ਪ੍ਰਧਾਨ ਮਹੰਤ ਬਾਬਾ ਹਜੂਰ ਦਾਸ

  • Home
  • India
  • Jaitu
  • ਪ੍ਰਧਾਨ ਮਹੰਤ ਬਾਬਾ ਹਜੂਰ ਦਾਸ

ਪ੍ਰਧਾਨ ਮਹੰਤ ਬਾਬਾ ਹਜੂਰ ਦਾਸ ਪ੍ਰਧਾਨ ਮਹੰਤ ਹਜੂਰ ਦਾਸ ਉਦਾਸੀਨ ਸਮਾਜ ਸੇਵਾ

03/04/2026

ਜੀਵਨ ਡਾਇਰੀ ਭਾਗ ~7
ਬਹੁਤ ਹੀ ਸਤਿਕਾਰਯੋਗ ਪਿਆਰੇ ਦੋਸਤੋ ਸਤਿ ਸ੍ਰੀ ਅਕਾਲ ਅੱਜ ਗੱਲ ਕਰਦੇ ਹਾ ਮੇਰੇ ਜੀਵਨ ਦੀਆਂ ਕਈ ਮਿਠੀਆਂ ਯਾਦਾਂ ਦੀਆਂ ਉਹ ਗੱਲਾਂ ਜਿਹੜੀਆਂ ਅੱਜ ਯਾਦ ਕਰਕੇ ਆਪਣੇ ਆਪ ਵਿੱਚ ਮਜ਼ਾਕ ਲੱਗਦੀਆਂ ਹਨ ਸਭ ਤੋਂ ਪਹਿਲਾਂ ਤਾਂ ਕਈ ਵਾਰ ਕਿਸੇ ਦਾ ਵਿਆਹ ਜਾਂ ਕਿਸੇ ਦੇ ਘਰੇ ਕੋਈ ਹੋਰ ਪ੍ਰੋਗਰਾਮ ਹੋਣਾ ਜਿਸ ਵਿੱਚ ਕਈ ਵਾਰ ਅਸੀਂ ਸਾਰੇ ਦੋਸਤਾਂ ਨੇ ਰਲ ਕੇ ਮਿਠਿਆਈ ਜਾਂ ਕੁਝ ਹੋਰ ਬਿਨਾਂ ਸੱਦੇ ਬੁਲਾਏ ਤੋਂ ਜਾ ਕੇ ਖਾਣ ਲੱਗ ਜਾਣਾ ਫਿਰ ਕੀ ਸੀ ਕਿ ਪਰਿਵਾਰ ਦਾ ਕੋਈ ਜਿੰਮੇਵਾਰ ਬੰਦਾ ਆਉਂਦਾ ਉਸ ਨੇ ਇੱਕ ਲਰਕਰਾ ਮਾਰ ਕੇ ਭਜਾ ਦੇਣਾ ਅਤੇ ਅਸੀਂ ਬਿਨਾਂ ਉਸ ਦਾ ਗੁੱਸਾ ਕੀਤੇ ਪਲੇਟਾਂ ਵਿੱਚੋਂ ਕੁਝ ਨਾ ਕੁਝ ਚੱਕ ਕੇ ਖਾਂਦੇ ਖਾਂਦੇ ਉਥੋਂ ਭੱਜ ਕੇ ਆ ਜਾਣਾ ਜੀਵਨ ਦੇ ਵਿੱਚ ਕਈ ਵਾਰ ਕਈ ਘਰਾਂ ਦੇ ਵਿੱਚ ਟੈਲੀ ਵਿਜ਼ਨ ਵੇਖਣ ਜਾਣਾ ਉਸ ਸਮੇਂ ਰਮਾਇਣ ਅਤੇ ਅਲਫ ਲੈਲਾ ਵਰਗੇ ਬਹੁਤ ਵਧੀਆ ਪ੍ਰੋਗਰਾਮ ਟੀਵੀ ਵਿੱਚ ਚਲਦੇ ਹੁੰਦੇ ਸੀ ਕੁਝ ਵੀ ਗੱਲ ਨਾ ਸਮਝਦੇ ਹੋਏ ਜਿਸ ਸਮੇਂ ਅਗਲੇ ਦੇ ਘਰੇ ਖਾਣ ਪੀਣ ਦਾ ਸਮਾਂ ਹੋਣਾ ਅਤੇ ਅਸੀਂ ਜਾ ਕੇ ਉਸ ਜਗਹਾ ਤੇ ਚੌੜ ਚੱਪਾ ਕਰਨਾ ਜਿਵੇਂ ਅਸੀਂ ਆਪਣੇ ਘਰੇ ਬੈਠੇ ਹੋਈਏ ਫਿਰ ਕੀ ਸੀ ਕਿ ਉਹੀ ਗੱਲ ਫਿਰ ਹੋਣੀ ਕਿ ਜਾਂ ਤਾਂ ਬਾਂਹ ਫੜ ਕੇ ਘਰੋਂ ਬਾਹਰ ਕੱਢਦਿਆਂ ਜਾਂ ਲਰਕਰਾ ਮਾਰ ਕੇ ਇਹ ਗੱਲ ਆਮ ਜਿਹੀ ਹੁੰਦੀ ਸੀ ਕਿਉਂਕਿ ਉਸ ਸਮੇਂ ਕੁਝ ਖਾਸ ਘਰਾਂ ਦੇ ਵਿੱਚ ਹੀ ਟੀਵੀ ਚੱਲਦਾ ਹੁੰਦਾ ਸੀ ਅੱਜ ਫਿਰ ਉਹ ਮਿੱਠੀਆਂ ਯਾਦਾਂ ਨੂੰ ਯਾਦ ਕਰਕੇ ਉਸੇ ਤਰ੍ਹਾਂ ਉਹ ਚੀਜ਼ਾਂ ਦੁਬਾਰਾ ਹੰਡਾਉਣ ਨੂੰ ਬਹੁਤ ਮਨ ਕਰਦਾ ਕਿਉਂਕਿ ਉਸ ਸਮੇਂ ਪਰਿਵਾਰਾਂ ਦੇ ਵਿੱਚ ਭਾਈਚਾਰਕ ਸਾਂਝ ਬਹੁਤ ਵੱਡੇ ਲੈਵਲ ਤੇ ਹੁੰਦੀ ਸੀ ਘਰਾਂ ਦੇ ਵਿੱਚ ਇਕੱਠੇ ਰਹਿਣਾ ਅਤੇ ਐਤਵਾਰ ਨੂੰ ਇਕੱਠੇ ਬੈਠ ਕੇ ਪ੍ਰੋਗਰਾਮ ਦੇਖਣਾ ਜਾਂ ਇਕੱਠੇ ਬੈਠ ਕੇ ਖੇਡਣਾ ਬਹੁਤ ਵਧੀਆ ਲੱਗਦਾ ਸੀ ਕਈ ਵਾਰ ਤਾਂ ਸ਼ਾਮ ਸਮੇਂ ਕਾਫੀ ਹਨੇਰਾ ਹੋ ਜਾਣਾ ਅਤੇ ਫਿਰ ਕੀ ਸੀ ਮਾਂ ਦਾ ਡੰਡਾ ਤੇ ਪਿਓ ਦਾ ਦਿਲਾਸਾ ਇਹ ਘਰ ਦੇ ਵਿੱਚ ਹਰ ਦੂਜੇ ਤੀਜੇ ਦਿਨ ਚਲਦਾ ਰਹਿੰਦਾ ਸੀ

