https://www.facebook.com/627636863775520/

CPI Hayathnagar, opp icici bank hayathnagar, Hyderabad (2026)

07/09/2026

తెలంగాణ రైతాంగ సాయుధ పోరాట యోధుడు కామ్రేడ్ రావి నారాయణ రెడ్డికి ఘన నివాళి! 🚩

నిజాం నిరంకుశ పాలనపై సింహంలా గర్జించి, వెట్టి చాకిరీ విముక్తి కోసం.. దున్నేవాడికే భూమి కోసం అలుపెరగని పోరాటం చేసిన కమ్యూనిస్టు అగ్ర నాయకుడు కామ్రేడ్ రావి నారాయణ రెడ్డి గారి వర్ధంతి కార్యక్రమాన్ని సోమవారం హయత్‌నగర్‌ పార్టీ కార్యాలయంలో లో ఘనంగా నిర్వహించడం జరిగింది.

సీపీఐ హయత్‌నగర్ మండల కన్వీనర్ అంబల రాములు గారి ఆధ్వర్యంలో జరిగిన ఈ కార్యక్రమానికి సీపీఐ రంగారెడ్డి జిల్లా కార్యవర్గ సభ్యులు, ఎల్బీనగర్ నియోజకవర్గ కార్యదర్శి కామ్రేడ్ సామిడి శేఖర్ రెడ్డి గారు ముఖ్య అతిథిగా హాజరై ఆయన చిత్రపటానికి పూలమాలలు వేసి విప్లవ జోహార్లు అర్పించారు.

నిజాం నవాబు మెడలు వంచి తెలంగాణను భారతదేశంలో విలీనం చేయడంలో ఆయన చూపిన తెగువ, అలాగే దేశ తొలి ప్రధాని జవహర్ లాల్ నెహ్రూ కంటే అత్యధిక మెజారిటీతో నల్లగొండ లోక్‌సభ స్థానానికి గెలిచిన ఆయన ఘన చరిత్ర ఎప్పటికీ చిరస్మరణీయమని శేఖర్ రెడ్డి గారు కొనియాడారు.

ఈ కార్యక్రమంలో ఎన్‌ఎఫ్‌ఐడబ్ల్యూ (NFIW) నాయకురాలు సుజాత, బీఓసీ (BOC) మండల అధ్యక్ష, కార్యదర్శులు కృష్ణ, సామెల్, AIYF మండల కార్యదర్శి వీరన్న, ఏఐటీయూసీ (AITUC) నాయకులు ఉపేందర్, శేఖర్ తదితరులతో పాటు పలువురు పార్టీ నాయకులు, కార్యకర్తలు పాల్గొన్నారు.

జోహార్ కామ్రేడ్ రావి నారాయణ రెడ్డి..
కమ్యూనిస్టుల త్యాగాలు వర్ధిల్లాలి!

05/09/2026

ఏఐటీయూసీ తెలంగాణ రాష్ట్ర 4వ మహాసభలను జయప్రదం చేయండి 🚩

సెప్టెంబర్ 6, 7, 8 తేదీలలో కరీంనగర్ వేదికగా జరగనున్న ఏఐటీయూసీ (AITUC) తెలంగాణ రాష్ట్ర 4వ మహాసభల సన్నాహక సమావేశం హయత్‌నగర్‌లో ఏఐటీయూసీ మండల అధ్యక్షులు చెంది రాము ఆధ్వర్యంలో నిర్వహించడం జరిగింది.
ఈ కార్యక్రమానికి సీపీఐ ఎల్బీనగర్ నియోజకవర్గ కార్యదర్శి, హయత్‌నగర్ మండల నిర్మాణ బాధ్యులు కామ్రేడ్ సామిడి శేఖర్ రెడ్డి గారు ముఖ్య అతిథిగా విచ్చేసి మాట్లాడుతూ
సమాన పనికి సమాన వేతనం, కార్మికులకు కనీస వేతనం రూ. 26,000 అమలు చేయడంతో పాటు కార్మికులందరికీ ఈఎస్ఐ (ESI), పీఎఫ్ (PF) సౌకర్యాలు కల్పించే వరకు రాజీలేని పోరాటం చేయాలని ఆయన పిలుపునిచ్చారు. కేంద్ర ప్రభుత్వం తన నిరంకుశ వైఖరితో కార్మికుల హక్కులను కాలరాస్తూ తీసుకొచ్చిన 4 లేబర్ కోడ్‌లను తక్షణమే రద్దు చేయాలని, పాత 44 కార్మిక చట్టాలను యథావిధిగా కొనసాగించాలని డిమాండ్ చేశారు. కార్మికుల న్యాయమైన హక్కుల సాధన కోసం కరీంనగర్ మహాసభల్లో భవిష్యత్ పోరాట ప్రణాళికను రూపొందిస్తామని స్పష్టం చేశారు. కార్మికులంతా ఐక్యంగా తరలివచ్చి ఈ మహాసభలను విజయవంతం చేయాలని కోరారు.

ఎర్రజెండా ఆశయాలకు, కార్మిక ఉద్యమాలకు ఆకర్షితులై పిట్టల శేఖర్, ఉపేందర్ తదితరులు ఏఐటీయూసీలో చేరగా వారిని సాదరంగా ఆహ్వానించారు.
ఈ సమావేశంలో సిపిఐ హయత్‌నగర్ మండల కన్వీనర్ అంబల రాములు, ఏఐటీయూసీ నాయకులు సౌజన్య, రమేష్, శేఖర్, ఉపేందర్ మరియు ఇతర కార్మిక శ్రేణులు పాల్గొన్నారు.

కార్మికుల ఐక్యత వర్ధిల్లాలి.....

04/09/2026

నరేష్ - లక్ష్మి దంపతులకు శుభాకాంక్షలు!

రావి నారాయణ రెడ్డి కాలనీ (ఫేస్ 3, బి-సెక్షన్) వాస్తవ్యులు శ్రీ కత్తుల సైదులు, నరసమ్మ దంపతుల కుమారుడు చిరంజీవి నరేష్, వధువు లక్ష్మి వివాహ వేడుకకు సీపీఐ రంగారెడ్డి జిల్లా కార్యవర్గ సభ్యులు, ఎల్బీనగర్ నియోజకవర్గ కార్యదర్శి కామ్రేడ్ సామిడి శేఖర్ రెడ్డి గారు హాజరై నూతన వధూవరులను దీవించారు.

ఏడడుగుల బంధంతో ఒకటైన నరేష్ మరియు లక్ష్మిల దాంపత్య ప్రయాణం ఎప్పుడూ నవ్వుతూ, సంతోషంగా సాగాలని కోరుకుంటున్నాము

04/09/2026

నూతన దంపతులకు హృదయపూర్వక శుభాకాంక్షలు! 💐

భారత కమ్యూనిస్టు పార్టీ (సీపీఐ) హయత్‌నగర్ మండల సమితి సభ్యురాలు రోజా మరియు సంపత్ గార్ల వివాహ వేడుకకు సీపీఐ రంగారెడ్డి జిల్లా కార్యవర్గ సభ్యులు, ఎల్బీనగర్ నియోజకవర్గ కార్యదర్శి మరియు హయత్‌నగర్ మండల నిర్మాణ బాధ్యులు కామ్రేడ్ సామిడి శేఖర్ రెడ్డి గారు విచ్చేసి నూతన వధూవరులను మనస్ఫూర్తిగా ఆశీర్వదించారు.
ఆయనతో పాటు పార్టీ నాయకులు కామ్రేడ్స్ రాములు గౌడ్, వెంకన్న, రామకృష్ణ, రమేష్, పట్టేటి శేఖర్ మరియు పార్టీ శ్రేణులు ఈ కార్యక్రమంలో పాల్గొని నూతన దంపతులకు తమ శుభాకాంక్షలు తెలియజేశారు.

