ZP School Sarwadi

12/01/2023

जिजाऊ जयंती १२ जानेवारी २०२३

12/01/2023

*जिल्हा परिषद प्राथमिक शाळा सारवाडी येथे राष्ट्रमाता जिजाऊ आणि स्वामी विवेकानंद जयंती साजरी*
आज दिनांक 12 जानेवारी 2023 या दिवशी राष्ट्रमाता जिजाऊ यांची जयंती जिल्हा परिषद प्राथमिक शाळा सारवाडी या ठिकाणी साजरी करण्यात आली होती. या कार्यक्रमासाठी ग्रामपंचायत सारवाडीच्या सरपंच श्रीमती निलावती जनार्दन काळे, उपसरपंच कैलास काळे, ग्रामसेविका श्रीमती के.एस.साबळे, शाळा व्यवस्थापन समिती अध्यक्ष दत्ता काळे, उपाध्यक्ष चापलवाड शाळा व्यवस्थापन समिती सदस्य राम काळे, पांडुरंग काळे, यांची प्रमुख उपस्थिती होती.समस्त उपस्थित मान्यवर यांनी जिजाऊ आणि स्वामी विवेकानंद यांना अभिवादन केले. जिल्हा परिषद प्राथमिक शाळा सारवाडी येथील मुख्याध्यापक श्री अनंतकुमार शीलवंत, ज्येष्ठ प्रा.पदवीधर शिक्षक ज्ञानेश्वर गिराम,श्रीमती विश्वलता गायकवाड, चक्रधर बागल, श्रीमती जनाबाई भुंबे यांनी जिजामाता यांच्या प्रतिमेस पुष्पहार अर्पण करून अभिवादन केले तसेच स्वामी विवेकानंद यांची देखील जयंती यावेळी साजरी करण्यात आली याप्रसंगी राष्ट्रमाता जिजामाता आणि स्वामी विवेकानंद यांच्या जीवन कार्यावर प्रकाश टाकणारी भाषणे विद्यार्थी आणि शिक्षक चक्रधर बागल यांनी केले. गावातील महिला बचत गट "जिजामाता बचत गट" यांची देखील महिलांसह उपस्थिती होती त्यांनी जिजामाता यांच्या प्रतिमेस आणि स्वामी विवेकानंद यांच्या प्रतिमेस पुष्पहार अर्पण करून अभिवादन केले.
या कार्यक्रमासाठी महिला बचत गट संघ अध्यक्ष तथा समिती सदस्य श्रीमती चंदा राम काळे अंगणवाडी कार्यकर्ते बेबीताई काळे, मदतनीस छायाताई निंबाळकर, आशा सेविका श्रीमती संगीता कमाने शालेय पोषण आहार कार्यकर्ती श्रीमती विमलबाई काळे आणि मदतनीस सुशीला काळे आणि शालेय विद्यार्थी पालक आणि महिला यांची उपस्थिती होती.

