23/07/2026
*నిజామాబాద్ మాధవనగర్ రైల్వే బ్రిడ్జి నిర్మాణంలో తీవ్ర జాప్యం – వెంటనే పూర్తి చేయాలని తెలుగుదేశం పార్టీ ప్రజల తరుపున డిమాండ్.*
*ఈ కార్యక్రమం దేగాం యాదగౌడ్ గారి ఆధ్వర్యంలో నిర్వహించడం జరిగింది, ముఖ్య అతిథిగా తెలుగుదేశం పార్టీ పొలిట్ బ్యూరో సభ్యులు మాజీ ఎమ్మెల్యే, మాజీ రాష్ట్ర అధ్యక్షులు బక్కిని నర్సింలు గారు బ్రిడ్జి పనులను పర్యవేక్షించడం జరిగింది.*
*ఈ కార్యక్రమంలో పొలిట్ బ్యూరో సభ్యులు బక్కిని నర్సింలు గారు మాట్లాడుతూ..*
*పీసీసీ మహేష్ కుమార్ పై బక్కిని నర్సింలు ఫైర్..*
*ప్రభుత్వం అధికారంలోకి వచ్చి దాదాపు మూడు సంవత్సరాలు గడుస్తున్నా, మాధవ్ నగర్ రైల్వే బ్రిడ్జిని పట్టించుకోకపోవడం బాధాకరమన్నారు.*
*ఇప్పుడు ఆగస్టు 31 లోపు నిర్మాణ పనులు పూర్తి చేయాల్సి ఉండగా, ఇప్పటికి కూడా నిధులు విడుదల చేస్తామని పేపర్ స్టేట్మెంట్ ఇవ్వడం పేపర్లకే పరిమితం అవుతుంది కానీ పనిలో ఎలాంటి మార్పు కనబడటం లేదు, చిత్తశుద్ధి ఉంటే సమయానికి పనులు పూర్తి అయ్యేలా చూడాలని అన్నారు.*
నిజామాబాద్ నగర ప్రజలు మరియు పరిసర ప్రాంతాల గ్రామ ప్రజలు, నిత్యం హైదరాబాద్ వెళ్ళే వేలాది మంది ఎన్నో సంవత్సరాలుగా ఎదురుచూస్తున్న మాధవనగర్ రైల్వే ఓవర్ బ్రిడ్జి (ROB) నిర్మాణం తీవ్ర జాప్యానికి గురికావడం పట్ల ప్రజల్లో తీవ్ర అసంతృప్తి వ్యక్తమవుతోంది.
ఈ రైల్వే బ్రిడ్జి నిర్మాణం పూర్తయితే నగరంలోని వేలాది మంది ప్రజలకు ట్రాఫిక్ సమస్యలు తగ్గి, రాకపోకలు సులభతరం అవుతాయి. అయితే పనులు ప్రారంభమై దాదాపు ఆరు సంవత్సరాలు గడుస్తున్నప్పటికీ ఇప్పటికీ ప్రజలకు అందుబాటులోకి రాకపోవడం బాధాకరం.
అందుబాటులో ఉన్న వివరాల ప్రకారం 2022 జనవరి 27న పనులు ప్రారంభమైనప్పటికీ, అనంతరం పనులు పలుమార్లు నిలిచిపోయాయి. 2022 సెప్టెంబర్లో మళ్లీ పనులు ప్రారంభించినా, ఆశించిన వేగంతో కొనసాగలేదు. 2025 మే వరకు పనులు పూర్తవుతాయని అధికారులు ప్రకటించినప్పటికీ, ఆ గడువు కూడా దాటిపోయింది. ప్రస్తుతం 2026 ఆగస్టు చివరి నాటికి పూర్తి చేస్తామని చెబుతున్నప్పటికీ, ప్రజలకు ఆ హామీపై విశ్వాసం తగ్గుతోంది.
ఇప్పటివరకు సుమారు 60 శాతం పనులు మాత్రమే పూర్తయ్యాయని సమాచారం. మిగిలిన పనులు చాలా నెమ్మదిగా సాగుతున్నాయి. ప్రతిరోజూ వేలాది మంది విద్యార్థులు, ఉద్యోగులు, వ్యాపారులు, అత్యవసర సేవలకు వెళ్లే ప్రజలు ఈ ప్రాంతంలో తీవ్ర ట్రాఫిక్ ఇబ్బందులు ఎదుర్కొంటున్నారు.
వర్షాకాలంలో పరిస్థితి మరింత దారుణంగా మారుతోంది. కనెక్టివిటీ రోడ్డు సరిగా లేక, దుమ్ము, బురద, ట్రాఫిక్ రద్దీ కారణంగా ప్రజలు తీవ్ర ఇబ్బందులు పడుతున్నారు. అంబులెన్స్లు, స్కూల్ బస్సులు, అత్యవసర వాహనాలు కూడా ఆలస్యంగా గమ్యస్థానాలకు చేరుకోవాల్సిన పరిస్థితి ఏర్పడుతోంది. దీని వల్ల ప్రజల సమయం, ఇంధనం వృథా అవుతోంది.
