Utkarsha Vidyalaya

18/10/2025

🌼✨ दिवाळी शुभेच्छा संदेश ✨🌼

संस्था, शाळा, महाविद्यालय आणि कार्यशाळा परिसर आज दिवाळीच्या उत्साहाने उजळला आहे.
जणू आपल्या स्वतःच्या घराचीच सजावट करत आहोत, अशी आनंददायी भावना प्रत्येकाच्या मनात आहे. 🪔

फुलांच्या रांगोळ्या, दिव्यांच्या ओळी, आणि हसऱ्या चेहऱ्यांनी वातावरण प्रकाशमय झाले आहे.
ही दिवाळी केवळ प्रकाशाची नाही, तर एकतेची, आपुलकीची आणि आनंद वाटण्याची दिवाळी आहे. 💫

आपल्या सर्वांच्या आयुष्यात सुख, शांती आणि समृद्धीचा अखंड प्रकाश असाच झळकत राहो,
हीच या दिवाळीच्या निमित्ताने शुभेच्छा! 🌟

– संस्था ,शाळा ,महाविद्यालय, कार्यशाळा परिवाराच्या वतीने,
आपणांस हार्दिक दीपावलीच्या शुभेच्छा! 🪔🌼

09/10/2025

Commissioner Disability Ceozpjalgaon Zilla Parishad Jalgaon जिल्हाधिकारी कार्यालय जळगाव
आपला छोटासा सहभाग ह्या दिवाळीत या मुलांच्या चेहऱ्यावर आनंदाची ज्योत पेटवेल, असा आम्हाला विश्वास आहे.

06/10/2025

I got over 10 reactions on one of my posts last week! Thanks everyone for your support! 🎉

06/10/2025

🟢 बातमी 🟢

जळगाव : वर्ल्ड सेरेब्रल पाल्सी डे निमित्त विशेष कार्यक्रमाचे आयोजन

आज दिनांक ६ ऑक्टोबर रोजी Dr. उल्हास पाटील कॉलेज ऑफ फिजिओथेरपीच्या न्यूरो फिजिओथेरपी विभागातर्फे उत्कर्ष मतिमंद विद्यालय, जळगाव व प्रौढ मतिमंद मुलांची संरक्षित कार्यशाळा येथे "वर्ल्ड सेरेब्रल पाल्सी डे" उत्साहात साजरा करण्यात आला.

कार्यक्रमात डॉ. जिज्ञासा अत्तरदे (Neuro Pediatrics Assistant Professor), डॉ. रश्मी चौबे, डॉ. प्रियंका भिल, डॉ. वैष्णवी कापडे, डॉ. ओजस्वी जनबंधु, डॉ. श्रुती तांबट व डॉ. दामिनी तावडे यांची उपस्थिती लाभली.

यावेळी विद्यार्थ्यांसाठी विविध आवडीचे खेळ आयोजित करण्यात आले तसेच फिजिओथेरपीचे महत्त्व आणि विविध व्यायाम प्रकार प्रत्यक्ष करून दाखविण्यात आले.

कार्यक्रमास शाळेचे मुख्याध्यापक संजय बोरसे सर, शाळा व कार्यशाळेतील कर्मचारीवर्ग तसेच विद्यार्थ्यांचे पालक उपस्थित होते.

या उपक्रमामुळे विशेष विद्यार्थ्यांमध्ये आरोग्य जागरूकता व व्यायामाबद्दलची आवड निर्माण झाली.

01/10/2025

प्रौढ मतिमंद मुलांची संरक्षित कार्यशाळा व उत्कर्ष मतिमंद विद्यालय, जळगाव येथे या वर्षी दिवाळीनिमित्त विविध प्रकारचे आकर्षक दिवे, पणत्या व सजावटीची साहित्य विद्यार्थ्यांच्या हस्तकौशल्यातून तयार करण्यात आले असून ते विक्रीसाठी उपलब्ध करण्यात आले आहेत.

