08/05/2020
*જામનગર જીલ્લા સીટી “બી” ડીવીઝન પોલીસ સ્ટેશન* ના *પોલીસ ઈન્સપેકટર જે.વી.રાઠોડ*
હું આપ સૌ જામનગરની તમામ જનતાને નમ્ર અપીલ કરૂ છું કે, હાલમાં આખી દુનીયામાં ફેલાય રહેલ વાયરસ કોરોના વાઈરસ (કોવિડ-૧૯) ની મહામારી વચ્ચે આપ સૌવ રહો છો. અને જામનગર જિલ્લાના તમામ તંત્ર ખડેપગે લડી રહ્યા છે ત્યારે એક જાગૃત નાગરિક તરીકે આપણી પણ થોડી ફરજ સમજી તંત્રને મદદરૂપ બનીએ.
◆ આપના દ્વારા આપના વિસ્તારના કોર્પોરેટર, આગેવાન અને પોલીસ મિત્ર તરીકે જેમની નિમણુંક થયેલી છે તે વિસ્તારની બહારથી આપના વિસ્તારમાં આવતા કોઈપણ વ્યક્તિને પ્રવેશતા રોકે તેમજ તાત્કાલિક વિસ્તારના સ્થાનીક પોલીસ સ્ટેશન વિભાગ અને જિલ્લાના આરોગ્ય વિભાગને જાણ કરે.
◆ આપના વિસ્તારના કોઈ પણ વ્યક્તિઓને જિલ્લા આરોગ્ય વિભાગ દ્વારા હોમ કોરોન્ટાઈન કરવામાં આવેલ હોય તેવા વ્યક્તિઓ ઘરની બહાર ન નીકળે તેની જવાબદારી ધરના સભ્ય તેમજ આડોશ પાડોશમાં રહેતા નાગરીકો લે અને જો કોઈ કોરોન્ટાઈન કરેલ વ્યક્તિ ઘરની બહાર નીકળે તો તાત્કાલીક રાહ જોયા વગર પોલીસને જાણ કરે.
◆ કોઈપણ બહારના જિલ્લાના વ્યક્તિઓને આપણા જિલ્લામાં પાસ વિના પ્રવેશ કરવાની સખત મનાય તેમજ પ્રતિબંધ મુકવામાં આવેલ છે. જો કોઈ આપણા જિલ્લામાં કે આપના વિસ્તારમાં બહાર ગામથી કોઈ વ્યક્તિ મેડીકલ ચેકપ કરાવ્યા વગર કે પાસ વગર પ્રવેશ કરે તો તાત્કાલીક પોલીસ સ્ટેશન વિભાગમાં જાણ કરે જેથી કરી તે વ્યક્તિને તાત્કાલીક કોરોન્ટાઈન કરવામાં આવે અને આપના પરિવારની રક્ષા થઈ શકે. અને તે વ્યક્તિ ઉપર કાયદેસરની કાર્યવાહી કરી ગુનો નોંધવામાં આવશે.
◆ તમામ નાગરીક અનાજ, શાકભાજી તેમજ દવા ની ખરીદી કરવા બહાર જવાનું હોય તો ઘરના એક જ સભ્ય એ બહાર ખરીદી કરવા જવું અને ખરીદી કરીને આવ્યાબાદ હેન્ડ સેનીટાયઝર નો ઉપયોગ કરવો અને ગરમ પાણીથી નહાઈ લેવું પછીજ ઘરની કોઈ ચીજ વસ્તુની અડવી જેના કારણે આપણે આપણા પરિવારને પણ બચાવી શકીએ,
◆ સાવચેતી જાળવીએ ઘરની બહાર બીનજરૂરી ન નિકળીએ.
*ઘરે રહો સુરક્ષીત રહો*
*જામનગર સીટી “બી” ડીવીઝન પોલીસ પરિવાર દ્વારા જન હીતમાં જારી*
*જય હિન્દ જય ભારત*