18/03/2026

ਜੀਵਨ ਡਾਇਰੀ ਭਾਗ ~6
ਪਿਆਰੇ ਦੋਸਤੋ ਸਤਿ ਸ੍ਰੀ ਅਕਾਲ ਅੱਜ ਗੱਲ ਕਰਦੇ ਆਂ ਮੇਰੇ ਜੀਵਨ ਦੇ ਵਿੱਚ ਉਸ ਅਣਮੁੱਲੀ ਯਾਦ ਜੋ ਕਿ ਮੇਰੇ ਪਿਆਰੇ ਦੋਸਤਾਂ ਨੇ ਮੈਨੂੰ ਕਦੇ ਵੀ ਅਹਿਸਾਸ ਨਹੀਂ ਹੋਣ ਦਿੱਤਾ ਕਿ ਮੈਂ ਅਪਾਹਜ ਹਾਂ ਬਚਪਨ ਦੇ ਵਿੱਚ ਬਹੁਤ ਖੇਡਾਂ ਖੇਡੀਆਂ ਲੇਕਿਨ ਕ੍ਰਿਕਟ ਮੇਰੇ ਜੀਵਨ ਦੀ ਬਹੁਤ ਪਿਆਰੀ ਖੇਡ ਹੈ ਇੱਥੇ ਇਹ ਕਹਿਣਾ ਵੀ ਗਲਤ ਨਹੀਂ ਹੋਵੇਗਾ ਕਿ ਮੇਰੇ ਦੋਸਤਾਂ ਨੇ ਮੈਨੂੰ ਹਮੇਸ਼ਾ ਹੀ ਹਰ ਖੇਡ ਦੇ ਵਿੱਚ ਅੱਗੇ ਰੱਖ ਕੇ ਮੈਨੂੰ ਜੋ ਪਰਮਾਤਮਾ ਨੇ ਰੋਗ ਲਾਇਆ ਸੀ ਉਹ ਮੈਨੂੰ ਭੁਲਾਉਣ ਦੇ ਵਿੱਚ ਬਹੁਤ ਵੱਡਾ ਰੋਲ ਅਦਾ ਕੀਤਾ ਮੈਂ ਧੰਨਵਾਦੀ ਹਾਂ ਉਹਨਾਂ ਦੋਸਤਾਂ ਦਾ ਜਿਨਾਂ ਨੇ ਮੈਨੂੰ ਹਮੇਸ਼ਾ ਹਰ ਖੇਡ ਦੇ ਵਿੱਚ ਅੱਗੇ ਰੱਖਿਆ ਅਤੇ ਉਸ ਸਮੇਂ ਲੈਦਰ ਦੀ ਬਾਲ ਜੋ ਕਿ ਲਗਭਗ 60 ਰੁਪਏ ਦੇ ਕਰੀਬ ਆਉਂਦੀ ਹੁੰਦੀ ਸੀ ਉਸ ਸਮੇਂ ਪੈਸੇ ਦੀ ਬਹੁਤ ਕੀਮਤ ਹੁੰਦੀ ਸੀ ਬਾਲ ਲਿਆਉਣ ਦੇ ਵਿੱਚ ਸਾਨੂੰ ਸਕੀਮਾਂ ਕਰਦਿਆਂ ਨੂੰ ਕਈ ਵਾਰ ਇੱਕ ਤੋਂ ਦੋ ਮਹੀਨੇ ਵੀ ਲੰਘ ਜਾਂਦੇ ਸੀ ਪਰ ਅਸੀਂ ਉਸ ਸਮੇਂ ਲੈਦਰ ਦੀ ਬਾਲ ਨਾਲ ਹੀ ਖੇਡਦੇ ਹੁੰਦੇ ਸੀ ਖੇਡ ਦੇ ਵਿੱਚ ਮੈਂ ਹਮੇਸ਼ਾ ਵਿਕਟਾਂ ਦੇ ਪਿੱਛੇ ਜਾਂ ਸਲਿਪ ਤੇ ਖੜ ਕੇ ਫੀਲਡਿਗ ਕਰਦਾ ਹੁੰਦਾ ਸੀ ਜਦੋਂ ਵੀ ਬਾਲ ਮੇਰੇ ਵੱਲ ਆਉਂਦੇ ਸੀ ਤਾਂ ਬੈਟਿੰਗ ਕਰਨ ਵਾਲਾ ਵਿਅਕਤੀ ਰਨ ਨਹੀਂ ਲੈਂਦਾ ਸੀ ਕਿਉਂਕਿ ਮੇਰਾ ਨਿਸ਼ਾਨਾ ਹਮੇਸ਼ਾ ਹੀ ਨਿਸ਼ਾਨੇ ਉੱਪਰ ਲੱਗਦਾ ਹੁੰਦਾ ਸੀ ਸੋ ਅੱਜ ਮੈਂ ਯਾਦ ਕਰਕੇ ਉਹਨਾਂ ਸਾਰੇ ਹੀ ਦੋਸਤਾਂ ਤੇ ਰੱਬ ਜਿੰਨਾ ਮਾਣ ਕਰਦਾ ਹਾਂ ਜਿਨਾਂ ਨੇ ਮੇਰੇ ਨਾਲ ਖੇਡਿਆ ਹੀ ਨਹੀਂ ਬਲਕਿ ਮੈਨੂੰ ਇਨਾ ਮਾਨ ਸਤਿਕਾਰ ਦਿੱਤਾ ਕਿ ਅੱਜ ਵੀ ਯਾਦ ਕਰਕੇ ਦਿਲ ਦੇ ਵਿੱਚੋਂ ਇਹੋ ਦੁਆ ਨਿਕਲਦੀ ਹੈ ਕਿ ਹੇ ਵਾਹਿਗੁਰੂ ਮੇਰੇ ਸਾਰੇ ਹੀ ਬਚਪਨ ਦੇ ਸਤਿਕਾਰਯੋਗ ਦੋਸਤਾਂ ਨੂੰ ਹਮੇਸ਼ਾ ਚੜ੍ਹਦੀ ਕਲਾ ਵਿੱਚ ਰੱਖੀ