03/01/2023

जि प प्रा शा सारवाडी येथे ज्ञानज्योती सावित्रीमाई फुले जयंती उत्साहात साजरी
जिल्हा परिषद प्राथमिक शाळा सारवाडी तालुका जिल्हा जालना येथे ज्ञानज्योती पहिल्या महिला शिक्षिका आणि मुख्याध्यापिका महिला शिक्षणाच्या प्रणेत्या ज्ञानज्योती सावित्रीबाई फुले यांची जयंती 3 जानेवारी 2023 बालिका दिन म्हणून उत्साहात साजरी करण्यात आली सर्वप्रथम उपस्थित मान्यवरांच्या हस्ते सावित्रीबाई फुले यांच्या प्रतिमेला पुष्पहार अर्पण करून अभिवादन करण्यात आले.
यावेळी शाळेतील बहुसंख्य विद्यार्थिनी यांनी ज्ञानज्योती सावित्रीबाई फुले यांच्या विषयात शाळेत आगमन केले संपूर्ण परिसरात आनंद उत्सव दिसून येत होता जिकडे पहावे तिकडे सावित्रीबाई फुलेच दिसत होत्या विद्यार्थिनींमध्ये आणि विद्यार्थ्यांमध्ये आनंद उत्साह दिसून येत होता. याप्रसंगी सावित्रीबाई फुले यांच्या जीवन कार्यावर प्रकाश टाकणारे भाषण शाळेतील शिक्षक चक्रधर बागल यांनी केले तसेच विद्यार्थिनींनी देखील सावित्रीबाई फुले यांच्या जीवन कार्याची माहिती उपस्थित यांना केली. बालिका दिनानिमित्त शाळेमध्ये रांगोळी स्पर्धेचे आयोजन करण्यात आले होते.
या कार्यक्रमासाठी शालेय व्यवस्थापन समिती अध्यक्ष दत्ता काळे, ,उपाध्यक्ष भाऊसाहेब चापलवाड, सरपंच नीलावती जनार्दन काळे, उपसरपंच कैलास काळे, शाळा समिती सदस्य तथा ग्रामपंचायत सदस्य विलास नरवडे, ग्रामसेविका श्रीमती के.एस. साबळे , ज्येष्ठ प्राथमिक पदवीधर शिक्षक ज्ञानेश्वर गिराम, चक्रधर बागल, शिक्षिका श्रीमती विश्वलता गायकवाड, जनाबाई भूंबे, दीपा उंचेकर,महिला बचत गट संघ अध्यक्ष तथा समिती सदस्य श्रीमती चंदा राम काळे अंगणवाडी कार्यकर्ते बेबीताई काळे, मदतनीस छायाताई निंबाळकर, आशा सेविका श्रीमती संगीता निकाळजे आणि शालेय विद्यार्थी यांची उपस्थिती होती.

06/12/2022

*जि.प.प्रा.शा. सारवाडी येथे भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त अभिवादन*
आज दिनांक 6 डिसेंबर 2022 रोजी भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त जिल्हा परिषद प्राथमिक शाळा सारवाडी या ठिकाणी अभिवादन कार्यक्रम घेण्यात आला. सर्वप्रथम डॉ. बाबासाहेब आंबेडकर यांच्या प्रतिमेस पुष्पहार अर्पण करून सर्व मान्यवरांनी अभिवादन केले. अभिवादन कार्यक्रमासाठी जिल्हा परिषद प्राथमिक शाळा सारवाडीचे शालेय व्यवस्थापन समिती अध्यक्ष दत्ता काळे, उपाध्यक्ष भाऊसाहेब चापलवाड, सरपंच जनार्दन काळे, उपसरपंच कैलास काळे, शाळा समिती सदस्य तथा ग्रामपंचायत सदस्य विलास नरवडे, ज्येष्ठ प्राथमिक पदवीधर शिक्षक ज्ञानेश्वर गिराम, पदवीधर शिक्षक अनंतकुमार शीलवंत, आनंद नरवडे, अंगणवाडी कार्यकर्ते बेबीताई काळे, मदतनीस छायाताई निंबाळकर आणि शालेय विद्यार्थी यांची उपस्थिती होती.

