Dilip Khodape Sir FC

01/05/2025

जामनेर तालुक्याच्या जनतेच्या मनातील आमदार, लोकनेते, मा. श्री. दिलीप बळीराम खोडपे सरांना वाढदिवसाच्या मनःपूर्वक शुभेच्छा!💐💐

आज आपल्या जामनेर तालुक्याचे लौकिक नेते, कार्यकुशल नेतृत्वाचे प्रतिक, आणि जनतेच्या अंतःकरणात अढळ स्थान निर्माण करणारे मा. श्री. दिलीप बळीराम खोडपे सर यांचा आज वाढदिवस!
या निमित्ताने त्यांच्या कार्यप्रवासाची, संघर्षशील प्रवृत्तीची आणि लोकहितासाठी झटणाऱ्या व्यक्तिमत्त्वाची आठवण होणे स्वाभाविक आहे.

राजकारणात आर्थिक बाजू भक्कम नसतानाही केवळ लोकांची मने जिंकून, आपल्या जनतेप्रती अढळ निष्ठेने व कार्यक्षमतेने जनसंपत्ती कमवणारे हे नेतृत्व आजच्या बदलत्या राजकीय संधिसाधू प्रवाहातही ठाम उभे आहे. नुकत्याच झालेल्या निवडणुकीत जामनेर तालुक्यातील जनतेने त्यांच्यावर दाखवलेला विश्वास ही त्यांची खरी ताकद आणि भविष्यातील यशाची पायाभूत शिला आहे.

महाराष्ट्रातील तसेच आपल्या जिल्ह्यातील सध्याच्या राजकारणात पक्षांतर, गटबाजी आणि सत्तेसाठी वाटाघाटी सर्रासपणे सुरू असताना,सरांनी पक्षांतर हे सत्तेसाठी नव्हे तर जनतेच्या भावनांचा सन्मान म्हणून केले,कोणत्याही आर्थिक आमिषांना बळी न पडता, लोकांचा सच्चा चेहरा म्हणून त्यांनी सामाजिक आणि राजकीय भूमिका बजावली याचा सार्थ अभिमान आहे.

आजही सर आपण जामनेरमधील प्रत्येकाच्या सुख-दुःखात, संकटात, उत्सवात सहभागी होतात. हीच आपली खरी ओळख आहे – एक लोकनेता, जो फक्त निवडणुकांच्या काळात नाही, तर प्रत्येक क्षणी जनतेच्या सेवेत कार्यरत असतो.

नक्कीच, हा संयमी, प्रामाणिक आणि जिद्दी प्रवास भविष्यात आपल्यावर मोठी जबाबदारी सोपवेल, आणि ती जबाबदारी पार पाडण्यासाठी सर पूर्णपणे सज्ज आहेत, याची खात्री प्रत्येक कार्यकर्त्याला आहे.

खोडपे सरांना पुनश्च एकदा वाढदिवसानिमित्त हार्दिक शुभेच्छा!
आपले आरोग्य, यश आणि जनसेवा सदैव बहरत राहो, हीच ईश्वरचरणी प्रार्थना.

Dilip Baliram Khodape

Gaurav Dilip Khodape

21/04/2025

जिजाऊ रथयात्रेचे जामनेर तालुक्यातील स्वागत अत्यंत भव्य आणि उत्साही वातावरणात पार पडले.
मराठा जोडो अभियानांतर्गत मराठा सेवा संघाच्या माध्यमातून हा ऐतिहासिक उपक्रम राबवण्यात आला, ज्याने केवळ मराठाच नव्हे तर सर्वच समाजबांधवांचे लक्ष वेधले.

मा.श्री. दिलीप खोडपे सर यांनी समाज बांधवांसमवेत माळार्पण करून रथयात्रेचे स्वागत केले.

क्रांतीसूर्य महात्मा फुले चौक, बोदवड येथून प्रारंभ झालेल्या या यात्रेचा जामनेर शिवसृष्टी, पळासखेडा बुद्रुक, चिंचखेडे बुद्रुक, नेरी आदी ठिकाणी थाटात सहभाग झाला आणि नंतर रथयात्रा जळगावकडे रवाना झाली.

जय जिजाऊ – जय शिवराय!