12/03/2026

ਜੀਵਨ ਡਾਇਰੀ ~ 5
ਪਿਆਰੇ ਦੋਸਤੋ ਸਤਿ ਸ੍ਰੀ ਅਕਾਲ ਅੱਜ ਆਪਾਂ ਗੱਲ ਕਰਦੇ ਆਂ ਕਿ ਜਦੋਂ ਪ੍ਰਾਇਮਰੀ ਸਕੂਲ ਦੀ ਪੜ੍ਹਾਈ ਪੂਰੀ ਕੀਤੀ ਤਾਂ ਜ਼ਿੰਦਗੀ ਜਿਵੇਂ ਆਪਣੇ ਆਪ ਅੱਗੇ ਤੁਰਨ ਲਈ ਇੱਕ ਨਵੀਂ ਰਾਹ ਦਿਖਾ ਰਹੀ ਹੈ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਜੈਤੋ ਵਿਖੇ ਛੇਵੀਂ ਕਲਾਸ ਵਿੱਚ ਦਾਖਲਾ ਲਿਆ ਉਸ ਟਾਈਮ ਮੈਂ ਆਪਣੇ ਭਾਈ ਸੰਧੂਰਾ ਸਿੰਘ ਨਾਲ ਸਾਈਕਲ ਤੇ ਉਹਨਾਂ ਦੇ ਨਾਲ ਸਕੂਲ ਜਾਂਦਾ ਸੀ ਸਕੂਲ ਦੇ ਵਿੱਚ ਪੜਦੇ ਸਮੇਂ ਕਈ ਵਾਰ ਸਕੂਲ ਵਿੱਚੋਂ ਹਟਣ ਦਾ ਮਨ ਕਰਨ ਲੱਗ ਜਾਂਦਾ ਪਰ ਮੈਂ ਧੰਨਵਾਦੀ ਹਾਂ ਆਪਣੇ ਭਰਾ ਦਾ ਜੋ ਹਰ ਰੋਜ਼ ਮੈਨੂੰ ਆਪਣੇ ਸਾਈਕਲ ਤੇ ਬਿਠਾ ਕੇ ਪੂਰੀ ਠੰਡ ਅਤੇ ਪੂਰੀ ਗਰਮੀ ਦੇ ਵਿੱਚ ਸਕੂਲ ਲੈ ਕੇ ਜਾਂਦਾ ਅਤੇ ਨਾਲ ਹੀ ਜਦੋਂ ਮੈਂ ਅੱਧੀ ਛੁੱਟੀ ਵੇਲੇ ਖਾਣਾ ਖਾਂਦਾ ਤਾਂ ਮੈਨੂੰ ਆਪਣੀ ਕਲਾਸ ਵਿੱਚੋਂ ਆ ਕੇ ਜਿਸ ਡੱਬੇ ਦੇ ਵਿੱਚ ਅਸੀਂ ਰੋਟੀ ਲੈ ਕੇ ਜਾਂਦੇ ਸੀ ਤਾਂ ਉਸੇ ਡੱਬੇ ਦੇ ਵਿੱਚ ਮੈਨੂੰ ਠੰਡਾ ਪਾਣੀ ਪੀਣ ਲਈ ਵੀ ਦੇ ਕੇ ਜਾਂਦਾ ਅਤੇ ਨਾਲ ਹੀ ਮੈਂ ਧੰਨਵਾਦੀ ਆਂ ਮੇਰੇ ਦੋਸਤੋ ਗੁਰਪ੍ਰੀਤ ਸਿੰਘ ਉਰਫ ਮਾਣਾ ਸਾਗੂ ਦਾ ਜਿਸ ਕਿਸੇ ਵੀ ਕਲਾਸ ਦੇ ਵਿੱਚ ਅਸੀਂ ਪੀਰੀਅਡ ਲਾਉਣ ਜਾਣਾ ਹੁੰਦਾ ਤਾਂ ਲਗਭਗ ਛੇਵੀਂ ਕਲਾਸ ਤੋਂ ਲੈ ਕੇ ਦਸਵੀਂ ਕਲਾਸ ਤੱਕ ਲਗਾਤਾਰ ਮੇਰਾ ਕਿਤਾਬਾਂ ਵਾਲਾ ਥੈਲਾ ਜੋ ਕਿ ਢਾਈ ਤੋਂ ਤਿੰਨ ਕਿਲੋ ਦੇ ਕਰੀਬ ਉਸ ਦਾ ਵਜਨ ਹੁੰਦਾ ਸੀ ਅੱਜ ਯਾਦ ਕਰਕੇ ਮਨ ਵਾਰ ਵਾਰ ਉਹਨਾਂ ਦਾ ਧੰਨਵਾਦ ਕਰਨ ਨੂੰ ਬਣਦਾ ਜਿਨਾਂ ਦੇ ਸਿਰ ਤੇ ਮੈਂ ਆਪਣੀ ਪੜ੍ਹਾਈ ਹੀ ਨਹੀਂ ਪੂਰੀ ਕੀਤੀ ਬਲਕਿ ਮੈਨੂੰ ਉਨਾਂ ਤੋਂ ਇਨਾ ਪਿਆਰ ਮਿਲਿਆ ਨਾਲ ਹੀ ਸਤਿਕਾਰ ਮਿਲਿਆ ਕਿ ਮੈਂ ਆਪਣੇ ਆਪ ਨੂੰ ਬਹੁਤ ਭਾਗਾਂ ਵਾਲਾ ਸਮਝਦਾ ਹਾਂ ਇਹਨਾਂ ਨੇ ਕਦੇ ਵੀ ਆਪਣੇ ਮੱਥੇ ਵੱਟ ਨਹੀਂ ਪਾਇਆ ਤੇ ਮੇਰੀ ਸੇਵਾ ਦੇ ਵਿੱਚ ਕਦੇ ਵੀ ਕਮੀ ਨਹੀਂ ਆਉਣ ਦਿੱਤੀ ਕਲਾਸਾਂ ਦੇ ਵਿੱਚ ਕੱਪੜਾ ਦੇ ਬੈਠਣਾ ਅਤੇ ਜਦੋਂ ਸਕੂਲ ਦੇ ਵਿੱਚ ਕਿਸੇ ਟੀਚਰ ਦਾ ਪੜਾਉਣ ਦਾ ਮਨ ਨਹੀਂ ਹੁੰਦਾ ਸੀ ਤਾਂ ਉਸ ਨੇ ਕਲਾਸ ਨੂੰ ਗਰਾਊਂਡ ਵਿੱਚ ਧੁੱਪ ਵਿੱਚ ਬੁਲਾ ਲੈਣਾ ਅਤੇ ਮੈਂ ਕਿਵੇਂ ਨਾ ਕਿਵੇਂ ਹੌਲੀ ਹੌਲੀ ਰੁਕ ਰੁਕ ਕੇ ਜਿਸ ਜਗ੍ਹਾ ਤੇ ਪੀਰੀਅਡ ਲੱਗਿਆ ਹੋਣਾ ਉਸ ਜਗਹਾ ਤੇ ਪਹੁੰਚ ਜਾਂਦਾ ਸੀ ਕਦੇ ਕਦੇ ਤਾਂ ਮੇਰੇ ਦੋਸਤ ਮੇਰੇ ਨਾਲ ਨਾਲ ਤੁਰਦੇ ਮੈਨੂੰ ਇੰਝ ਲੱਗਦਾ ਕਿ ਮੈਂ ਬਹੁਤ ਕਰਮਾਂ ਵਾਲਾ ਕਿ ਜਿੰਨਾ ਜਿਸ ਨੂੰ ਇੰਨੇ ਪਿਆਰੇ ਦੋਸਤ ਮਿਲੇ ਅਤੇ ਨਾਲ ਹੀ ਜੀਵਨ ਦੇ ਵਿੱਚ ਅਨੇਕਾਂ ਘਟਨਾਵਾਂ ਦੇ ਨਾਲ ਨਾਲ ਯਾਦਾਂ ਦਾ ਜੁੜਨਾ ਅੱਜ ਯਾਦ ਕਰਕੇ ਮਨ ਪ੍ਰਸੰਨ ਹੋ ਜਾਂਦਾ ਕਿਉਂਕਿ ਪੜ੍ਹਾਈ ਦੇ ਵਿੱਚ ਪਹਿਲਾਂ ਮਾਂ ਦਾ ਸਹਿਯੋਗ ਫਿਰ ਟੀਚਰਾਂ ਦਾ ਸਹਿਯੋਗ ਫਿਰ ਦੋਸਤਾਂ ਦਾ ਸਹਿਯੋਗ ਅਤੇ ਫਿਰ ਆਪਣੇ ਰੱਬ ਵਰਗੇ ਭੈਣ ਭਰਾਵਾਂ ਦਾ ਸਹਿਯੋਗ ਮੈਂ ਵਾਹਿਗੁਰੂ ਦੇ ਚਰਨਾਂ ਵਿੱਚ ਅਰਦਾਸ ਕਰਦਾ ਕਿ ਵਾਹਿਗੁਰੂ ਮੇਰੇ ਦੋਸਤਾਂ ਮਿੱਤਰਾਂ ਨੂੰ ਮੇਰੇ ਮਾਂ ਬਾਪ ਮੇਰੇ ਭੈਣ ਭਰਾ ਅਤੇ ਮੈਨੂੰ ਦਿਲ ਤੋਂ ਪਿਆਰ ਕਰਨ ਵਾਲੇ ਵਾਲਿਆਂ ਨੂੰ ਹਮੇਸ਼ਾ ਚੜਦੀ ਕਲਾ ਵਿੱਚ ਰੱਖੇ ਇਹਨਾਂ ਦੀ ਲੰਮੀ ਉਮਰ ਕਰੀ ਵਾਹਿਗੁਰੂ ਜੀ ਕਾ ਖਾਲਸਾ ਵਾਹਿਗੁਰੂ ਜੀ ਕੀ ਫਤਿਹ