26/11/2022

जि प प्रा शा सारवाडी येथे संविधान दिन उत्साहात साजरा.
जिल्हा परिषद प्राथमिक शाळा सारवाडी येथे 26 नोव्हेंबर संविधान दिन उत्साहात साजरा करण्यात आला. सर्वप्रथम जिल्हा परिषद प्राथमिक शाळा सारवाडी येथील शाळेतील सर्व विद्यार्थ्यांची संविधान यात्रा जनजागृती प्रभात फेरी काढण्यात आली यावेळी विद्यार्थ्यांनी "जब तक सुरज चांद रहेगा संविधान तेरा नाम रहेगा", "गीता बायबल या हो कुराण सबके आगे है संविधान" .. अशा प्रकारच्या घोषणांनी परिसर दराने सोडला होता.
शाळेच्या मैदानात गावातील प्रतिष्ठित नागरिक सरपंच उपसरपंच ग्रामपंचायत सदस्य शाळा व्यवस्थापन समिती अध्यक्ष आणि सदस्य विद्यार्थी शिक्षक पालक यांनी भारतरत्न डॉ. बाबासाहेब आंबेडकर , महात्मा गांधी, छत्रपती शिवाजी महाराज यांच्या प्रतिमेला अभिवादन केले आणि भारतीय संविधानाचे प्रास्ताविक याचे सामूहिक वाचन घेण्यात आले. यावेळी शाळेतील ज्येष्ठ प्राथमिक पदवीधर शिक्षक ज्ञानेश्वर गिराम, शिक्षक चक्रधर बागल यांनी संविधानाबद्दल उपस्थित गावकरी विद्यार्थी पालक यांना माहिती सांगितली.
संविधान दिनानिमित्त स्वातंत्र्याचा अमृत महोत्सव काळात घेण्यात आलेल्या विविध स्पर्धा यामध्ये रांगोळी स्पर्धा, निबंध स्पर्धा, हस्ताक्षर स्पर्धा, या स्पर्धेतील विजयी स्पर्धक आणि समस्त विद्यार्थी यांना शैक्षणिक साहित्य बक्षिसाचे वाटप गावातील भीम आर्मी ग्रुप, लहुजी ग्रुप, दया सागर ग्रुप यांचे वतीने वाटप करण्यात आले.
या कार्यक्रमासाठी गावातील ज्येष्ठ नागरिक तात्या काळे, भीमराव आबा काळे, शाळा व्यवस्थापन समिती अध्यक्ष सूर्यकला दत्तात्रय, सरपंच जनार्दन काळे, उपसरपंच कैलास काळे, काळे, ग्रामपंचायत सदस्य विलास नरवडे, मुख्याध्यापिका श्रीमती विश्वलता गायकवाड, ग्रामसेविका साबळे मॅडम, जेष्ठ प्राथमिक पदवीधर शिक्षक ज्ञानेश्वर गिराम, पदवीधर शिक्षक अनंत कुमार शीलवंत, चक्रधर बागल, दीपा उंचेकर, जनाबाई भुंबे, अंगणवाडी कार्यकर्ते बेबीताई निंबाळकर, विविध ग्रुपचे सदस्य विकास मस्के, ताराचंद सरसंडे, शितल सोनवणे,दिलीप मंडलिक, गौतम खरात,विक्रम नरवडे, समाधान खरात, लखन काते, विजय सरसंडे,भारत खरात,संजीव सरसंडे, भीमा खरात, स्वप्नील नरवडे,आकाश मस्के, विष्णू नरवडे यांची उपस्थिती होती. कार्यक्रमाचे सूत्रसंचालन चक्रधर बागल यांनी केले तर आभार प्रदर्शन अनंत कुमार शीलवंत यांनी मानले.

22/11/2022

*प्रा. शा. सारवाडी येथे शास्त्रज्ञ सी.व्ही. रमण यांचा स्मृतिदिन साजरा*
आज दिनांक 21 नोव्हेंबर 2022 रोजी जिल्हा परिषद प्राथमिक शाळा सारवाडी येथे नोबल पारितोषिक विजेते डॉ. सी व्ही रमण यांचा स्मृतिदिन साजरा करण्यात आला या कार्यक्रमाच्या अध्यक्षस्थानी जेष्ठ प्राथमिक पदवीधर शिक्षक श्री ज्ञानेश्वर गिराम हे होते यावेळी अध्यक्षांच्या हस्ते सी व्ही रमण यांच्या प्रतिमेला पुष्पहार अर्पण करून अभिवादन करण्यात आले. यावेळी पदवीधर शिक्षक श्री अनंत कुमार शीलवंत यांनी रमण यांच्या जीवन कार्याचा थोडक्यात परिचय विद्यार्थ्यांना करून दिला. अध्यक्षीय भाषणात ज्ञानेश्वर गिराम यांनी विद्यार्थ्यांनी वैज्ञानिक दृष्टिकोन बाळगावा असे आवाहन करून रमण यांच्या जीवन कार्यातील काही प्रसंग सांगितले या कार्यक्रमासाठी श्री चक्रधर बागल, श्रीमती जनाबाई भुंबे, श्रीमती दीपा उंचेकर आणि शाळेतील विद्यार्थी यांची उपस्थिती होती.