11/04/2025

15/03/2025

आपल्या जामनेर तालुक्यातील वाकोद गावाजवळ सुरू असलेल्या रस्त्याच्या कामाची अवस्था पाहून सामान्य नागरिक म्हणून मनात प्रचंड संताप आणि हताशपणा निर्माण होतो. सरकारी निधीतून होणाऱ्या कामांची स्थिती दिवसेंदिवस ढासळत चालली आहे, आणि प्रशासन मात्र डोळे झाकून बसले आहे. करदात्यांच्या पैशातून उभ्या राहणाऱ्या प्रत्येक पायाभूत सुविधेचा उपयोग हा दीर्घकाळ टिकणारा असावा, हे तर मूलभूत तत्त्व आहे. मात्र, प्रत्यक्षात ठेकेदार आणि संबंधित यंत्रणा मिळून निकृष्ट दर्जाचे साहित्य वापरून कामे उरकत असल्याचे वारंवार दिसून येते. आणि सर्वात धक्कादायक म्हणजे, सामान्य लोकांनी आवाज उठवल्यानंतरही यावर कुठलीही ठोस कारवाई केली जात नाही.

या विशिष्ट रस्त्याचे काम पाहता, पहिल्याच नजरेत याचा दर्जा किती हलका आहे हे स्पष्ट दिसते. ज्या ठिकाणी मजबूत स्टील किंवा फायबरचेच परंतु हाय क्वालिटी रेनफोर्समेंट साहित्य लागते, तिथे प्लास्टिक फायबरचे कमकुवत साहित्य वापरले जात आहे. रस्त्याचे मजबुतीकरण करणे ही सरकारची जबाबदारी असते, पण जर अशा प्रकारे दिखाऊ आणि टेम्पररी उपाययोजना करून निधी लाटला जात असेल, तर विकासाच्या नावाखाली हा सरळसरळ फसवणुकीचा प्रकार म्हणावा लागेल. आज या निकृष्ट कामामुळे काही महिने गाड्या रस्ता गुळगुळीत असल्याचा आनंद घेतील, पण वर्षभरातच खड्डे आणि खराब रस्त्यांचा त्रास सुरू होईल, आणि मग पुन्हा त्याच रस्त्यासाठी नवा निधी मंजूर केला जाईल. यातून कोणाचा फायदा होतो? अर्थातच ठेकेदारांचा आणि त्यांना पाठीशी घालणाऱ्या भ्रष्ट अधिकाऱ्यांचा किंवा नेत्याचा.

अजून एक महत्त्वाचा मुद्दा म्हणजे, या प्रकाराकडे स्थानिक लोकप्रतिनिधींचे संपूर्ण दुर्लक्ष आहे किंवा पाठीशी घालणे चालू आहे. ज्या लोकांनी जनतेकडून मते मागून सत्ता मिळवली, त्यांचीच आज जबाबदारी उचलण्याची तयारी नाही. निवडणुकीच्या वेळी मोठी भाषणे देणारे हे लोकप्रतिनिधी प्रत्यक्षात अशा मूलभूत प्रश्नांवर कानाडोळा करतात. त्यांना जनतेच्या सोयीपेक्षा आपल्या राजकीय गणितांची अधिक काळजी आहे. ठेकेदारांची चूक असली तरी ती रोखण्याची जबाबदारी लोकप्रतिनिधींची आहे, पण येथे मात्र या प्रश्नाला हात लावण्यास कोणीही तयार नाही. यावरून स्पष्ट होते की, सत्ताधाऱ्यांनीच हे डोळेझाक धोरण अवलंबले आहे.

या कामासाठी आलेला निधी हा करदात्यांच्या पैशांतून उभारला गेला आहे. सामान्य लोकांनी प्रामाणिकपणे भरलेला कर जर अशा प्रकारे वाया जात असेल, तर हा देशाच्या विकासावरील एक मोठा प्रश्नचिन्ह आहे. सरकारी निधीचा योग्य वापर झाला पाहिजे, काम दर्जेदार झाले पाहिजे, आणि नागरिकांनीही हे लक्षपूर्वक पाहिले पाहिजे. काही महिन्यांत हा रस्ता खराब होऊन त्याच्या दुरुस्तीसाठी पुन्हा निधी मंजूर केला जाणार, आणि हा सगळा पैसा काही लोकांच्या खिशात जाणार व पुन्हा यांची मालमत्ता दिवसेंदिवस कित्येक पटीने वाढत राहणार. हे जसे उघड आहे, तसे हे प्रकार चालूच राहतील, याची भीतीही आहे.