05/03/2026

ਜੀਵਨ ਡਾਇਰੀ ਭਾਗ ~4
ਪਿਆਰੇ ਦੋਸਤੋ ਸਤਿ ਸ੍ਰੀ ਅਕਾਲ ਅੱਜ ਆਪਾਂ ਗੱਲ ਕਰਦੇ ਆਂ ਜਿੰਦਗੀ ਦੇ ਵਿੱਚ ਆਏ ਇੱਕ ਬਚਪਨ ਤੋਂ ਬਾਅਦ ਸਮਝਦਾਰੀ ਤੇ ਦੁਨੀਆ ਨੂੰ ਜਾਨਣ ਅਤੇ ਸਮਝਣ ਦਾ ਸਮਾਂ ਆਇਆ ਜਦੋਂ ਮਾਂ ਦਾ ਹਰ ਰੋਜ਼ ਸਕੂਲ ਦੇ ਵਿੱਚ ਛੱਡ ਕੇ ਆਉਣਾ ਅਤੇ ਲੈ ਕੇ ਆਉਣਾ ਮਾਂ ਨੂੰ ਤਕਲੀਫ ਵਿੱਚ ਵੇਖਣਾ ਅਤੇ ਕਦੇ ਕਦੇ ਜਦੋਂ ਖੇਤ ਨੂੰ ਪਰਿਵਾਰ ਦੇ ਕਿਸੇ ਮੈਂਬਰ ਨੇ ਗੱਡਾ ਲੈ ਕੇ ਜਾਣਾ ਤਾਂ ਜਾਣ ਸਮੇਂ ਸਕੂਲ ਉਸ ਤੇ ਬਿਠਾ ਦੇਣਾ ਜਦ ਸਕੂਲ ਜਾਣਾ ਤਾਂ ਕਈ ਵਾਰ ਸਕੂਲ ਦੇ ਵੱਡੇ ਗੇਟ ਨੂੰ ਜਿੰਦਾ ਲੱਗਿਆ ਹੋਣਾ ਦੇਖ ਕੇ ਦੁਨੀਆ ਬਾਰੇ ਥੋੜਾ ਬਹੁਤ ਪਤਾ ਲੱਗਣ ਲੱਗਿਆ ਫਿਰ ਮਾਸਟਰ ਗਿਆਨ ਚੰਦ ਦਾ ਮਾਤਾ ਨੂੰ ਹੌਸਲਾ ਦੇਣਾ ਅਤੇ ਟਰਾਈ ਸਾਈਕਲ ਜੋ ਤਿੰਨ ਪੀਆਂ ਵਾਲਾ ਸਾਈਕਲ ਹੁੰਦਾ ਹੈ ਉਸ ਬਾਰੇ ਐਪਲੀਕੇਸ਼ਨ ਅਰਜੀ ਸਕੂਲ ਦੇ ਡੀਓ ਨੂੰ ਲਿਖ ਕੇ ਦੇਣ ਬਾਰੇ ਮਾਤਾ ਨੂੰ ਕਹਿਣਾ ਫਿਰ ਜਦੋਂ ਕਈ ਮਹੀਨਿਆਂ ਬਾਅਦ ਸਾਈਕਲ ਮਿਲਣਾ ਤਾਂ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ ਮਾਂ ਪਰਿਵਾਰ ਅਤੇ ਮੇਰੇ ਨਾਲੋਂ ਵੱਧ ਖੁਸ਼ੀ ਮੇਰੇ ਉਹਨਾਂ ਦੋਸਤਾਂ ਅਤੇ ਸਾਰੇ ਮਿੱਤਰਾਂ ਨੂੰ ਹੋਣਾ ਮੇਰੇ ਲਈ ਬਹੁਤ ਹੀ ਵੱਡੀ ਗੱਲ ਸੀ ਦੋਸਤੋ ਜਦੋਂ ਮੈਂ ਪ੍ਰਾਈਮਰੀ ਸਕੂਲ ਦੀ ਪੜ੍ਹਾਈ ਕੀਤੀ ਤਾਂ ਮੇਰੇ ਦੋਸਤਾਂ ਨੇ ਮੇਰੀ ਟਰਾਈ ਸਾਈਕਲ ਨੂੰ ਕਈ ਵਾਰ ਪਲਟ ਦੇਣਾ ਅਤੇ ਖੇਡਣ ਸਮੇਂ ਸਾਈਕਲ ਨੂੰ ਧੱਕਾ ਲਾ ਕੇ ਦੂਰ ਤੱਕ ਭਜਾਉਣਾ ਖੇਡ ਖੇਡ ਵਿੱਚ ਕਈ ਵਾਰ ਸੱਟਾਂ ਵੀ ਖਾ ਲੈਣੀਆਂ ਅਤੇ ਨਾਲ ਹੀ ਕਈ ਵਾਰ ਮੇਰੇ ਦੋਸਤਾਂ ਮਿੱਤਰਾਂ ਦੇ ਵੀ ਕਿਤੇ ਨਾ ਕਿਤੇ ਸਰੀਰ ਤੇ ਝਰੀਟ ਵੱਜ ਜਾਣੀ ਅਤੇ ਫਿਰ ਉਸ ਨੂੰ ਲੁਕਾਉਣਾ ਅਤੇ ਕੋਈ ਨਾ ਕੋਈ ਬਹਾਨਾ ਲਾ ਕੇ ਘਰਦਿਆਂ ਤੋਂ ਮਾਂ ਬਾਪ ਤੋਂ ਕੁੱਟ ਤੋਂ ਬਚ ਜਾਣਾ ਦੋਸਤੋ ਬਚਪਨ ਵਿੱਚ ਖੇਡੀਆਂ ਹੋਈਆਂ ਖੇਡਾਂ ਤੁਹਾਡੀ ਜਿੰਦਗੀ ਦੇ ਵਿੱਚ ਇੱਕ ਬਹੁਤ ਮਿੱਠੀ ਯਾਦਗਾਰ ਬਣ ਜਾਂਦੀ ਹੈ ਜਿਸ ਨੂੰ ਅੱਜ ਵੀ ਯਾਦ ਕਰਕੇ ਇੰਝ ਜਾਪਦਾ ਕਿ ਆਪਾਂ ਵੱਡੇ ਹੋਣਾ ਹੀ ਨਹੀਂ ਸੀ
ਬਾਕੀ ਅਗਲੇ ਭਾਗ ਵਿੱਚ ਸਤਿ ਸ੍ਰੀ ਅਕਾਲ