21/11/2022

*निपुण भारत अंतर्गत जिप प्राशा सारवाडी येथे माता पालक बैठक संपन्न*
आज दिनांक 19 नोव्हेंबर 2022 रोजी जि प प्रा शा सारवाडी येथे वर्ग पहिली ते तिसरी च्या माता आणि पालक यांची बैठक आयोजित करण्यात आली होती.
सर्वप्रथम गावच्या प्रथम नागरिक सरपंच सौ. निलावती जनार्दन काळे आणि शाळा व्यवस्थापन समिती अध्यक्ष सूर्यकला दत्तात्रय काळे आणि उपस्थित महिला यांच्या हस्ते सावित्रीबाई फुले यांच्या प्रतिमेला पुष्पहार घालून अभिवादन करण्यात आले. या कार्यक्रमाचे प्रास्ताविक चक्रधर बागल यांनी केले या बैठकीला शिक्षक माता पालक यांच्यात संवाद चर्चा करण्यात आली माता पालक आणि शिक्षक यांनी अनुभव कथन केले आणि मातांना यशस्वी व्यक्तींची यशोगाथा सांगण्यात आली यावेळी शैक्षणिक प्रगती विषयी चर्चा करण्यात येऊन दरमहा बैठकीला उपस्थित राहण्याचे आवाहन करण्यात आले.
या बैठकीसाठी शाळा व्यवस्थापन समिती अध्यक्ष सूर्यकला दत्तात्रय काळे आणि सारवाडी येथील सरपंच निलावती जनार्दन काळे महिला बचत गट संघ अध्यक्ष चंदा राम काळे यांची प्रमुख उपस्थिती होती. यावेळी उपस्थित महिलांना जेष्ठ प्राथमिक परिवर शिक्षक ज्ञानेश्वर गिराम, पदवीधर शिक्षक अनंत कुमार शीलवंत चक्रधर बागल शिक्षिका जनाबाई भुंबे, शिक्षिका दीपा उंचेकर यांनी मार्गदर्शन केले.
यावेळी गावातील माता पालक पार्वती शंकर पवार चापलवाड, कमलबाई बाबुराव काळे, आशाताई सरसंडे, राखी नितीन नरोडे, कविता भानुदास काळे, चंदा राम काळे, सुनीता नितीन कांबळे, सुशीला साहेबराव नरवडे, शोभा भगवान काळे, ऐश्वर्या रामेश्वर काळे, पूजा मोशन कमाने, संगीता आठवले, गंगा तुकाराम काळे, नम्रता सचिन काळे, स्वाती शत्रुघ्न कुटे, राधा शंकर वराडे, निर्मला अशोक कमाने, अनिता विनोद मंडलिक यांची उपस्थिती होती