04/09/2026

వనస్థలిపురం ప్రభుత్వ ఆసుపత్రిలో కార్మిక సమస్యలపై సమావేశం.

హయత్‌నగర్ మండలం పరిధిలోని ప్రభుత్వ జనరల్ ఆసుపత్రి - మహేశ్వరం (వనస్థలిపురం) లో ఈ రోజు సిబ్బంది మరియు ఆసుపత్రి సమస్యల పరిష్కారం కోసం సమావేశం నిర్వహించడం జరిగింది.

ఈ సమావేశంలో మెడికల్ కాంట్రాక్ట్, ఔట్ సోర్సింగ్ కార్మికుల నాయకులు కామ్రేడ్ సామిడి శేఖర్ రెడ్డి గారు పాల్గొన్నారు.

కాంట్రాక్ట్ మరియు ఔట్ సోర్సింగ్ కార్మికులు ఎదుర్కొంటున్న ఇబ్బందులను వెంటనే పరిష్కరించాలని, వారి న్యాయమైన హక్కుల సాధన కోసం ఎర్రజెండా ఎప్పుడూ అండగా ఉంటుందని భరోసా ఇచ్చారు.
ఆసుపత్రిలో మెరుగైన వసతులు కల్పించడంతో పాటు, కార్మికులంతా ఏకతాటిపై నిలబడి తమ డిమాండ్ల సాధన కోసం ఐక్యంగా పోరాడాలని పిలుపునిచ్చారు.

ఈ కార్యక్రమంలో గౌరవాధ్యక్షులు దాసరి కిరణ్, అధ్యక్షురాలు భాగ్యమ్మ, ప్రధాన కార్యదర్శి శ్యామల గారితో పాటు ఆసుపత్రి సిబ్బంది పాల్గొన్నారు.

కార్మికుల ఐక్యత వర్ధిల్లాలి....

04/09/2026

సిపిఐ రాష్ట్ర సహాయ కార్యదర్శి కామ్రేడ్ ఈ.టి నరసింహ అన్న గారికి జన్మదిన శుభాకాంక్షలు

31/08/2026

హయత్ నగర్ లో ఏఐటీయూసీ రాష్ట్ర మహాసభల వాల్ పోస్టర్ ఆవిష్కరణ! 🚩

రాబోయే సెప్టెంబర్ 6, 7, 8 తేదీల్లో కరీంనగర్ వేదికగా జరగనున్న ఏఐటీయూసీ (AITUC) తెలంగాణ రాష్ట్ర 4వ మహాసభల వాల్ పోస్టర్‌ను హయత్‌నగర్‌లో ఆవిష్కరించడం జరిగింది.

ఏఐటీయూసీ హయత్ నగర్ మండల కార్యదర్శి గోల్కొండ నాగరాజు ఆధ్వర్యంలో జరిగిన ఈ కార్యక్రమానికి ముఖ్య అతిథులుగా సీపీఐ జిల్లా కార్యవర్గ సభ్యులు కామ్రేడ్ సామిడి శేఖర్ రెడ్డి గారు, బీఓసీ (BOC) జిల్లా కార్యదర్శి కామ్రేడ్ దాసరి ప్రసాద్ గారు పాల్గొని గోడపత్రికను విడుదల చేశారు.

మన ఉపాధి, హక్కుల సాధన కోసం సెప్టెంబర్ 6వ తేదీ మధ్యాహ్నం 2 గంటలకు కరీంనగర్‌లోని అంబేడ్కర్ స్టేడియం నుండి ప్రారంభమయ్యే భారీ కార్మిక ర్యాలీలో, అలాగే సాయంత్రం 4 గంటలకు జ్యోతిరావుపూలే సర్కస్ గ్రౌండ్‌లో జరిగే బహిరంగ సభలో కార్మికులంతా వేలాదిగా పాల్గొని పాలకులకు మన శ్రామిక శక్తిని చాటిచెప్పాలని కోరారు.