02/03/2026

ਜੀਵਨ ਡਾਇਰੀ ਭਾਗ ~3
ਪਿਆਰੇ ਦੋਸਤੋ ਸਤਿ ਸ੍ਰੀ ਅਕਾਲ
ਬਚਪਨ ਦੇ ਵਿੱਚ ਮਾਤਾ ਪਿਤਾ ਤੋਂ ਖਾਧੀਆਂ ਝਿੜਕਾਂ ਬੰਦੇ ਨੂੰ ਇੱਕ ਚੰਗਾ ਇਨਸਾਨ ਬਣਾਉਣ ਦੇ ਵਿੱਚ ਸਭ ਤੋਂ ਪਹਿਲੀ ਪੌੜੀ ਬਣਦੀਆਂ ਹਨ ਕਿਉਂਕਿ ਜਦੋਂ ਤੁਸੀਂ ਬਚਪਨ ਦੀ ਦਹਿਲੀਜ ਤੋਂ ਲੰਘ ਰਹੇ ਹੁੰਦੇ ਹਾਂ ਉਸ ਟਾਈਮ ਕਈ ਵਾਰ ਤੁਹਾਡੀ ਜਿੰਦਗੀ ਵਿੱਚ ਇਸ ਤਰ੍ਹਾਂ ਦੇ ਮੋੜ ਆ ਜਾਂਦੇ ਹਨ ਉਹਨਾਂ ਮੋੜਾ ਦੇ ਉੱਪਰ ਤੁਹਾਡਾ ਸਾਂਭਣਾ ਬਹੁਤ ਜਰੂਰੀ ਹੋ ਜਾਂਦਾ ਇਸ ਤਰਾਂ ਦੀ ਘਟਨਾ ਬਚਪਨ ਦੇ ਵਿੱਚ ਮੇਰੇ ਨਾਲ ਵੀ ਘਟੀ ਕਈ ਚੀਜ਼ਾਂ ਤੋਂ ਬਚਪਨ ਦੇ ਵਿੱਚ ਹੀ ਨਫਰਤ ਹੋ ਗਈ ਸੀ ਕਿਉਂਕਿ ਸਾਡੇ ਘਰ ਦੇ ਵਿੱਚ ਜਾਨੀ ਕਿ ਸਾਡੇ ਵੱਡੇ ਪਰਿਵਾਰ ਦੇ ਵਿੱਚ ਇੱਕ ਚੀਜ਼ ਨਾਲ ਤਾਂ ਪੀਣਾ ਤਾਂ ਦੂਰ ਦੀ ਗੱਲ ਹੈ ਨਹਾਉਣਾ ਕਿਹਾ ਜਾਂਦਾ ਸੀ ਜਿਸ ਚੀਜ਼ ਦੇ ਉੱਪਰ ਲਿਖਿਆ ਹੁੰਦਾ ਹੈ ਕੀ ਇਹ ਸਿਹਤ ਲਈ ਹਾਨੀਕਾਰਕ ਇਸ ਨਾਲ ਨਫਰਤ ਦਾ ਕਾਰਨ ਇਹ ਸੀ ਕਿ ਸਾਡੇ ਘਰਾਂ ਦੇ ਵਿੱਚ ਖਾਸ ਕਰਕੇ ਜਿਸ ਜਾਤੀ ਵਿੱਚ ਮੇਰਾ ਜਨਮ ਹੋਇਆ ਸੀ ਮੇਰੇ ਪਿੰਡ ਦੇ ਵਿੱਚ ਕੁਝ ਚਾਰ ਛਪੇਰੇ ਵੀ ਇਸ ਤਰ੍ਹਾਂ ਦੇ ਹੀ ਘਰ ਸਨ ਜਿਨਾਂ ਵਿੱਚ ਇਹ ਚੀਜ਼ ਆਮ ਪਾਈ ਜਾਂਦੀ ਸੀ ਹਰ ਰੋਜ਼ ਆਸੇ ਪਾਸੇ ਇਸ ਨਾਲ ਲੜਾਈਆਂ ਹੋਣੀਆਂ ਕਈ ਵਾਰ ਤਾਂ ਆਪਣੇ ਪਰਿਵਾਰਾਂ ਦੇ ਵਿੱਚ ਵੀ ਬਹੁਤ ਸਾਰੀਆਂ ਲੜਾਈਆਂ ਹੁੰਦੀਆਂ ਸਨ ਤੇ ਮਨ ਦੇ ਵਿੱਚ ਇਸ ਚੀਜ਼ ਪ੍ਰਤੀ ਬਹੁਤ ਜਿਆਦੇ ਨਫਰਤ ਪੈਦਾ ਹੋ ਗਈ ਅਗਲੀ ਗੱਲ ਜੋ ਸਾਡੇ ਨਾਲ ਇਹ ਘਟਨਾ ਘਟੀ ਮੈਂ ਇੱਕ ਵਾਰ ਆਪਣੇ ਬਚਪਨ ਦੇ ਦੋਸਤਾਂ ਨਾਲ ਉਸ ਚੀਜ਼ ਨੂੰ ਪੀ ਰਿਹਾ ਸੀ ਅਤੇ ਜੋ ਚੁੱਲੇ ਵਿੱਚੋਂ ਅੱਗ ਬੁਝਣ ਤੇ ਨਿਕਲਦਾ ਹੈ ਉਸ ਨੂੰ ਮੈਂ ਆਪਣੇ ਸਾਥੀਆਂ ਨਾਲ ਮੂੰਹ ਚੋਂ ਹਵਾ ਦੇ ਰੂਪ ਵਿੱਚ ਕੱਢ ਰਿਹਾ ਸੀ ਇੰਜ ਕਰਦੇ ਨੂੰ ਮੇਰੇ ਚਾਚੇ ਦੇ ਲੜਕੇ ਨੇ ਮੈਨੂੰ ਦੇਖ ਲਿਆ ਜਦੋਂ ਉਸ ਨੇ ਮੈਨੂੰ ਦੇਖਿਆ ਤਾਂ ਮੈਂ ਉਸਨੂੰ ਝਿੜਕ ਕੇ ਉਸ ਕਮਰੇ ਚੋਂ ਬਾਹਰ ਕੱਢ ਦਿੱਤਾ ਉਹ ਸਿੱਧਾ ਮੇਰੀ ਮਾਤਾ ਕੋਲ ਚਲਾ ਗਿਆ ਤੇ ਜਾ ਕੇ ਕਹਿੰਦਾ ਕਿ ਹਜੂਰਾ ਕਿਸੇ ਦੇ ਘਰੇ ਕਮਰੇ ਦੇ ਵਿੱਚ ਬੈਠਾ ਤੇ ਮੈਨੂੰ ਕਮਰੇ ਵਿੱਚ ਨਹੀਂ ਵੜਨ ਦਿੰਦਾ ਜਦ ਮੇਰੀ ਮਾਂ ਨੇ ਇਹ ਗੱਲ ਸੁਣੀ ਤਾਂ ਉਸਨੇ ਉਸੇ ਟਾਈਮ ਕਿਸੇ ਦੇ ਘਰ ਆ ਗਈ ਜਿੱਥੇ ਅਸੀਂ ਇਹ ਨਾਮਮੁਰਾਦ ਫੇਫੜੇ ਗਾਲਣ ਵਾਲੀ ਚੀਜ਼ ਨੂੰ ਆਪਣੇ ਮੂੰਹ ਚੋਂ ਕੱਢ ਰਹੇ ਫਿਰ ਕੀ ਸੀ ਮਾਤਾ ਨੇ ਇਹਨਾਂ ਕੁੱਟਿਆ ਕਿ ਕਈ ਦਿਨਾਂ ਤੱਕ ਮੇਰੇ ਦੋਸਤ ਸਾਡੇ ਘਰ ਨਹੀਂ ਆਏ ਦੋਸਤੋ ਮਾਂ ਬਾਪ ਦੀਆਂ ਝਿੜਕਾਂ ਬੰਦੇ ਦੀ ਜਿੰਦਗੀ ਬਦਲ ਦਿੰਦੀਆਂ ਹਨ ਯਾਦ ਰੱਖਿਓ ਕਿ ਇੱਕ ਮਾਂ ਬਾਪ ਹੀ ਹਨ ਜੋ ਤੁਹਾਡੀ ਜ਼ਿੰਦਗੀ ਦੇ ਵਿੱਚ ਤੁਹਾਡੇ ਨਾਲ ਕਦੇ ਵੀ ਗਲਤ ਨਹੀ ਹੋਣ ਦਿੰਦੇ ਨਾਲ ਹੀ ਇਹ ਵੀ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਮਾਂ ਬਾਪ ਦਾ ਝਿੜਕਿਆ ਬੰਦਾ ਸਭ ਤੋਂ ਵੱਡੀ ਸਰਕਾਰੀ ਕੁਰਸੀ ਤੇ ਬੈਠਦਾ ਹੈ ਅਤੇ ਉਸ ਟਾਈਮ ਤੁਹਾਡਾ ਹੁਕਮ ਚਲਦਾ ਹੈ
ਲਵ ਯੂ ਮਾਂ ਅਤੇ ਬਾਪ ਬਾਕੀ ਅਗਲੇ ਭਾਗ ਵਿੱਚ