14/11/2022

20/10/2022

दिवाळी साजरी करा
प्रदूषण मुक्त,
दिवाळी साजरी करा
पर्यावरण पूरक
🙏🙏🙏🙏🙏

20/10/2022

जालना: सारवाडी शाळेतील विद्यार्थी प्रदूषण मुक्त दिवाळी साजरी करणार
https://www.publicvibe.com/post/1666190337794179499?utm_source=share&utm_medium=android&userid=1652766292683352165
===============================
*प्रदूषण मुक्त दिवाळी अभियान*
जिल्हा परिषद प्राथमिक शाळा सारवाडी केंद्र पाचनवडगाव तालुका जिल्हा जालना ही एक उपक्रमशील शाळा आहे. या शाळेत
महाराष्ट्र अंधश्रद्धा निर्मूलन समितीच्या वतीने विद्यार्थी,पालक,शिक्षक, नागरिक यांना प्रदूषण मुक्त दिवाळीसाठी फटाके विरोधी अभियान अंतर्गत *पर्यावरण पूरक दिवाळी* साजरी करण्यासाठी आवाहन करण्यात आले त्यामध्ये फटाके फोडल्याने नक्की काय होते? या बाबत माहिती देण्यात आली.
विचार तर कराल.......
ही दिवाळी आपणा सर्वांना सुखा समाधानाची आनंदाची ठरावी हीच सदिच्छा दीपावलीतील फटाके व शुभेच्छा दारूची खरेदी आणि नंतर वापर हा आनंदाचा भाग मानला जातो परंतु आता सुजाण माणसे याबाबत विचार करू लागले आहेत असे लक्षात येते की या क्षणिक आनंदासाठी अनेक घटना घडतात अन्याय होतात त्यामध्ये प्रचंड ध्वनी, प्रदूषण प्रचंड वायू प्रदूषण, अपघाताने भाजणे, आग लागणे, वृद्ध आजारी परीक्षार्थी या सर्वांना त्याचा त्रास होतो तसेच फटाके तयार करणाऱ्या कारखान्यात बालकामगार तयार होतात फटाके खरेदीतून या चुकीच्या प्रथेला मान्यता व स्थिरता येते फटाके व शोभेची दारू उडवणे हे 100%जालना: सारवाडी शाळेतील विद्यार्थी प्रदूषण मुक्त दिवाळी साजरी करणार
https://www.publicvibe.com/post/1666190337794179499?utm_source=share&utm_medium=android&userid=1652766292683352165 अनुउत्पादक आहे पैशाचा धूर काढणे असे त्याचे वर्णन करावे लागेल वरील सर्व बाबी लक्षात घेता कळकळीची विनंती यावर्षी मागील वर्षीपेक्षा फटाके शोभेची दारू याची खरेदी कमीत कमी किंवा अजिबात न करण्याचा निश्चय करूया त्या वाचलेल्या पैशातून छान छान पुस्तके खेळणे किल्ल्यासाठीची साधनसामुग्री घेण्याचा संकल्प करूया आणि गरजूंना मदत करूया.
यावेळी विद्यार्थ्यांनी संकल्प करून संकल्पपत्र भरून दिले. त्यात बचत केलेल्या पैशातून छान छान असे उपक्रम विद्यार्थ्यांनी सुचवले.