विशेष मुलांना स्वावलंबी बनविणे व त्यांच्या पुनर्वसनासाठी रोजगाराभिमुख उपक्रमांतर्गत ही दिवे निर्मिती करण्यात आली आहे. विद्यार्थ्यांनी मनापासून रंगवलेले व आकर्षक डिझाईन केलेले दिवे, पणत्या व सजावटीच्या वस्तू समाजापर्यंत पोहोचाव्यात या हेतूने सर्वांना आवाहन करण्यात आले आहे.

"या वस्तूंच्या खरेदीतून मिळणारा निधी विशेष मुलांच्या शैक्षणिक व पुनर्वसन कार्यासाठी उपयोगात आणला जाणार आहे," असे संस्थेच्या वतीने सांगण्यात आले.

समाजातील नागरिकांनी पुढाकार घेऊन या दिवाळीत दिव्यांच्या खरेदीसाठी विशेष कार्यशाळेला भेट द्यावी व दिव्यांच्या प्रकाशात विशेष मुलांच्या चेहऱ्यावर आनंदाचा प्रकाश पसरवावा, असे आवाहनही संस्थेकडून करण्यात आले आहे.

26/09/2025

सतर्कता जागरूकता अभियानांतर्गत चित्रकला स्पर्धा

सेंट्रल बँक ऑफ इंडिया क्षेत्रीय कार्यालय, जळगाव यांच्या वतीने सतर्कता जागरूकता अभियान राबविण्यात आले. या अभियानांतर्गत शालेय स्तरावर चित्रकला स्पर्धेचे आयोजन करण्यात आले होते. या उपक्रमाचा उद्देश विद्यार्थ्यांमध्ये सामाजिक भान, प्रामाणिकपणा, जबाबदारीची जाणीव तसेच कलागुणांना प्रोत्साहन देणे हा होता.

कार्यक्रमासाठी प्रमुख पाहुणे म्हणून नाशिक व जळगाव क्षेत्रीय कार्यालयाचे सतर्कता अधिकारी मा. श्री. प्रशांत प्रकाश, राजभाषा अधिकारी जळगाव श्री. आशिष कुमार, सहाय्यक प्रबंधक श्री. मयूर ठाकूर हे मान्यवर उपस्थित होते. यावेळी संस्थेचे अध्यक्ष मा. डॉ. दादासो सुरेश शामराव पाटील, मा. श्री. सूर्यकांत पाटील, प्रबोधन संस्थेचे अध्यक्ष तथा माजी आमदार मा. जयप्रकाश बाविस्कर, उत्कर्ष विद्यालयाचे मुख्याध्यापक श्री. संजय बोरसे सर, विकास तंत्रनिकेतनचे प्राचार्य श्री. अनंत महाजन सर यांचीही मान्यवर उपस्थिती लाभली.

या स्पर्धेत उत्कर्ष मतिमंद विद्यालयातील तसेच प्रौढ मतिमंद मुलांच्या संरक्षित कार्यशाळेतील विद्यार्थी सहभागी झाले. या विशेष विद्यार्थ्यांनी त्यांच्या कल्पनाशक्तीला वाव देत विविधरंगी चित्रे रेखाटली. चित्रकला करताना सर्व विद्यार्थ्यांनी उत्साह, आनंद व समाधान व्यक्त केले. त्यांच्यातील निर्मितीशक्ती पाहून मान्यवर व उपस्थित प्रेक्षक भारावून गेले.

स्पर्धेनंतर मान्यवर पाहुण्यांच्या हस्ते विद्यार्थ्यांना बक्षिसांचे वितरण करण्यात आले. बक्षिसे मिळाल्यानंतर विद्यार्थ्यांच्या आनंदाला पारावार उरला नाही. या उपक्रमाद्वारे विशेष विद्यार्थ्यांना स्वतःला व्यक्त करण्यासाठी आणि त्यांच्या सुप्त कलागुणांना संधी मिळाली.

कार्यक्रमाच्या यशस्वी आयोजनाबद्दल मान्यवर पाहुण्यांनी समाधान व्यक्त केले. त्यांनी अशा उपक्रमांतून मुलांचा आत्मविश्वास वाढतो, सामाजिक जाणीव दृढ होते तसेच त्यांच्या अंगभूत कलागुणांना व्यासपीठ मिळते असे गौरवोद्गार काढले.

23/09/2025