25/02/2026

ਜੀਵਨ ਡਾਇਰੀ ਤੇ ਝਲਕ ਭਾਗ ~ 2
ਬਹੁਤ ਹੀ ਸਤਿਕਾਰਯੋਗ ਦੋਸਤੋ ਸਭ ਤੋਂ ਪਹਿਲਾਂ ਮੈਂ ਉਸ ਪਰਮ ਪਿਤਾ ਪਰਮਾਤਮਾ ਦਾ ਕੋਟਨ ਕੋਟ ਧੰਨਵਾਦ ਕਰਦਾ ਹਾਂ ਕਿ ਜਿਸ ਨੇ ਮੈਨੂੰ ਇਹੋ ਜਿਹੇ ਮਾਂ ਬਾਪ ਦਿੱਤੇ ਜੋ ਆਪਣੇ ਜੀਵਨ ਦੇ ਵਿੱਚ ਇਨੀਆਂ ਮੁਸ਼ਕਲਾਂ ਦੇ ਬਾਵਜੂਦ ਮੈਨੂੰ ਅਪਾਹਜ ਹੋਣ ਦੇ ਬਾਵਜੂਦ ਵੀ ਮੇਰਾ ਪਾਲਣ ਪੋਛਣ ਮੇਰੇ ਦੂਜੇ ਭਰਾਵਾਂ ਅਤੇ ਵੱਡੀ ਭੈਣ ਤੋਂ ਵੀ ਵੱਧ ਪਿਆਰ ਤੇ ਸਤਿਕਾਰ ਮਮਤਾ ਦੇ ਨਾਲ ਮੇਰਾ ਜੀਵਨ ਖੁਸ਼ੀਆਂ ਦੇ ਨਾਲ ਭਰ ਦਿੱਤਾ ਮੇਰੀ ਜਿੰਦਗੀ ਦਾ ਸਭ ਤੋਂ ਵੱਡਾ ਦਿਨ ਉਹ ਸੀ ਜਦੋਂ ਮੇਰੇ ਮਾਂ ਬਾਪ ਨੇ ਮੈਨੂੰ ਸਕੂਲ ਵਿੱਚ ਪੜ੍ਹਨ ਲਈ ਭੇਜਿਆ ਹੀ ਨਹੀਂ ਸਗੋਂ ਮੈਨੂੰ ਵਿਸ਼ੇਸ਼ ਤੌਰ ਤੇ ਪਿਆਰ ਅਤੇ ਮਮਤਾ ਦੇ ਨਾਲ ਹਰ ਰੋਜ਼ ਸਵੇਰੇ ਅਤੇ ਸ਼ਾਮ ਨੂੰ ਸਕੂਲ ਗੋਦੀ ਚੱਕ ਕੇ ਛੱਡ ਕੇ ਆਉਣਾ ਅਤੇ ਲੈ ਕੇ ਆਉਣਾ ਮੇਰੇ ਮਾਂ ਬਾਪ ਦੀ ਮਿਹਨਤ ਦਾ ਫਲ ਹੀ ਹੈ ਕਿ ਮੈਂ ਆਪਣੀ ਜ਼ਿੰਦਗੀ ਜਿਉਣ ਜੋਗੀ ਪੜ੍ਹਾਈ ਪਹਿਲਾਂ ਪਿੰਡ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਵਿੱਚ ਕਰ ਸਕਿਆ । ਪਰ ਮੇਰੀ ਜ਼ਿੰਦਗੀ ਦੂਸਰਿਆਂ ਤੋਂ ਥੋੜੀ ਜਿਹੀ ਵੱਖਰੀ ਸੀ ਬਚਪਨ ਦੇ ਵਿੱਚ ਮੈਨੂੰ ਆਪਣੇ ਯਾਰਾਂ ਮਿੱਤਰਾਂ ਦਾ ਇਨਾ ਪਿਆਰ ਮਿਲਿਆ ਕਿ ਕਈ ਵਾਰ ਤਾਂ ਮੈਂ ਇਹ ਵੀ ਭੁੱਲ ਜਾਂਦਾ ਸੀ ਕਿ ਮੈਂ ਦਿਵਿਆਂਗ ਹਾਂ ਕਿਉਂਕਿ ਬਚਪਨ ਦੇ ਵਿੱਚ ਮੈਂ ਹਰ ਤਰ੍ਹਾਂ ਦੀਆਂ ਖੇਡਾਂ ਖੇਡਣ ਦੇ ਵਿੱਚ ਸਭ ਤੋਂ ਮੂਹਰੇ ਹੁੰਦਾ ਸੀ ਅਸੀਂ ਜਦੋਂ ਵੀ ਖੇਡਣਾ ਸ਼ੁਰੂ ਕਰਦੇ ਤਾਂ ਸਭ ਤੋਂ ਪਹਿਲਾਂ ਜਦੋਂ ਵੀ ਦੋ ਗਰੁੱਪ ਬਣਾਉਣ ਵਾਸਤੇ ਬੰਦੇ ਵੰਡਣੇ ਹੁੰਦੇ ਸੀ ਸਭ ਤੋਂ ਪਹਿਲਾਂ ਮੇਰੇ ਵੱਲ ਉਂਗਲ ਹੁੰਦੀ ਸੀ ਕਿਉਂਕਿ ਮੈਂ ਲੁਕਣ ਮਚੀਚੀ,ਪਿੱਠੂਗ੍ਰਾਮ,ਫੜਨ ਫੜੀਚੀ, ਐਸਪਰੈਸ, ਗੁੱਲੀ ਡੰਡਾ, ਨਸੂੜੀਆਂ ਪਾਉਣਾ, ਕਬੱਡੀ, ਭਾਬੀ ਦਿਉਰ,ਸੀਫ ਅਤੇ ਕ੍ਰਿਕਟ ਖੇਡਣ ਦੇ ਵਿੱਚ ਸਭ ਤੋਂ ਵਧੀਆ ਰੋਲ ਅਦਾ ਕਰਦਾ ਸੀ ਕਈ ਵਾਰ ਤਾਂ ਘਰੋਂ ਮਾਤਾ ਤੋਂ ਘਰ ਵਿਚ ਲੇਟ ਆਉਣ ਕਰਕੇ ਕੁੱਟ ਵੀ ਪੈਂਦੀ ਸੀ
ਬਾਕੀ ਅਗਲੇ ਭਾਗ ਵਿੱਚ ਐਤਵਾਰ ਨੂੰ