ఈ కార్యక్రమంలో ఏఐటీయూసీ జిల్లా కార్యవర్గ సభ్యులు చెంది రాములు, పట్టేటి శేఖర్, బీఓసీ జిల్లా సహాయ కార్యదర్శి రాపాక సౌజన్య, హయత్‌నగర్ మండల కార్యదర్శి పి. సామెల్, నాయకులు రామకృష్ణ, సర్వేశ్వర్ మరియు కార్మిక శ్రేణులు పాల్గొన్నారు.

కార్మిక ఐక్యత వర్ధిల్లాలి.... ఏఐటీయూసీ వర్ధిల్లాలి...

29/08/2026

ఏఐవైఎఫ్ రంగారెడ్డి జిల్లా నూతన నాయకత్వానికి విప్లవాభినందనలు! ✊🚩

తుర్కయంజాల్‌లోని అరుణ కన్వెన్షన్ హాల్‌లో విజయవంతంగా జరిగిన అఖిల భారత యువజన సమాఖ్య (AIYF) రంగారెడ్డి జిల్లా 18వ మహాసభలలో ఎన్నికైన నాయకులకు సీపీఐ హయత్‌నగర్ మండల సమితి తరపున హృదయపూర్వక శుభాకాంక్షలు.

ఈ మహాసభలో మన నాయకులు జిల్లా ఉపాధ్యక్షుడిగా ఇసంపల్లి వెంకటేష్, జిల్లా సహాయ కార్యదర్శిగా శాగంటి వీరన్న, మరియు జిల్లా కౌన్సిల్ సభ్యులుగా కనకం బాబు, గుమ్మడవెల్లి గణేష్, బార్పటి సందీప్ ఎన్నికవడం ఎంతో గర్వకారణం.

యువ శక్తి, ప్రజా శక్తి కలయికతో విప్లవ లక్ష్య సాధనే మన కర్తవ్యంగా ముందుకు సాగాలి. యువత హక్కుల సాధన కోసం, సమసమాజ నిర్మాణం కోసం మనమంతా కలిసికట్టుగా రాజీలేని పోరాటాలు చేద్దాం.

నూతన బాధ్యతలు చేపట్టిన కామ్రేడ్స్ అందరూ భవిష్యత్తు ఉద్యమాల్లో మరింత చురుకుగా పాల్గొంటూ, సమాజ మార్పు కోసం అడుగులు వేయాలని ఆకాంక్షిస్తున్నాము.

నూతన నాయకత్వానికి మరోసారి ఎర్రటి సలాం!
ఏఐవైఎఫ్ వర్ధిల్లాలి.. యువజన ఐక్యత వర్ధిల్లాలి!

26/08/2026

హయత్ నగర్ లో ఏఐవైఎఫ్ రాష్ట్ర మరియు జిల్లా మహాసభల వాల్ పోస్టర్ల ఆవిష్కరణ!

అఖిల భారత యువజన సమాఖ్య (AIYF) రంగారెడ్డి జిల్లా 18వ మహాసభలు మరియు తెలంగాణ రాష్ట్ర 3వ మహాసభలకు సంబంధించిన వాల్ పోస్టర్లను హయత్‌నగర్‌లో మండల కార్యదర్శి శాగంటి వీరన్న ఆధ్వర్యంలో ఆవిష్కరించడం జరిగింది.

