ত মহোদয়ৰ জৰিয়তে অসমৰ মাননীয় মুখ্যমন্ত্ৰী মহোদয়লৈ প্ৰেৰন কৰা হয়। অনতি পলমে জৰাজীৰ্ণ পথ সমূহ মেৰামতি নকৰিলে অনাগত দিনত ৰাইজৰ সহযোগত গণতান্ত্ৰিক আন্দোলনৰ কাৰ্য্যসূচী গ্ৰহণ কৰা হব।। জয় আই অসম ✊

01/06/2026

পশ্চিম নলবাৰী আঞ্চলিক ছাত্ৰ সন্থাৰ সহকাৰী সাধাৰণ সম্পাদক মাধুৰ্য্য বৰ্মনৰ হত্যাকাণ্ডই আমাক গভীৰভাৱে মর্মাহত আৰু ক্ষুব্ধ কৰি তুলিছে। এনে নৃশংস ঘটনাক কোনোপধ্যে সহজভাৱে লোৱা নাযায়। গণতান্ত্ৰিক সমাজত হিংসা আৰু হত্যাৰ কোনো স্থান নাই।
বৰছলি শাখা ছাত্ৰ সন্থাৰ তৰফৰ পৰা এই জঘন্য হত্যাকাণ্ডৰ তীব্ৰ গৰিহণা জনোৱাৰ লগতে আইন-শৃংখলা ৰক্ষাকাৰী সংস্থাক ঘটনাটোৰ নিৰপেক্ষ আৰু দ্ৰুত তদন্ত কৰি জড়িত দোষীসকলক শীঘ্ৰে কৰায়ত্ত কৰাৰ দাবী জনোৱা হৈছে।
লগতে, এই নাৰকীয় ঘটনাৰ সৈতে জড়িত সকলো দোষীক আইনৰ আওতালৈ আনি দৃষ্টান্তমূলক কঠোৰতম শাস্তি প্ৰদান কৰি নিহত সতীৰ্থ মাধুৰ্য্য বৰ্মন আৰু তেওঁৰ পৰিয়ালক ন্যায় প্ৰদান কৰিবলৈ চৰকাৰ আৰু প্ৰশাসনৰ ওচৰত দাবী জনালোঁ।
প্ৰয়াত সতীৰ্থগৰাকীৰ বিদেহ আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়ালবৰ্গ, আত্মীয়-স্বজন আৰু পশ্চিম নলবাৰী আঞ্চলিক ছাত্ৰ সন্থাৰ সকলো সতীৰ্থলৈ গভীৰ সমবেদনা জ্ঞাপন কৰিলোঁ।।
Utpal Sarma
হাজো আঞ্চলিক ছাত্ৰ সন্থা
All Assam Students' Union - AASU

16/05/2026

অভিনন্দন জনালোঁ🎉🙏 Imdadur Rahman I

🔺 সদৌ অসম ছাত্ৰ সন্থাৰ ভাতৃ সংগঠন অসম উন্নতি সভা, কামৰূপ জিলাৰ নতুন সমিতি গঠন
🔺 হাজো আঞ্চলিক ছাত্ৰ সন্থাৰ প্ৰাক্তন ছাত্ৰ নেতা ইমদাদুৰ ৰহমান সাধাৰণ সম্পাদক নিৰ্বাচিত

08/05/2026

ভাৰতীয় ডাক জীৱন বীমা অসমৰ ভিতৰত
প্ৰথম স্থান লাভ কৰে বৃহত্তৰ বৰছলি অঞ্চলৰ সু-সন্তান তথা বৰছলি শাখা ছাত্ৰ সন্থাৰ প্ৰাক্তন ছাত্ৰনেতা,গুৱাহাটী ডাক বিভাগৰ বাণিজ্যিক কাৰ্যনিৰ্বাহক সন্মানীয় Jiaul Haque ডাঙৰীয়াই।
আমি বৰছলি শাখা ছাত্ৰ সন্থাৰ তৰফৰ পৰা হক ডাঙৰীয়াক আন্তৰিক অভিনন্দন জ্ঞাপন কৰিলোঁ।।

28/04/2026

সদ্য ঘোষিত উচ্চতৰ মাধ্যমিক চুড়ান্ত পৰীক্ষাত বৃহত্তৰ বৰছলি অঞ্চলৰ একমাত্ৰ উচ্চ শিক্ষাৰ শৈক্ষিক প্ৰতিষ্ঠান Barsoli Anchalik Jatiya Vidyalaya A Sr. Secondary School for Science & Arts ("বৰছলি আঞ্চলিক জাতীয় বিদ্যালয়, ছিনিয়ৰ ছেকেণ্ডাৰী স্কুল")ৰ পৰা বিজ্ঞান শাখাত ৩ গৰাকী ষ্টাৰ নম্বৰ সহ মুঠ ২১ গৰাকী প্ৰথম বিভাগ আৰু ১২গৰাকী দ্বিতীয় বিভাগত উত্তীৰ্ণ হৈ ১০০% উত্তীৰ্ণৰে শিক্ষানুষ্ঠানটিয়ে বৃহত্তৰ বৰছলি অঞ্চললৈ গৌৰৱ কঢ়িয়াই আনিবলৈ সক্ষম হয়।
আমি বৰছলি শাখা ছাত্ৰ সন্থা, হাজো ৰ তৰফৰ পৰা প্ৰতি গৰাকী ছাত্ৰ ছাত্ৰীলৈ আন্তৰিক অভিনন্দন ও শুভেচ্ছা জ্ঞাপন কৰাৰ লগতে বিদ্যালয়ৰ সমূহ শিক্ষক শিক্ষয়িত্ৰী ও বিদ্যালয় কৰ্তৃপক্ষকো আমাৰ তৰফৰ পৰা আন্তৰিক ধন্যবাদ জ্ঞাপন কৰিলোঁ। এনেকৈয়ে ভাল ফলাফল দেখুৱাই অঞ্চলটোলৈ সুনাম কঢ়িয়াই আনে যেন তাৰে কামনা কৰিলোঁ 🙏

28/04/2026

উচ্চতৰ মাধ‍্যমিক চূড়ান্ত পৰীক্ষাত সুখ‍্যাতিৰে উত্তীৰ্ণ হোৱা ছাত্ৰ-ছাত্ৰীসকললৈ আন্তৰিক অভিনন্দন জ্ঞাপন কৰিলোঁ।।🎉🎉