ఈ ప్రాజెక్టు ఆలస్యానికి అసలు కారణాలను ప్రభుత్వం ప్రజలకు స్పష్టంగా తెలియజేయాలి. నిర్మాణ పనులు ఎందుకు నెమ్మదిగా జరుగుతున్నాయి? ఎలాంటి సాంకేతిక, పరిపాలనా లేదా నిధుల సమస్యలు ఉన్నాయి? అనే విషయాలపై అధికారిక ప్రకటన విడుదల చేయాలి.
నగర అభివృద్ధి కోసం అత్యంత కీలకమైన ఈ ప్రాజెక్టును ఇకపై నిర్లక్ష్యం చేయకుండా యుద్ధ ప్రాతిపదికన పూర్తి చేయాలని తెలుగుదేశం పార్టీ పొలిట్ బ్యూరో సభ్యులు బక్కిని నర్సింలు ప్రజల తరుపున డిమాండ్ చేశారు.
రాష్ట్ర ప్రభుత్వo దక్షిణ మధ్య రైల్వే అధికారులు సమన్వయంతో పనిచేసి మిగిలిన పనులను వేగవంతం చేయాలి.
ప్రజల సహనాన్ని పరీక్షించేలా పనులు సాగడం బాధాకరం. ప్రతి ఎన్నికల సమయంలో ఈ బ్రిడ్జి గురించి హామీలు ఇస్తున్నప్పటికీ, ఆ హామీలు కార్యరూపం దాల్చకపోవడం ప్రజల్లో నిరాశను కలిగిస్తోంది.
మాధవనగర్ రైల్వే బ్రిడ్జి పూర్తయితే నిజామాబాద్ నగర ట్రాఫిక్ సమస్యకు శాశ్వత పరిష్కారం లభిస్తుంది. అంతేకాకుండా నగర అభివృద్ధికి కొత్త ఊపిరి వస్తుంది. వ్యాపార, విద్య, వైద్య రంగాలకు కూడా ఇది ఎంతో ఉపయోగపడుతుంది.
అందువల్ల సంబంధిత అధికారులు ప్రత్యేక కార్యాచరణ ప్రణాళిక రూపొందించి, నిర్దిష్ట గడువులో పనులు పూర్తి చేసి ప్రజలకు అంకితం చేయాలని తెలుగుదేశం పార్టీ ప్రజల తరుపున విజ్ఞప్తి చేస్తుంది, ఈ ప్రాజెక్టుపై ప్రతినెలా పురోగతి నివేదిక విడుదల చేసి పారదర్శకత పాటించాలని కూడా కోరుతున్నారు.
"ప్రజల కలల బ్రిడ్జి ఇక ఆలస్యం కాకూడదు – వెంటనే నిర్మాణం పూర్తి చేయాలి" అనే నినాదంతో నగర ప్రజలు తమ గళాన్ని వినిపిస్తున్నారు. ప్రభుత్వం వెంటనే స్పందించి మాధవనగర్ రైల్వే ఓవర్ బ్రిడ్జిని పూర్తి చేసి ప్రజలకు అందుబాటులోకి తీసుకురావాలని తెలుగుదేశం పార్టీ తరుపున కోరుతున్నారు.
అనంతరం పార్లమెంట్ కన్వీనర్ దేగాం యదాగౌడ్ గారు మాట్లాడుతూ గడువులోగా బ్రిడ్జిని పూర్తి చేయాలనీ డిమాండ్ చేశారు.
ఈ కార్యక్రమంలో మాజీ నియోజక వర్గం ఇంచార్జీలు బొబ్బ నరసింహారావు, కర్రె వినోద్ కుమార్, గోపాల్ రెడ్డి, సోమనారాయణ రెడ్డి, రేంజర్ల సురేష్, రాఘవులు, మల్లికార్జున్, అంబిక సత్యనారాయణ, యువ నాయకులు శ్రీనివాస్ బాబు, సచిన్ పటేల్, దంతాల ఆనంద్, కల్లెడ గంగాధర్, మాజీ మండల అధ్యక్షులు బాల గంగాధర్, కృష్ణారెడ్డి, చిలుక సత్యనారాయణ, గోవర్ధన్ గౌడ్, దత్త కృష్ణ, పట్టణ సీనియర్ నాయకులు శంకర్ ముదిరాజ్, లవంగా రాజు, నటరాజ్, హరిష్ చౌదరి, రషీదా, లక్ష్మీ యాదవ్, విజయలక్ష్మి, నాయకులు కార్యకర్తలు పెద్ద ఎత్తున పాల్గొనడం జరిగింది.