ఈ కార్యక్రమానికి ముఖ్య అతిథిగా విచ్చేసిన AIYF రాష్ట్ర కౌన్సిల్ సభ్యులు ఇసంపల్లి వెంకన్న గారు వాల్ పోస్టర్లను విడుదల చేశారు.
స్థానిక యువతకు ఉపాధి దొరకాలంటే ప్రతి జిల్లాలో ప్రభుత్వ పరిశ్రమలు ఏర్పాటు చేయాలని, అలాగే ఖాళీగా ఉన్న ప్రభుత్వ ఉద్యోగాలను వెంటనే భర్తీ చేయాలని ఆయన డిమాండ్ చేశారు.
కేంద్ర, రాష్ట్ర ప్రభుత్వాలు అనుసరిస్తున్న ప్రైవేటీకరణను అరికట్టాలని, "శక్తి వద్దు - SBTET ముద్దు" అనే ప్రధాన నినాదంతో యువత హక్కుల కోసం ఏఐవైఎఫ్ రాజీలేని పోరాటం చేస్తోందన్నారు.
ఈ నెల 29న తుర్కయంజాల్‌లోని అరుణ కన్వెన్షన్ హాల్‌లో జరిగే జిల్లా మహాసభలకు, అలాగే సెప్టెంబర్ 8, 9, 10 తేదీల్లో యాదగిరిగుట్టలో జరిగే రాష్ట్ర మహాసభలకు యువత భారీగా తరలివచ్చి విజయవంతం చేయాలని పిలుపునిచ్చారు.

ఈ కార్యక్రమంలో ఏఐవైఎఫ్ మండల అధ్యక్షుడు అన్నమల్ల శ్రీకాంత్, మండల కార్యవర్గ సభ్యులు జగదీష్ మరియు ఇతర కౌన్సిల్ సభ్యులు పాల్గొన్నారు.

ఏఐవైఎఫ్ వర్ధిల్లాలి.. యువజన ఐక్యత వర్ధిల్లాలి!

#𝗬𝗼𝘂𝘁𝗵𝗣𝗼𝘄𝗲𝗿𝗟𝗲𝘁𝘀𝗠𝗮𝗸𝗲𝗶𝘁𝗟𝗼𝘂𝗱𝗲𝗿

22/08/2026

సీపీఐ అగ్రనేత, కమ్యూనిస్టు ఉద్యమ స్ఫూర్తిప్రదాత సురవరం సుధాకర్ రెడ్డి గారి ప్రథమ వర్ధంతి నేడు 🚩

సీపీఐ అగ్రనేత, నిరాడంబర జీవితానికి నిలువుటద్దం కామ్రేడ్ సురవరం సుధాకర్ రెడ్డి గారి ప్రథమ వర్ధంతి సందర్భంగా ఈరోజు హయత్‌నగర్ మండల సీపీఐ కార్యాలయంలో ఆయన చిత్రపటానికి పూలమాలలు వేసి ఘనంగా నివాళులర్పించడం జరిగింది.
ఈ కార్యక్రమానికి సీపీఐ ఎల్బీనగర్ నియోజకవర్గ కార్యదర్శి కామ్రేడ్ సామిడి శేఖర్ రెడ్డి గారు హాజరై, సుధాకర్ రెడ్డి గారి త్యాగాలను, కమ్యూనిస్టు ఉద్యమం కోసం ఆయన చేసిన సేవలను స్మరించుకున్నారు. జీవితాంతం పేదల పక్షాన, సమసమాజ స్థాపన కోసం ఆయన చేసిన రాజీలేని పోరాటం మనందరికీ ఆదర్శమని కొనియాడారు.
ఈ కార్యక్రమంలో పార్టీ మండల నాయకులు, ప్రజాసంఘాల నాయకులు పాల్గొని కామ్రేడ్ సుధాకర్ రెడ్డి గారికి ఘన నివాళులర్పించారు.
అమర్ రహే...కామ్రేడ్ సుధాకర్ రెడ్డి గారు అమర్ రహే!

CPI Hayathnagar

07/09/2026

05/09/2026

04/09/2026

04/09/2026

04/09/2026

04/09/2026

31/08/2026

29/08/2026

26/08/2026

22/08/2026

Address

Website

Alerts

Shortcuts

Share

Category

Listing takedown request