24/06/2026
ଲମ୍ବା ସମୟ ର ସଂଘର୍ଷ ପରେ ସେମେଲପଦର ଗ୍ରାମ ର ୬୩ ଆଦିବାସୀ ପରିବାର ୧୭୪ ଏକର ୬୨ ଡେସିମିଲ ଜଙ୍ଗଲ ଜମି ଉପରେ ବ୍ୟକ୍ତିଗତ ଅଧିକାର ପାଇଲେ । ଜଙ୍ଗଲ ତଥା ଅଣ- ସର୍ଭେ ଗ୍ରାମ ସେମେଲପଦର ବାସୀ ଏହି ଗରିବ ପରିବାର ବହୁବର୍ଷ ଧରି ନିଜ ଅଧିକାର ପାଇଁ ଲଢେଇ କରୁଥିଲେ । ଏଥିରେ ୧୯୯୫ ପରଠାରୁ ଅନ୍ତୋଦୟ ଅନୁଷ୍ଠାନ ମଧ୍ୟ ସାମିଲ ହୋଇଥିଲା ଓ ଗ୍ରାମବାସୀଙ୍କୁ ଦାବି ଦାଖଲ କରିବା ଦିଗରେ ସହଯୋଗ କରିବା ସହିତ ତାଙ୍କର ଦକ୍ଷତା ବୃଦ୍ଧି ନିମନ୍ତେ ତାଲିମ ସବୁ ଆୟୋଜନ କରିବା ସଂଗେସଂଗେ ଆଇନସହାୟତା ଯୋଗାଇ ଆସୁଛି । ଜଙ୍ଗଲ ଅଧିକାର ଆଇନ ୨୦୦୬ ଲାଗୁ ହେବ ପରେ ବହୁବାର ଦାବି ଦାଖଲ ହୋଇଛି, କିନ୍ତୁ ସବୁ ନାଲି ଫିତା ତଳେ ରହିଯାଉଥିଲା । ଶେଷରେ ଆଜି ୬୩ ପରିବାର ବ୍ୟକ୍ତିଗତ ଜଙ୍ଗଲ ଅଧିକାର ପାଇଛନ୍ତି, ୬ ପରିବାରଙ୍କୁ ମିଳିବା ବାକି ରହିଛି । ଗୋଷ୍ଠିଗତ ଦାବି ମିଳିବ ବୋଲି ପ୍ରକ୍ରିୟା ସାରିଥିଲେ ମଧ୍ୟ ପ୍ରଶାସନିକ ଅବହେଳା ରୁ ଆଜି ମିଳିପାରି ନାହିଁ । ଆଜି ମଧ୍ୟ ରାଜସ୍ବ ଗ୍ରାମ ମାନ୍ୟତା ବହୁ ଦୂରରେ ଅଛି । ସଂଘର୍ଷ ଅଧା ସଫଳ ହୋଇଛି । ରାଜସ୍ବ ମନ୍ତ୍ରୀଙ୍କ ହାତରୁ ଜଙ୍ଗଲ ଜମି ଶିରୋନାମା ଗ୍ରହଣ କରିଛନ୍ତି ଗ୍ରାମବାସୀ । ଆମର ପ୍ରଚେଷ୍ଟା କିଛି ସଫଳତା ପାଇଛି କିଛି ବାକି ରହିଛି ।
