ਦਾਦੂਵਾਲ ਵੈੱਲਫੇਅਰ ਸੁਸਾਇਟੀ

31/05/2025

"ਜਵਾਹਰ ਨਵੋਦਿਆ ਵਿਦਿਆਲਿਆ" ਲਈ ਛੇਵੀਂ ਕਲਾਸ ਲਈ ਸਿਲੈਕਟ ਹੋਏ ਤਿੰਨ ਵਿਦਿਆਰਥੀਆਂ ਹਰਲੀਨ ਕੌਰ, ਮੀਨਾਕਸ਼ੀ ਦੇਵੀ ਅਤੇ ਖੁਸ਼ਰਾਜਦੀਪ ਕੌਰ ਨੂੰ "ਦਾਦੂਵਾਲ ਵੈੱਲਫੇਅਰ ਸੁਸਾਇਟੀ" ਵਲੋਂ ਪਿੰਡ ਦਾਦੂਵਾਲ ਵਿਖੇ ਡਾ.ਭੀਮ ਰਾਓ ਅੰਬੇਡਕਰ ਜੀ ਦੇ 134ਵੇਂ ਜਨਮ ਦਿਹਾੜੇ ਨੂੰ ਮਨਾਉਣ ਸਮੇਂ ਮੋਮੈਂਟੋ ਅਤੇ ਸਕੂਲ ਬੈਗ ਦੇ ਕੇ ਸਨਮਾਨਿਤ ਕੀਤਾ ਗਿਆ।

