Raju Kumar Medok Fan Club

31/10/2026

30/10/2026

শ্ৰদ্ধাঞ্জলি
​"অগ্ৰণী পুৰুষৰ স্মৃতিত: যুগল কিশোৰ দলে ডাঙৰীয়াৰ আদ্যশ্ৰাদ্ধত গভীৰ শ্ৰদ্ধা..."
​মিচিং সমাজৰ প্ৰথম মেট্ৰিক উত্তীৰ্ণ দীপ্তিমন্ত নক্ষত্ৰ স্বৰ্গীয় পাৰ্বতী দলে দেৱৰ সুযোগ্য সন্তান, নম্ৰতা আৰু কৰ্তব্যপৰায়ণতাৰ প্ৰতীক যুগল কিশোৰ দলে ডাঙৰীয়া আমাৰ মাজৰ পৰা চিৰদিনলৈ বিদায় ল’লে।
​তেওঁৰ আদ্যশ্ৰাদ্ধ তথা ‘ওৰম আপিন’ৰ এই পৱিত্ৰ ক্ষণত তেওঁৰ অমায়িক ব্যৱহাৰ আৰু সমাজপ্ৰাণ ব্যক্তিত্ব গভীৰভাৱে সোঁৱৰিছোঁ। পিতৃৰ আদৰ্শ বুকুত বান্ধি সমাজৰ কল্যাণত নিজকে উছৰ্গা কৰা এই গৰাকী আদৰ্শবান ব্যক্তিৰ বিয়োগ আমাৰ সমাজৰ বাবে এক অপূৰণীয় ক্ষতি।
​পৱিত্ৰ আত্মালৈ চিৰশান্তি কামনা কৰাৰ লগতে শোকত ম্রিয়মাণ পৰিবাৰলৈ জনাইছোঁ গভীৰ সমবেদনা। ঈশ্বৰে তেওঁক চিৰশান্তি প্ৰদান কৰক।

​ Raju Medok

28/10/2026

বিশিষ্ট চিত্ৰশিল্পী নীলপৱন বৰুৱাৰ মৃত্যু বাৰ্ষিকীত তেখেতলৈ গভীৰ শ্ৰদ্ধাঞ্জলি জ্ঞাপন কৰিছোঁ।

অসমৰ চিত্ৰকলাৰ জগতখনক নিজৰ অনন্য শিল্পশৈলী আৰু সৃষ্টিৰে সমৃদ্ধ কৰা নীলপৱন বৰুৱাৰ অৱদান চিৰস্মৰণীয় হৈ ৰ’ব। তেওঁৰ তুলিকাৰ পৰশত প্ৰকাশ পাইছিল জীৱন, সমাজ আৰু সংস্কৃতিৰ এক অনন্য প্ৰতিফলন।

তেখেতৰ শিল্পকৰ্ম আৰু সৃষ্টিৰাজিয়ে নতুন প্ৰজন্মক সদায় অনুপ্ৰাণিত কৰি থাকিব।

28/10/2026

ৰাজ্যখনত বা জোনাই সমষ্টিত কি জনপ্ৰতিনিধিৰ অভাৱ হৈছে? জোনাই সমষ্টিৰ সন্মানীয় স্থানীয় বিধায়কজন ক'ত? যিসকলে নিৰ্বাচনৰ সময়ত ৰাইজৰ ভোট লৈ ৰাইজৰ প্ৰতিনিধি হোৱাৰ গৌৰৱ লয়, আজি সেইজনপ্ৰতিনিধিসকলেই পিতৃ-মাতৃহাৰা হৈ পথৰুৱা হোৱা তিনিটি কণ কণ শিশুৰ দায়িত্ব ল'বলৈ কিয় কুন্ঠাবোধ কৰিছে?
​আজি ৰাজাখাত এটা অতি মৰ্মান্তিক দৃশ্য দেখা গৈছে—য'ত পিতৃ-মাতৃৰ আকস্মিক মৃত্যুৰ পিছত তিনিটি দুৰ্ভগীয়া সৰু ল'ৰা-ছোৱালীয়ে এচটা অন্ন আৰু পঢ়া-শূনাৰ সামান্য আশাত আকাশলৈ চাই ৰৈছে। কিন্তু আচৰিত কথা যে, গাঁৱৰ অধিকাংশ লোকেই যদি শাসকদলৰ মন্ত্ৰী-বিধায়কৰ সৈতে সুসম্পৰ্ক ৰাখি চলে, তেন্তে কিয় এই অসহায় শিশুহঁতৰ চকুলো মচিবলৈ কোনো আগবাঢ়ি নাহিল?
​দলীয় সমীকৰণ বা ব্যক্তিগত স্বাৰ্থৰ ঊৰ্ধ্বত উঠি মানৱীয়তাৰ পৰিচয় দিয়াটোৱেই হৈছে এজন প্ৰকৃত জনপ্ৰতিনিধিৰ প্ৰথম আৰু প্ৰধান দায়িত্ব। কেৱল ভোটৰ বাকচ ভৰ্তি কৰাৰ বাবেই নেকি জনপ্ৰতিনিধিৰ জন্ম?
​জোনাই সমষ্টিৰ স্থানীয় বিধায়ক মহোদয়লৈ আমাৰ সবিনয় তথা জোৰদাৰ দাবী— আপুনি শীঘ্ৰেই এই তিনিটি পিতৃ-মাতৃহাৰা কণ কণ ল'ৰা-ছোৱালীৰ পঢ়া-শুনা, থকা-খোৱা আৰু ভৱিষ্যতৰ সমগ্ৰ দায়িত্ব নিজৰ হাতলৈ লওক। আপোনাৰ এটা বলিষ্ঠ পদক্ষেপে এই অভাগা শিশুহঁতৰ জীৱনলৈ পুনৰ হাঁহি ঘূৰাই আনিব পাৰে। ৰাইজে এতিয়া প্ৰতিশ্ৰুতি নহয়, প্ৰকৃত কাৰ্যপন্থা বিচাৰে।