ही परिस्थिती बदलायची असेल, तर सामान्य नागरिकांनी आवाज उठवणे गरजेचे आहे. सोशल मीडियावर, वृत्तपत्रांत, तसेच थेट प्रशासनाकडे तक्रारी करून हा विषय अधिकाधिक लोकांपर्यंत पोहोचवला पाहिजे नाहीतर येत्या काळात याहूनही अधिक निकृष्ट दर्जाची कामे उभी राहतील, आणि त्याचा त्रास फक्त जनतेलाच होईल. त्यामुळे आपण सर्वांनी जागरूक राहून प्रशासनाला आणि लोकप्रतिनिधींना प्रश्न विचारण्याची हिम्मत ठेवली पाहिजे. विकासाच्या नावाखाली होणाऱ्या भ्रष्टाचाराला आळा घालण्यासाठी हीच खरी वेळ आहे!

#निकृष्ट #व्हायरल #व्हिडिओ #जामनेर

08/03/2025

💐निधन वार्ता💐

स्व.भूषण अरविंद खोडपे रा.नेरी बु.यांचे आज दुपारी 3 वाजता अल्पशा आजाराणार दुःखद निधन झाले त्यांची अंत्ययात्रा नेरी बुद्रुक येथील राहत्या घरून रात्री 8:30 वाजता निघेल ते श्री.अरविंद गोविंदा खोडपे यांचे चिरंजीव तर श्री.दिलीप खोडपे सर यांचे पुतणे होते.
ईश्वर त्यांच्या आत्म्यास चिरशांती देवो..
भावपूर्ण श्रद्धांजली 🙏🙏💐💐

शोकाकुल - समस्त खोडपे परिवार नेरी बु.

19/02/2025

गडकोटांइतकीच अभेद्य आमची निष्ठा, शिवरायांच्या विचारांइतकीच अढळ अशी प्रेरणा!
जय भवानी, जय शिवाजी!🚩🙏

#शिवजयंती #छत्रपतीशिवराय #शुभेच्छा

15/02/2025

जय सेवालाल🙏🙏💐

जग काय म्हणेल,
काय करेल,
याचा विचार तू करू नकोस.

जो तुझा मार्ग आहे,
तोच खरा मार्ग आहे,
फक्त पुढे वाटचाल कर!

जानजो, छानजो पछच मानजो|
सौतार ओळख सौताच कर लीजो||

श्री संत सेवालाल महाराज यांना जयंतीनिमित्त विनम्र अभिवादन! 💐🙏

- श्री. दिलीप बळीराम खोडपे (सर)

#सेवालाल #जामनेर #दिलीपखोडपेसर

09/02/2025

📍शहापुरा - आज येथे क्रिकेट टूर्नामेंटचे आयोजन करण्यात आले आहे, स्पर्धेचा शुभारंभ लोकनेते श्री. दिलीप खोडपे सर यांच्या हस्ते मोठ्या उत्साहात आणि पारंपरिक पद्धतीने छत्रपती शिवरायांच्या व वीर शिरोमणी महाराणा प्रताप तसेच आदि महापुरुषांच्या प्रतिमेचे पूजन करून करण्यात आला. या उद्घाटन समारंभाला आयोजक मंडळाचे सदस्य, कार्यकर्ते तसेच पंचक्रोशीतील क्रिकेटप्रेमी मोठ्या संख्येने उपस्थित होते. खेळाडूंचा उत्साह आणि प्रेक्षकांची गर्दी यामुळे संपूर्ण परिसरात क्रीडा संस्कृतीला नवे बळ मिळाले. या स्पर्धेच्या माध्यमातून युवा खेळाडूंना आपली गुणवत्ता सिद्ध करण्याची संधी मिळणार आहे.

#शहापुरा #टूर्नामेंट #क्रिकेट #जामनेर