15/10/2022

जि.प.प्रा.शा. सारवाडी येथे विविध उपक्रमाने पहिल्या शैक्षणिक सत्राची सांगता
भारतरत्न डॉ.ए.पी.जे.कलाम जयंती निमित्त वाचन प्रेरणा दिन, जागतिक हात धुवा दिन, पर्यावरण पूरक दिवाळी अभियान, इत्यादी उपक्रमाने जिल्हा परिषद प्राथमिक शाळा सारवाडी येथे शैक्षणिक पहिल्या सत्रात शेवटच्या दिवशी उपक्रमांची रेल-चेल दिसून झाली.
यामध्ये सर्वप्रथम आज भारतरत्न डॉ. ए.पी.जे. कलाम यांच्या जयंतीनिमित्त आज 15 ऑक्टोंबर 2022 रोजी शाळेत वाचन प्रेरणा दिन साजरा करण्यात आला यामध्ये विद्यार्थ्यांनी भारतरत्न डॉ. ए.पी.जे कलाम यांच्या जीवन चरित्रातील वाचन केले यात प्रामुख्याने अग्निपंख या पुस्तकातील काही उताऱ्याचे वाचन करण्यात आले तसेच शाळेतील शिक्षक चक्रधर बागल यांनी त्यांच्या जीवन कार्य टाकणारे भाषण करून विद्यार्थ्यांना माहिती दिली. वाचन करणाऱ्या विद्यार्थ्यांना शाळेतील ज्येष्ठ प्राथमिक पदवीधर शिक्षक ज्ञानेश्वर गिराम यांनी बाल विज्ञान साहित्याची विवेकी विचारांची पुस्तके बक्षीस म्हणून दिली यावेळी विद्यार्थ्यांनी दिवाळीच्या सुट्टीमध्ये अवांतर वाचन करण्याचा संकल्प केला.
पर्यावरण पूरक प्रदूषण मुक्त दिवाळी फटाकेविरोधी अभियान अंतर्गत विद्यार्थ्यांना फटाके फोडलेले नक्की काय होते यावर विचार करायला लावणारी चर्चा करून त्यांना फटाक्यांचे दुष्परिणाम सांगण्यात आले यामध्ये विद्यार्थ्यांनी ध्वनी प्रदूषण, वायू प्रदूषण, फटाक्यामुळे होणारे अपघात, आजारी लोकांना होणारा त्रास, तसेच बाल कामगार प्रथेला चालना तसेच पैशाचा धूर काढणे अशी वर्णन केले यावेळी विद्यार्थ्यांनी मागील वर्षीपेक्षा कमीत कमी फटाक्याची खरेदी किंवा अजिबात न करण्याचा निश्चय केला आणि वाचलेल्या पैशातून छान छान पुस्तके खेळणी किल्ल्यासाठी साधनसामुग्री घेण्याचा संकल्प केला तसेच गरजूंना मदत करण्याचे देखील आश्वासन दिले याचबरोबर विद्यार्थ्यांनी संकल्पपत्र भरून दिले. या संकल्प पत्रावर शास्त्रज्ञ जयंत नारळीकर, क्रिकेटपटू सचिन तेंडुलकर,थोर समाजसेवक प्रकाश आमटे, दिग्दर्शक जब्बार पटेल आणि नाना पाटेकर यांच्या स्वाक्षऱ्या आहेत.अशा प्रकारे फटाके विरोधी अभियान दरवर्षी नियमितपणे शाळा शाळांमध्ये महाराष्ट्र अंधश्रद्धा निर्मूलन समितीच्या वतीने घेण्यात येते.
15 ऑक्टोबर हा दिवस जागतिक हात धुवा दिन म्हणून जगभरात साजरा केला जातो यावेळी विद्यार्थ्यांना हात धुण्याचे महत्त्व सांगून साबणाचा वापर कसा करावा हात कसे धुवावे आणि स्वच्छतेबाबतचे घोषवाक्य या बाबतीत मार्गदर्शन करण्यात आले आणि दिवाळी मधील अभ्यास आणि उपक्रमाचे नियोजन देण्यात आले.
अशाप्रकारे जिल्हा परिषद प्राथमिक शाळा सारवाडी मध्ये विविध उपक्रमांनी पहिल्या शैक्षणिक सत्राची सांगता झाली या उपक्रमासाठी शाळेच्या मुख्याध्यापिका श्रीमती विश्वलता गायकवाड यांच्या मार्गदर्शनाखाली ज्येष्ठ प्राथमिक व शिक्षक ज्ञानेश्वर गिराम, चक्रधर बागल, श्रीमती जनाबाई भुंबे, श्रीमती दीपा उंचेकर आणि विद्यार्थी यांची उपस्थिती होती. यावेळी समस्त विद्यार्थ्यांना पूरक आहार योजनेअंतर्गत बिस्किटाचे वाटप करण्यात आले.

15/10/2022

Thanks Daily lokmat Hello Jalna 🙏