​
Raju Medok

27/10/2026

জনতাৰ সুৰক্ষাৰ বিপৰীতে দমনমূলক নীতি: এক ব্যৰ্থ প্ৰশাসনৰ ভয়ংকৰ ছবি
​যিখন ৰাজ্যত গণতান্ত্ৰিক প্ৰতিবাদৰ কণ্ঠৰুদ্ধ কৰিবলৈ, সৃষ্টিশীল মনক শংলিত কৰিবলৈ আৰু কবিতা-চিত্ৰকলাৰ সাধকক গ্ৰেপ্তাৰ কৰিবলৈ আৰক্ষীৰ শক্তি অপব্যয় কৰা হয়, তাত অপৰাধীৰ দৌৰাত্ম্য যে নিয়ন্ত্ৰণহীন হ’ব, সেয়াই স্বাভাৱিক। অসমৰ গৃহ বিভাগ আৰু আৰক্ষী প্ৰশাসন আজি জনতাৰ সুৰক্ষাৰ প্ৰতি দায়বদ্ধ থকাৰ পৰিৱৰ্ত্ত চৰকাৰী দমনমূলক নীতি ৰূপায়ণ কৰাতহে অধিক ব্যস্ত।
​তাৰেই এক ভয়ংকৰ তথা কলংকিত পৰিণতি আজি অসমবাসীয়ে প্ৰত্যক্ষ কৰিলে। আৰক্ষীৰ তনকিয়াল বেহু আৰু জনবহুল বুলি দাবী কৰা মহানগৰীৰ এখন হোটেলৰ ভিতৰতে দুৰ্বৃত্তৰ নিৰ্বিচাৰ গুলীচালনাত পাঁচজনকৈ নিৰীহ মানুহৰ প্ৰাণহানি হ’ল। এই ঘটনাই পুনৰবাৰ উদঙাই দিলে যে সাধাৰণ নাগৰিকৰ প্ৰাণৰ সুৰক্ষা দিয়াটো বৰ্তমান প্ৰশাসনৰ বাবে সম্পূৰ্ণ গৌণ হৈ পৰিছে।
​যিজন গৃহমন্ত্ৰীয়ে সংবাদ আৰু প্ৰতিবাদ দমন কৰাতহে নিজৰ কুশলতা প্ৰদৰ্শন কৰি আহিছে, তেওঁ আজি ৰাজ্যৰ আইন-শৃংখলা ৰক্ষা কৰাত আৰু সাধাৰণ মানুহক নিৰাপত্তা প্ৰদান কৰাত চূড়ান্তভাৱে ব্যৰ্থ হৈছে। ন্যূনতম নৈতিক দায়িত্ববোধ বাকী আছে যদি, এই শোকাৱহ পৰিস্থিতিৰ দায়িত্ব লৈ গৃহমন্ত্ৰী হিমন্ত বিশ্ব শৰ্মাই অবিলম্বে পদত্যাগ কৰক। অসমৰ ৰাইজে আৰু কিমান নিৰীহৰ তেজ দেখিব?
​
​