11/04/2025

*** ਵਧਾਈਆਂ ਵਧਾਈਆਂ ਵਧਾਈਆਂ !!! ***
" ਦਾਦੂਵਾਲ ਵੈੱਲਫੇਅਰ ਸੋਸਾਇਟੀ " ਪਿੰਡ ਦਾਦੂਵਾਲ ਜਿਲਾ ਜਲੰਧਰ ਵਲੋਂ ਆਪ ਜੀ ਨਾਲ ਇਹ ਸੂਚਨਾਂ ਸਾਂਝੀ ਕਰਨ ਵਿੱਚ ਬੜਾ ਮਾਣ ਅਤੇ ਅਥਾਹ ਖੁਸ਼ੀ ਮਹਿਸੂਸ ਹੋ ਰਹੀ ਹੈ ਕਿ ਇਸ ਸੋਸਾਇਟੀ ਦੁਆਰਾ "ਫ੍ਰੀ ਟਿਉਸ਼ਨ ਕਲਾਸ ਪ੍ਰੋਗਰਾਮ " ਅਧੀਨ ਪੜ੍ਹਾਏ ਜਾ ਰਹੇ ਬੱਚਿਆਂ ਵਿੱਚੋਂ ਪੰਜਵੀਂ ਜਮਾਤ ਦੇ ਤਿੰਨ ਹੋਣਹਾਰ ਅਤੇ ਉੱਭਰ ਰਹੇ ਸਿਤਾਰਿਆਂ ਨੇ " ਜਵਾਹਰ ਨਵੋਦਿਆ ਵਿਦਿਆਲਿਆ " ਵਿੱਚ ਸੇਲੈਕਸ਼ਨ ਲਈ ਆਪਣੇ ਟੈਸਟ ਦਿੱਤੇ ਸਨ । ਟੈਸਟ ਪਾਸ ਹੋਣ ਉਪਰੰਤ ਇਨ੍ਹਾਂ ਤਿੰਨ ਹੋਣਹਾਰ ਵਿਦਿਆਰਥੀਆਂ ਦੀ ਸੈਲੈਕਸ਼ਨ ਛੇਵੀਂ ਜਮਾਤ ਲਈ " ਜਵਾਹਰ ਨਵੋਦਿਆ ਵਿਦਿਆਲਿਆ " ਤਲਵੰਡੀ ਮਾਧੋ ਜਿਲਾ ਜਲੰਧਰ ਵਿਖੇ ਹੋ ਗਈ ਹੈ। ਇਹਨਾਂ ਦੀ ਸਲੈਕਸ਼ਨ ਹੋਣ ਤੋਂ ਬਾਅਦ ਅਗਲੇ ਦਾਖਲੇ ਲਈ ਇਹਨਾਂ ਦੇ ਹਰ ਤਰ੍ਹਾਂ ਦੇ ਕਈ ਕਈ certificate ਅਤੇ ਦਾਖਲੇ ਸਬੰਧੀ ਹੋਰ ਜ਼ਰੂਰੀ ਸਾਰੀਆਂ ਪ੍ਰਕ੍ਰਿਆਵਾਂ ਵੱਖ ਵੱਖ ਦਫ਼ਤਰਾਂ ਵਿੱਚ ਜਾ ਕੇ ਸੋਸਾਇਟੀ ਵਲੋਂ ਆਪ ਪੂਰੀਆਂ ਕਰਵਾਈਆਂ ਗਈਆਂ ਅਤੇ ਸਾਰੇ documents ਬੱਚਿਆਂ ਦੇ ਮਾਪਿਆਂ ਨਾਲ ਆਪ ਜਾ ਕੇ ਤਿਆਰ ਕਰਵਾਏ ਗਏ। ਇਸ ਤਰ੍ਹਾਂ ਸੋਸਾਇਟੀ ਵਲੋਂ ਬੱਚਿਆਂ ਦੀ ਪੜ੍ਹਾਈ ਲਈ ਕੀਤੀ ਅਣਥੱਕ ਅਤੇ ਸਿਰਤੋੜ ਮਿਹਨਤ ਰੰਗ ਲਿਆਈ ਹੈ। ਇਕੋ ਸਮੇਂ ਤਿੰਨ ਵਿਦਆਰਥੀਆਂ ਦੀ ਇਕੋ ਹੀ ਪਿੰਡ ਵਿਚੋਂ ਸੇਲੇਕਸ਼ਨ ਹੋਣ ਨਾਲ ਇਹਨਾਂ ਬੱਚਿਆਂ ਨੇ ਪਿੰਡ ਦਾਦੂਵਾਲ ਦਾ ਨਾਮ ਵੀ ਰੌਸ਼ਨ ਕੀਤਾ ਹੈ।ਸੋ ਇਹਨਾਂ ਬੱਚਿਆਂ ਦੀ ਇਸ ਮਹਾਨ ਪ੍ਰਾਪਤੀ ਲਈ ਬੱਚਿਆਂ ਅਤੇ ਇਹਨਾਂ ਦੇ ਸਤਿਕਾਰਯੋਗ ਮਾਪਿਆਂ ਨੂੰ ਸੋਸਾਇਟੀ ਅਤੇ ਨਗਰ ਦਾਦੂਵਾਲ ਵਲੋਂ ਬਹੁਤ ਬਹੁਤ ਵਧਾਈਆਂ ਹੋਣ ਜੀ ਅਤੇ ਨਾਲ ਹੀ ਅੱਗੋਂ ਵੀ ਬੱਚਿਆਂ ਦੇ ਉੱਜਵਲ ਭਵਿੱਖ ਦੀ ਕਾਮਨਾ ਕਰਦੇ ਹਾਂ ।
ਸੋਸਾਇਟੀ ਇਹ ਵੀ ਆਸ ਰੱਖਦੀ ਹੈ ਕਿ ਸੋਸਾਇਟੀ ਵਲੋਂ ਪਿੰਡ ਦੀ ਭਲਾਈ ਲਈ ਕੀਤੇ ਜਾ ਰਹੇ ਵਧੀਆ ਕਾਰਜਾਂ ਲਈ ਸੋਸਾਇਟੀ ਦਾ ਉਤਸ਼ਾਹ ਵਧਾਇਆ ਜਾਵੇ ਅਤੇ ਪਿੰਡ ਦੀ ਤਰੱਕੀ ਲਈ ਅਗਾਂਹਵਧੂ ਸੋਚ ਰੱਖਦੇ ਹੋਏ ਪਿੰਡ ਵਾਸੀਆਂ ਵਲੋਂ ਭਰਪੂਰ ਸਹਿਯੋਗ ਦਿੱਤਾ ਜਾਵੇ ਜੀ ।
।। ਧੰਨਵਾਦ ।।