22/02/2026

ਆਪਣੇ ਜੀਵਨ ਤੇ ਝਲਕ ਭਾਗ ~1
ਪਿਤਾ ਦਾ ਨਾਮ ਸਰਦਾਰ ਹਰਪਾਲ ਸਿੰਘ
ਮਾਤਾ ਦਾ ਨਾਮ ਪਰਮਜੀਤ ਕੌਰ
ਭੈਣ ਦਾ ਨਾਮ ਭੁਪਿੰਦਰ ਕੌਰ
ਵੱਡੇ ਭਾਈ ਦਾ ਨਾਮ ਸਰਦਾਰ ਭਰਪੂਰ ਸਿੰਘ
ਦੂਸਰੇ ਭਾਈ ਦਾ ਨਾਮ ਸਰਦਾਰ ਸੰਧੂਰਾ ਸਿੰਘ
ਸਭ ਤੋਂ ਛੋਟਾ ਤੁਹਾਡਾ ਸਾਰਿਆਂ ਦਾ ਆਪਣਾ
ਸਰਦਾਰ ਹਜੂਰਾ ਸਿੰਘ ਅੱਜ ਕੱਲ ਉਰਫ ਮਹੰਤ ਬਾਬਾ ਹਜੂਰ ਦਾਸ ਭਗਤੂਆਣਾ
ਅਗਲੇ ਭਾਗ ਵਿੱਚ ਮੇਰੀ ਜ਼ਿੰਦਗੀ ਦੇ ਉਹ ਅਨਮੋਲ ਹੀਰੇ ਜਿਨਾਂ ਨੇ ਮੈਨੂੰ ਪੜਨਾ ਲਿਖਣਾ ਸਿਖਾਉਣ ਦੇ ਵਿੱਚ ਅਤੇ ਮੈਨੂੰ ਲੱਗੇ ਹੋਏ ਰੋਗ ਨੂੰ ਭੁਲਾਉਣ ਦੇ ਵਿੱਚ ਮੇਰਾ ਸਾਥ ਹੀ ਨਹੀਂ ਦਿੱਤਾ ਬਲਕਿ ਮੈਨੂੰ ਜਿਉਣ ਦਾ ਢੰਗ ਸਿਖਾ ਕੇ ਮੇਰੇ ਉੱਪਰ ਉਹ ਅਹਿਸਾਨ ਕੀਤਾ ਜੋ ਮੈਂ ਸ਼ਾਇਦ ਅਗਲੇ ਕਈ ਜਨਮਾਂ ਤੱਕ ਉਹਨਾਂ ਦਾ ਇਹ ਹੈ ਅਹਿਸਾਨ ਕਦੇ ਵੀ ਨਹੀਂ ਉਤਾਰ ਸਕਦਾ

20/02/2026

ਡਾਇਰੀ
ਆਪਣੇ ਜੀਵਨ ਤੇ ਇਕ
ਝਲਕ ਦੇ ਨਾਲ ਨਾਲ ਆਪ ਜੀ ਦੇ ਉਹਨਾਂ ਪ੍ਰਸ਼ਨਾ ਦੇ ਉਤਰ ਜੋ ਆਪ ਜੀ ਦੇ ਮਨ ਵਿਚ ਆਏ ਪਰ ਆਪ ਜੀ ਤੋ ਉਹ ਕੋਹਾ ਦੂਰ ਰਹੇ ਬਾਕੀ ਮੇਰੀ ਜਿੰਦਗੀ ਦੇ ਉਹ ਪਲ ਜਿਹਨਾ ਤੇ ਮੈਨੂੰ ਇਨਾ ਮਾਨ ਹੈ ਕਿ ਮੈਂ ਆਪ ਜੀ ਨੂੰ ਦੱਸ ਨਹੀਂ ਸਕਦਾ ਨਾਲ ਹੀ ਧਾਰਮਿਕ ਨਜ਼ਰੀਏ ਦੇ ਨਾਲ ਆਪ ਜੀ ਦੀ ਜ਼ਿੰਦਗੀ ਵਿੱਚ ਕੰਮ ਆਉਣ ਵਾਲੀਆਂ ਉਹ ਗੱਲਾਂ ਜੇਕਰ ਤੁਸੀਂ ਆਪਣੇ ਜੀਵਨ ਦੇ ਵਿੱਚ ਉਹਨਾਂ ਨੂੰ ਅਪਣਾ ਲਿਆ ਤਾਂ ਮੈਂ ਇਸ ਗੱਲ ਦਾ ਦਾਅਵਾ ਕਰਦਾ ਕਿ ਤੁਹਾਡੀ ਜ਼ਿੰਦਗੀ ਖੁਸ਼ੀਆਂ ਨਾਲ ਭਰ ਜਾਵੇਗੀ ਮੈ ਆਪ ਜੀ ਨਾਲ ਆਪਣੀ ਜਿੰਦਗੀ ਬਾਰੇ ਅਤੇ ਆਪ ਜੀ ਲਈ ਜਾਨਣ ਵਾਲੀਆਂ ਗੱਲਾਂ ਹਰ ਐਤਵਾਰ ਤੇ ਬੁਧਵਾਰ ਨੂੰ ਵਿਸੇਸ਼ ਤੌਰ ਤੇ ਆਪ ਜੀ ਨਾਲ ਸਾਂਝੀਆਂ ਕਰਿਆ ਕਰਾਂ ਗਾ,,,,,,,,,?
ਵੱਲੋਂ ~ਉਦਾਸੀਨ ਬਾਬਾ ਹਜੂਰ ਦਾਸ ਭਗਤੂਆਣਾ
ਉਰਫ ~ ਹਜੂਰਾ ਸਿੰਘ ਜਿਲ੍ਹਾ ਫਰੀਦਕੋਟ

Address

Dera Baba Bhai Bhatu Ji Bhagtuana
Jaitu
151202

Website

Alerts

Be the first to know and let us send you an email when ਪ੍ਰਧਾਨ ਮਹੰਤ ਬਾਬਾ ਹਜੂਰ ਦਾਸ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category