08/03/2025

ਵਿਦਵਾਨਾਂ ਅਤੇ ਬੁੱਧੀਜੀਵੀਆਂ ਵਲੋਂ ਔਰਤ ਨੂੰ ਜੱਗਜਣਨੀ ਕਿਹਾ ਗਿਆ ਹੈ। ਇਸ ਕਰਕੇ ਔਰਤ ਤੋਂ ਬਗੈਰ ਦੁਨਿਆਂ ਦੇ ਅੱਗੇ ਵਧਣ ਦੀ ਕਲਪਨਾ ਵੀ ਨਹੀਂ ਕੀਤੀ ਜਾ ਸਕਦੀ।ਸੋ ਔਰਤ ਦੇ ਇਸ ਮਹਾਨ ਕਾਰਜ ਅਤੇ ਦੇਸ਼ ਦੀ ਖ਼ੁਸ਼ਹਾਲੀ ਅਤੇ ਤਰੱਕੀ ਵਿੱਚ ਸਮੇਂ - ਸਮੇਂ ਪਾਏ ਮਹਾਨ ਯੋਗਦਾਨ ਲਈ ਔਰਤ ਸਦਾ ਹੀ ਸਨਮਾਨ ਦੀ ਪਾਤਰ ਹੈ।
।। ਨਾਰੀ ਸ਼ਕਤੀ - ਜਿੰਦਾਬਾਦ ।।

26/02/2025

ਸ਼੍ਰੀ ਪਰਮਜੀਤ ਲਾਲ "ਖੁੱਤਣ", ਦਾਦੂਵਾਲ ( ਜੋ ਕੇ ਚੰਡੀਗੜ੍ਹ ਵਿਖੇ ਸਰਵਿਸ ਕਰਦੇ ਹਨ) ਅਤੇ ਉਨਾਂ ਦੀ ਪਿਆਰੀ ਭੈਣ ਬੀਬੀ ਦਲੀਪ ਕੌਰ ,ਪ੍ਰੋਫੈਸਰ ਵਲੋਂ ਸੋਸਾਇਟੀ ਵਿੱਚ ਟਿਉਸ਼ਨ ਪੜ੍ਹਨ ਵਾਲੇ ਵਿਦਆਰਥੀਆਂ ਦੇ ਬੈਠਣ ਲਈ 20 ਗੱਦਿਆਂ ਦੀ ਸੇਵਾ ਕੀਤੀ। ਇਸ ਤੋਂ ਪਹਿਲਾਂ ਇਹ ਬੱਚੇ ਦਰੀਆਂ ਤੇ ਬੈਠ ਕੇ ਪੜ੍ਹਿਆ ਕਰਦੇ ਸਨ। ਉਪਰੋਕਤ ਦਾਨੀਆਂ ਦਾ ਇਸ ਸੇਵਾ ਲਈ " ਦਾਦੂਵਾਲ ਵੈੱਲਫੇਅਰ ਸੁਸਾਇਟੀ " ਵਲੋਂ ਦਿਲ ਦੀਆਂ ਗਹਿਰਾਈਆਂ ਤੋਂ ਧੰਨਵਾਦ।

26/02/2025

ਸੋਸਾਇਟੀ ਵਿੱਚ ਫ੍ਰੀ ਟਿਊਸ਼ਨ ਪੜ੍ਹਨ ਆਉਣ ਵਾਲੇ ਵਿਦਆਰਥੀ ਗੋਲ ਗੱਪੇ ਅਤੇ ਨੂਡਲਜ਼ ਖਾਂਦੇ ਹੋਏ ਅਤੇ ਮਜੇ ਲੈਂਦੇ ਹੋਏ।

26/02/2025